Morgunblaðið - 07.05.2005, Blaðsíða 16

Reykjahverfi | Mikil frjósemi er
í fénu á sumum bæjum í Þingeyj-
arsýslu þar sem burður er hafinn
og virðist sem marglembi sé að
verða algengt. Þrílembi telst orð-
ið ekki til tíðinda, en fjórlembi er
enn frekar sjaldgæft. Á Ein-
arsstöðum í Reykjahverfi er mik-
ið af lömbum, en þar eru komnar
tvær fjórlemur og búast má við
a.m.k. einni fjórlembu enn að
sögn ábúenda. Á myndinni má
sjá Guðnýju J.Buch sinna ann-
arri fjórlembunni með tvo hrúta
og tvær gimbrar og greinilega er
í nógu að snúast. Búast má við að
reynt verði að venja a.m.k. eitt
lambið undir aðra kind ef færi
gefst, en sauðburðurinn á Ein-
arsstöðum er langt kominn og
óvíst um einlembur.
Morgunblaðið/Atli Vigfússon
Fjórlembi í Reykjahverfi
Sauðfé
Höfuðborgin | Akureyri | Suðurnes |Árborg | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Mjólkurverðlaunin voru nýlega afhent hjá
Norðurmjólk og röðuðu eigendur gömlu og
litlu fjósanna sér á verðlaunabekk eins og
oft áður. Þeir sem enn mjólka með gamla
fötukerfinu halda einnig sinni góðu fram-
leiðslu og hampa verðlaunum. Eitt fötubú í
Þingeyjarsveit fékk sérstök verðlaun, stóra
kristalsskál, fyrir framleiðslu á úrvalsmjólk
í tíu ár og er þar ekki tækninni fyrir að fara.
Svo virðist sem stóru fjósin eigi ekki mögu-
leika á sömu gæðum mjólkur eins og venju-
legu búin þrátt fyrir alla þá miklu fjárfest-
ingu sem þeim fylgir, tölvur og annan
búnað sem eiga að gera allt betra. Í reglu-
gerðafarginu sem kúabændur búa við, hafa
margir þessir litlu gefist upp og hætt bú-
skap og fleiri eiga eftir að hætta.
  
Norðanáttin kom kunnuglega fyrir sjón-
ir, en eftir mildan aprílmánuð hefur verið
krapahríð og rok gnauðað á gluggum þessa
fyrstu daga í maí sem liðnir eru. Svo kalt
hefur verið að snjórinn sem kom í hretinu á
dögunum, bráðnar vart í sólinni yfir hádag-
inn. Farfuglarnir hafa verið heldur kulda-
legir, norpað við hús og læki og gæsirnar
setið í krapinu og reynt að reita þau fáu
grænu strá sem komin eru.
  
Kornbændur voru ekki allir búnir að koma
fræi sínu niður og bíða eftir betri tíð. Vonin
um gott haust heldur þeim við efnið en
kornuppskera var með besta móti á síðasta
ári og hver hefði trúað því á hafís- og kal-
árunum að kornrækt yrði veruleiki í Þing-
eyjarsýslum.
  
Landbúnaðarnefnd Húsavíkurbæjar
fundaði nýlega með bændum í Reykja-
hverfi um það að girða af töluvert land í
Reykjaheiði til uppgræðslu. Í fyrstu var í
bígerð að girða af allt Saltvíkurland en bú-
ist er við að væntanleg girðing verði ekki
svo stór, vegna mikils kostnaðar auk þess
sem bændur vilja nýta hluta landsins. Sum-
ir lögðu til á fundinum að græða upp án
þess að girða eins og gert hefur verið en til
þess að ná meiri sátt í málinu við alla aðila
verður eitthvað girt enda leggja Land-
græðslan og Húsgull mikið upp úr því.
Úr
sveitinni
LAXAMÝRI
EFTIR ATLA VIGFÚSSON FRÉTTARITARA
Stelpuskákmót Olísog TaflfélagsinsHellis fer fram í
höfuðstöðvum Olís,
Sundagörðum 2 í Reykja-
vík, í dag og hefst kl. 13.
Mótið er opið fyrir allar
stelpur 16 ára og yngri og
fer skráning fram á
www.hellir.com. Samhliða
flokknum fer fram sér-
stakur drottningarflokkur
þar sem fjórar af sterk-
ustu skákkonum landsins
mætast.
Í stelpuskákmótinu
munu m.a. taka þátt þær
Elsa María Þorfinnsdóttir,
Hallgerður Helga Þor-
steinsdóttir og Jóhanna
Björg Jóhannsdóttir. Í
drottningarflokknum tefla
Lenka Ptácníková stór-
meistari kvenna, Guð-
fríður Lilja Grétarsdóttir
forseti Skáksambands Ís-
lands og margfaldur Ís-
landsmeistari kvenna,
Guðlaug Þorsteinsdóttir
sem einnig er margfaldur
Íslandsmeistari og Sig-
urlaug R. Friðþjófsdóttir.
Stelpuskákmót
Handverksfólk úrfélagsmiðstöðinnií Hraunbæ 105 í
Reykjavík sýnir afrakstur
vetrarstarfsins á morgun,
sunnudag, og á mánudag.
Á sýningunni eru fjöl-
breyttir munir sem fólkið
hefur unnið að í tóm-
stundastarfinu. Gréta
Stefánsdóttir og Elín Guð-
mundsdóttir voru að
leggja lokahönd á muni
sína fyrir uppsetningu
sýningarinnar. Þær eru
öflugum hópi handa-
vinnufólks og í næsta her-
bergi voru útskurð-
armeistararnir að ljúka
sínum verkum. Handa-
vinnusýningin verður opin
á morgun kl. 13 til 17 og á
mánudag kl. 9 til 17. Kaffi-
veitingar eru á staðnum.
Morgunblaðið/Helgi Bjarnason
Sýna handavinnuna
Jón Ingvar Jónssonlék sér með hætti.Fyrst aldarháttur:
Lífið allt er unaðslegt og algjör
veisla.
Töfraorðið nú er neysla.
Síðan sofandaháttur:
Svaf ég vært og vel mig dreymdi
í vorsins skímu,
orti á meðan eina rímu.
Þá aulaháttur:
Er hrein og fögur Hugrún lá í
heitu baði,
kom ég mér á Kjarvalsstaði.
Boðháttur:
Þessi kokteill þykir mér nú þurr
og skrýtinn.
Best að fá sér bara einn lítinn.
Þvergirðingsháttur:
Til iðju verð ég eflaust seint af
öðrum dreginn,
á móti öllu einhvern veginn.
Nafnháttur:
Tómas, Pétur, Trausti, Gunnar,
Tryggvi, Orri,
Heimir, Friðbert, Halldór, Snorri.
Málsháttur:
Trauðla stendur teinrétt lengi tré
án róta.
Mergjar til skal beinið brjóta.
Af afhendingu
pebl@mbl.is
Rangárvallasýsla | Unnið er að undirbún-
ingi endurheimtar náttúrulegra birki-
skóga og kjarrs á stórum samfelldum
svæðum í nágrenni Heklu. Nefnist verk-
efnið Hekluskógar og hefur þann megintil-
gang að verja land fyrir áföllum vegna
gjóskugosa.
Hugmyndafræði Hekluskóga gengur
meðal annars út á að nýta aðferðir náttúr-
unnar til útbreiðslu gróðurs út frá fræupp-
sprettum sem komið verður á legg á víð og
dreif um svæðið, að því er fram kemur á
vef Landgræðslunnar, land.is. Einnig
verður unnið að uppgræðslu til að stöðva
jarðvegseyðingu og binda yfirborðið.
Hugmyndin um Hekluskóga er um
fimm ára gömul og hefur verkefnishópur
innan Landgræðslunnar unnið að þróun
þess um nokkurt skeið. Skipuð hefur verið
samráðsnefnd um verkefnið þar sem eiga
sæti fulltrúar frá Landgræðslunni, Skóg-
rækt ríkisins, Suðurlandsskógum, Skóg-
ræktarfélagi Árnesinga, Skógræktarfélagi
Rangæinga, Landgræðslusjóði og landeig-
endum. Síðastliðinn þriðjudag var haldinn
kynningarfundur í Gunnarsholti um
Hekluskóga fyrir eigendur og umráðahafa
lands á svæðinu.
Unnið að
undirbúningi
Hekluskóga
Akranes | Stjórn Dvalarheimilisins Höfða
á Akranesi hefur ákveðið að ráða Guðjón
Guðmundsson, fyrrverandi alþingismann, í
stöðu framkvæmda-
stjóra. Sextán sóttu um
stöðuna. Guðjón fékk
þrjú atkvæði en Brynja
Þorbjörnsdóttir á Kala-
stöðum tvö.
Akraneskaupstaður
og sveitahrepparnir
fjórir í Borgarfirði sunn-
an Skarðsheiðar standa
að dvalarheimilinu. Ás-
mundur Ólafsson lætur
af störfum sem framkvæmdastjóri á árinu.
Auglýst var eftir umsækjendum með
einhverja þekkingu á stjórnsýslusviði, sem
hafi góða bókhaldsþekkingu og hæfni hvað
mannleg samskipti varðar. Þá var tekið
fram að framkvæmdastjórinn skuli vera
búsettur á svæðinu.
Guðjón ráðinn
framkvæmda-
stjóri Höfða
Guðjón
Guðmundsson
♦♦♦