Morgunblaðið - 02.10.2005, Blaðsíða 47

MORGUNBLAÐIÐ SUNNUDAGUR 2. OKTÓBER 2005 47
AUÐLESIÐ EFNI
BBC, sem er stærsta
fjölmiðla-samsteypa
Bret-lands, hefur keypt
réttinn til að sýna
sjónvarps-þættina um
Lata-bæ næstu 5 árin.
Sýningarnar eiga að byrja
á morgun, og munu ná til
57 milljóna
sjónvarps-áhorfenda.
Michael Carrington,
yfir-maður barna-efnis hjá
BBC, segir stöðina bera
mikla ábyrgð sem
ríkis-stöð. Um 1 milljón
barna séu of feit, og því
vilja þeir endi-lega sýna
þættina um Latabæ. Þeir
geta fengið börn til að
hreyfa sig og borða hollari
mat. Þættirnir séu eins og
BBC vilji hafa almenni-legt
barna-efni, „þeir mennta,
skemmta og upp-lýsa,“
sagði Carrington og bætti
því við að hann væri viss
um að þættirnir yrðu
vin-sælir í Bret-landi.
Morgunblaðið/Kristinn
Carrington og Magnús Scheving glaðir með samninginn.
Lati-bær í Bret-landi
Um seinustu helgi birti
Frétta-blaðið tölvu-bréf úr
tölvu-samskiptum Jónínu
Benediktsdóttur og Styrmis
Gunnarssonar, rit-stjóra
Morgun-blaðsins, um að
Styrmir hefði aðstoðað Jón
Gerald Sullenberger við að
finna lög-fræðing, Jón
Steinar Gunnlaugsson, og
rætt það mál við Kjartan
Gunnarsson,
framkvæmda-stjóra
Sjálfstæðis-flokksins. Jón
Steinar vann að kærunni á
hendur Baugs-mönnum, sem
síðar leiddi til Baugs--
rannsóknarinnar árið 2002.
Styrmir svaraði fyrir sig á
síðum Morgun-blaðsins. Þar
sagðist hann aldrei hafa haft
áhrif á viðskipta-deilur
Baugs-manna og Jóns
Geralds.
Árið 2002 hefði hann t.d
fengið gögn um málið en ekki
fundist við hæfi að birta þau.
Hann hefði leitað til Kjartans
vegna langrar vin-áttu þeirra,
en ekki vegna stöðu hans hjá
Sjálfstæðis-flokknum.
Á mánu-daginn hélt hann
síðan starfs-mannafund á
Morgun-blaðinu, sem sagt
var frá í Morgun-blaðinu
daginn eftir. Þar greindi hann
frá því að hann hefði
einfald-lega verið að að--
stoða mann sem leitað hefði
til hans við að ráða sér
góðan lög-fræðing.
Lögreglu-stjóri hefur nú
sett lög-bann við birtingu
tölvu-bréfanna.
Atli Gíslason
hæstaréttar-lögmaður segir
að Frétta-blaðið hafi brotið
gegn almennum
hegningar-lögum og
mann-réttindum með því að
birta tölvu-pósta Jónínu
Benediktsdóttur án leyfis.
Tölvu-bréf verða
frétta-mál
Davíð Oddsson hætti á þriðju-daginn
sem utanríkis-ráðherra. Brátt mun
hann hætta öllum af-skiptum af
stjórn-málum og taka við stöðu
seðlabanka-stjóra. Davíð hafði þá setið
14 ár í ríkis-stjórn. Hann sagðist
þakk-látur fyrir að hafa fengið að hafa
svo mikil áhrif á þróun lands- og
þjóð-mála. Honum fyndist hins vegar
verra að eyði-leggja hár-kolluna fyrir
Erni Árna-syni Spaugstofu-manni sem
líklega þyrfti lítið til hennar að grípa í
fram-tíðinni. Davíð óskaði síðan
Halldóri Ásgrímssyni alls hins besta
sem forsætis-ráðherra.
Aðrar breytingar í ríkis-stjórn Íslands
voru að Geir H. Haarde tók við stöðu
utanríkis-ráðherra, en hann var áður
fjármála-ráðherra. Árni M. Mathiesen er
nú fjármála-ráðherra, en var
sjávarútvegs-ráðherra. Einar K.
Guðfinnsson verður ráð-herra í fyrsta
skipti en hann er nýi
sjávarútvegs-ráðherrann. Halldór sagði
að engin sér-stök stefnu-breyting yrði
við þessi ráðherra-skipti.
Davíð er hættur
Morgunblaðið/Golli
Hundruð manna hafa þurft að
flýja heimili sín í út-hverfum
Los Angeles, þar sem
skógar-eldar geisa. Rúmlega
3000 slökkviliðs-menn
berjast við eldana, og vatni
var kastað yfir þá úr
flug-vélum og þyrlum. Eldarnir
breiddust hratt út yfir stórt
lands-svæði og eyði-lögðu
eitt hús og skemmdu fleiri.
Eldunum er lýst sem 16
kíló-metra eld-vegg sem æðir
yfir svæðið. Eldarnir byrjuðu í
San Fernando-dalnum sem er
um 50 kíló-metra frá mið-borg
Los Angeles. Verið er að
rann-saka upp-tök eldanna.
Skógar-eldar í
Los Angeles
Reuters
Barist við eldana.
Greta Mjöll skorar 4 mörk
Íslenska kvenna-landsliðið
í knatt-spyrnu yngri en 19
ára, sigraði lið
Bosníu-Hersegóvínu 5:0 um
daginn. Fyrir-liðinn, Greta
Mjöll Samúelsdóttir úr
Breiða-bliki, skoraði 4
markanna. Riðillinn er leikinn
í Sarajevíó í Bosníu og
stúlkurnar hafa nú tryggt sér
sæti í milli-riðli í
undan-keppni
Evrópu-mótsins.
Alþjóð-leg kvikmynda-hátíð sett
Alþjóð-leg kvikmynda-hátíð í
Reykja-vík var sett á
fimmtu-daginn.
Opnunar-myndin var danska
gaman-myndin Epli Adams
sem er fram-lag Dana til
Óskars-verðlaunanna. 58
kvik-myndir verða sýndar á
11 dögum. Hægt er að skoða
dag-skrána nánar á
www.filmfest.is.
Aukatónleikar Antonys and the
Johnsons
Hljóm-sveitin Antony and
The Johnsons heldur
tón-leika í Frí-kirkjunni í
Reykjavík 11. desember.
Upp-selt var á tón-leikana á 7
mínútum, og þegar
söngvarinn Antony Hegarty
frétti það, ákvað hann að
halda eina auka-tónleika
daginn eftir. Miða-sala hefst
á miðviku-daginn kl. 10 á
midi.is og í Skífunni á
Lauga-vegi.
Stutt
Þýskir
íhalds-menn
hafa verið
vissir um að
Gerhard
Schröder
myndi láta af
kanslara-
embætti á
mánu-dag. Þá
lýkur loks talningu eftir
sambands-kosningarnar, sem
fram fóru 18. september.
Enginn vann af-gerandi sigur í
kosningunum og illa hefur
gengið að mynda stjórn.
Schröder sem er for-maður
Jafnarmanna-flokksins, og
Angela Merkel, leið-togi
Kristi-lega demó-
krata-flokksins vilja bæði
verða kanslarar.
Schröder fer hins vegar
sem kanslari Þýska-lands, til
Spánar í næstu viku til að
hitta Jose Luis Zapatero,
forsætis-ráðherra Spánar.
Þeir ætla að ræða sam-skipti
ríkjanna, alþjóða-mál og
leiðtoga-fund
Evrópu-sambandsins sem
brátt verður haldinn í
Bretlandi.
Schröder
kanslari?
Gerhard
Schröder
ÁSGEIR Sigurvinsson og Logi
Ólafsson, þjálfarar íslenska
lands-liðsins í knatt-spyrnu,
hafa valið í liðið sem leikur
vináttu-landsleik gegn
Pól-verjum á miðviku-daginn
og leik gegn Svíum í
Stokk-hólmi í undan-keppni
heimsmeistara-keppninnar
2006.
Í liðinu er einn nýliði, Sölvi
Geir Ottesen Jónsson, sem
leikur með Djurgården í
Svíþjóð. Eiður Smári
Guðjohnsen og Hermann
Hreiðarsson spila ekki í
leikjunum tveimur og því varð
að finna nýjan sterkan
mið-herja sem Sölvi Geir er.
„Okkur Ásgeiri hefur
fundist hann hafa staðið upp
úr með U-21 árs liðinu og
það er framtíð í þessum
strák,“ sagði Logi Ólafsson,
landsliðs-þjálfari. Það er
næstum uppselt á leik
Sví-þjóðar og Íslands, sem
fram fer á Råsunda
leik-vanginum í Stokk-hólmi
12. október.
Morgunblaðið/Sverrir
Ásgeir Sigurvinsson og Logi
Ólafsson landsliðs-þjálfarar
íhuga málið.
Ný-liði í lands-liðinu