Fréttablaðið - 21.03.2004, Blaðsíða 6

6 21. mars 2004 SUNNUDAGUR
■ Evrópa
■ Evrópa
Veistusvarið?
1Hver er nýr stjórnarformaður Burðar-áss hf.?
2Hvort nýtur VG eða Framsóknar-flokkurinn meira fylgis samkvæmt
skoðanakönnun Fréttablaðsins á föstudag-
inn?
3Hvar á nýtt íslenskt fangelsi að rísafyrir árslok 2005?
Svörin eru á bls. 54
Voðaskotið á Selfossi:
Sótti vopnið sérstaklega til Hveragerðis
LÖGREGLUMÁL Tveir ökumenn sem
kannast við að hafa gefið ungum
dreng far á milli Selfoss og
Hveragerðis mánudaginn 15.
mars hafa gefið sig fram við lög-
regluna í Árnessýslu. Lýsingin á
drengnum svarar til þess drengs
sem talið er að hafi verið með Ás-
geiri Jónsteinssyni þegar hann
lést af völdum voðaskots á mánu-
dagskvöld. „Formleg skýrsla á
eftir að koma,“ segir Ólafur Helgi
Kjartansson, sýslumaður á Sel-
fossi. „En ég ef enga ástæðu til að
efast um hvað þau hafa sagt.“
Ástæða þykir að ætla að dreng-
urinn hafi gert sér sérstaka ferð
til Selfoss til að sækja byssuna.
Karlmaður kveðst hafa tekið
drenginn upp í bifreið sína við
Biskupstungnabraut, skammt
vestan við Selfoss, upp úr hádeg-
inu og hann hafi farið út í Hvera-
gerði. Konan sem hefur gefið sig
fram segist hafa tekið drenginn
upp við Hveragerði og ekið hon-
um til Selfoss um miðjan dag.
Rannsókn heldur áfram og reikn-
að er með að eigandi skotvopnsins
verði yfirheyrður á mánudag eða
þriðjudag þegar hann kemur til
landsins. Ólafur segist þakklátur
því fólki sem gaf sig fram og að-
stoð fjölmiðla.
Eftir ákall Ólafs um að fólk
skili inn óskráðum vopnum hefur
eitt vopn skilað sér til lögreglunn-
ar í Árnessýslu.
„Það eru fleiri búnir að hringja
en þessu vopni var skilað á föstu-
dag. Þetta er gömul haglabyssa
sem kemur úr dánarbúi.“ ■
STÓRIÐJA Ef tekin verður ákvörðun
um breytingar á starfsemi járn-
blendiverksmiðju Elkem á Grund-
artanga munu þrjátíu til fimmtíu
störf skapast strax frá og með
haustinu 2005. Hugmyndir standa
til að breyta rekstrinum á þann
veg að í stað þess að framleiða
venjulegt kísiljárn verði magnesí-
um og öðrum efnum blandað í vör-
una í fljótandi formi og hún seld á
sérhæfðari markaði en nú er.
Að sögn Sigtryggs Bragasonar,
verkfræðings hjá Járnblendifé-
laginu, ríkir hörð samkeppni í
framleiðslu á venjulegu kísiljárni
sérstaklega frá fyrrverandi
Sovétlýðveldum og Kína þar sem
launakostnaður sé miklum mun
lægri en hér á landi.
„Það er annar markaður fyrir
afbrigði af kísiljárni sem eru
málmsteypur. Sá markaður er um
hundrað og áttatíu þúsund tonn á
ári og Elkem er með um þriðjung
af þeim markaði,“ segir hann.
Verði verksmiðjunni breytt á
þennan veg verður framleitt
magnesíum-kísiljárn en mis-
mundandi samsetningar á við-
bótarefnum í járnið og ólíkir
stærðarflokkar gera það að verk-
um að verksmiðjan mun sinna
mun sérhæfðari framleiðslu
heldur en nú er.
„Þetta er ekki selt í skips-
förmum heldur er þetta malað í
ótal stærðarflokka og það eru
ýmis önnur efni sett í í smá-
skömmtum til að ná fram
ákveðnum eiginleikum,“ segir
Sigtryggur.
Hann segir að fyrstu fundir um
áætlaðar breytingar hafi verið
haldnir um miðjan febrúar og að
líkur séu á að endanlegar ákvarð-
anir verði teknar á allra næstu
mánuðum. Liggi endanleg ákvörð-
un fyrir í sumar má gera ráð fyr-
ir að framkvæmdir við breytingar
hefjist strax í haust og að fram-
leiðsla geti hafist á magnesíum-
kísiljárni haustið 2005.
Kostnaður við breytingu á
verksmiðjunni liggur ekki fyrir en
að sögn Sigtryggs er um verulega
fjárfestingu að ræða þótt hún sé
ekki af sömu stærðargráðu og sú
sem farið var út í þegar þriðja
brennsluofni var bætt við verk-
smiðjuna árið 1999. Sú fjárfesting
nam á fjórða milljarð króna.
thkjart@frettabladid.is
Snjóleysi á Ísafirði:
Landsmótið
til Siglufjarðar
KEPPNI „Það er búið að ákveða að
Landsmótið verði á Siglufirði en
ekki á Ísafirði eins og til stóð,“
sagði Kristín Eggertsdóttir, rit-
ari stjórnar Skíðasambands Ís-
lands.
Lítill sem enginn snjór er á
Ísafirði en nægur snjór er á
Siglufirði. Landsmótið verður
um næstu helgi eins og til stóð.
Keppni í skíðagöngu verður
væntanlega í nágrenni Ísafjarð-
ar enda gilda önnur lögmál um
gönguskíði þar sem keppendur í
þeirri grein þurfa ekki lyftur
við keppnina. ■
MEÐ AFLANN UM BORÐ
Íslendingar og Norðmenn mega aðeins
veiða hval í vísindaskyni.
Norðmenn:
Veiða fleiri
hvali og seli
OSLÓ, AP Norðmenn eiga að auka
sókn sína í hval og sel að því er
fram kemur í skýrslu norska sjáv-
arútvegsráðherrans, Halvard P.
Johansen, til þingsins. Þar segir
að stjórnvöld muni þrýsta á Al-
þjóðahvalveiðiráðið um að leyfa
hvalveiðar í atvinnuskyni.
Norskir hvalveiðimenn veiddu
647 hvali á síðasta ári og mega
veiða 670 hvali í ár. Það er talsvert
minna en þeir 1.800 hvalir sem
Norðmenn veiddu á sjötta og sjö-
unda áratug síðustu aldar. Norska
stjórnin heimilaði veiði 35.000
sela á síðasta ári og sá kvóti verð-
ur aukinn að sögn sjávarútvegs-
ráðherrans. ■
AFTUR TIL SPÁNAR Pedro Solbes,
sem fer með efnahags- og pen-
ingamál í framkvæmdastjórn
Evrópusambandsins, verður fjár-
málaráðherra í næstu stjórn
Spánar. Solbes snýr því aftur í
starfið sem hann gegndi á árun-
um 1993 til 1996.
FJÓRIR Í HALDI Belgar halda fjór-
um mönnum sem taldir eru eiga
aðild að hryðjuverkaárásinni í
Casablanca í Marokkó á síðasta
ári. Þá létust 45 manns, þar af
tólf tilræðismenn. Belgísk yfir-
völd telja hryðjuverkasamtök
hafa komið sér upp aðstöðu í
landinu.
MÓTMÆLT VIÐ ÞINGHÚSIÐ Þús-
undir Albana fylktu liði við þing-
húsið í Tírana,
höfuðborg Al-
baníu, til að
leggja áherslu
á kröfur sínar
um að ríkis-
stjórnin segði
af sér vegna
ásakana um
spillingu.
Rúmlega 5.000
manns tóku
þátt, heldur færri en þau 20.000
sem mótmæltu fyrir mánuði.
GEFIN SAMAN
Kuldinn sagði til sín þegar Jane og Miles
voru gefin saman í sex stiga frosti.
Vinsæl kirkja:
Gefin saman
í klakakirkju
SVÍÞJÓÐ, AP Það andaði köldu milli
bresku brúðhjónanna sem voru
gefin saman í kirkjunni í
Jukkasjarvi í Norður-Svíþjóð á
dögunum og kannski ekki skrýtið.
Kirkjan er gerð úr klaka og sex
stiga frost í henni þegar Jane
Blake og Miles Wakefield voru
gefin saman.
Kirkjan, og hótel sem einnig er
byggt úr ís, hefur notið vaxandi
vinsælda síðustu árin og er svo
komið að um 150 pör eru gefin
saman í henni á hverjum vetri.
Upphaflega var kirkjan aðeins lít-
il kapella en hún hefur stækkað
eftir því sem hún hefur verið
byggð oftar, en hún bráðnar að
sjálfsögðu á sumrin. ■
– kominn tími til
Hitti Önnu
Lindh skömmu
fyrir morðið
ÓLAFUR HELGI KJARTANSSON
Eitt óskráð skotvopn hefur komið fram
eftir ákall Ólafs.
Allt að fimmtíu ný
störf á Grundartanga
Samkeppni við láglaunasvæði er erfið en aukin verðmætasköpun felst í
meiri vinnslu á hráefninu. Hugsanlega hefjast framkvæmdir í haust.
STÓRIÐJA OG SAMFÉLAG
Fjölmenni var á ráðstefnu um stóriðjumál á Akranesi á föstudag. Þar var meðal annars rætt um hugsanlegar breytingar á rekstri Járn-
blendisins við Grundartanga.