Fréttablaðið - 21.03.2004, Blaðsíða 2
2 21. mars 2004 SUNNUDAGUR
„Jú, ég er alveg sammála því. Það er
nauðsynlegt að kenna hvort tveggja.“
Jón Kr. Óskarsson, varaþingmaður Samfylkingar
og fyrrverandi loftskeytamaður, spurði mennta-
málaráðherra um danskennslu á þingi um dag-
inn. Tangó er tákn fyrir bókstafinn „t“ á loftskeyta-
máli og foxtrott stendur fyrir „f.“
Spurningdagsins
Jón, þarf þá ekki sérstaklega að
kenna tangó og foxtrott?
Fylgi ríkisstjórnar-
innar eykst á ný
Rúmur helmingur landsmanna segist fylgjandi ríkisstjórn Davíðs Odds-
sonar, samkvæmt skoðanakönnun Fréttablaðsins. Fylgi við ríkisstjórn-
ina eykst á ný eftir að hafa dalað í þremur síðustu könnunum.
KÖNNUN Rúmur helmingur lands-
manna segist fylgjandi ríkisstjórn
Davíðs Oddssonar samkvæmt
könnun Fréttablaðsins. Stuðning-
ur við ríkisstjórnina hefur aukist
á ný eftir að hafa dalað í þremur
könnunum blaðsins frá því í ágúst
í fyrra.
Líkt og í fyrri könnunum var
spurt: Ertu fylgjandi eða and-
víg(ur) ríkisstjórninni? og voru
svarmöguleikar fjórir.
43,8% sögðust fylgjandi ríkis-
stjórninni og 41,3% sögðust and-
víg. 13,3% aðspurðra sögðust óá-
kveðin og 1,8% svöruðu ekki
spurningunni.
Ef aðeins er tekið mið af svör-
um þeirra sem tóku afstöðu sögð-
ust 51,5% vera fylgjandi ríkis-
stjórninni en 48,5% sögðust and-
víg henni.
Samkvæmt könnun Frétta-
blaðsins á fylgi flokkanna sem
birt var í gær, njóta stjórnarflokk-
arnir samanlagt fylgis 50,9%
landsmanna.
Umtalsvert fleiri karlar eru
fylgjandi ríkisstjórninni en konur
en ekki er merkjanlegur munur á
afstöðu fólks til ríkisstjórnarinn-
ar eftir búsetu.
Fylgismönnum ríkisstjórnar
Davíðs Oddssonar fer fjölgandi á
ný ef mið er tekið af þremur síð-
ustu skoðanakönnunum Frétta-
blaðsins sem gerðar voru í febrú-
ar og ágúst og október í fyrra.
Í febrúar sögðust 49% fylgj-
andi ríkisstjórninni en 51% voru
henni andvíg. Í október í fyrra
sögðust 52,6% fylgjandi ríkis-
stjórninni en 47,4% andvíg og í
ágúst voru 58% fylgjandi ríkis-
stjórninni en 42% andvíg.
Stuðningur við ríkisstjórnina
er þó enn 6,5 prósentustigum
minni en í ágúst í fyrra.
Könnun Fréttablaðsins var
gerð síðastliðinn fimmtudag. Haft
var samband við átta hundruð
manns og var skiptingin hlutfalls-
lega jöfn milli kynja og kjör-
dæma. Af þeim tóku 85,1% af-
stöðu.
the@frettabaldid.is
Starfsmaður Landsbankans kærður fyrir fjárdrátt:
Færði milljónir milli reikninga
LÖGREGLUMÁL Starfsmaður Lands-
bankans í Keflavík verður kærður
í fyrramálið fyrir að hafa dregið
sér fé. Eftir að upp um brotin
komst var starfsmanninum gert
að hætta störfum samstundis.
Hann náði peningum með því að
færa fé á milli reikninga. Ársæll
Hafsteinsson, lögfræðingur bank-
ans, staðhæfir að peningarnir hafi
ekki verið teknir af reikningum
viðskiptavina bankans og þeir
skaðist ekki vegna málsins.
Lögð verður fram kæra til lög-
reglu vegna málsins á morgun.
Ársæll segir ekki hægt að nefna
hversu mikið starfsmaðurinn
færði milli reikninga þar sem það
er ekki fullkannað. Hann vildi
ekki segja hversu mikið vitað er
að starfsmaðurinn hefði sett inn á
reikninga sem hann hafði aðgang
að. Eftir að upp um brotin komst
var fundað með stafsmanninum
og starfslok hans ákveðin. Ekkert
hefur komið fram sem bendir til
annars en að starfsmaðurinn hafi
verið einn að verki. ■
Líknardauði:
Verður ekki
réttlættur
VATÍKANIÐ, AP Jóhannes Páll páfi
annar sagði í gær að ekkert rétt-
lætti að slökkt væri á öndunar-
vélum og öðrum búnaði sem
heldur sjúklingum á lífi.
Páfi sagði að jafnvel þótt
fólk væri heiladautt gætu menn
ekki tekið sér það vald að binda
enda á líf þess. Hann gagnrýndi
líka að fólk sem haldið er á lífi
með þessum hætti væri stund-
um líkt við grænmeti sökum
ástands síns. Slíkt væri niður-
læging við sjúklinginn. „Hann
er og verður alltaf maður, hann
verður aldrei grænmeti eða
dýr,“ sagði páfi. ■
TÍU HANDTEKNIR
Tíu hafa verið handteknir vegna árásanna í
Madríd og þrír ákærðir.
Tilræðin í Madríd:
Spánverji
handtekinn
MADRÍD, AP Spánverji hefur verið
handtekinn eftir að í ljós kom að
hann hjálpaði þeim sem taldir eru
hafa staðið á bak við árásirnar í Ma-
dríd að komast yfir sprengiefni.
Sjálfur vissi hann ekki til hvers þau
væru ætluð en fékk fíkniefni til sölu
fyrir að vísa fjórum Marokkómönn-
um á sprengiefnageymslu þar sem
þeir rændu hluta eða öllu því
sprengiefni sem notað var í Madríd.
Rannsakendur árásarinnar telja
Spánverjann lykilinn að því að leysa
málið. Hann viðurkennir að hafa
vísað mönnunum á sprengiefnið en
þeir sögðu honum að þeir ættu
námu í Marokkó en ættu erfitt með
að komast yfir sprengiefni með lög-
legum hætti. ■
SIGRI FAGNAÐ
Stuðningsmenn forsetans fagna sigri.
Chen Shui-bian:
Sigraði
naumlega
TAÍVAN, AP Chen Shui-bian var
naumlega endurkjörinn forseti
Taívans í gær, degi eftir að hann
særðist í skotárás á kosninga-
ferðalagi. Sigur hans var þó súr-
sætur þar sem tvær tillögur sem
hann beitti sér fyrir um að efla
varnir Taívans féllu vegna slakrar
kjörsóknar þrátt fyrir að yfir 90%
greiddu atkvæði með þeim.
Sigur Chens á andstæðingi sín-
um Lien Chan gat vart verið naum-
ari, Chen fékk 50,1% atkvæða en
Lien 49,9% og fór fram á ógildingu
kosninganna sem hann sagði að
hefði ekki átt að halda í kjölfar til-
ræðisins við forsetann í fyrradag. ■
LANDSBANKINN
Starfsmaður bankans færði milljónir
króna inn á reikning sem hann hafði að-
gang að. Málið verður kært til lögreglu.
Ágúst ‘03 Okt. ‘03 Feb. ‘04 Nú
Andvígir
Fylgjandi
58,0%
42,0%
52,6%
47,4%
51,0%
51,5%
48,5%
49,0%
AFSTAÐA TIL RÍKISSTJÓRNARINNAR
Spurt var: Ertu fylgjandi eða andvíg(ur)
ríkisstjórninni?
Á UPPLEIÐ
Fylgi við ríkisstjórn Davíðs Oddssonar eykst á ný og segist helmingur landsmanna fylgj-
andi stjórninni.
FR
ÉT
TA
B
LA
Ð
IÐ
/T
EI
TU
R
Hjálparstarf:
Safnað fyrir
Kosovo-Serba
BELGRAD, AP Serbar söfnuðu meira en
þrjátíu tonnum margs konar hjálp-
argagna til að styðja við bakið á
löndum sínum í Kosovo eftir óeirð-
irnar sem hófust í héraðinu síðasta
miðvikudag. Meðal þess sem Serbar
gáfu var matur, fatnaður og teppi.
Fjölmargir Kosovo-Serbar flýðu
heimili sín í óöldinni sem Kosovo-
Serbar eru sagðir bera ábyrgð á.
„Eina hugsun okkar var að hjálpa
fólkinu,“ sagði forstöðumaður serb-
nesku Barnahjálparinnar.
„Ég kom með teppin mín og dá-
lítinn mat, þetta er hræðilegt,“
sagði eldri kona sem lagði sitt af
mörkum. ■
Myrtu rangan mann:
Báðust af-
sökunar
JERÚSALEM, AP Forystumenn al-Aqsa-
píslarvottanna hafa beðið fjöl-
skyldu ungs manns afsökunar á að
hafa myrt hann í skotárás í Jerúsal-
em. Maðurinn sem vígamenn hreyf-
ingarinnar myrtu var arabískur
námsmaður en ekki gyðingur eins
og þeir héldu.
„Fjölskyldan var reið áfram eins
og þau hafa fullan rétt á að vera en
við teljum hann einn af mörgum
píslarvottum sem láta lífið á hverj-
um degi,“ sagði Zacariyya Zubeidi,
yfirmaður hreyfingarinnar í Jenín á
Vesturbakkanum, en hann er einn
þeirra sem Ísraelar leggja hvað
mesta áherslu á að ná. ■
LÖGREGLUMÁL Lögreglan í Árnes-
sýslu handtók á föstudag fjóra
karlmenn og eina konu vegna rök-
studds gruns um sölu og dreifingu
fíkniefna í umdæminu. Þremur
mönnum var sleppt samdægurs
eftir að þeir höfðu játað aðild að
málinu og eru þeir taldir eiga
minni þátt en hin tvö. Fjórða
manninum var sleppt úr vörslu
lögreglu um kvöldmatarleytið í
gær þegar játning hans lá fyrir.
Lögreglan telur að þessir fjórir
menn muni ekki tefja áframhald-
andi rannsókn. Skömmu áður
hafði konan verið leidd fyrir hér-
aðsdómara og var í gærkvöld úr-
skurðuð í gæsluvarðhald til
fimmtudagsins 25. mars.
Leitað var í nokkrum húsum í
umdæminu á föstudag og var
fíkniefnahundurinn Fenrir notað-
ur við leitina. Lagt var hald á
nokkuð magn af hassi, lítilræði af
afmfetamíni og tæki og tól til
fíkniefnaneyslu.
Ólafur Helgi Kjartansson,
sýslumaður á Selfossi, segir
fimmmenningana hafa áður legið
undir grun vegna fíkniefnabrota
og þrír karlmannanna hafa áður
komið við sögu lögreglu. Rann-
sókn málsins heldur áfram og
mun þá koma í ljós umfang máls-
ins. ■
Fimm handteknir vegna gruns um fíkniefnasölu:
Kona úrskurðuð í gæsluvarðhald
GRUNUÐ UM SÖLU OG NEYSLU
Lögreglan á Selfossi handtók á föstudag
fimm manns vegna gruns um sölu og
dreifingu fíkniefna. Kona var í gærkvöld
úrskurðuð í gæsluvarðhald til fimmtudags
vegna rannsóknar málsins.