Morgunblaðið - 15.06.2004, Blaðsíða 21

AUSTURLAND
MORGUNBLAÐIÐ ÞRIÐJUDAGUR 15. JÚNÍ 2004 21
1. flokki 1989 – 55. útdráttur
1. flokki 1990 – 52. útdráttur
2. flokki 1990 – 51. útdráttur
2. flokki 1991 – 49. útdráttur
3. flokki 1992 – 44. útdráttur
2. flokki 1993 – 40. útdráttur
2. flokki 1994 – 37. útdráttur
3. flokki 1994 – 36. útdráttur
H
V
ÍT
A
H
Ú
S
IÐ
/
Nú hefur farið fram útdráttur húsbréfa
í eftirtöldum flokkum:
Útdráttur
húsbréfa
Húsbréf
Koma þessi bréf til innlausnar 15. ágúst 2004.
Öll númerin verða birt í Lögbirtingablaðinu.
Auk þess eru númer úr fjórum fyrsttöldu flokkunum
hér að ofan birt í DV, þriðjudaginn 15. júní.
Upplýsingar um útdregin húsbréf má einnig finna
á heimasíðu Íbúðalánasjóðs: www.ils.is.
Borgartúni 21 105 Reykjavík Sími 569 6900 Fax 569 6800
Djúpivogur | Skógræktarfélag Djúpavogs var
stofnað 1952. Það voru þeir Trausti Pétursson,
Þorsteinn Sigurðsson og Þorsteinn Sveinsson sem
stofnuðu félagið og hófust strax handa við að
gróðursetja á Búlandsnesi. Í dag er þar mynd-
arlegur skógur sem býr yfir sérstaklega miklum
töfrum sakir hárra kletta og sérkennilegs lands-
lags. Rétt fyrir utan skógræktina býr núverandi
formaður Skógræktarfélags Djúpavogs, Ragn-
hildur Garðarsdóttir, ásamt eiginmanni sínum
Sigurði Guðjónssyni.
Fréttaritari Morgunblaðsins heimsótti þau
hjón einn blíðviðrisdaginn á heimili þeirra, sem
ber nafnið Askur.
Ógrisjaður eftir 52 ára vöxt
Ragnhildur Garðarsdóttir tók við formennsku
árið 1994 og hefur nú starfað fyrir félagið í 10 ár.
Á þessum árum hefur skógræktin tekið miklum
stakkaskiptum en þau hjón hafa, ásamt fleirum,
unnið hörðum höndum að því að gera skóginn að
sannkallaðri útivistarparadís.
„Mér féllust nú eiginlega hendur þegar ég tók
til starfa sem formaður félagsins,“ segir Ragn-
hildur. „Þar hafði aldrei verið grisjað, aðeins
gróðursett sl. 52 ár. Hvergi var hægt að ganga um
skóginn, svo þéttur var hann. Ég var tvö ár að
safna kröftum til að hefjast handa en eftir að við
hjónin byrjuðum var ekki aftur snúið. Við ein-
beittum okkur í fyrstu að því að grisja sem mest
svo trén fengju birtu og hægt væri að ganga um
skóginn. Seinna fórum við svo að leggja göngu-
stíga með kurli sem við fáum frá Hallormsstað.
Smám saman hefur okkur tekist að byggja þetta
upp og nú er svo komið að hér stoppa mjög margir
ferðamenn til að skoða skóginn og nýta þá jafnvel
bekki og borð til snæða nestið sitt.“
Skógurinn skartar listaverkum
En það eru fleiri en ferðamenn sem nýta sér að-
stöðuna í skógræktinni því heimamenn eru þar
líka fastagestir. Sú hefð hefur skapast að leik-
skólabörnin setja upp listaverkasýningu í skóg-
inum í kringum Jónsmessuna sem kölluð er
„Skreytum skóginn“. Þar hjálpast börn og full-
orðnir við að koma fyrir myndum sem börnin hafa
málað ásamt myndskreyttum steinum, sem raðað
er eftir stígunum. Það er notalegt að ganga um
skóginn á bjartri júnínóttu, skoða listaverk og
heyra veikan bjölluhljóm úr heimagerðum bjöll-
um sem börnin hafa komið fyrir í trjánum. Grunn-
skólanemendur fara líka reglulega í skóginn og nú
stendur til að nemendur í 6. bekk aðstoði Ragn-
hildi og hennar fólk við að bera áburð á trén fyrir
sumarið.
Drumbar öðlast nýtt líf
En hvaðan hefur Ragnhildur þennan brennandi
áhuga á skógrækt? „Þegar ég var ellefu ára kom
Einar Jóhannsson bóndi á Geithellum í heimsókn
til okkar og gaf mér nokkrar plöntur sem ég mátti
gróðursetja. Ég man ennþá tilfinninguna og síðan
þá hef ég haft endalausan áhuga á ræktunar-
málum,“ svarar Ragnhildur.
Garður þeirra hjóna er ævintýraheimur út af
fyrir sig en þar hafa þau komið fyrir ýmsum lista-
verkum sem þau hafa sjálf búið til. Bæði hafa þau
mikinn áhuga á hlutum úr náttúrunni og hafa
safnað ýmsu í gegnum tíðina. Má þar nefna fallegt
steinasafn og rekaviðardrumba sem hafa fengið
nýtt líf í höndum þeirra. Ragnhildur hefur einnig
ræktað upp fallegar plöntur, m.a. frá Kanada og
Austurríki.
En þau hjón gera fleira en að sinna skógrækt
því á sumrin stunda þau sjóinn á smábátnum Sillu
sem þau hafa átt í mörg ár. „Áður fyrr stunduðum
við sjóinn allan ársins hring en nú róum við bara á
sumrin. Mér finnst best að skella mér beint í
ræktina þegar ég kem heim af sjónum, það er mín
besta afslöppun,“ segir Ragnhildur.
Nýtt ræktunarsvæði við Merki
Hvað er svo framundan hjá Skógræktarfélagi
Djúpavogs? „Undanfarin tvö ár höfum við ekkert
gróðursett vegna þess að ekki hafa verið til pen-
ingar til að girða nýja ræktunarsvæðið við Merki.
Nýlega veitti Landgræðslusjóður félaginu tvö-
hundruð þúsund króna styrk til að girða og nú er
verið að undirbúa þá vinnu. Sveitafélagið styrkti
okkur einnig um annað eins sem á eftir að koma
sér vel.“
Það var Skarphéðinn Smári Þórhallsson sem
lagði fram tillögur um ný ræktunarsvæði en hann
hafði samband við skógræktarfélagið og hafði
áhuga á að vinna með því að þessu verkefni. Ragn-
hildur reiknar með að það taki 4–5 ár að planta í
þetta svæði. „Við höfum nú þegar fengið þrjú þús-
und plöntur frá Landgræðslunni sem við ætlum
að gróðursetja í ár.“
Það er greinilega mikill kraftur í skógrækt-
arfólki á Djúpavogi. „Ég hlakka til að fara að
gróðursetja á ný. Ég þyrfti bara að hafa fleiri
stundir í sólarhringnum, það er verst að þurfa að
eyða tíma í að sofa!“ segir Ragnhildur og hlær.
Það er greinilegt að þessi lífsglaða kona nýtur lífs-
ins í skógræktarparadísinni á Djúpavogi.
Skógrækt á Djúpavogi hefur tekið stakkaskiptum síðasta áratuginn
Morgunblaðið/Sólný Pálsdóttir
Kraftur í skógræktarfólki: Ragnhildur Garðarsdóttir, formaður Skógræktarfélags Djúpavogs.
Töfrandi
skógarpara-
dís á Bú-
landsnesiSjómannadegi fagnað | Það varlíflegt við höfnina á Fáskrúðsfirði ásjómannadaginn eins og vera ber.
Skipshöfnin á Hoffelli knúði fram
sigur í kappróðri dagsins og fékk
að launum bikar einn góðan sem
áhöfnin á Ljósafellinu hefur marg-
oft unnið áður og hefði unnið til
eignar þetta árið, ef Hoffellingar
hefðu ekki haft sigur.Blómsveigur
var lagður að minnisvarða um
drukknaða sjómenn á Fáskrúðsfirði
og þá gengið frá kirkju að skipum
og haldin helgistund. Finnbogi
Jónsson og Guðni Gestsson fengu
við það tækifæri viðurkenningar
fyrir áralangt starf að sjómennsku.
Morgunblaðið/Albert Kemp
Sæbarðir kappar á Fáskrúðsfirði:
Finnbogi Jónsson og Guðni Gests-
son heiðraðir á sjómannadegi.
Þrír heiðraðir | Hátíðarhöld sjó-
mannadagsins í Neskaupstað fóru
fram með hefðbundnum hætti þetta
árið. Meðal atriða má nefna sjó-
stangaveiðimót, dorgveiðikeppni,
kappróður, móttökuathöfn í tilefni af
komu nýs björgunarskips, hópsigl-
ingu og sjómannamessu. Þrír aldr-
aðir sjómenn sem sótt hafa sjóinn í
áratugi voru heiðraðir að þessu
sinni, þeir Hreinn Stefánsson, Lúð-
vík Davíðsson og Sigurður Arnfinns-
son.
Morgunblaðið/Ágúst Blöndal
Aldnir sjómenn heiðraðir: Sigurður
Arnfinnsson, Hreinn Stefánsson og
Lúðvík Davíðsson.
Reyðarfjörður | Elstu nemendur leikskólans Lyngholts á
Reyðarfirði, ásamt fyrstu forstöðukonunni Þuríði Guð-
laugsdóttur, tóku fyrstu skóflustungurnar að stækkun
leikskólans Lyngholts á Reyðarfirði nýlega.
Var mokað af miklum krafti og síðar verða nöfn
barnanna sett á skóflusköftin til minningar um þennan
atburð.
Byggð verður 400 fermetra bygging í suður frá nú-
verandi húsi og á henni að verða lokið 1. júní 2005 og í
framhaldi af því verður núverandi húsnæði endurbætt.
Byggingaraðili er Saxa ehf. á Stöðvarfirði og var
skrifað undir samningana samhliða skóflustungunni. Í
bygginguna bárust 3 tilboð, Saxa ehf. bauð 82 milljónir,
Viðhald fasteigna 89 milljónir og Íslenskir aðalverktak-
ar 128 milljónir.
Lyngholt stækkar
Morgunblaðið/Hallfríður Bjarnadóttir
Þau stækka leikskólann sinn: Elstu nemendur Lyng-
holts á Reyðarfirði tóku skóflustungur að viðbygg-
ingu ásamt Þuríði Guðlaugsdóttur.
Egilsstaðir | Nýverið hittu þeir
Sölvi Snær Sigurðarson og Jakob
Þráinn Valgeirsson bæjarstjóra
Austur-Héraðs, Eirík Bj. Björgvins-
son og afhentu honum áskorun um
að bæjaryfirvöld komi upp hjóla-
bretta- og línuskautarampi í bæn-
um.
Eiríkur tók erindrekunum ungu
ljúfmannlega og sagði þeim að um-
hverfisráð hefði orðið vart við áhuga
á málinu og nýlega skorað á um-
hverfissvið Austur-Héraðs að ráðast
í uppsetningu hjólabretta- og línu-
skautaramps.
Drengirnir höfðu farið í bygginga-
vörudeild Kaupfélags Héraðsbúa og
fengið uppreiknað fyrir sig að efni í
ramp myndi kosta á bilinu 70 til 80
þúsund krónur. Sögðu þeir í bréfi til
bæjarstjórnar að ef ekki yrði brugð-
ist við erindi þeirra myndu þeir
sjálfsagt byrja að smíða rampinn
sjálfir og borga hann úr eigin vasa.
„Við þurfum að fá ykkur í lið með
okkur, þar sem þið hafið svo mikinn
metnað til að koma þessari aðstöðu
upp hér í bænum. Þið þyrftuð því að
hjálpa okkur að sjá um að svæðið
yrði í góðu lagi og vel umgengið“
sagði Eiríkur. „Það er fínt að fá
þessar upplýsingar og ég mun koma
þeim til umhverfisráðs sem vinnur
að málinu. Eina vandamálið verður
að finna rampinum svæði sem allir
eru sáttir við.“ Og nú er að sjá hvort
hinir ungu, sem ekki láta sitja við
orðin tóm, fá ósk sína uppfyllta.
Vilja fá hjólabretta- og línuskautaramp fyrir krakkana í bænum
Piltar á Egilsstöðum af-
henda bæjarstjóra áskorun
Morgunblaðið/Steinunn Ásmundsdóttir
Hvetja bæinn til framkvæmda: Jak-
ob Þráinn Valgeirsson og Sölvi
Snær Sigurðarson afhentu Eiríki
Bj. Björgvinssyni áskorun og kostn-
aðaráætlun fyrir byggingu hjóla-
bretta- og línuskautaramps.