Fréttablaðið - 21.03.2004, Blaðsíða 10

21. mars 2004 SUNNUDAGUR
Friðarsinnar veittu stuðningsmönnum innrásar skammarverðlaun:
Mótmælt við Stjórnarráðið
MÓTMÆLI Drjúgur hópur fólks
safnaðist saman fyrir framan
Stjórnarráðið í gær til að lýsa
andstöðu sinni við innrásina og
hersetu í Írak og veita Óskapa-
verðlaunin, nokkurs konar
skammarverðlaun til þeirra sem
fóru fremstir í flokki í innrásinni
í Írak.
„Við stóðum frammi fyrir því
að það var verið að efna til að-
gerða um allan heim og ákváðum
að fara þessa leið,“ segir Stefán
Pálsson, formaður Samtaka her-
stöðvaandstæðinga sem stóðu
fyrir mótmælunum. „Þetta er
mjög alvarlegt mál og þess
vegna hefur okkur verið legið á
hálsi fyrir að vera eins og með
allan heiminn á herðum okkar.
Við ákváðum að nota þetta form
af ádeilu, skopið, og það virðist
hafa mælst vel fyrir.“
„Maður hefði haldið að Hall-
dór Ásgrímsson myndi taka
verðlaunin fyrir ummæli ársins
því hann var með þrjár af fimm
tilnefningum en það var Davíð
Oddsson sem náði þeim, fékk þau
fyrir ummælin um að 90% and-
staða þjóðarinnar við stríðið
væri í samræmi við stefnu ríkis-
stjórnarinnar og að sjálfur hefði
hann sagt já hefði hann verið
spurður,“ segir Stefán um verð-
launaafhendinguna. ■
Mótmælt um
allan heim
Efnt var til mótmæla gegn innrás og hersetu í Írak um heim allan í gær,
ári eftir upphaf hennar. Mikill mannfjöldi tók þátt í mótmælum sem
töldu frá nokkrum tugum þátttakenda upp í nokkur hundruð þúsund.
MÓTMÆLI, AP Efnt var til mótmæla
gegn innrás í Írak og hernáminu
þar í öllum heimsálfum í gær, að
Suðurskautslandinu undanskildu.
Fjölmennustu mótmælin voru í
Róm þar sem lögregla áætlaði að
allt að 300.000 manns hefðu safn-
ast saman og krafist þess að ítöl-
sku hermennirnir í Írak yrðu kall-
aðir heim. Skipuleggjendur vildu
hins vegar meina að tvær milljón-
ir hefðu tekið þátt í mótmælunum.
Efnt var til mótmæla víða á
Spáni, þúsundir komu saman í
Madríd og 150.000 í Barselóna að
sögn yfirvalda þar.
Tugþúsund manns komu saman
í miðborg London. Fyrr um daginn
höfðu tveir mótmælendur klifið
Big Ben-turninn og veifað fána
sem á stóð „Stund sannleikans“.
Þar höfðust þeir við í nokkrar
klukkustundir áður en þeir komu
niður. Klifur þeirra varð til þess að
yfirvöld ætla að endurskoða ör-
yggisráðstafanir en turninn er við
breska þingið.
Þúsundir mótmæltu hernám-
inu á götum Bagdad. Efnt var til
mótmæla víða í arabalöndum. Í
Kaíró, höfuðborg Egyptalands,
höfðu milli 500 og þúsund mót-
mælendur hátt en máttu sín lítils
gegn nokkur þúsund lögreglu-
mönnum sem hindruðu för þeirra
að bandaríska sendiráðinu.
Um 2.000 manns tóku þátt í
mótmælum við herstöð Banda-
ríkjahers í Ramstein í Þýskalandi
og á annað þúsund manns fóru í
mótmælagöngu í Berlín.
Meira en 10.000 Grikkir mót-
mæltu við bandaríska sendiráðið í
Aþenu og í nágrannaríkinu Tyrk-
landi var efnt til mótmæla í Istan-
búl og höfuðborginni Ankara.
3.000 manns tóku þátt í mótmæl-
um í Amsterdam. ■
HUNDRUÐ ÞÚSUNDA Í RÓM
Fjölmennustu mótmælin fóru fram í Róm þar
sem lögregla sagði þátttakendur vera 250.000
talsins en skipuleggjendur tvær milljónir.
FJÖLMENNI Á TRAFALGARTORGI
Tugþúsundir komu saman í London, mót-
mæltu innrásinni í Írak, hersetunni þar og
stefnu breskra stjórnvalda.
SPRAUTAÐ Á MÓTMÆLENDUR
Lögregla notað aflmiklar vatnssprautur til
að dreifa mótmælendum í Manila, höfuð-
borg Filippseyja, sem reyndu að komast að
bandaríska sendiráðinu.
EKKERT STRÍÐ
Víða var mótmælt á Spáni. Í Madríd köll-
uðu mótmælendur: „Ekkert stríð.“
FORSÆTISRÁÐHERRA VERÐLAUNAÐUR
Samtök herstöðvaandstæðinga veittu
Óskapaverðlaunin þeim sem studdu
innrás. Forsætisráðherra þótti eiga bestu
ummælin.