Morgunblaðið - 11.05.2005, Blaðsíða 20

20 MIÐVIKUDAGUR 11. MAÍ 2005 MORGUNBLAÐIÐ
MINNSTAÐUR
LANDIÐ
SUÐURNES
VORSTÖRFIN hófust hjá landgræðslufólki
fyrr en oft áður. Sáningarvélar tóku til starfa
við Þorlákshöfn í byrjun apríl og eru nú í notk-
un á Mýrdalssandi og Hólasandi. Í fyrradag
hófst árlegt áburðarflug landgræðsluvélarinnar
Páls Sveinssonar. Stærstu verkefnin í vor eru
unnin í samvinnu við Vegagerðina og beinast að
því að draga úr sandfoki á vegi. Landgræðslu-
stjóri segir að góður árangur hafi náðst og
nefnir Mýrdalssand sem dæmi um það.
Helsta verkefni Páls Sveinssonar í sumar er
að dreifa áburði og grasfræi á landgræðslu-
svæði vestan Þorlákshafnar. Er þetta sam-
starfsverkefni Landgræðslunnar og Vegagerð-
arinnar og beinist nú einkum að því að koma í
veg fyrir sandfok á nýju vegstæði fyrirhugaðs
Suðurstrandarvegar, að sögn Sveins Runólfs-
sonar landgræðslustjóra. Að þessu sinni verður
dreift á þriðja hundrað tonnum af áburði og
grasfræi en sandfokssvæðið er 3.000 til 4.000
hektarar að stærð. Þetta er fimmta árið sem
Vegagerðin og Landgræðslan vinna að þessu
verkefni og segir Sveinn að árangur til þessa
lofi góðu.
Páll Sveinsson verður í notkun í tæpan hálfan
mánuð í vor. Auk þessa verkefnis dreifir hann
áburði á Reykjanesi í samstarfi við Samtök
sveitarfélaga á Suðurnesjum og fyrir landeig-
sandi í nágrenni þjóðvegarins. Melgresisrák-
irnar hafa safnað í sig sandi og hækka ár frá
ári og mynda þannig sífellt meira skjól fyrir
umferðina um þjóðveginn á vissum köflum. Í ár
verður sáð í á annað hundrað hektara á Mýr-
dalssandi.
Landbætur við Krýsuvík
Landgræðslan vinnur að ýmsum smærri
verkefnum á Suðurlandi, meðal annars í Skafta-
fellssýslum og Rangárvallasýslu. Sveinn nefnir
einnig verkefni sem unnið er að við Krýsuvík í
samstarfi við sveitarfélög og Vegagerðina. Þar
er verið að girða af beitarhólf upp af Krýsuvík,
fyrir sauðfé Grindvíkinga, og jafnhliða unnið að
stöðvun gróðureyðingar og að bæta land. „Það
samkomulag sem tókst á síðasta ári var lang-
þráð og kemur alveg í veg fyrir lausagöngu bú-
fjár á Reykjanesskaganum,“ segir Sveinn.
Á Norðurlandi er Hólasandur stærsta upp-
græðsluverkefnið og þar eru landgræðslumenn
að hefja störf þessa dagana. Einnig er unnið að
fjölda smærri verkefna.
„Langumfangsmesta verkefnið er þó Bændur
græða landið. Það dreifist um allt land enda
taka nærri 600 bændur þátt í því,“ segir
Sveinn. Bændurnir leggja til þekkingu, vélar og
vinnu við landbætur á heimalöndum sínum og
Landgræðslan kemur til móts við þá með því að
leggja til hluta áburðar og fræs og með því að
veita þeim ráðgjöf.
endur í nágrenni Reykjavíkur og fyrir austan
fjall.
Að þessum verkefnum loknum verður flug-
vélin afhent Þristavinafélaginu til varðveislu en
það er áhugamannafélag sem hyggst varðveita
hana. Sveinn segir óvíst um áframhaldandi
notkun vélarinnar til áburðarflugs en tekur
fram að tankurinn verði áfram í henni. „Verk-
efnin eru orðin lítil því bændur og verktakar
hafa tekið við þeim flestum.“
Sáning hófst fyrr en oft áður
Önnur uppgræðsluverkefni sumarsins hófust
með fyrra fallinu, að sögn landgræðslustjóra,
enda fór frost snemma úr jörðu. „Það er raunar
enn kalt í lofti. Hér í Gunnarsholti er til dæmis
frost flestar nætur,“ segir Sveinn.
Byrjað var að nota sáðvélarnar á land-
græðslusvæðinu vestan við Þorlákshöfn í byrj-
un síðasta mánaðar, einmitt á sama svæðinu við
væntanlegan Suðurstrandarveg og Páll Sveins-
son er nú að vinna á. Þar var sáð melfræi.
Núna eru vélarnar austur í Mýrdal þar sem
þær eru notaðar til að sá fræjum melgresis og
lúpínu og verktaki ber áburð á svæðin sem sáð
var í á síðasta ári. „Á Mýrdalssandi er afar erf-
itt sandfokssvæði og sandurinn sækir á þjóð-
veginn. Gríðarlegur árangur hefur náðst þarna
og sandfok hamlar umferð mun minna en áður
var,“ segir Sveinn.
Breyting hefur orðið á landslagi á Mýrdals-
Sáning og áburðargjöf starfsfólks Landgræðslunnar hófst fyrr í vor en oft áður
Melgresið myndar landslag
Eftir Helga Bjarnason
helgi@mbl.is
Morgunblaðið/Jónas Erlendsson
Nýtt landslag Melgresi á Mýrdalssandi safnar í sig foksandi og myndar hæðir sem veita ökumönnum skjól fyrir sandroki. Umferðin er öruggari.
„ÞETTA venst. Ég er vanur því að
vera einhvers staðar einn með
sjálfum mér,“ sagði Bjarni Arn-
þórsson, sáningarmaður hjá Land-
græðslunni, þar sem hann ók með
raðsáningarvélina á Mýrdalssandi
í gær.
Hann sagðist venjulega hafa
verið einn á sandinum en núna séu
tvær vélar að störfum í einu.
„Þetta er eins og að vera í fjölbýli
þegar maður veit af öðrum í ná-
grenninu,“ segir Bjarni.
Hann var að sá mel, berings-
punti og lúpínu. Spurður um
breytingar á landslagi á Mýrdals-
sandi vegna uppgræðslunnar segir
Bjarni að melrákirnar safni í sig
sandi og hækki ár frá ári. Hann
áætlar að elstu rákirnar séu orðn-
ar þriggja metra háar. Sumar eru
margir kílómetrar að lengd, sér-
staklega austan við Blautukvísl, en
misháar.
Uppgræðsla Bjarni Arnþórsson,
sáningarmaður hjá Landgræðsl-
unni, setur fræ og áburð í rað-
sáningarvélina á Mýrdalssandi.
Vanur að vera
einn með
sjálfum mér
Reykjanesbær | Útibú Landsbank-
ans í Keflavík hefur með sam-
komulagi við stjórn Þroskahjálpar á
Suðurnesjum stofnað styrktarsjóð
félagsins. Samningur þess efnis var
undirritaður við móttöku sem bank-
inn bauð til í tilefni af endurnýjun
húsnæðis útibúsins.
Útibúið leggur samtals þrjár millj-
ónir kr. til sjóðsins á næstu fjórum
árum. Sjóðurinn verður varðveittur
í bankanum og segir Halldór Leví
Björnsson, formaður Þroskahjálpar
á Suðurnesjum, að stefnt sé að því að
láta höfuðstól sjóðsins halda sér að
mestu en úthluta vöxtunum tvisvar á
ári til stuðnings félaginu og skjól-
stæðingum þess. Þá segist hann von-
ast til að sjóðurinn eflist á næstu ár-
um með framlögum annarra í hann.
„Sjóðurinn kemur sér vel. Það eru
óteljandi verkefni sem við höfum
áhuga á að vinna að og hann getur
opnað leið til láta einhver þeirra
verða að veruleika,“ segir Halldór.
Þroskahjálp rekur dagvist fyrir fatl-
aða í Ragnarsseli og kostar for-
eldraráðgjafa. Þá rekur félagið
vinnustaðinn Dósasel.
Húsnæði útibús Landsbankans á
Hafnargötu 57 í Keflavík hefur allt
verið endurnýjað í samræmi við
breyttar þarfir viðskiptavina bank-
ans fyrir þjónustu. Friðgeir Magni
Baldursson útibússtjóri sagði í
ávarpi við móttöku sem efnt var til
að þjónustan hafi verið efld verulega
og löguð að nútíma bankastarfsemi.
Þjónustufulltrúum hafi verið fjölgað
og söluráðgjafi fengið fasta aðstöðu.
Auk fyrirtækjasérfræðings hafi ver-
ið ráðinn einstaklingssérfræðingur í
fullt starf og muni hann sinna mark-
aðsmálum og ráðgjöf vegna við-
skipta við einstaklinga. Starfsfólki
hefur fjölgað í útibúinu sem einnig
hefur afgreiðslur á Keflavík-
urflugvelli og í Sandgerði.
Friðgeir sagði að starfsemin hefði
aukist. Þannig hefðu útlán aukist á
annan milljarð frá áramótum og nú
væru útlán bankans á Suðurnesjum
orðin meiri en innlánin en því hefði
verið öfugt farið um síðustu áramót.
Útibú Landsbankans stofnar Styrktarsjóð Þroskahjálpar á Suðurnesjum
Áhugi á að ráðast í óteljandi verkefni
Ljósmynd/Hilmar Bragi
Styrkur Halldór Leví Björnsson, formaður Þroskahjálpar á Suðurnesjum, og Björgólfur Guðmundsson, stjórnar-
formaður Landsbankans, takast í hendur eftir undirritun samninga um stofnun styrktarsjóðs. Á milli þeirra eru
Friðgeir Magni Baldursson, útibússtjóri í Keflavík, og Sigurjón Þ. Árnason, bankastjóri Landsbankans.
Helguvík | Hringrás hefur hafið út-
flutning á brotamálmi frá atvinnu-
svæði sínu við Helguvíkurhöfn.
Fyrsta farm-
inum var
skipað út síð-
astliðinn
föstudag.
Hringrás
tók í notkun
söfnunar- og
vinnslusvæði í
iðngörðunum
við Helguvík í
nóvember
síðastliðnum. Fyrirtækið hefur boð-
ið sveitarfélögunum hagkvæmar
lausnir við förgun brotajárns og
málma og hafa þær verið í skoðun,
að því er fram kemur í fréttatil-
kynningu frá fyrirtækinu. Vakin er
athygli á því að starfsemin í Helgu-
vík komi svæðinu vel og dragi úr
kostnaði vegna þess að ekki þurfi
að aka málmunum til Reykjavíkur.
Hringrás hefur tekið þátt í ár-
legu umhverfisátaki Reykjanesbæj-
ar. Þar hefur þúsundum tonna af
brotajárni og málmum verið safnað
saman, endurgjaldslaust.
Þrjú þúsund
tonn af brota-
járni úr landi