Morgunblaðið - 29.04.2005, Page 53
MORGUNBLAÐIÐ FÖSTUDAGUR 29. APRÍL 2005 53
TVEIR, helstu hrollvekjusmiðir
samtímans, leikstjórinn Wes Craven
(Nightmare on Elm Street, Scream,
o.s.frv.), og handritshöfundurinn
Kevin Williamson (I Know What
You Did Last Summer, Scream,
o.s.frv.), eru aðalkraftarnir á bak við
Cursed, nútímavarúlfssögu sem ger-
ist í Los Angeles.
Úr fjarlægð lofar myndin því
góðu, ekki sakar að þeir unnu saman
að Scream-þrennunni sem hófst
a.m.k. með prýðilegum tilþrifum.
Kvöld eitt lenda systkinin Ellie
(Ricci) og Jimmy (Eisenberg), í um-
ferðaróhappi og á þau er ráðist af
ókennilegu dýri.
Púðrið er blautt, í rauninni er ekk-
ert að finna í myndinni sem getur
réttlætt hvatningu til lesenda að
berja ósköpin augum. Engu fersku
eða forvitnilegu er hnýtt við gömlu
varúlfalummuna og varla að manni
bregði eitt einasta augnablik. Ricci
er reyndar bærileg leikkona með
sláandi útlit þroskaðrar konu og
barns. Það hentar vel hryllingi en
sagan, leikurinn, brellurnar, allt er
þetta langt fyrir neðan virðingu
meistara Cravens.
Cursed virðist því standa undir
nafni en myndin var bæði plöguð af
óhöppum og vandræðagangi og hún
skilur lítið sem ekkert eftir, jafnvel
hjá harðasta hrollvekjuunnanda. Á
framleiðslutímanum var skipt út
leikurum, handriti, atriðum, það
hefði betur verið skipt um mynd.
Shannon Elizabeth að vonum hrædd í myndinni Cursed.
Úff, varúlfar
í Los Angeles
KVIKMYNDIR
Smárabíó, Borgarbíó Akureyri
Bölvun (Cursed)
Leikstjóri: Wes Craven. Aðalleikendur:
Christina Ricci, Joshua Jackson, Portia
De Rossi, Jesse Eisenberg, Judy Greer,
Milo Ventimiglia, Shannon Elizabeth. 85
mín. Bandaríkin. 2005.
Sæbjörn Valdimarsson