Morgunblaðið - 15.06.2004, Síða 27
UMRÆÐAN
MORGUNBLAÐIÐ ÞRIÐJUDAGUR 15. JÚNÍ 2004 27
Viltu: Já Nei
1a Öflugt miðbæjaríf bæði dag og nótt
1b Öflugt miðbæjarlíf eftir miðnætti
2a Fleiri borgarbúa sem búa í nálægð við miðbæinn
2b Fleiri borgarbúa sem búa sem næst Hveragerði, Akranesi eða
Reykjanesbæ
3a Skilvikar almenningsamgöngur
3b Engar alenningssamgöngur/ tregar almenningssamgöngur
4a Standa undir rekstri á einum fjölskyldubíl og þrem reiðhjólum
4b Vinna fyrir kostnaðinum við rekstur tveggja – fjögurra fjöl-
skyldubíla
5a Nota minni kjörtíma í akstur við útréttingar fjölskyldunnar
5b Nota meiri kjörtíma í akstur við útréttingar fjölskyldunnar
6a Halda menningarnótt í miðbænum þar sem ennþá eru verslanir
6b Halda menningarnótt í Kringlunni
7a Halda upp á 17. júní í lifandi miðbæ
7b Halda upp á 17.júní í Smáralind
8a Tengja framtíðar byggingarland í Vatnsmýrinni við miðbæinn
og nærliggjandi hverfi
8b Gera framtíðar byggingarland í Vatnsmýrinni að úthverfi
9a Eignast hátækni sjúkrahús LSH þar sem A, B og C hlutar þess
eru ekki aðskildir með stórum umferðarmannvirkjum
9b Eignast hátækni sjúkrahús LSH sem mun byggjast upp á þrem
umferðareyjum A er norðan við gömlu Hringbrautina, B-hlutinn
er á milli gömlu og nýju Hringbrautarinnar. C er sunnan við
nýja ofanjarðar Hringbraut.
10a Minnka loft- og hljóðmengun
10b Auka loft – og hljóðmengun
11a Nota skattpeninga þína til þess að borga fyrir neðanjarðar
Hringbraut
11b Nota skattpeninga þína til þess að borga fyrir sex akreina
ofanjarðar Hringbraut
12a Samfellda byggð frá Reykjavíkurhöfn að Nauthólsvík
12b Sundurskorna byggð í hjarta höfuðborgarinnar þar sem fram-
tíðaríbúar Vatnsmýrarinnar þurfa að koma sér yfir 6 akreina
stofnbaut til að komast með börnin sín að Tjörninni til að gefa
öndunum brauð.
HVERNIG höfuð-
borg viljum við Ís-
lendingar eiga og láta
afkomendur okkar
taka við?
(SJÁ TÖFLU)
Kæri lesandi, þetta
eru bara nokkrar
þeirra stóru spurn-
inga sem við öll ætt-
um að spyrja okkur.
Skipulagsmál snerta
líf, heilsu og fjárhag
okkar allra.
Ef þú hefur kross-
að við já í flestum lið-
um merktum b þá
skaltu ekki lesa
lengra. Þeir sem hins
vegar hafa krossað
við já í flestum liðum
merktum a ættu að
láta rödd sína heyrast
með því að skrifa sig á undir-
skriftalista þar sem þess er krafist
að framkvæmdir við ofanjarðar 6
akreina Hringbraut sem á eftir að
liðast um Vatnsmýrina verði stöðv-
aðar og spurningin um
ofan- eða neðanjarðar
Hringbraut borin und-
ir atkvæði íbúanna í
tengslum við vænt-
anlegar kosningar um
fjölmiðlafrumvarpið.
Undirskriftalistinn
er á slóðunum forsíða
www.mbl.is og
www.tj44.net/
hringbraut/
Söfnun undirskrifta
lýkur um miðnætti
mánudaginn 21. júní.
Etv. auðveldar það
þér að mynda þér
skoðun um þetta stór-
mál ef þú lest frétt á
bls. 4 í Fréttablaðinu
sunnudag 13. júní.
„Hringbraut í opinn
stokk.“
Líf eða dauði
höfuðborgar
Dóra Pálsdóttir skrifar um
færslu Hringbrautarinnar
Dóra Pálsdóttir
’Skipulagsmálsnerta líf, heilsu
og fjárhag okk-
ar allra.‘
Höfundur er kennari.
STAKSTEINAHÖFUNDUR
helgar mér heilan pistil sl.
sunnudag og af því tilefni vil ég
taka þetta fram:
Ónógur undirbúningur laga-
setningar og hraðkeyrsla gegn-
um þingið er til marks um
„mikinn asa“ eða öllu heldur
óðagot og sýnir veika stöðu Al-
þingis sem löggjafarstofnunar
gagnvart framkvæmdavaldinu.
Langar ræður dag og nótt
skipta engu máli, heldur inni-
hald þeirra, og það ræðst af
þeim upplýsingum í gögnum
sem fyrir liggja og því svigrúmi
sem þingmönnum er gefið til að
íhuga mál. Með þessari ábend-
ingu er ekki fallið frá neinum
athugasemdum við þá máls-
meðferð sem lýst er sem „mikl-
um asa“.
Staksteinahöfundur telur mig
almennt skjótan til svars, en til
að gera umsögn um fjölmiðla-
frumvarpið svo úr garði sem ég
hefði kosið taldi ég mig þurfa
lengri tíma en tæplega tvo daga
og hafði þann fyrirvara á í um-
sögninni. Sjálfur hlýt ég að
vera dómbærari um það en
staksteinahöfundur.
Þótt fjölmiðlanefndin ynni
gott starf svo langt sem það
náði, vannst henni ekki tóm til
að gera öllum þáttum málsins
skil, t.d þeim sem lutu að
skuldbindingum gagnvart
Efnahagssvæði Evrópu. Þetta
hefur formaðurinn viðurkennt.
Stjórnskipuleg álitaefni hefði
einnig þurft að skoða betur og
stöðu íslenzkra fjölmiðla í al-
þjóðlegri samkeppni, meðal
annars í ljósi samkeppnislaga
og samþjöppunar á markaði.
Ég hef þessi orð ekki fleiri,
en legg til að staksteinahöfund-
ur hefji rannsókn á málinu,
spyrji fjölmiðlanefndarmenn
hvort þeim hafi gefizt tóm til að
kanna allt málið með viðhlít-
andi hætti. Í framhaldi af því
væri æskilegt að staksteinahöf-
undur skoðaði gaumgæfilega
allan aðdraganda að gerð frum-
varpsins. Þá væri gott að hann
leitaði til þeirra sem beðnir
voru um umsögn og kannaði
hvort þeir teldu sig hafa fengið
nægan tíma. Loks væri fróðlegt
að fá viðhorf alþingismanna um
málsmeðferð. Um þetta mætti
síðan skrifa grein sem yrði 1–2
bls. í Morgunblaðinu og þar
birtust allar staðreyndir máls-
ins. Ég ætla að bíða með frek-
ari skrif þar til þessi grein birt-
ist.
Sigurður Líndal
Asi og óðagot
Höfundur er fyrrverandi
prófessor.
Í AÐDRAGANDA og kjölfar
ákvörðunar forseta lýðveldisins
um að skjóta fjöl-
miðlalögunum til
þjóðarinnar hefur
harðasti kjarni Sjálf-
stæðisflokksins agnú-
ast út í að lýðræð-
issinnar hafa talað
um málskotsrétt for-
seta. Þeir hafa kallað
þetta öfugmæli, orða-
leik og sagt að með
því sé verið að klæða
ákvörðun forsetans í
rangan búning. Þessi
málflutningur byggist
á merkilegri van-
þekkingu sjálfstæð-
ismanna á eigin sögu varðandi
stjórnarskrá lýðveldisins. Mál-
skotsréttur forseta er nefnilega
hugtak sem ekki er nýtt af nálinni
heldur beinlínis runnið úr smiðju
sjálfstæðismanna sjálfra í
tengslum við stjórnarskrána frá
1944.
Magnús Jónsson alþingismað-
urnotaði orðið „málskotsréttur“
ítrekað í umræðum á Alþingi um
stjórnarskrána árið 1944. Mál-
skotsréttinn kallaði hann á einum
stað „þessa stórkostlegu heimild
til að bera lagafrv. undir þjóð-
aratkvæði“. Öðru sinni fjallaði
Magnús meðal annars um valdsvið
forseta og sagði orðrétt: „Ég álít
þó ekki hægt að komast hjá því að
áskilja honum þennan málskots-
rétt, þannig að hann geti fellt lög
úr gildi, ef hann þykir réttari
fulltrúi þjóðarviljans
en Alþingi.“ Orðalag í
yfirlýsingu forseta
lýðveldisins þegar
hann hafnaði fjöl-
miðlalögunum fyrr í
þessum mánuði virðist
sótt að hluta í þessi
orð þingmannsins frá
1944.
Tilefni orðalags
Magnúsar Jónssonar
er auðfundið. Í grein-
argerð með stjórn-
arskrárfrumvarpinu
árið 1944 skýra höf-
undarnir þann rétt
sem í 26. grein stjórnarskrárinnar
er veittur forseta lýðveldisins til
að synja lögum staðfestingar. Þar
segir m.a. orðrétt: „Ákvörðun um
slíka staðfestingarsynjun eða mál-
skot til þjóðaratkvæðis tekur for-
seti…“
Magnús Jónsson var alþing-
ismaður Sjálfstæðisflokksins. Í
milliþinganefndinni sem samdi
frumvarp til stjórnarskrárinnar og
þar á meðal hugtakið „málskot til
þjóðaratkvæðis“ voru fyrir Sjálf-
stæðisflokkinn Gísli Sveinsson og
Bjarni Benediktsson, síðar for-
maður Sjálfstæðisflokksins og for-
sætisráðherra. Það voru því
hvorki núverandi forseti lýðveld-
isins né aðrir lýðræðissinnar sam-
tímans sem færðu hugtökin „mál-
skot til þjóðaratkvæðis“ eða
„málskotsréttur“ inn í umræðu um
embætti forseta Íslands. Það var
Sjálfstæðisflokkurinn sjálfur.
„Málskot til
þjóðaratkvæðis“
Össur Skarphéðinsson skrifar
um málskotsrétt forseta ’Þessi málflutningurbyggist á merkilegri
vanþekkingu sjálfstæð-
ismanna á eigin sögu
varðandi stjórnarskrá
lýðveldisins.‘
Össur
Skarphéðinsson
Höfundur er formaður
Samfylkingarinnar.
Upplýsingar í síma
552 2028 og 552 2607
www.graennkostur.is
Sendum grænmetisrétti
til fyrirtækja í hádeginu
• Magnafsláttur
Sængurfataverslun,
Glæsibæ • Sími 552 0978
Bómullar-, satín-
og silkidamask-sett
í úrvali