Morgunblaðið - 14.12.2005, Page 23

MORGUNBLAÐIÐ MIÐVIKUDAGUR 14. DESEMBER 2005 23
MINNSTAÐUR
„Ég hélt nú á Silju yfir þröskuldinn!“
H
im
in
n
o
g
h
a
f
/
S
ÍA
Korngörðum 2 104 Reykjavík Sími 525 7000 Fax 525 7009 www.eimskip.is info@eimskip.is
Það kostar aðeins 500 krónur að senda
jólapakkana innanlands með Flytjanda.
Eina skilyrðið er að þú getir borið send-
inguna inn í afgreiðsluna hjá okkur.
Þú færð allar upplýsingar um næsta
afgreiðslustað Flytjanda á eimskip.is
eða í síma 525 7000.
HÖFUÐBORGARSVÆÐIÐ
Grafarvogur | Ný félagsaðstaða
Korpúlfanna, samtaka eldri borgara
í Grafarvogi, verður opnuð í dag, en í
því tilefni verður félagið með opið
hús og aðventufund að Korpúlfs-
stöðum í dag. Húsið opnar kl. 10 og
heldur þá sr. Tómas Guðmundsson
vígsluræðu. Þá verður boðið upp á
tónlistarflutning og fleiri uppá-
komur auk veitinga. Allir eldri borg-
arar í Grafarvogi eru velkomnir.
Félagsaðstaða
Korpúlfanna opnuð
Höfuðborgarsvæðið | Heilsugæslan
hefur gert þriggja ára samning við
Og Vodafone um aðgang að Metro-
Neti, háhraðaneti sem er ætlað öll-
um fyrirtækjum og stofnunum. Um
er að ræða endurnýjun á samningi
sem nær til 17 heilsugæslustöðva.
Heilsugæslan starfrækir heilsu-
gæslustöðvar í Reykjavík, Kópavogi,
Mosfellsbæ og Seltjarnarnesi.
Að sögn talsmanna OgVodafone
tryggir MetroNetið flutning á fjöl-
breyttari þjónustu um ljósleiðara og
kopar en áður hefur þekkst. Má þar
nefna háhraða nettengingu, talsíma-
þjónustu, samtengingu fyrirtækj-
aneta, myndfundi, hýsingarþjónustu
og upplýsinga- og sjónvarpsefni.
Heilsugæslan semur
við Og Vodafone
Hringbraut | Gangandi og hjólandi
vegfarendur við hina nýju Hring-
braut eru ekki hressir með framgang
verkefnisins, þar sem enn hefur ekki
verið lokið við frágang stíga eða upp-
setningu lýsingar við göngu- og hjól-
reiðaleiðir og lenda vegfarendur enn í
ýmsum erfiðleikum.
Bæði er frágangi ábótavant nálægt
gatnamótum Hringbrautar, Miklu-
brautar, Bústaðavegar og Snorra-
brautar, þar sem gönguleiðir eru
margar enn ófrágengnar og illfærar
og einnig við gatnamót Hringbrautar
og Njarðargötu, en göngubrýrnar
þar hafa sætt gagnrýni vegfarenda
sem segja þær í senn óaðlaðandi og
allt of langar.
Við Rauðarárstíg er vegfarendum
gert mjög erfitt fyrir að komast leiðar
sinnar inn eftir Miklatúni og inn í
Hlíðahverfið, auk þess sem víða liggja
aðföng verktaka yfir gangstéttum.
Víða er í stað gangstétta óslétt og
gróf möl og grús þakin ýmiss konar
drasli. Samfara skorti á lýsingu getur
þetta ástand valdið aukinni slysa-
hættu á þessum svæðum.
Seinagangur við stígagerð
Kvartað var yfir seinagangi við
stígagerð og frágangi ljósa í sept-
ember sl., en þá lofuðu borgaryfirvöld
að frágangi yrði lokið í október. Að
sögn Höskuldar Tryggvasonar hjá
framkvæmdasviði Reykjavík-
urborgar er verið að breyta gatna-
mótum við Rauðarárstíg og segir
hann þær framkvæmdir ekki tengjast
færslu Hringbrautar. Ákveðið hafi
verið að ráðast í þær seint í haust og
þá áætlað að þeim lyki fyrir áramót.
Útlit sé fyrir að þetta standist.
Opnuð með formlegum
hætti á föstudag
Þá segir Höskuldur að vinna við
mannvirkin sem gerð voru vegna
færslu Hringbrautar sé á lokastigi en
til standi að opna þau með formlegum
hætti á föstudag. Tafir hafi orðið á
verktímanum og skýrist þær af meðal
annars af atriðum sem snúa að lögn-
um á svæðinu í kring og öðrum sem
tengjast lokun Snorrabrautar. „Ekki
var hægt að hefja vinnu við brú yfir
Njarðargötu fyrr en búið var að opna
Snorrabrautina en þar fór fram und-
irgangagerð. Nokkrar tafir urðu þar
líka,“ segir hann. Þá hafi verið ákveð-
ið í haust að byggja upp í kringum
Valssvæðið. Vegna ræsagerðar þar
hafi ekki verið hægt að ganga frá
göngustíg á þeim slóðum. Vinna
vegna ræsisins hefjist á næstu dögum
og í framhaldinu verði hægt að ganga
frá stígnum þar.
Enn ófremdarástand hjá gangandi og hjólandi vegfarendum við Hringbraut
Gönguleiðir ófrágengnar og sums staðar lokaðar
Lokað Vegfarendur sem hyggjast ganga eða hjóla milli Hlíða-
hverfis og Landspítalans eða miðbæjarins eiga ekki greiða
leið að áfangastöðum sínum um þessar mundir.
Morgunblaðið/Ómar
Hrúga Hér hefur vegfarendum enn verið gerð erfið leiðin,
en rör og ýmiss konar efni og afgangar mynda óásjálegan
vegatálma. Hér er erfitt að fara um fótgangandi.
Farartálmi Ástandið er ekki gott fyrir vegfarendur sem ekki
nota vélknúin farartæki. Þessi vegfarandi vildi þó meina að
„þetta hlyti nú bara að fara að koma“.