Morgunblaðið - 02.10.2005, Blaðsíða 4

4 SUNNUDAGUR 2. OKTÓBER 2005 MORGUNBLAÐIÐ
FRÉTTIR
Heimsferðir bjóða frábært tækifæri til
að kynnast þessari stórkostlegu
Karíbahafseyju. Þú velur hvort þú
dvelur viku í Havana, viku á Varadero
ströndinni eða skiptir dvölinni á milli
staðanna. Kúbuferð er ævintýri sem
lætur engan ósnortinn. Þú kynnist
stórkostlegri náttúrufegurð og ein-
stakri þjóð. Havana er ein fegursta
borg nýlendutímans og lífsgleði og
viðmót eyjaskeggja eru engu lík.
Skógarhlíð 18 • sími 595 1000 • www.heimsferdir.is
Kúba
8. - 14. nóv.
frá kr. 69.990
Síðustu sætin - Allt innifalið
Verð kr. 69.990
Netverð á mann. Flug, skattar og gisting á Hotel
Villa Tortuga í 6 nætur, allt innifalið.
Munið Mastercard
ferðaávísunina
RANNVEIG Böðvars-
son, fyrrverandi stjórn-
arformaður Haraldar
Böðvarssonar hf. á
Akranesi, er látin, átta-
tíu og eins árs að aldri.
Rannveig fæddist á
Vesturgötu 32 í
Reykjavík, 8. júlí 1924.
Foreldrar hennar voru
Mattea Kristín Páls-
dóttir, síðar Torp,
saumakona og Pálmi
Hannesson, rektor
Menntaskólans í
Reykjavík.
Rannveig var ung við
nám og störf í Danmörku en gekk
síðan í Verslunarskólann. Þá vann
hún ýmis skrifstofustörf hjá
Tryggva Ófeigssyni, stórútgerðar-
manni í Reykjavík.
Rannveig giftist Sturlaugi H.
Böðvarsson, útgerðarmanni á Akra-
nesi, árið 1945. Stýrði hann Harald
Böðvarsson hf. Bjuggu þau á Vest-
urgötu 32 á Akranesi alla sína tíð.
Rannveig og Stur-
laugur eignuðust sex
börn saman, en þau eru
Mattea Kristín, Har-
aldur, Sveinn, Rann-
veig, Sturlaugur og
Helga, en auk þess átti
Sturlaugur af fyrra
hjónabandi eitt barn
sem er Ingunn Helga.
Sturlaugur dó 14.
maí 1976 og tók þá
Haraldur Sturlaugs-
son, sonur hans, við
stjórn fyrirtækisins, en
Rannveig var stjórnar-
formaður um tíma.
Stýrði Rannveig stóru heimili og
var þar oft gestkvæmt. Komu þar
bæði innlendir og erlendir gestir í
tengslum við fyrirtækið. Var hún af-
ar félagslynd og styrkti margvísleg
málefni, bæði á Akranesi og víðar á
landinu, m.a. hafði hún mikinn áhuga
á starfinu á Sólheimum í Grímsnesi.
Þá starfaði hún í Kirkjunefnd
kvenna.
Andlát
RANNVEIG
BÖÐVARSSON
STARFSMENN frá embætti Ríkis-
lögreglustjóra voru á ferðinni í
Kópavogi aðfaranótt laugardags og
stöðvuðu á Reykjanesbraut ungan
ökumann með tveggja daga gamalt
ökuskírteini. Hann var á 115 km
hraða á klst. þar sem hámarkshraði
er 70 km/klst.
Sömu lögreglumenn stöðvuðu síð-
ar um nóttina annan ökumann fyrir
of hraðan akstur, þó ekki hefði verið
um jafn mikinn hraða. Smáræði af
ætluðum fíkniefnum fannst í bifreið-
inni. Var ökumanni sleppt að lokinni
leit í bifreiðinni og haldlagningu
fíkniefnanna og verður hann kærður
fyrir vörslu þeirra.
Þá benti dyravörður á skemmti-
stað í Kópavogi lögreglu á grunsam-
legan gest sem hann grunaði um
vörslu fíkniefna. Lögreglan tók hann
höndum og við leit fundust á honum
fíkniefni. Var manninum sleppt eftir
yfirheyrslur og telst málið upplýst.
Þó þurfti að vísa nokkrum börnum
undir lögaldri út af skemmtistað og
verður tekið á því máli eins og lög
gera ráð fyrir.
Erilsamt hjá
lögreglu
í Kópavogi
LAUNAVÍSITALAN hækkaði um 0,3% í ágúst
og hefur vísitalan þá hækkað um 6,7% síðustu tólf
mánuði, sem er nær tveimur prósentustigum
meira en vístala neysluverðs hefur hækkað um,
en hún hefur hækkað um 4,8% frá því í september
í fyrra. Kaupmáttur launa að meðaltali er því
ennþá hærri en hann var fyrir ári sem þessu nem-
ur eða 1,8% þrátt fyrir mikla mánaðarlega hækk-
un vísitölu neysluverðs fyrr í mánuðinum.
Áfangahækkun launa var 3% hjá flestum laun-
þegahópum 1. janúar síðastliðinn. Sú hækkun ein
og sér hækkaði launavísitöluna um 2,2%, en síðan
hefur launavístalan hækkað um 3% til viðbótar
það sem af er árinu, þ.e.a.s. frá janúar til og með
ágúst. Þar er væntanlega fyrst og fremst um að
ræða launahækkanir vegna kjarasamninga sem
gerðir hafa verið á þessu tímabili og hækkanir
vegna launaskriðs.
Nú er það auðvitað þannig að launaþróun hjá
einstaka starfsstéttum eru mismunandi frá einu
tímabili til annars. Þannig geta sumar starfs-
stéttir einungis hafa fengið 3% áfangahækkunina
um síðustu áramót á sama tíma og aðrar starfs-
stéttir hafi notið launaskriðs að auki og fengið
mun meiri hækkanir vegna aðstæðna á vinnu-
markaði.
Kjararannsóknanefnd aðila vinnumarkaðarins
hefur um langa hríð birt ársfjórðungslegar upp-
lýsingar um laun einstakra starfstétta, gjarnan
tveimur til þremur mánuðum eftir lok hvers árs-
fjórðungs. Nú bregður hins vegar svo við að eng-
ar upplýsingar hafa birst um launaþróun ein-
stakra starfstétta það sem af er þessu ári.
Seinustu upplýsingarnar sem birtust eru vegna 4.
ársfjórðungs í fyrra.
Þrír ársfjórðungar í nóvember
Hrafnhildur Arnkelsdóttir, deildarstjóri hjá
Hagstofunni, segir að tæknilegir örðugleikar
vegna gagnasöfnunar hafi gert það að verkum að
ekki hafi verið hægt að birta sundurliðaðar upp-
lýsingar um laun einstakra starfstétta það sem af
er árinu. Nú séu hins vegar þeir örðugleikar að
baki og stefnt sé að því að upplýsingar um laun
einstakra starfstétta á fyrstu þremur ársfjórð-
ungum ársins verði birtar í nóvembermánuði.
Eins og kunnugt er eiga aðilar vinnumarkaðar-
ins að yfirfara hvort forsendur kjarasamninga
standi fyrir 15. nóvember næstkomandi, en ein af
forsendum samningana er að verðlag þróist í
samræmi við verðbólgumarkmið Seðlabanka Ís-
lands.
Rétt er að hafa í huga í þessu sambandi að
mánaðarlegir útreikningar á vísitölu neysluverðs
og launavísitölu Hagstofu Íslands falla ekki alveg
saman, þar sem launavísitalan er alltaf reiknuð
eftir á. Vísitalan sem birt var fyrir nokkrum dög-
um gildir þannig fyrir ágústmánuð, en vísitala
neysluverðs sem birt var fyrr í mánuðinum gildir
fyrir september.
Launavísitalan hefur hækkað um 6,7% á seinustu tólf mánuðum
Kaupmáttur 1,8% meiri
að meðaltali en fyrir ári
Eftir Hjálmar Jónsson
hjalmar@mbl.is
BJÖRN Ingi Hrafnsson, formaður
fjölskyldunefndar forsætisráð-
herra og aðstoðarmaður forsætis-
ráðherra, vill að
börn yngri en 18
ára, námsmenn,
aldraðir og ör-
yrkjar fái frítt í
strætó. Hann
segir að víða er-
lendis fái þessir
þjóðfélagshópar
frítt í almenn-
ingsvagna og
bendir einnig á
Reykjanesbæ þar sem er ókeypis
að taka strætó.
„Sífellt algengara verður að sjá
aðeins einn í hverjum bíl, þ.e. að-
eins ökumanninn, og skv. tölum
um innflutning bíla eru þeir farnir
að nálgast fjölda landsmanna með
ökuréttindi. Bílarnir eru jafnframt
stærri og meiri um sig en áður og
allt leiðir það til þess að gatna-
kerfið er við það að springa; ekki
aðeins í þéttbýlinu heldur einnig á
þjóðvegum úti á landi þar sem
þungaflutningar fara nú að mestu
fram,“ segir Björn Ingi á heima-
síðu sinni.
„Fólki munar um þessar fjár-
hæðir, en þær skipta litlu fyrir
sveitarfélagið sem þegar greiðir
stærstan hluta kostnaðarins við
reksturinn, en fengi út úr þessu
betri nýtingu og hagkvæmari al-
menningssamgöngur. Og með því
myndi draga úr umferð í höfuð-
borginni (sem kostar peninga og
mengun), draga úr sliti á götunum
(sem kostar mikla peninga) og
draga úr þörf á bílastæðum (sem
kostar mikla peninga),“ segir
Björn Ingi.
Vill að nem-
ar og aldr-
aðir fái frítt
í strætó
Björn Ingi
Hrafnsson
VÖRUBÍLL lenti út af vegi og valt á
Öxnadalsheiði um tíuleytið á föstu-
dagskvöld. Engin slys urðu á fólki,
en bíllinn skemmdist talsvert mikið.
Mikil hálka var á heiðinni og var bíl-
stjóri vörubílsins að reyna að forðast
árekstur við bíl sem kom úr gagn-
stæðri átt, þegar hann rann út af
veginum.
Vörubíll
valt á Öxna-
dalsheiði
♦♦♦
HAUSTVEÐRIÐ hefur nú heim-
sótt Frón með látum undanfarna
daga. Mikið haustkvef hefur fylgt í
kjölfarið, þegar landsmenn fá áfall
í kuldasveiflunni og ráða hóstar,
hnerrar og stunur víða ríkjum.
Þótt undarlegt megi virðast
gera haustkuldarnir minnstan ósk-
unda meðal leik- og grunnskóla-
barna landsins, sem mætti halda
að væru viðkvæmust fyrir veik-
indum. En það gæti orsakast af því
að þau eru hvað duglegust við að
drekka lýsi, taka vítamín og klæða
sig skynsamlega. En það er eitt-
hvað sem fullorðna fólkið mætti
temja sér í ríkari mæli.
Vinkonurnar Rannveig og Ey-
rún voru heilbrigðið uppmálað
þegar þær röltu saman heim úr
Kársnesskóla, enda kappklæddar
og hressar í ferskum haustvind-
inum. Morgunblaðið/ÁsdísSpjallað á götuhorni, Rannveig og Eyrún á leið heim úr Kársnesskóla.
Skrafa
saman í
haust-
veðrinu