Morgunblaðið - 14.12.2005, Blaðsíða 35

MORGUNBLAÐIÐ MIÐVIKUDAGUR 14. DESEMBER 2005 35
MENNING
www.jpv.is
BÓKIN SEM UNGA
FÓLKIÐ ER AÐ TALA UM
„Ekki á hverjum degi sem
unglingar senda frá sér svo vel
heppnaðar metsölubækur.“
Árni Matthíasson / MORGUNBLAÐIÐ
„Algjörlega frábær bók.“
Hugi.is
Metsölulisti Eymundsson
Barnabækur 7. des.
BIRNI Thors leikara
hefur verið boðið hlut-
verk í einu virtasta
leikhúsi Evrópu,
Burg-leikhúsinu í Vín
í Austurríki. Hlut-
verkið sem um ræðir
er í verki sem kallast
Area 7 og er hluti af
Animatograph-seríu
hins kunna þýska leik-
stjóra, Christoph
Schlingensief. Æfing-
ar á Area 7 eru hafn-
ar í Vín og verður
frumsýnt í lok janúar
á næsta ári.
Björn hefur frá því
í maí síðastliðnum unnið með
Christoph Schlingensief í mörgum
ólíkum verkefnum, nú síðast í Afr-
íku í október þar sem hann var í
fjórar vikur við tökur á kvikmynd-
inni „The Afrikan Twin Towers“
sem tekin var víðsvegar í Nami-
bíu.
Area 7 er fimmta verkefnið sem
Björn tekur þátt í ásamt Schlin-
gensief. Auk þess að taka þátt í
uppfærslu hans á óperunni Parsi-
fal eftir Wagner í Bayreuth í sum-
ar, hefur hann hingað til tekið
þátt í þremur Animatograph-
verkefnum Schlingensiefs, og seg-
ir hann þau öll tengjast með ein-
um eða öðrum hætti. Þannig verði
að líkindum notaðir hlutar úr fyrri
Animatograph-verkefnum í Area
7.
„Þetta er mjög ævintýralegt
alltsaman,“ svarar Björn að-
spurður hvort ekki sé skemmtilegt
að taka þátt í þessu verkefni.
„Þessi vinna með Schlingensief er
mjög frábrugðin þeirri sem ég hef
kynnst sem leikari fram að þessu,
og hún tengist miklu meira gjörn-
ingum og aksjón en hefðbundnu
leikhúsi.“
Björn segir ljóst að innblástur
Schlingensiefs komi fremur úr
myndlist en leikhúsi og nefnir
dæmi máli sínu til stuðnings. „Nú
erum við til dæmis staddir hér í
Vín, sem aksjónistarnir áttu rætur
að rekja til. Christoph hefur oft
vísað í verk þessara manna, og
listamennirnir Joseph Buyes og
Dieter Roth eru honum einnig
mikill innblástur. Hann fer inn í
leikhúsið með það fyrir augum að
brjóta það upp, og fyrir vikið er
það ofboðslega spennandi fyrir
mann sem leikara að kynnast
þessum heimi. Það verður hins
vegar ekkert auðvelt að snúa aftur
á hefðbundið leiksvið aftur,“ segir
Björn að lokum.
Leikið í Burg-
leikhúsinu í Vín
Björn
Thors
Christoph
Schlingensief
Eftir Ingu Maríu Leifsdóttur
ingamaria@mbl.is
Leiklist | Björn Thors leikari í
sýningu Schlingensiefs
JPV ÚTGÁFA hefur gengið frá
sölu á útgáfurétti á Tíma norn-
arinnar eftir Árna Þórarinsson til
þýska útgefandans Droemer
Knaur en í síðustu viku var geng-
ið frá sölu bókarinnar til allra
Norðurlandanna eftir að hún var
tilnefnd til Íslensku bókmennta-
verðlaunanna.
Í tilkynningu frá JPV segir að
þrír þýskir útgefendur hafi sleg-
ist um útgáfuréttinn. „Eftir til-
boðsstríð í nokkra daga hélt JPV
útgáfa uppboð á bókinni og
hreppti Droemer Knaur réttinn
fyrir 31.000 evrur eða jafngildi
um 2,4 milljóna króna í fyr-
irframgreiðslu einungis fyrir sölu
bókarinnar á almennum markaði
og eru þá bókaklúbbar og aðrar
söluleiðir ekki teknar með en
þýski útgefandinn rekur öfl-
ugasta klúbb Þýskalands, Welt-
bild.“
Segir í tilkynningu JPV að
þetta sé sennilega hæsta fyr-
irframgreiðsla sem nokkru sinni
hefur fengist fyrir sölu á ís-
lenskri bók til útlanda.
Tími norn-
arinnar til
Þýskalands
♦♦♦