Morgunblaðið - 07.05.2005, Blaðsíða 15
MORGUNBLAÐIÐ LAUGARDAGUR 7. MAÍ 2005 15
ERLENT
Washington. AP, AFP. | Janis
Karpinski, fyrrverandi yfir-
maður Abu Ghraib-fangelsisins
í Írak, hefur
verið lækk-
uð í tign inn-
an Banda-
ríkjahers
eftir að hafa
verið fundin
sek um að
vanrækja
skyldur sín-
ar og fyrir
búðahnupl.
Karpinski er hæst setti liðs-
maður Bandaríkjahers sem
hefur þurft að gjalda fyrir illa
meðferð á föngum í Abu Ghraib
sem komst upp um á síðasta
ári. Þrír aðrir hátt settir her-
foringjar, þeirra á meðal Ric-
ardo Sanchez, yfirmaður her-
afla Bandaríkjanna í Írak á
þessum tíma, voru hreinsaðir af
sök innan hersins en fimm
lægra settum yfirmönnum var
einnig refsað.
Segist vera blóraböggull
Bandaríkjaforseti, George
W. Bush, undirritaði skipunina
þar sem Karpinski er lækkuð í
tign en hún missir nú titilinn
stórfylkisforingi og verður að
höfuðsmanni. Þýðir þetta að
ferli hennar innan hersins er í
raun og veru lokið. Sjálf hefur
Karpinski neitað ásökunum um
búðahnupl og segist ennfremur
vera blóraböggull þegar kemur
að Abu Ghraib-hneykslinu.
Karpinski
lækkuð
í tign
Janis Karpinski
Ramallah. AFP, AP. | Fatah-hreyfing
Mahmoud Abbas, leiðtoga Palestínu-
manna, hélt velli í sveitarstjórnar-
kosningum á Vesturbakkanum og
Gaza-svæðinu í fyrradag samkvæmt
bráðabirgðatölum sem birtar voru í
gær.
Fatah fékk 56% atkvæða í kosn-
ingunum en Hamas-samökin 33%.
Úrslitin þykja varnarsigur fyrir
Fatah-hreyfinguna þar sem talið var
líklegt fyrir kosningarnar að Hamas-
samtökin tækju mun meira fylgi frá
henni.
Úrslitin staðfesta þó einnig stöðu
Hamas-samtakanna sem áhrifamik-
ils stjórnmálaafls á palestínsku sjálf-
stjórnarsvæðunum. Þau hlutu flest
atkvæði í fjórum af fimm stærstu
sveitarfélögunum þar sem kosið var
að þessu sinni.
Kjörstjórnin sagði að Fatah hefði
fengið flest atkvæði í 50 af 84 sveit-
arstjórnum og Hamas 28. Minni
fylkingar sigruðu í fjórum sveitar-
félögum og úrslitin voru óráðin í
tveimur.
Um 82% kjörsókn
Litið var á kosningarnar sem próf-
stein á vinsældir Hamas fyrir kosn-
ingar til heimastjórnarþings Palest-
ínumanna 17. júlí næstkomandi.
Erfitt er þó að túlka niðurstöðu
sveitarstjórnarkosninganna þar sem
talið er að ýmis staðbundin málefni
hafi ráðið miklu um úrslitin.
Forystumenn Hamas sögðust
hafa vonast til þess að fá meira fylgi.
Þeir véfengdu bráðabirgðatölurnar í
nokkrum stórum sveitarfélögum en
sögðust ætla að virða úrslit kosning-
anna. Búist er við að þau verði til-
kynnt formlega á morgun.
Abbas hefur reynt að fá Hamas-
samtökin til að láta af vopnaðri bar-
áttu gegn Ísraelum og breytast í
stjórnmálaflokk. Hann óttast þó að
vaxandi pólitísk áhrif Hamas geti
hindrað friðarumleitanir þar sem
samtökin hafa hafnað friðarviðræð-
um við Ísraela.
Yfir 400.000 Palestínumenn voru á
kjörskrá og kjörsóknin var um 82%.
Alls voru 2.519 manns í framboði,
þar af 399 konur.
Fatah hélt velli í sveitar-
stjórnarkosningum
Hamas sigraði
þó í stórum
sveitarfélögum
AP
Stuðningsmenn Fatah-hreyfingarinnar fagna úrslitum sveitarstjórnarkosninga í bænum Beit Lahiya á Gaza-
svæðinu þegar þau voru tilkynnt í gærmorgun. Fatah fékk 56% atkvæðanna samkvæmt bráðabirgðatölum.
STJÖRNUFRÆÐINGAR hafa
fundið tólf áður óþekkt tungl á braut
um Satúrnus. Vitað er nú um alls 46
tungl á braut um plánetuna.
Tunglin sem fundust síðast eru lít-
il, óregluleg í lögun og langt frá plán-
etunni. Það tekur þau um það bil tvö
ár að fara einn hring í kringum hana.
Fréttavefur breska ríkisútvarps-
ins, BBC, skýrði frá þessu.
Tunglin tólf komu í ljós í fyrra og
sáust með Subaru-sjónaukanum sem
er á Hawaii. Í síðasta mánuði var
uppgötvunin síðan staðfest með
Gemini North-sjónaukanum, sem
einnig er á Hawaii.
Talið er að tunglin tólf hafi mynd-
ast í víðáttumiklu smástirnabelti
milli Mars og Júpíters en aðdrátt-
arafl Satúrnusar hafi togað þau til
sín.
Júpíter er sú reikistjarna í sól-
kerfinu sem hefur flest tungl, eða 63,
sem vitað er um. Úranus hefur 27 og
Neptúnus 13.
Fundu tólf
tungl við
Satúrnus
Kyoto. AFP. | Nobutaka Machimura,
utanríkisráðherra Japans, varaði í
gær Norður-Kóreumenn við því að
deilunni um kjarnavopn þeirra yrði
vísað til öryggisráðs Sameinuðu
þjóðanna, sem myndi þá ræða hugs-
anlegar refsiaðgerðir, ef þeir hæfu
ekki samningaviðræður að nýju.
Utanríkisráðherrann varaði við
þessu eftir að skýrt var frá því að
fram hefðu komið vísbendingar um
að Norður-Kóreumenn væru að búa
sig undir að sprengja kjarnorku-
sprengju í tilraunaskyni í fyrsta
skipti.
N-Kóreu-
menn var-
aðir við
♦♦♦