Morgunblaðið - 12.08.2004, Page 4

FRÉTTIR
4 FIMMTUDAGUR 12. ÁGÚST 2004 MORGUNBLAÐIÐ
HITAMET var slegið í Reykjavík í gær, en
þá komst hitinn í 24,8 gráður samkvæmt
opinberum mæli Veðurstofu Íslands, en
aldrei hefur mælst hærri hiti í Reykjavík
áður. Sjálfvirkir mælar sýndu raunar aðeins
meiri hita. Eldra metið var sett 9. júlí 1976,
en þá komst hitinn í 24,3 gráður, samkvæmt
upplýsingum frá Veðurstofunni. Þá náði hit-
inn í 24,7 gráður þann 24. júní 1891, en þá
hafði Veðurstofan ekki tekið til starfa. Sam-
kvæmt Veðurstofu var úrkomulaust alls
staðar á landinu og féll því ekki dropi á
landið í gær.
Ýmis fyrirtæki og stofnanir brugðu á það
ráð að loka vegna veðurs, enda veður verið
með hinu allra besta móti á landinu und-
anfarna daga. Líkt og í gær fylltust sund-
laugar og ylströndin í Nauthólsvík af fólki.
Léttklætt fólk safnaðist saman í miðbæ
Reykjavíkur og fékk sér ís og aðra hress-
ingu og naut lífsins.
25,9 stig á Sprengisandi
Meðal annarra hitatalna á landinu í gær,
sem voru hærri en gamla hitametið í ágúst
27,7 gráður, má nefna 29,2 gráður á Egils-
staðaflugvelli, en það var hæsti mældi hiti
gærdagsins. Á Þingvöllum fór hitinn í 28,4
gráður, í Árnesi 28 gráður. Óhætt er því að
fullyrða að gamla hitametið hafi verið marg-
slegið í gær. Hitinn á hálendinu fór hæst
upp í 24,9 gráður í Sandbúðum á Sprengi-
sandi, sem er í 820 metra hæð yfir sjáv-
armáli.
Að sögn Björn Sævars Einarssonar, veð-
urfræðings hjá Veðurstofunni, hefur þoku-
slæða verið yfir Húnaflóa og sunnanverðan
Skagafjörð. Auk þess var þoka langt fram
eftir degi á sunnanverðum Vestfjörðum að
sögn Björns, en á þessum svæðum hefur
hiti mælst heldur minni en í öðrum lands-
hlutum. „Annars hefur hitinn verið frábær,“
segir Björn en hann býst við svipuðu en ögn
svalara veðri næstu daga.
Morgunblaðið/Þorkell
Linda Ásgeirsdóttir leikkona vinnur þessa dagana að því að gera barnamynd. Í gær var verið að taka upp rigning-
aratriði í Húsdýragarðinum, en þar sem engin var rigningin var kallað eftir aðstoð slökkviliðs sem bjó til rigningu.
Morgunblaðið/Jim Smart
Opinber hitamælir Veðurstofunnar sýndi 24,8 gráður í gær. Hlýjasti dagurinn í Reykjavík var því orðinn staðreynd.
Morgunblaðið/ÞÖK
Á Þingvöllum mældist hitinn
28,4 gráður og þar brugðu
systurnar Elín Einarsdóttir
og Anita María Einarsdóttir á
það ráð að kæla sig í Öxará á
meðan Unnur Eva og hund-
urinn Týra höfðu það náðugt
á árbakkanum.
Aldrei meiri hiti mælst í Reykjavík
Morgunblaðið/Kristinn
Í sundlaug Grafarvogs var allt fullt
af fólki á öllum aldri í gær, enda
hlýjasti dagur í Reykjavík frá
upphafi mælinga.
Nokkrum fyrir-
tækjum lokað í
gær vegna veðurs
HITABYLGJAN sem hefur verið hér á
landinu hefur vakið athygli á heims-
vísu, en á vefútgáfu ástralska dag-
blaðsins The Australian birtist frétt
um hana í gærkvöldi. Þar kemur fram
að aldrei hafi mælst hærri hiti í
Reykjavík eða 24,8 gráður. Fram kem-
ur í fréttinni að ýmis fyrirtæki hafi
lokað vegna veðurs, eins og skrifstofa
ríkisskattstjóra. Einnig er sagt frá því
að mikið hafi verið um að vera hjá ís-
sölum landsins sem og yfirfullt í sund-
laugum landsins.
Veðurfarið á
Íslandi vakið
heimsathygli