Morgunblaðið - 02.04.2005, Síða 59

MORGUNBLAÐIÐ LAUGARDAGUR 2. APRÍL 2005 59
DAGBÓK
Félagsstarf
Breiðfirðingafélagið | Félagsvist í
Breiðfirðingabúð sunnudaginn 3.
apríl. Kaffiveitingar, allir velkomnir.
Félag eldri borgara, Reykjavík |
Leikfélagið Snúður og Snælda sýnir
leikritið Ástandið sunnudagskvöldið
3. apríl kl. 20 í Iðnó. Ath. breyttan
sýningartíma. Næsta sýning verður
miðvikudaginn 6. apríl kl. 14. Miða-
sala í Iðnó. Ath. allra síðustu sýn-
ingar.
Félag eldri borgara, Reykjavík |
Dansleikur sunnudagskvöld kl. 20.
Hljómsveitin Klassík leikur fyrir
dansi.
Félag kennara á eftirlaunum |
Fræðslu- og skemmtifundur í Húna-
búð, Skeifunni 11, kl. 13.30–16.
Félagsstarf Gerðubergs | Sýning
Maríu Jónsdóttur frá Kirkjulæk „Gull-
þræðir“ opin í dag kl. 13–17, listakon-
an er á staðnum.
Háteigskirkja | Kvenfélag Háteigs-
kirkju. Farið verður í vorferð að
Stokkseyri og Eyrarbakka þriðjudag-
inn 5. apríl frá Setrinu kl. 16.30.
Skráning eftir hádegi laugardag og
mánudag í síma 511 5405.
Hraunsel | Fyrirhuguð er ferð í Þjóð-
minjasafnið miðvikudaginn 13. apríl
kl. 13.30. Þeir sem vilja vera með,
vinsamlega skráið ykkur í Hraunseli.
Hæðargarður 31 | Félagsstarfið er
öllum opið. Gönguhópur alla laugar-
dagsmorgna kl. 10 árdegis. Boðið upp
á teygjuæfingar og vatn. Námskeið í
framsögn og leiktúlkun í apríl. Kenn-
ari Soffía Jakobsdóttir leikari og að-
júnkt við KHÍ. Námskeið í þæfingu í
apríl. Skráning hafin. Allir velkomnir.
Sími 568–3132.
Kirkjustarf
Hvítasunnukirkjan Fíladelfía |
Bænastund kl. 20. Einnig er bæna-
stund alla virka morgna kl. 7–8.
Kirkja Jesú Krists Hinna síðari
daga heilögu, mormónar | Aðalráð-
stefna kirkjunnar sem fer fram í Utah
verður móttekin í kapellunni á ensku
og íslensku sem hér segir: 2. apríl 15–
16.30 (ekki beint) og 17–19 (beint) 3.
apríl 9–11 (ekki beint), 12–14 (ekki
beint) og 16–18 (beint). Allir velkomn-
ir.
Staðurogstund
http://www.mbl.is/sos
MAIJA Kovalevska sópransöngkona og Dzintra Erliha píanóleik-
ari eru margverðlaunaðar upprennandi stjörnur í heimalandi
sínu, Lettlandi. Í dag laugardag 2. apríl kl. 17 halda þær tónleika í
Hömrum á Ísafirði og er hér um 3. áskriftartónleika félagsins á
þessu starfsári að ræða.
Á fyrri hluta tónleikanna flytja þær tónlist eftir fjögur virt
lettnesk tónskáld. Meðal annars mun Erliha leika tvo þætti úr
glænýju píanóverki eftir hinn virta organista og tónskáld, Aivars
Kalejs, en verkið frumflutti hún fyrir aðeins örfáum dögum í
Lettlandi að beiðni tónskáldsins, við frábærar undirtektir. Eftir
hlé má heyra öllu þekktari tónlist svo sem aríur eftir Puccini og
Bellini, auk verka eftir Chopin.
Sópransöngkonan Maija Kovalevska hefur þegar vakið mikla
athygli í Lettlandi og víðar, og unnið til margvíslegra verðlauna
fyrir list sína. Þrátt fyrir ungan aldur hefur hún sungið stór hlut-
verk við Þjóðaróperuna í Lettlandi, og fyrir skömmu hlaut hún
Lettnesku þjóðarverðlaunin í tónlist (National Music Award of
Latvia), sem teljast verður mikill heiður. Áskriftarkort félags-
manna gilda en einnig verða seldir miðar við innganginn á 1.500
kr. Skólafólk 20 ára og yngra fær ókeypis aðgang að tónleik-
unum.
Lettnesk tónlist hljómar
í Hömrum á Ísafirði
Maija Kovalevska sópransöngkona og Dzintra Erliha píanóleikari.
TINNA Kvaran opnaði sýningu um páskana í gallerí Bananananas á Laugavegi 80. „Hug-
myndin að þessari sýningu kom alveg sjálfkrafa. Ég sá rýmið og langaði að getað gengið
upp veggina og niður aftur,“ segir Tinna um sýninguna.
„Mig langaði að hanna stiga, sem hægt væri að nota til að fá annað sjónarhorn á þetta
sýningarrými, eins og að tengja sýningarveggina við húsið sem fólkið býr í, sem tilheyrir
eiginlega ekki galleríinu.
Þegar ég svo heyrði orðið metorðastigi, þá fékk verkið ekki bara nafn, heldur líka aðra
merkingu. Að hafa þennan stiga metorðastigann, sem flestir vilja vera sem hæst á, fæ
ég kannski fólk til að taka þátt í verkinu og klifra upp stigann. Það hugsar sig kannski
um, hvað er ég að gera í þessum tilgangslausa stiga? Eða er hann tilgangslaus? Svo er
þetta jú mynd í rými.“
Sýningin er opin í dag laugardag kl. 16–18 og aðra daga eftir samkomulagi í síma 695-
3460 og 698-5673.
Metorðastigi Tinnu Kvaran
KÓR og Kammersveit Langholts-
kirkju endurtaka Jóhannesar-
passíuna Bach í dag. laugardag, 2.
apríl kl. 18 í Langholtskirkju.
Jóhannesarpassían er talin eitt
glæsilegasta
kirkjutónverk
sögunnar og er
sérlega leikræn.
Píslarsögunni er
fylgt frá því að
Jesú gengur með
lærisveinunum
eftir síðustu
kvöldmáltíðina í
grasgarðinn og
lýkur er hann
hefur verið lagð-
ur í gröfina. Guðspjallamaðurinn
segir söguna. Jesús og Pílatus
talast við. Kórinn er í hlutverki
hermannanna sem koma í grasgarð-
inn, gyðinganna í höll Pílatusar,
sem hrópa „Ekki hann, heldur
Barrabas!“ mannfjöldans sem hróp-
ar „Krossfestu hann“ o.s.frv.
Jafnframt flytur kórinn hugleið-
ingar um efnið í formi upphafs- og
niðurlagskórsins og sálmalaga sem
fléttað er inn í frásögnina. Ein-
söngvararnir flytja einnig hugleið-
ingar út frá textanum í aríum sín-
um.
Einsöngvarar verða Ólöf Kolbrún
Harðardóttir sópran, Dóra Stein-
unn Ármannsdóttir alt, Þorbjörn
Rúnarsson guðspjallamaður og
aríur, Bergþór Pálsson Pílatus og
aríur og Ágúst Ólafsson Jesús og
aríur. Konsertmeistari er Júlíana
Elín Kjartansdóttir og stjórnandi er
Jón Stefánsson.
Jóhannesar-
passían endur-
tekin í dag
Johann Sebastian
Bach
Fáðu fréttirnar
sendar í símann þinn