Morgunblaðið - 09.12.2004, Side 12

12 FIMMTUDAGUR 9. DESEMBER 2004 MORGUNBLAÐIÐ
FRÉTTIR
Skáldsaga
Íslands
á laugardag
Lestu bókina fyrst
og gagnrýnina á eftir?
Lestu Lesbókina fyrst
og bókina svo?
Jólabækurnar
+
 Torfi H. Tulinius
skrifar um sagnaflokk
Péturs Gunnarssonar
ÞINGMENN Suðurkjördæmis töl-
uðu, margir hverjir, um nauðsyn
þess að fjölga ferðum Herjólfs milli
lands og Vestmannaeyja í utandag-
skrárumræðu um samgöngur til
Eyja á Alþingi í gær. Sögðu nokkr-
ir þeirra að lágmarkið hlyti að vera
tvær ferðir á dag. Skv. vetraráætl-
un ferjunnar, sem tekur gildi í dag,
verða ferðirnar alls tíu á viku.
Hjálmar Árnason, þingmaður
Framsóknarflokks í Suðurkjör-
dæmi, var málshefjandi umræð-
unnar. „Ég leyfi mér að gera að
sérstöku umtalsefni samgöngur við
Vestmannaeyjar í ljósi þess að
strandsiglingum hefur nú verið
hætt frá 1. desember sl.,“ sagði
Hjálmar í upphafi máls síns.
Hann benti m.a. á að á fyrstu ell-
efu mánuðum þessa árs hefði flug
báðar leiðir fallið niður í samtals 36
daga. Flug aðra leiðina hefði fallið
niður í samtals 45 daga.
Hjálmar nefndi að á fimmta þús-
und manns byggi í Eyjum. „Lág-
markslausn á samgönguvanda
þeirra til skemmri tíma hlýtur að
vera tvær ferðir Herjólfs á dag
nema laugardaga, allan ársins
hring.“ Vitaskuld bæri að fagna því
samkomulagi sem nýlega hefði
náðst milli Vegagerðar og Vest-
mannaeyjabæjar, um fjölgun ferða
um tvær á viku, þannig að þær
verði alls tíu. Það dygði þó engan
veginn til.
Sturla Böðvarsson samgönguráð-
herra sagði m.a. að þegar ljóst
hefði verið í haust að Eimskip
myndi hætta strandsiglingum hefði
verið hafin vinna í ráðuneytinu við
„að leggja á ráðin um hvernig
mætti bregðast við gagnvart þeim
byggðum sem eiga allt undir sjó-
flutningum.“ Ekki hefði verið hægt
að komast hjá því að fjölga ferðum
Herjólfs, en samkomulag tókst
milli fulltrúa Vestmannaeyjabæjar
og Vegagerðarinnar um helgina um
að fjölga ferðum um tvær á viku,
eins og áður var vikið að.
Ferðum hefur fjölgað
Ráðherra sagði að ferðum Herj-
ólfs hefði þó fjölgað mikið á und-
anförnum árum. Til dæmis hefðu
þær verið 419 árið 1999 en skv. ný-
gerðum samningi við Samskip yrðu
þær nær 595 á næsta ári. Ferðum
hefðu því fjölgað um 42% á þessu
tímabili. „Farþegum fjölgaði milli
áranna 1999 og 2003 um 46%,“
sagði hann ennfremur. Þá væri, á
vegum ráðuneytisins, m.a. verið að
vinna að hugmyndum, um mögu-
lega ferjuhöfn við Bakkafjöru.
„Eins og fyrr sagði skipaði ég
starfshóp til að fara yfir þessi sam-
göngumál fyrir Vestmannaeyjar.
Það verkefni að skoða höfn við
Bakkafjöru var ein af þeim tillög-
um sem sá starfshópur lagði fram.
Ég tel afar mikilvægt að ljúka
þeim rannsóknum þannig að hægt
verði að taka ákvörðun árið 2006
um hvort sá kostur sé fær sem
framtíðarlausn fyrir ferjusiglingar
til Eyja,“ sagði ráðherra að síð-
ustu.
Þingmenn ræða samgöngur milli lands og Eyja
„Æpandi þörf á frek-
ari samgöngum“
Morgunblaðið/Þorgeir
Herjólfur siglir nú tíu sinnum í viku milli lands og Eyja.
VALGERÐUR Sverrisdóttir iðnað-
arráðherra upplýsti á Alþingi í gær
að stjórn norska fyrirtækisins Prom-
eks ASA, en fyrirtækið hefur unnið
að undirbúningi kísilduftverksmiðju
við Mývatn, hefði ákveðið að óska
eftir því að félagið yrði tekið til gjald-
þrotaskipta. Þau tíðindi bárust ráð-
herra í fyrrakvöld.
„Við þetta,“ útskýrði ráðherra,
„hverfa eigur Promeks úr höndum
Allied EFA og annarra eigenda fé-
lagsins og verða á forræði norsks
skiptastjóra þar til annað ræðst. Í
þessu felst að Allied EFA hefur ekki
lengur yfirráð yfir einkaleyfi því sem
framvinda kísilduftsins byggir á.
Með þessu er orðið ljóst að áform
eigenda Kísiliðjunnar um byggingu
og rekstur kísilduftsverksmiðju við
Mývatn eru að engu orðin. Hvort
einhverjir aðrir sjái tækifæri til að
nýta sér þá þekkingu og reynslu sem
aflað hefur verið, með margra ára
rannsóknum og tilraunarekstri í
Noregi, verður ekki sagt til um á
þessari stundu.“
Rekstri Kísilgúrverksmiðjunnar
við Mývatn lauk um síðustu mánaða-
mót en vonir voru bundnar við að
kísilduftsverksmiðja gæti risið í
hennar stað. „Um fimmtíu manns
misstu vinnu sína við þessa lokun og
sennilega hafa um þrjátíu til fimmtíu
afleidd störf tapast. Þannig að við er-
um að tala um áttatíu til hundrað
störf alls,“ sagði Kristján L. Möller,
þingmaður Samfylkingarinnar, um
lokun Kísilgúrverksmiðjunnar, í ut-
andagskrárumræðu um þessi mál á
Alþingi í gær. Sagði hann þetta gríð-
arlegt áfall fyrir sveitarfélagið og
reyndar landið allt.
Fram kom í máli ráðherra að í ljósi
umræddra tíðinda væru menn í raun
aftur komnir á byrjunarreit. „Ráðu-
neytið hefur brugðist við með því að
taka upp samstarf við sveitarstjórn
Skútustaðahrepps og eigendur Kís-
iliðjunnar um ný atvinnutækifæri. Of
fljótt er að segja nokkuð um árangur
annað en að nokkrar verkefnahug-
myndir eru til skoðunar. Auk þess
hefur ráðuneytið skoðað hvort og
hvernig unnt væri að tryggja búsetu
við Mývatn með öðrum varanlegum
hætti,“ sagði ráðherra.
Iðnaðarráðherra í umræðu um kísilduftverksmiðju
Áformin að engu orðin
ÞORGERÐUR K. Gunnarsdóttir
menntamálaráðherra sagði á Alþingi
í gær að því miður hefði enn ekki
náðst niðurstaða í viðræðum
menntamálaráðuneytisins og Fjöl-
menntar um fræðslumál geðsjúkra.
Ásta R. Jóhannesdóttir, þingmaður
Samfylkingarinnar, sagði að algjör
óvissa ríkti í námi og starfsendur-
hæfingu fyrir geðsjúka á vegum
Fjölmenntar og Geðhjálpar.
Aðsókn í námið hefur aukist jafnt
og þétt frá því kennsla hófst í hús-
næði Geðhjálpar við Túngötu á vor-
önn 2003, að því er fram kom í frétt
Morgunblaðsins í haust.
Ásta rifjaði upp að um 140 manns
hefðu sótt um að komast í námið í
haust. Af þeim hefðu fimmtíu ekki
komist að vegna fjárskorts. „Sex
milljónir komu þá frá menntamála-
ráðuneytinu svo að hægt var að hefja
námið í haust,“ útskýrði hún. „Frá
því í ágúst hafa verið viðræður milli
menntamálaráðuneytisins og Geð-
hjálpar og Fjölmenntar um að end-
urskoða þjónustusamning og hafði
menntamálaráðuneytið tilkynnt
bæði Fjölmennt og Geðhjálp að búið
yrði að ganga frá því máli fyrir 1.
desember. Nú er 8. desember og
ekkert hefur heyrst frá menntamála-
ráðuneytinu.“ Spurði hún m.a.
menntamálaráðherra að því hvort
geðsjúkir, sem þyrftu menntun,
þyrftu áfram að bíða í óvissu.
Reynt að leysa málið
Menntamálaráðherra ítrekaði að
skv. nýlegri úttekt væri þörfin fyrir
umrætt nám brýn. Námið hefði upp-
haflega byrjað sem samstarfsverk-
efni Geðhjálpar og Fjölmenntar, en
Fjölmennt er sjálfseignarstofnun
Landssamtakanna Þroskahjálpar og
Öryrkjabandalags Íslands.
Þjónustusamningur menntamála-
ráðuneytisins og Fjölmenntar væri
þó enn í gildi. „Því miður hefur ekki
enn náðst niðurstaða í þessu máli en
engu að síður vil ég varpa ljósi á það
að við höfum rætt um þetta, ég og
heilbrigðisráðherra, með það auðvit-
að að markmiði að reyna að leysa
málið,“ sagði menntamálaráðherra á
Alþingi í gær.
Óvissa í námi og starfsendur-
hæfingu fyrir geðsjúka