Morgunblaðið - 19.12.2005, Page 32

32 MÁNUDAGUR 19. DESEMBER 2005 MORGUNBLAÐIÐ
MINNINGAR
✝ María LáraHalldórsdóttir
hét hún fullu nafni,
eða Lára Halldórs,
eins og flestir köll-
uðu hana, fæddist á
Akureyri 6. júní
1917. Hún lést á
Hjúkrunarheimilinu
Hlíð á Akureyri
hinn 13. desember
síðastliðinn. For-
eldrar hennar voru
hjónin Rósfríður
Guðmundsdóttir, f.
8.10. 1876, d. 29.1.
1969, og Halldór Halldórsson,
söðlasmiður á Akureyri f. 9.10.
1878, d. 2.9. 1964. Systkini Láru
voru: Guðrún, Ingibjörg og Stefán
og eru þau öll látin.
Lára giftist 19. júlí 1941 Kára
Sigurjónssyni setjara, f. 20.8.
1916, d. 15.4. 1970, en hann var
sonur hjónanna Elínar Valdimars-
dóttur og Sigurjóns Jóhannesson-
ar, sem búsett voru á Akureyri.
Lára og Kári eignuðust tvær dæt-
ur. Þær eru: 1) Elín Ásta, leik-
skólakennari, f. 19.11. 1942, gift
Lúther Steinari Kristjánssyni, f.
12.10. 1934, og eiga þau þrjú börn,
Kára, f. 1969, sambýliskona hans
er Berglind Jónsdóttir, f. 1967, og
eiga þau soninn Sindra Má, f.
1989; Sigurjón, f. 1971, og er sam-
býliskona hans Fjóla Steingríms-
dóttir, f. 1969; og Hildi Helgu, f.
1975, í sambúð með Þórhalli Há-
konarsyni, f. 1973, og eiga þau
dóttirina Ísabellu Elínu, f. 2003.
Einnig á Lúther, maður Elínar,
þrjú börn frá fyrra hjónabandi. 2)
Rósfríður María,
hjúkrunarfræðing-
ur f. á afmælisdegi
móður sinnar 6. júní
1948, gift Magnúsi
Friðrikssyni, f. 31.1.
1947, og eiga þau
tvo syni, Friðrik, f.
1970, kona hans er
Vilborg Jónsdóttir,
f. 1969. Þeirra börn
eru, Hugrún María,
f. 1995, Magnús
Baldvin, f. 2001, og
Jón Stefán, f. 2003.
Kári, f. 1971, sam-
býliskona Valgerður Karlsdóttir,
f. 1975. Þeirra synir eru Steinar
Logi, f. 2001, og óskírður dreng-
ur, f. 2005.
Lára ólst upp í Strandgötu 15,
gekk í Gagnfræðaskóla Akureyr-
ar og síðar í Iðnskólann, þar sem
hún nam hárgreiðsluiðn og fékk
meistararéttindi í greininni.
Hún vann í mörg ár við iðngrein
sína og seinna meir, eftir lát Kára,
við verslunarstörf, bæði í hann-
yrðaverslun og í Amaro. Ung að
árum fór Lára til Kaupmanna-
hafnar og vann þar við hár-
greiðslu.
Lára og Kári voru dugleg að
ferðast, sérstaklega hér innan-
lands, enda var Kári lengi formað-
ur Ferðafélags Akureyrar. Lára
var ákaflega félagslynd og starf-
aði í mörg ár með Kvenfélaginu
Framtíðinni og einnig tók hún
virkan þátt í starfi aldraðra.
Útför Láru verður gerð frá Ak-
ureyrarkirkju í dag og hefst at-
höfnin klukkan 13.30.
Lára móðursystir mín er látin.
Síðustu árin voru henni erfið og ég
er viss um að hún var hvíldinni feg-
in. Þess vegna vil ég minnast hennar
frá hennar yngri árum er hún var
ung og full af lífsgleði í hópi góðra
vinkvenna sem reyndust henni frá-
bærlega.
Lára átti góða æsku, yngst fjög-
urra systkina og var uppáhald for-
eldra sinna. Frá því ég man fyrst
hafði hún áhuga á íþróttum. Hún
varð hárgreiðsludama og sigldi eins
og þá var oft vani ungmeyja til
Kaupmannahafnar þar sem hún
menntaði sig meir í hárkúnst og
kynntist mörgum Íslendingum þar,
sem urðu hennar vinir. Ég gleymi
aldrei jólagjöfunum sem ég fékk frá
henni þaðan.
Lára kom heim rétt fyrir stríð og
fór að starfa að iðn sinni. Hún var
mikil útivistarkona og var félagi í
íþróttafélaginu Þór. Þar kynntist
hún verðandi manni sínum, Kára
Sigurjónssyni, sem var mikill sund-
kappi og ferðagarpur. Ég skildi
aldrei af hverju Lára varð ekki álfa-
drottning á Þrettándagleði Þórs
þegar Kári var kóngur. Hvað um
það, Kári fór að venja komur sínar í
Strandgötuna og ég var örugglega
til óþurftar þegar ég sat yfir þeim í
herbergi Láru. Þar drukkum við
límonaði sem ég hafði aldrei fyrr
smakkað en þótti gott „þótt læki
upp úr því“.
Lára giftist Kára sínum (og eftir
það voru þau alltaf nefnd saman
Lára og Kári) og þau fluttu á Eyr-
arveginn. Þar átti Kári hús með for-
eldrum sínum, þriggja herbergja
íbúð, sem ekki þætti stór nú til dags.
Ég man fyrsta sinn er þær tengda-
mæðgur tóku slátur (þrjú held ég)
og Lára fór með kepp til að gefa
móður sinni að smakka.
Þegar hún kom til baka hafði Elín
tengdamóðir hennar gefið vinum og
nágrönnum allt sem eftir var svo
sláturgerðin var hafin á ný.
Á Oddeyrinni var mikið af ungu
fólki sem hélt vel saman og Lára var
þar hrókur alls fagnaðar, hún var
ágæt eftirherma og sagði vel frá.
Ég sakna sárlega að muna ekki
öll „spakmæli“ Bærings frænda
okkar sem var heimagangur og
kostgangari hjá ömmu minni og
Lára og Bibbi móðurbróðir gátu
endalaust haft eftir misgáfulegar at-
hugasemdir.
Ég þakka Láru fyrir alla ánægju
og gleði sem hún veitti mér.
Guðrún Magnúsdóttir.
Í dag kveð ég með söknuði kæra
vinkonu mína Láru Halldórsdóttur,
sem lést 13. desember s.l.
Það var um 1920 sem leiðir okkar
lágu saman. Þá vorum við fjögurra
og fimm ára gamlar. Foreldrar okk-
ur bjuggu í sama húsi á Strandgötu
15 á Akureyri, húsi sem nú er horf-
ið.
Mikill og góður vinskapur mynd-
aðist milli fjölskyldnanna og hélst
hann alla tíð og bar aldrei skugga á
þá sambúð.
Lára var skemmtileg, greind, vel
lesin og hafði mikla frásagnargáfu
og leikhæfileika, sem kom sér vel á
okkar yngri árum, þegar margt var
um manninn og gleðin ríkjandi í
húsinu.
Lára var mikil félagskona og
þrátt fyrir breytingar á okkar hög-
um með aldrinum, þegar báðar
fluttu að heiman, hélst sama vin-
áttan, börnin fæddust með stuttu
millibili og á öllum hátíðar- og merk-
isdögum hittust fjölskyldur okkar.
Saumaklúbbur var stofnaður með
fleiri góðum vinkonum og í rúm 50
ár nutum við samvista. Oft var glatt
á hjalla og málin rædd langt fram á
nótt.
Síðustu ár lágu leiðir okkar sam-
an á Brekkunni, þar sem við bjugg-
um báðar og var þá nær daglegur
samgangur, sem ég er þakklát fyrir
í dag.
Að fá að njóta vináttu og tryggðar
Láru var mér mikils virði og vil ég
þakka það af alhug um leið og ég
sendi dætrum hennar Elínu, Rós-
fríði og fjölskyldum þeirra mínar
innilegustu samúðarkveðjur.
Sigríður Gísladóttir.
LÁRA
HALLDÓRSDÓTTIR
✝ Guðný MarenMatthíasdóttir
fæddist að Álftamýri
við Arnarfjörð 17.
nóvember 1920. Hún
lést á hjúkrunar-
heimilinu Eir í Graf-
arvogi 12. desember
síðastliðinn. Guðný
var fyrsta barn for-
eldra sinna, þeirra
Sigríðar Gísladótt-
ur, húsfreyju, frá
Álftamýri við Arnar-
fjörð, f. 1. des. 1896,
d. 15. ág. 1987, og
Matthíasar Ásgeirssonar frá
Svarthamri í Álftafirði, f. 16. maí
1893, d. 4. mars 1946, skattstjóra á
Ísafirði. Systur Guðnýjar eru Ás-
laug, f. 20. júní 1924, d. 2004, og
Svandís, f. 13. sept 1926.
Hinn 12. febrúar 1944 giftist
Guðný Garðari Finnssyni, skip-
stjóra frá Kaldá í Önundarfirði, f.
14.10. 1920, d. 2. júlí 1994. Foreldr-
ar hans voru Steinunn Jóhannes-
dóttir, húsfreyja, f. 15. nóv. 1888,
d. 24. jan. 1975 og Finnur Torfi
Guðmundsson, f. 29. sept. 1892, d.
21. ágúst 1936, útvegsbóndi. Garð-
ar og Guðný hófu sinn 50 ára langa
búskap á Ísafirði og varð sex
barna auðið, eignuðust 12 barna-
börn og barnabarnabörnin eru 16.
Börn Guðnýjar og Garðars eru: 1)
Sigríður, hárgreiðslumeistari, f. 8.
sept 1944, maki Kristinn Jónsson,
slökkviliðsmaður, þeirra börn eru:
Jón Örvar, f. 2. mars 1969, hann á
fjögur börn, og Maren Brynja, f.
26. febr. 1979. Sigríður eignaðist
dótturina Guðnýju Maren Vals-
dóttur, f. 28. sept 1961, d. 17. júlí
1977. 2) Steinunn, barnahjúkrun-
arfræðingur, f. 5. febr. 1946, maki
Bjarni Lúðvíksson, framkvæmda-
stj., f. 4. mars 1945. Barn þeirra er
Elín Helena og á hún þrjú börn. 3)
Matthías, fyrrv.
framkvæmdastj.
Heilbrigðiseftirlits
Suðurlands, f. 24.
mars 1949, maki
Þórhildur Karlsdótt-
ir, snyrtifræðingur.
Synir þeirra eru
Garðar Ægir, f. 27.
nóv. 1970, hann á tvö
börn, og Karl Ágúst,
f. 22. febr. 1982. 4)
Finnur Gísli, fiski-
fræðingur, f. 20.
mars 1952, maki
Kristbjörg Ólafs-
dóttir, kaupmaður. Þeirra börn:
Maren, f. 22. júní 1969, á hún tvö
börn og Ólafur Magnús, f. 3. ág.
1979 og á hann einn son. 5) Bjarni
Hermann, stýrimaður, f. 3. okt.
1953, maki Helga Pétursdóttir,
skrifstofumaður, þeirra synir eru
Pétur Örn, f. 1. júní 1972, á hann
tvö börn, og Finnur, f. 19. febr.
1979, og á hann eina dóttur. 6)
Garðar Sigurbjörn, rafmagns-
tæknifræðingur, f. 13. nóv. 1955,
maki Sigrún Björnsdóttir, upplýs-
ingafulltrúi, dætur þeirra eru
Edda Ýr, f. 18. febr. 1976, á hún
einn son, og Saga, f. 6. ágúst 1987.
Guðný ólst upp á Ísafirði. Hún
var góður íþróttamaður og var
skíðaíþróttin sérstaklega í uppá-
haldi hjá henni. Eftir að hún út-
skrifaðist sem gagnfræðingur hóf
hún störf við Landsbankann á Ísa-
firði og starfaði þar uns hún giftist
manni sínum. Eftir að börnin voru
flogin úr hreiðrinu fór Guðný aft-
ur út á vinnumarkaðinn og starf-
aði fyrst í Sparisjóðnum í Kópa-
vogi og síðan í Landsbankanum
þar til hún lét af störfum fyrir ald-
urs sakir.
Guðný verður jarðsungin frá
Grafarvogskirkju í dag og hefst
athöfnin klukkan 13.
Gógó amma og Garðar afi koma í
heimsókn til okkar í Kaupmanna-
höfn og mér líður eins og það séu jól-
in um hásumar. Allir fá pakka, kyss-
ast og faðmast. Blátt ópal, tyggjó,
harðfiskur, hangikjöt og fleira góð-
gæti. Öll fjölskyldan í sólinni á Bel-
lavue-ströndinni, þrjár kynslóðir.
Tíminn er endalaus.
Amma var mikið sólskinsbarn og
elskaði að ferðast. Það virtist alltaf
vera sól á ferðum hennar. Þegar ég
fletti í gegnum myndaalbúm fjöl-
skyldunnar er hún alltaf í sólkins-
skapi.
Hún var há, glæsileg og efnileg í
handbolta á yngri árum og á skíðum
og hún ætlaði sér í nám, enda metn-
aðarfull kona. Svo kynntist hún töff-
aranum honum afa og þau eignuðust
sex börn á tólf árum. Þá gáfust fá
tækifæri til að hugsa um sjálfan sig.
Mesta afrek ömmu var að halda utan
um þessa stóru fjölskyldu, sinna
börnum og búi á meðan aflakóng-
urinn Garðar afi var langtímum á
sjó. Þetta voru aðrir og erfiðari
tímar – en samt var alltaf stutt í
brosið.
Ég man líka eftir ömmu í einkenn-
isbúningi á skiptiborðinu hjá Lands-
bankanum. Það var svolítið sport
fyrir mig að koma í bankann og fá
leyfi hjá öryggisvörðunum til að fara
upp að heimsækja Guðnýju Maren.
Einu sinni kom í fréttirnar að amma
hefði gert lögreglunni viðvart um
sprengjuhótun í bankanum og með
hennar aðstoð hefðu ,,grínistarnir“
náðst. Amma var hetja! Átta ára
gamalli fannst mér líka mikið til þess
koma að heyra George Michael
syngja í útvarpinu um ömmu mína
,,Wake me up, before you Gógó“!
Það var ávallt mikill leikur í Gógó
ömmu og hún hafði gaman af því að
fá barnabörnin í heimsókn. Við lék-
um boltaleiki á ganginum í Álfheim-
unum, spiluðum ólsen ólsen, lágum í
sólbaði hjá þvottasnúrunum bak við
hús og fórum stundum í ísbúðina eða
sátum í eldhúsinu, hlustuðum á hátt-
stillt útvarpið, átum vöfflur með
rjóma og skoðuðum allar blaðaúr-
klippurnar af börnum hennar,
barnabörnum, frænkum og frænd-
um sem héngu á korktöflunni fyrir
ofan eldhúsborðið. Hún var ákaflega
stolt af sínu fólki.
Þau voru dugleg að ferðast afi og
amma og eltu sólina og ævintýrin
uppi til framandi landa. Svo eign-
uðust þau sumarbústað í Borgarfirð-
inum. Fjallahringurinn og síbreyti-
legt hraunið umkringdu þau og
þarna undu þau löngum stundum og
urðu ung á ný. Á 40 ára brúðkaups-
afmæli þeirra bað hún um óskalag í
útvarpinu, „Hvítir mávar segið þið
honum að mitt hjarta slái aðeins fyr-
ir hann …“
Þegar afi lést hvarf ljóminn úr
augunum hennar ömmu. Hægt og
bítandi náðu veikindi á henni tök-
unum og síðustu árin var hún alveg
rúmliggjandi á hjúkrunarheimilinu
Eir. Það var þungbært að sjá hana
hverfa okkur, en stundum lifnaði yf-
ir henni, ekki síst þegar ég kom í
heimsókn með Nökkva, litla strák-
inn minn. Þá kom blik í augu hennar.
Ég ætla að varðveita með mér
stundina þegar við Nökkvi sendum
henni fingurkoss í dyrunum og hún
blikkaði til okkar á móti, brosti og
vinkaði í kveðjuskyni.
Bless, elsku amma mín, og geymi
þig allir englar og góðar vættir.
Edda Ýr Garðarsdóttir.
GUÐNÝ MAREN
MATTHÍASDÓTTIR
Elskuleg eiginkona mín, móðir, tengdamóðir og amma,
SALVÖR GOTTSKÁLKSDÓTTIR
Bröttukinn 25,
lést að kvöldi föstudags 16. desember á St.Jósepsspítala.
Jarðarförin auglýst síðar.
Vilhelm Adólfsson,
Sigrún Vilhelmsdóttir, Vignir Þorláksson,
Grímur Th. Vilhelmsson, Anita B. Vilhelmsson,
Gottskálk Vilhelmsson, Ásta Valsdóttir,
Nína Björg Vilhelmsdóttir, Reynir S. Hreinsson,
Adolf Gunnar Vilhelmsson.
Ástkær eiginmaður minn, faðir, tengdafaðir, afi og
langafi,
VIGGÓ EINARSSON
flugvirki,
Gullsmára 8,
lést á Landspítala í Fossvogi fimmtudaginn
8. desember.
Útför hans fer fram frá Fossvogskirkju mánu-
daginn 19. desember kl. 13.00.
Þeim sem vilja minnast hans er bent á Krabbameinsfélagið.
Sigurbjörg Hjálmarsdóttir,
Hjálmar Viggósson, Ragnheiður Hermannsdóttir,
Magnea Viggósdóttir, Kenneth Morgan,
Erna Margrét Viggósdóttir, Kristján Þ. Guðmundsson,
Helen Viggósdóttir, Þórarinn Þórarinsson,
barnabörn og barnabarnabarn.
Elskuleg móðir okkar, tengdamóðir, amma og
langamma,
HREFNA LÚTHERSDÓTTIR,
verður jarðsungin frá Fossvogskirkju fimmtu-
daginn 22. desember kl. 15.00.
Magnús Haukur Kristjánsson,
Lárus Ingi Kristjánsson, Lára Gunnarsdóttir,
Eymundur Kristjánsson,
Hilmar Kristjánsson,
Helga Ragnhildur Kristjánsdóttir, Grímur Örn Grímsson,
Inga Lára Kristjánsdóttir, Alf Berntson,
barnabörn, barnabarnabörn
og systkini hinnar látnu,
Alla, Eymundur og Guðjón.
Morgunblaðið birtir minningar-
greinar alla útgáfudagana.
Lengd Minningargreinar séu ekki
lengri en 2.000 slög (stafir með
bilum - mælt í Tools/Word Count).
Ekki er unnt að senda lengri
grein. Hægt er að senda örstutta
kveðju, HINSTU KVEÐJU, 5-15
línur, og votta þeim sem kvaddur
er virðingu sína án þess að það sé
gert með langri grein. Ekki er
unnt að tengja viðhengi við síð-
una.
Minningar-
greinar