Morgunblaðið - 12.08.2004, Page 19

NEYTENDUR
MORGUNBLAÐIÐ FIMMTUDAGUR 12. ÁGÚST 2004 19
AFLATOXÍN heitir náttúrulegt eit-
urefni sem myndast í ákveðnum
tegundum af myglusveppi, en
myglusveppur þessi á það gjarnan
til að myndast í korni og hnetum.
Hitastig og raki hafa mikil áhrif á
myndun aflatoxíns og erfitt getur
verið að koma í veg fyrir að efnið
myndist í matvælum eins og hnet-
um og möndlum. Aflatoxín er
krabbameinsvaldandi í til-
raunadýrum og er álitið að það eigi
einnig við um menn. Innflutningur
á hnetum er einungis heimilaður
með framvísun á rannsóknarvott-
orði og á þetta við ýmsar tegundir
frá vissum upprunalöndum, t.d Íran
(pistasíur), Tyrklandi (heslihnetur,
pistasíur) og Kína (jarðhnetur).
Umhverfisstofnun lét nýlega
mæla aflatoxín í jarðhnetum, hesli-
hnetum, pistasíum, möndlum og
hnetublöndum, hjá helstu innflutn-
ingsfyrirtækjum hér á landi sem og
pökkunarfyrirtækjum en mik-
ilvægt er að fyrirtækin geri kröfur
til birgja sinna um heilnæma vöru.
Herdís M. Guðjónsdóttir matvæla-
fræðingur á matvælasviði Um-
hverfisstofnunar segir að tekin hafi
verið um tuttugu sýni og að ekkert
þeirra hafi mælst yfir mörkum, en
mörkin miðast við fimm míkróg-
römm í kílói. Aðspurð segir Herdís
að ekki sé fylgst með eiturefnum í
þurrkuðum ávöxtum nema þurrk-
uðum fíkjum frá Tyrklandi og er
það gert á öllu evrópska efnahags-
svæðinu þar sem aflatoxín hefur
mælst í tyrkneskum þurrkuðum
fíkjum. Innflutningur á þeim er því
einungis leyfilegur með meðfylgj-
andi rannsóknarvottorði.
Herdís segir að markvisst sé
fylgst með ferskum ávöxtum og
grænmeti. „Við tökum um 300 sýni
á ári af varnarefnum í ferskum
ávöxtum og grænmeti, bæði inn-
fluttu og af innlendri framleiðslu.
Umhverfisstofnun er tengiliður Ís-
lands við Viðvörunarkerfi Evrópu-
sambandsins og EFTA landanna og
við fáum daglega tilkynningar um
varasöm matvæli og fóður sem
fundist hafa á markaði og grípum
inn í ef þessar vörur hafa komið
hingað til lands. Ísland tilkynnir
einnig um hættuleg matvæli sem
finnast hér á landi og geta verið í
dreifingu í öðrum löndum sem
tengjast kerfinu í Evrópu.“
Ljósmynd/Kristinn Ingvarsson
Hnetur
og möndl-
ur í lagi
 MATVÆLI
Frekari upplýsingar um innflutn-
ingseftirlit: www.ust.is
khk@mbl.is
Fáðu úrslitin
send í símann þinn