Morgunblaðið - 07.05.2005, Qupperneq 31

MORGUNBLAÐIÐ LAUGARDAGUR 7. MAÍ 2005 31
MINNINGAR
orðheppin. Fjör og kátína einkenndi
hana alla tíð. Hún ljómaði þegar hún
sagði okkur frá fjölskyldu sinni og
engum gat dulist hve mikils virði
hún var henni.
Óvænt og fyrirvaralaust er hún
Jóhanna horfin af sjónarsviðinu. Á
kveðjustund er mér efst í huga þakk-
læti fyrir að hafa átt vináttu hennar.
Forsjóninni þakka ég þá nærgætni
að leiða hana á brott með sömu reisn
og hún lifði og lifir í minningu okkar.
Með söknuð í hjarta kveð ég kæra
vinkonu og frænku og við Davíð
vottum Sigga og fjölskyldunni allri
okkar dýpstu samúð.
Þóra Sveinsdóttir.
Ég veit ekki hvort þú hefur,
huga þinn við það fest.
Að fegursta gjöf sem þú gefur,
er gjöfin sem varla sést.
Ástúð í andartaki,
augað sem glaðlegt hlær,
hlýja í handartaki
hjarta sem örar slær.
Allt sem þú hugsar í hljóði
heiminum breytir til.
Gef þú úr sálarsjóði,
sakleysi fegurð og yl.
Þetta fallega ljóð eftir Úlf Ragn-
arsson hefur leitað á hug minn síðan
mér barst sú harmafregn að Jó-
hanna Jóhannsdóttir hefði látist
skyndilega. Hvers vegna dettur mér
þetta ljóð í hug þegar ég minnist
hennar? Augu Jóhönnu ljómuðu allt-
af af gleði og elsku, handartak henn-
ar var hlýtt. Hún gaf öðrum fegurð
og yl. Það var ávallt bjart yfir Jó-
hönnu og í kringum hana.
Það var haustið 1965 sem við hitt-
umst fyrst. Hún var gift frænda mín-
um Sigurði R. Símonarsyni. Báðar
áttum við von á fyrsta barni og tók-
um þátt í slökunarnámskeiði fyrir
ófrískar konur. Ég sat í biðsalnum
og fletti blöðum þegar klappað var á
öxl mína og nafn mitt nefnt. Hjá mér
stóð ljóshærð og hressileg kona.
Hún sagðist þekkja mig af mynd
sem hún hafði séð hjá ömmu minni
Lovísu Brynjólfsdóttur á Brunna-
stöðum á Vatnsleysuströnd. Þessi
fyrstu kynni mín af Jóhönnu voru
eftirminnileg vegna þess hversu
glaðleg og hreinskilin hún var. Mér
er einnig minnisstætt að tveimur ár-
um síðar hitti ég í fyrsta sinn föður
minn, Einar Jóhannsson skipstjóra,
á heimili þeirra Jóhönnu og Sigurðar
í Hafnarfirði. Þá var ég orðin
hálfþrítug. Þau hjónin skildu að í
brjóstum okkar pabba bærðust við-
kvæmar tilfinningar. En á þessu
góða heimili hófust ánægjuleg kynni
okkar pabba.
Fjölskyldur okkar Jóhönnu áttu
margar samverustundir. Börnin
okkar voru á svipuðum aldri. Það var
gott að heimsækja þau hjónin. Gest-
risni þeirra var sérstök. Þau voru ófá
þorrablótin sem við sóttum saman í
Glaðheimum. Á gleðistundum var
jafnan mikið sungið enda þau hjónin
söngelsk í meira lagi.
Sigurði Rúnari, Jóhanni, Lovísu,
Sigurði Hrafni, foreldrum og öðrum
nánustu ættingjum votta ég mína
dýpstu samúð.
Lovísa Einarsdóttir.
Það voru ótrúlegar fréttir sem
bárust okkur að morgni Sumardags-
ins fyrsta. Jóhanna okkar var látin,
Jóhanna sem alltaf var svo hress og
kraftmikil. En svona getur lífið
breyst á örskotsstundu.
Við kynntumst Jóhönnu fyrst þeg-
ar hún og Sigurður fluttu til Vest-
mannaeyja og hún hóf störf í leik-
skólanum Rauðagerði. Eftir stutta
viðkomu í Kirkjugerði kom hún til
okkar í leikskólann Sóla. Þá voru
skemmtilegir tímar í gangi hjá okk-
ur. Við vorum á fullu að taka upp
Hjallastefnuna og laga okkur að því
mikla og skemmtilega starfi sem
henni fylgir. Jóhanna kom þar inn
með sinn mikla kraft og jákvæðni
sem smitaði svo sannarlega út frá
sér. Það var engin lognmolla þar
sem Jóhanna var heldur mikill kraft-
ur sem einkenndist af gleði, ákveðni
og jákvæðni.
Við hittum Jóhönnu síðast á
Hjallaráðstefnu sem haldin var í
Hveragerði í október s.l. Það voru
yndislegar samverustundir sem við
komum til með að geyma í hjörtum
okkar um ókomna tíð, ásamt öllum
þeim minningum sem við eigum um
hana Jóhönnu okkar.
Við viljum kveðja Jóhönnu með
Vikivökum, ljóði Jóhannesar út
Kötlum:
Sunnan yfir sæinn breiða
sumarylinn vindar leiða
– draumalandið himinheiða
hlær og opnar skautið sitt.
Vorið kemur, heimur hlýnar, hjartað mitt!
Gakk þú út í græna lundinn,
gáðu fram á bláu sundin
– mundu að það er stutt hver stundin
stopult jarðneskt yndið þitt.
Vorið kemur, heimur hlýnar, hjartað mitt!
Allt hið liðna er ljúft að geyma,
láta sig í vöku dreyma.
Sólskinsdögum síst má gleyma
– segðu engum manni hitt.
Vorið kemur, heimur hlýnar, hjarta mitt!
Megi góður Guð fylgja og styrkja
fjölskyldu og vini Jóhönnu í sorginni.
Sólasystur Vestmannaeyjum.
A sama tíma og landsmenn fögn-
uðu sumri á sumardaginn fyrsta
kvaddi Jóhanna skólasystir okkar úr
Fósturskóla Íslands, þetta jarðlíf.
Við óvænt fráfall hennar viljum við,
nokkrar skólasystur, minnast henn-
ar með fáeinum orðum.
Það var haustið 1976 sem við sett-
umst saman á skólabekk hópur
kvenna á misjöfnum aldri sem höfðu
sömu markmið þ.e. að verða fóstrur.
Sumar okkar komu beint úr fram-
haldsskóla en aðrar höfðu verið á at-
vinnumarkaðnum eða að koma sér
upp fjölskyldu árin á undan. Jó-
hanna var í þeim hópi og jafnframt
með þeim elstu. Jóhanna var fljót að
tileinka sér námið og tók virkan þátt
í umræðum og kom skoðunum sínum
á framfæri og hlustaði jafnframt á
skoðanir annarra. Hún var einnig
dugleg að taka þátt í félagslífinu sem
fylgdi skólastarfinu. Jóhanna var
hrókur alls fagnaðar og átti oft
frumkvæðið að ýmsum uppákomum
sem lífguðu upp á tilveruna. Á þriðja
og jafnframt síðasta ári í náminu var
ákveðið að fara í námsferð til Banda-
ríkjanna. Mikil vinna fór í að safna
fyrir ferðinni og voru ýmsar hug-
myndir framkvæmdar til að afla fjár.
Ekki lét Jóhanna sitt eftir liggja
frekar en fyrri daginn. Ferðin tókst í
alla staði mjög vel og var okkur eft-
irminnileg.
Síðastliðið vor voru tuttugu og
fimm ár síðan við útskrifuðumst úr
skólanum og var ákveðið að halda
upp á það með ferð vestur á firði en
ein skólasystir okkar býr þar. Jó-
hanna lét sig ekki vanta í hópinn, kát
og hress að vanda og við áttum mjög
skemmtilegar samverustundir í
þeirri ferð.
Að lokum vottum við eiginmanni,
börnum og öðrum aðstandendum
öllum okkar innilegustu samúðar-
kveðjur og kveðjum Jóhönnu með
þakklæti í huga.
Skólasystur í B-bekk Fóstur-
skóla Íslands 1976–’79.
 Fleiri minningargreinar um
Jóhönnu Jóhannsdóttur bíða birt-
ingar og munu birtast í blaðinu
næstu daga. Höfundar eru: Októvía;
Guðrún Sigursteinsdóttir.
Pantanir í síma 562 0200
Á fallegum og notalegum
stað á 5. hæð Perlunnar.
Aðeins 1.250 kr. á mann.
Perlan
ERFIDRYKKJUR
Steinsmiðjan MOSAIK
Hamarshöfða 4 • 110 Reykjavík • sími 587 1960 • www.mosaik.is
MIKIÐ ÚRVAL AF LEGSTEINUM
OG FYLGIHLUTUM
Sendum myndalista
Okkar ástkæri,
SÆMUNDUR GUÐVINSSON
blaðamaður,
sem lést á gjörgæsludeild Landspítala Foss-
vogi mánudaginn 2. maí síðastliðinn, verður
jarðsunginn frá Fossvogskirkju miðvikudaginn
11. maí kl. 15.00.
Stefán Þór Sæmundsson, Björg Sigurvinsdóttir,
Valur Sæmundsson, Hafdís G. Pálsdóttir,
Skarphéðinn Sæmundsson,
Irene Gook,
Nína Hafdís,
systkini hins látna og barnabörn.
Okkar innilegustu þakkir til þeirra sem auð-
sýndu okkur samúð og kærleik vegna andláts
ÓSKARS ÁGÚSTSSONAR.
Sérstakar þakkir til þeirra sem gerðu honum
síðustu fjögur ár léttbærari.
Megi hönd almættis leiða ykkur öll.
Dísa, börn og barnabörn,
Mánagötu 27, Reyðarfirði.
Ástkær sonur minn, faðir okkar, bróðir og
mágur,
JOCHUM MAGNÚSSON,
lést á Almenna sjúkrahúsinu í Malmö, Svíþjóð,
sunnudaginn 1. maí.
Júlía Jónsdóttir,
Sigríður Karen Jochumsdóttir,
Marís Þór Jochumsson,
Jóhanna Júlía Jochumsdóttir,
Margrét Rósa Jochumsdóttir,
Þorvaldur Jakob Jochumsson,
Guðrún Þóra Magnúsdóttir, Sigurður Gizurarson,
Sigrún Magnúsdóttir, Stefán Brynjólfsson,
Valgerður Magnúsdóttir, Sölvi Ragnarsson,
Sigurður Friðrik Magnússon, Hafdís H. Bárudóttir,
tengdabörn og barnabörn.
Ástkær eiginkona mín, móðir okkar, stjúp-
móðir, tengdamóðir, amma og langamma,
HUGRÚN SELMA HARALDSDÓTTIR,
verður jarðsungin frá Stokkseyrarkirkju í dag,
laugardaginn 7. maí, kl. 14.00.
Grétar Zophóníasson,
Hörður Sigurðsson, Aldís Marteinsdóttir,
Kristín Sigurðardóttir, Vilhjálmur Magnússon,
Metta Elísabet Grétarsdóttir, Ólafur Jóhannsson,
Kristín Grétarsdóttir, Gestur Jón Gestsson,
barnabörn og barnabarnabörn.
Innilegar þakkir fyrir auðsýnda samúð og hlý-
hug við andlát og útför elsku dóttur okkar,
systur og barnabarns,
ERNU MARÍU GUÐMUNDSDÓTTUR,
Fannafold 245,
Reykjavík.
Þorgerður Björg Pálsdóttir, Guðmundur Karl Marinósson,
Sigrún Huld Guðmundsdóttir,
Marinó Þ. Guðmundsson, Erna Guðmundsdóttir,
Páll Þórhallsson, Hildigunnur Halldórsdóttir.
Ástkær bróðir okkar, mágur og frændi,
EYJÓLFUR KRISTINN LEMANN
ALFREÐSSON,
lést miðvikudaginn 27. apríl.
Útförin fer fram frá Fossvogskirkju mánudaginn
9. maí kl. 15.00.
Lilja Bóthildur Alfreðsdóttir,
Haraldur Gunnar Borgfjörð, Grace Borgfjörð,
Margrét Ósklín Alfreðsdóttir
og frændsystkini.
Ástkær sambýlismaður minn, faðir okkar,
tengdasonur, tengdafaðir, stjúpi og afi,
HEIÐAR ALBERTSSON
vélstjóri,
Laugalind 3,
Kópavogi,
andaðist á Landspítala Hringbraut miðviku-
daginn 4. maí.
Útförin auglýst síðar.
Margrét Sigurðardóttir,
Ingibjörg Heiðarsdóttir, Guðmundur Jónasson,
Lilja Björk Heiðarsdóttir, Guðmundur Stefánsson,
Jón Grétar Heiðarsson, Hólmfríður Björnsdóttir,
Ingibjörg Sigurðardóttir,
stjúpbörn og barnabörn.