Morgunblaðið - 07.05.2005, Blaðsíða 41

MORGUNBLAÐIÐ LAUGARDAGUR 7. MAÍ 2005 41
DAGBÓK
Út er komin þriðja ljóðabók, Fallnir englar, eftir
Einar Má Kristjánsson. Bókin er með 51 ljóði og
17 myndum.
Bókin fæst hjá Máli og Menningu, Laugavegi,
Eymundson Austurstræti og einnig hjá höfundi í
síma 869 0907. Bókin kostar 1500 krónur.
Við það bætist póstkröfukostnaður.
Í Tímariti Morgunblaðsins um
helgina segir Ragnhildur Gísla-
dóttir frá vinningum og von-
brigðum á ferlinum, Bergmáli og
tónskáldadraumum.
Í Tímariti Morgunblaðsins
Heilsumiðstöðin Heilsuhvoll heldur opiðhús á morgun, sunnudag, milli klukk-an 14–17 í nýju húsnæði við Borgar-tún 33. Dagmar Eiríksdóttir er meðal
félaga Heilsuhvols.
Hvað er Heilsuhvoll?
Á Heilsuhvoli eru samankomnir 18 meðferð-
araðilar sem hafa allir lokið fullu námi og eru með
tilskilin réttindi í sínu fagi. Þarna er mikil þekking
og viska saman komin og er markmið okkar að
bæta líðan og efla heilsu þeirra sem til okkar leita
með heilsunuddi, hómópatíu, Alexandertækni,
höfuðbeina- og spjaldhryggjarmeðferð, nála-
stungum, ilmkjarnaolíum, osteópatíu, sjúkra-
nuddi, snyrtifræði og svæða- og viðbragðsfræði.
Hvaða þýðingu hafa nýsamþykkt lög um starf-
semi græðara?
Lögin eru mikið fagnaðarefni fyrir alla græð-
ara, en græðarar eru þeir sem starfa við heil-
brigðisþjónustu utan hins almenna heilbrigð-
iskerfis. Þetta er viðurkenning af hálfu hins
opinbera en hingað til hefur lagaleg staða græð-
ara verið óviss og neytendur átt erfitt með að
meta þjónustu þeirra þar sem enginn lagalegur
munur hefur verið gerður á þeim sem tekið hafa
stutt kynningarnámskeið eða þeim sem hafa lokið
margra ára námi frá viðurkenndum skólum. Ég
fagna þessu sérstaklega fyrir hönd okkar nála-
stungumeðhöndlara því hingað til hefur nánast
hver sem er getað notað nálastungur í sinni með-
höndlun, og hefur verið erfitt að standa vörð um
fagmennsku og góða menntun. Við höfum unnið
að því að tryggja fagmennsku innan okkar fag-
hópa, til dæmis með stofnun Nálastungufélags Ís-
lands fyrir tveimur árum. En lögin stuðla enn
frekar að því að tryggja öryggi þeirra sem nýta
sér þjónustu græðara og gæði þjónustunnar sem
veitt er.
Hvernig getur fólk leitað sér þekkingar á óhefð-
bundnum meðferðarúrræðum?
Til dæmis á heimasíðu okkar, heilsuhvoll.is, þar
sem finna má fróðleik um þær meðferðir sem boð-
ið er upp á ásamt forvitnilegum greinum. Við er-
um einnig með símatíma virka daga milli kl. 13–
15.
Hversu algengt er að fólk leiti sér óhefðbund-
inna meðferðarúrræða?
Ég heyrði því fleygt að um 24% þjóðarinnar
leiti sér nú óhefðbundinnar meðferðar, en fyrir tíu
árum var það um 10%. Fólk vill bera ábyrgð á eig-
in heilsu og er að vakna til vitundar um alla þá
möguleika sem hægt er að nýta sér til betra lífs.
Það er svo dásamlegt að úrvalið sem er í boði
veitir öllum möguleika á að finna sér meðferð og
meðferðaraðila við hæfi. Oft er líka gott að flétta
saman fleiri en einni meðferð þannig að þær styðji
hver aðra.
Heilsa | Heilsumiðstöðin Heilsuhvoll heldur opið hús
Að bæta líðan og efla heilsu
 Dagmar Jóhanna Ei-
ríksdóttir er fædd og
uppalin í Reykjavík. Hún
er með próf frá Bænda-
skólanum á Hvanneyri
og Garðyrkjuskólanum í
Hveragerði. Árið 1995
lauk hún fjögurra ára
námi frá The College of
Oriental medicine í
Sussex og var síðan
einn vetur í London
School of Acupuncture þar sem hún lærði
nálastungumeðhöndlun á börnum. Dagmar býr
á Vatnsleysuströnd með manni sínum, Hall-
dóri Hafdal Halldórssyni trillukarli, og börnum
þeirra Hólmfríði Kríu og Katli Huga.
70 ÁRA afmæli. Í dag, laugardag-inn 7. maí, er sjötug Rannveig
S. Guðmundsdóttir frá Ásbjarnarnesi,
Vestur-Húnavatnssýslu, Bröttukinn
20, Hafnarfirði. Rannveig verður að
heiman.
Árnaðheilla
dagbók@mbl.is
50 ÁRA afmæli. Björn S. Lár-usson framkvæmdastjóri sam-
félagssamskipta hjá Bechtel-verk-
takafyrirtækinu, Vesturgötu 41 á
Akranesi, er fimmtugur í dag, laug-
ardaginn 7. maí. Hann tekur á móti
gestum í sal ÍA á Jaðarsbökkum á
Akranesi á milli 4 og 7 í dag.
50 ÁRA afmæli. Þriðjudaginn 10.maí verður Sævar G. Jónsson,
Greniási 8, Garðabæ, fimmtugur.
Vegna þeirra tímamóta taka hann og
fjölskylda hans á móti gestum að
Garðaholti, laugardaginn 7. maí frá
klukkan 20.
Ósammála pirruðum
símnotanda
MÉR finnst svo mikið kvartað yfir
smáhlutum í okkar blessaða þjóð-
félagi að ég verð að koma með smá
hrós – þannig líður mér bara betur
og vonandi geta fleiri tekið undir
með mér. Fyrir það fyrsta hef ég
þurft að leita aðstoðar Símans oftar
en einu sinni og oftar en tvisvar,
bæði gegnum síma og tölvupóst. Í
hvert sinn hef ég fengið pottþétta
þjónustu og þótt ég sé ,,númer 16 í
röðinni“ gengur sú röð yfirleitt fljótt,
fyrir utan að þetta er gjaldfrjálst
númer og ég get dúllað mér við lest-
ur eða eitthvað á meðan ég bíð. Þol-
inmæðin sem mér hefur verið sýnd í
hálfvitaskap mínum varðandi ein-
földustu mál, er til fyrirmyndar.
Varðandi Svanhildi-Opruh-
Íslendinga-málið, þá rökstuddi sú
fyrrnefnda mál sitt afar vel í Kast-
ljósinu. Við ættum að þekkja banda-
rískt sjónvarp betur en svo að draga
ályktanir út frá því eingöngu, við
horfum jú nógu déskoti mikið á það
og ættum því að þekkja það. Spurn-
ing um að fá Þórunni Lárusdóttur til
að tjá sig líka, þar sem hún hefur líka
fengið á sig skot. Að endingu vill ég
þakka RÚV fyrir góða dagskrá og
fyrir snilldargóða stöð sem spilar
eingöngu klassík og djass á FM 87,7.
Ég borga afnotagjöldin mín með
ánægju fyrir svona dagskrárgerð.
Önnur kona og ánægð.
Öryrkjamálið
ÉG HEF verið að velta því fyrir mér
hvort ekki væri hægt að gera ör-
orkubótakerfið hjá TR réttlátara og
einfaldara í sniðum?
Það vita allir að margir þeirra sem
þiggja örorkubætur taka að sér ýmis
störf til að drýgja tekjurnar og öll
þekkjum við einhvern (minnsta kosti
einhvern sem þekkir einhvern) sem
er gerandi eða þiggjandi í því ferli.
Nú ætlar TR eins og Don Quixote
forðum að blása til sóknar gegn
þessu fólki. Spurningin er hvort sú
herferð skili nokkrum árangri, í
mesta lagi eykur það á depurð ör-
orkubótaþeganna.
Er ekki einfaldara að útrýma
þessum vanda með einfaldri kerf-
isbreytingu sem fælist í því að þegar
einstaklingur sem metinn hefur ver-
ið x% öryrki, getur valið um tvennt,
þ.e. að þiggja bætur og heita því svo
að vinna ekki launaða vinnu, en hins
vegar að í stað þess að fá greiddar
bætur, fái hann hærra VSK þak en
við hin sem erum heilbrigð og geti á
þann hátt á löglegan máta séð sér og
sínum farborða. Reikna ég með að
langflestir muni þiggja þennan kost,
enda eru margir örorkubótaþegar
vel færir um að inna af hendi ýmiss
konar verk án þess að það hafi áhrif
á veikindi þeirra, bara ef þeir fá að
ráða sínum vinnutíma og verklagi
sjálfir. Við venjulega fólkið getum þá
einnig keypt þessa þjónustu löglega,
fengið reikninga fyrir veitta þjón-
ustu og leitað réttar okkar ef þjón-
ustan stenst ekki kröfur.
Auðvitað munu einhverjir reyna
að njóta bóta áfram og vinna en þeir
verða mun færri og vinnan fyrir TR
þ.a.l. léttari.
Lárus Rúnar Ástvaldsson.
Prjónakonur
ÓSKA eftir því að komast í samband
við prjónakonur, hvort sem er hand-
eða vélprjón. Upplýsingar í síma
552-0655.
Velvakandi
Svarað í síma 5691100 kl. 10–12
og 13–15 | velvakandi@mbl.is
Félagsstarf
Aflagrandi 40 | Kynning á stafagöngu
verður föstudaginn 13. maí kl. 12. Jóna
Hildur íþróttakennari kemur með stafina
sína. Útivist fyrir alla mánudaga og mið-
vikudaga í sumar.
Bólstaðarhlíð 43 | Handverkssýning
verður í Bólstaðarhlið 43, dagana 8. og
9. maí. Á sunnudaginn syngur dreng-
jakvartettinn Vallargerðisbræður og á
mánudaginn er tískusýning.
FEBÁ, Álftanesi | Haukshús, laug-
ardagur 7. maí, kl. 13–17. Handverkssýn-
ing eldri borgara. Heitt á könnunni.
Félag einhleypra | Fundur verður í kvöld,
laugardagskvöld, að Hverfisgötu 105,
Síðasti fundur vetrarins.
Félag kennara á eftirlaunum | Aðal-
fundur og skemmti- og fræðslufundur kl.
13.30 í Húnabúð, Skeifunni 11.
Félagsmiðstöðin Gullsmára 13 | Hand-
verkssýning verður á handverki eldri
borgara í Kópavogi laugardaginn 7, og
sunnudaginn 8 maí, kl, 14–17. Vöfflukaffi.
Félagsstarf Gerðubergs | „Litaljóð“,
myndlistarsýning Lóu Guðjónsdóttur op-
in kl. 13–17, listakonan er á staðnum.
Upplýsingar um starfsemina er á staðn-
um og í s. 575 7720 virka daga kl. 9–
16.30 og gerduberg.is.
Hraunbær 105 | Handverkssýning verð-
ur sunnudaginn 8. maí frá kl.13 –17 og
mánudaginn 9. maí frá kl. 9–17. Margir
fallegir munir.
Hæðargarður 31 | Félagsstarfið er öllum
opið. Listæfing kl. 9–12. Gönguhópur
Háaleitishverfis kl. 10. Boðið upp á
teygjuæfingar og vatn að lokinni göngu.
Upplýsingar í síma 568–3132.
Kirkjustarf
Akureyrarkirkja | Aðalsafnaðarfundur
verður haldinn í safnaðarheimilinu strax
að lokinni guðsþjónustu kl. 11. Venjuleg
aðalfundarstörf, kosningar.
Grafarvogskirkja | Barnamessuferð
Grafarvogskirkju laugardaginn 7. maí.
Lagt af stað frá Grafarvogskirkju og
Borgarholtsskóla kl. 10. Farið að Hraun-
gerðiskirkju nálægt Selfossi. Boðið upp
á grillaðar pylsur og gos í félagsheimili
sveitarinnar. Komið verður til baka kl. 14.
Háteigskirkja | Dagur opinnar kirkju
verður í Háteigskirkju laugardaginn 7.
maí frá 14 til 18. Listadagskrá: til að
safna fé fyrir nýju orgeli kirkjunnar. Mjög
fjölbreytt dagskrá. Eftirfarandi listafólk
kemur fram: Stórsveit Nix Noltes, Krist-
inn H. Árnason, dansatriði frá Ball-
ettskóla Eddu Scheving, barnakór
Háteigskirkju, Ellen Kristjánsdóttir,
Gunnar Guðbjörnsson, Örnólfur Krist-
jánsson, Helga Steinunn Torfadóttir og
Sigrún Harðardóttir, Douglas Brotchie.
Frjáls framlög í orgelsjóðinn. Kaffisala á
staðnum.
Staðurogstund
http://www.mbl.is/sos