Morgunblaðið - 14.12.2005, Blaðsíða 25

MORGUNBLAÐIÐ MIÐVIKUDAGUR 14. DESEMBER 2005 25
MINNSTAÐUR
UPPLÝSINGAR OG SKRÁNING Í SÍMA 544 4500 OG Á NTV.IS
FJÁRMÁL & REKSTUR
Helstu námsgreinar:
Rekstrarfræði
Farið er í grunnatriði rekstrarhagfræði,
rekstur fyrirtækja, umhverfi þeirra,
mismunandi rekstrarform, markmið
og skipulag fyrirtækja.
Fjármálastjórnun
Kenndur er arðsemisútreikningur, fjallað
um ávöxtunarkröfur, áætlunargerð
fyrirtækja og aðferðir við að meta virði
verðbréfa og fjárfestinga.
Notkun Excel við fjármál og rekstur
Nemendur eru þjálfaðir við notkun Excel í
rekstri, einkum við gerð rekstraráætlana,
notkun fjármálafalla og arðsemismats.
Kvöldnámskeið:
Byrjar 3. jan. og lýkur 21. feb.
Kennt er þri. og fim. frá 18:00 til 22:00
og laugardaga frá 13:00 til 17:00
morgunnámskeið:
Byrjar 5. jan. og lýkur 7. mar.
Kennt er þri. og fim. frá 8:30 til 12:30
og annan hvern lau. frá 8:30 til 12:30
Frábært námskeið fyrir þá sem
vilja bæta við sig þekkingu í
fjármálum og rekstri fyrirtækja.
Námið snýr m.a. að rekstrar-
fræðum, fjármálastjórnun og
áætlanagerð með áherslu á
efnistengdri verkefnavinnu.
Námskeiðið er ætlað þeim sem
hafa reynslu í Excel og grunn-
þekkingu á bókhaldi.
„Eftir að hafa farið í bæði Sölu- og markaðsnám og
Fjármál og rekstur hjá NTV hef ég öðlast viðamikla
og dýrmæta þekkingu sem mun nýtast mér í öllu
sem ég á eftir að taka mér fyrir hendur í framtíðinni!“
Reynir Magnússon
Matreiðslumeistari
LANDIÐ
Hrunamannahreppur | Á býlinu
Ásgerði II í Hrunamannahreppi er
rekið eitt stærsta minkabú landsins
en þar búa þau Jóna Guðmunds-
dóttir og Þorbjörn Sigurðsson.
Einnig eiga foreldrar Þorbjörns,
þau Guðrún Guðmundsdóttir og
Sigurður Jónsson, í búinu.
„Bústofninn er 2.600 læður og
þær eignuðust um 14.200 yrðlinga
síðastliðið vor,“ segir Þorbjörn þeg-
ar fréttaritari kom í heimsókn einn
morguninn. „Nú stendur yfir pels-
un á dýrunum, það er að segja
slátrun minkanna og verkun á
skinnunum. Það er mikil vinna og
er þá fengið aðkomufólk en nú
vinna átta manns við þessi störf.
Um 13.500 skinn verða send á
markað eftir áramót og boðin upp á
skinnamörkuðum í Danmörku og
Finnlandi. Helstu kaupendur eru
Kínverjar en ástæðan er helst sú að
þar er ódýrt vinnuafl til að vinna úr
vörunni.
Hér á búinu eru ræktaðar nokkr-
ar tegundir minka, brúnir, svartir,
hvítir og flekkóttir. Tískuliturinn í
ár er ljósbrúnn sem kallaður er pa-
laminó,“ segir bóndinn.
Kynbætur í stofninum
Verulegar kynbætur hafa orðið á
minkastofninum á síðustu árum,
högnarnir eru um 200 grömmum
þyngri að meðaltali en læðurnar
100 grömmum þyngri en á síðasta
ári. Minkalæðurnar eru ekki hafðar
eldri en tveggja ára, þó fá nokkrar
að lifa í þrjú ár. Frjósemin minnkar
með aldrinum og árangur kynbóta
er meiri með örari kynslóðaskipt-
um. „Ég þarf því að setja á 1.300
læður á ári hverju til að viðhalda
stofninum.“
Þegar Þorbjörn er spurður um
afkomuna segir hann að gæta verði
ýtrasta aðhalds til að reksturinn
geti gengið. „Heimsmarkaðsverð á
skinnum hefur hækkað en hátt
gengi krónunnar gerir reksturinn
afar erfiðan því öll skinn eru seld í
dollurum. Við sækjum allt fóður
sjálf en uppistaðan í fóðrinu er fisk-
ur og afskurður af kjúklingum.
Einnig eru sett í blönduna ýmis
efni og vítamín. Ég hef ræktað
bygg sem er hluti af fóðrinu, hálm-
urinn er notaður í búrin,“ segir
Þorbjörn loðdýrabóndi.
Nú eru 25 minkabú og 4 refabú á
landinu.
Morgunblaðið/Sigurður Sigmundsson
Skinnaverkun Þorbjörn Sigurðsson loðdýrabóndi virðir fyrir sér falleg minkaskinn sem verið er að verka.
Verð á loðskinnum hefur hækkað
Hátt gengi
gerir rekstur-
inn erfiðan
Eftir Sigurð Sigmundsson
Vík í Mýrdal | Hart var barist í leik
Ungmennafélagsins Drangs og
Vals úr Reykjavík í 32 liða úrslitum
bikarkeppni Körfuknattleiks-
sambands Íslands en leikurinn var í
íþróttahúsinu í Vík, „Klettinum“,
síðastliðinn sunnudag. Leikurinn
var jafn og spennandi en Valsmenn
sigu fram úr í síðasta leikhluta og
unnu með 107 stigum gegn 97. Þar
með vann Reykjavíkurliðið sér rétt
til að halda áfram í keppninni en
heimamenn sátu eftir með sárt enn-
ið.
Leikmaður Drangs, Justin
Shouse, stóð oft í ströngu í leiknum
eins og meðal annars má sjá á þess-
ari mynd. Þótt tveir Valsarar
þrengi vel að honum náði hann að
skora körfu og voru það tvö af 44
stigum hans í leiknum. Kjartan
Kárason stendur á hliðarlínunni og
bíður eftir sendingunni sem aldri
kom. Justin náði raunar þeim ár-
angri í leiknum sem nefndur er
þreföld tvenna á körfuknattleiks-
máli því auk stiganna náði hann 10
fráköstum og gaf 10 stoðsendingar.
Morgunblaðið/Jónas Erlendsson
Aðþrengdur í Klettinum