Morgunblaðið - 14.01.2005, Síða 50

50 FÖSTUDAGUR 14. JANÚAR 2005 MORGUNBLAÐIÐ
MENNING
ÞAÐ urðu engar róttækar breyt-
ingar í íslensku djasslífi á síðasta ári
frekar en annarsstaðar í veröldinni.
Björn Thoroddsen hélt áfram að
vekja athygli erlendis og lék bæði í
Ameríku, Evrópu og Asíu. Hann lék
með ýmsum erlendum djassleik-
urum er heimsóttu Ísland, s.s.
franska Givone tríóinu og danska pí-
anistanum Arne Forchhammer á
velheppnuðum minningartónleikum
um einn af eldhugunum í íslensku
djasslífi, Þóri Guðmundsson, er lést
á árinu. Þá lést einnig einn af reynd-
ustu djasstrommurum landsins, Þor-
steinn Eiríksson, betur þekktur sem
Steini Krúpa. Á Jazzhátíð Reykja-
víkur lék Björn með tríói sínu Cold
Front, þarsem meðspilarar hans eru
kanadíski trompetleikarinn Richard
Gilles og bandaríski bassaleikarinn
Steve Kirby.
Vel heppnuð skífa Jagúars
Merkasta framlag Björns til djassins
í fyrra var þó geislaplata hans, Luth-
er, þarsem hann tók að leika raf-
magnað að nýju m.a. með gömlum
félaga sínum úr Gömmunum, Stefáni
S. Stefánssyni saxófónleikara.
Aðra íslenska djassplötu verður
að nefna af þeim rúma tug er út kom
á árinu, Dansaðu fíflið þitt dansaðu,
þarsem Stórsveit Jagúars lék tónlist
eftir Tómas R. Einarsson í útsetn-
ingu Samúels J. Samúelssonar. Ein-
staklega vel heppnuð skífa tekin upp
á tónleikum á Listahátíð. Tómas lék
aðallega Kúbudjass sinn í fyrra og
gaf þarað auki út fyrstu djass-
nótnabókina íslensku með lögum
sínum. Engar erlendar djass-
stjörnur á heimsmælikvarða sóttu
Ísland heim þetta árið, en Jazzhátíð
Reykjavíkur skartaði popparanum
Van Morrison. Hátíðin var þó mun
betur heppnuð helduren 2003 og
settu íslenskir djassleikarar búsettir
erlendis mestan svip á hana. Eft-
irminnilegustu tónleikarnir voru
með Atlantshafsbandalaginu, þeim
Jóeli Pálssyni og Agnari Má Magn-
ússyni sem búsettir eru í Reykjavík,
Gulla Guðmunds er býr í Amst-
erdam og Einari Vali Scheving er
býr í Miami. Sannarlega djass á
heimsmælikvarða. Árni Egilsson lék
á hátíðinni með þriggjabassasveit-
inni þarsem sjálfur Niels-Henning
Ørsted Pedersen er innanborðs og
hefur sjaldan leikið betur, auk þess
flutti kór Langholtskirkju og Mezzo-
forte nýtt djassverk eftir Árna,
Kaleidoscope.
Eftirminnileg var heimsókn
bandaríska trommarans Gene
Stone, sem hér lék um tíma fyrir
nær hálfri öld. Á tónleikum hans
sannaði Jón Páll Bjarnason enn einu
sinni að hann er í fremstu röð klass-
ískra djassgítarleikara.
Djasshátíðir voru haldnar á Egils-
stðum og í Vestmannaeyjum og svo
bættist í hópinn vel heppnuð
djasshátíð á Skógum undir Eyja-
fjöllum undir forustu Sigurðar
Flosasonar sem einnig stjórnaði hin-
um ómissandi Jómfrúardjassi sum-
arsins. Á Skógum vöktu tónleikar
Snorra Sigurðarssonar trompetleik-
ara í minningu Viðars Alfreðssonar
mikla athygli og má telja Snorra
ásamt Samúeli Jóni og Ómari Guð-
jónssyni gítarleikara efnilegustu
ungdjassara Íslands um þessar
mundir.
Stórsveitin í framför
Djassklúbburinn Múlinn starfaði
seinni hluta ársins á Hótel Borg og
þar hélt Stórsveit Reykjavíkur
þrenna afar athyglisverða tónleika
undir stjórn Tim Hagens, Jens
Winthers, sem stjórnuðu eigin tón-
list, og Greg Hopkins, þarsem tón-
list úr fórum stórsveitar Dizzy Gill-
espie var leikin. Stórsveitin er í
sífelldri framför og er það brýnasta
mál í íslensku djasslífi að henni verði
tryggður traustur starfsgrundvöll-
ur.
Að lokum skal minnst á sam-
norræna kvartettinn Rodent, sem
gaf út samnefnda skífu á árinu, og
eru Íslendingarnir þar Haukur
Gröndal og Helgi Svavar Helgason.
Spilaði kvartettinn hér í tvígang
ferska djasstónlist; í seinna skiptið á
norrænu Ungdjasshátíðinni á Hótel
Borg er Haukur skipulagði. Vonandi
verður framhald á því verkefni.
Morgunblaðið/Sverrir
Björn Thoroddsen og félagar í Cold Front hófu Jazzhátíð í Reykjavík.
Djassárið 2004
Höfundur er djassgagnrýnandi
Morgunblaðsins.
Eftir Vernharð Linnet