Fréttablaðið - 21.03.2004, Qupperneq 4

4 21. mars 2004 SUNNUDAGUR
Heldurðu að það sé nýtt stríð í
uppsiglingu á Balkanskaga?
Spurning dagsins í dag:
Ætlar þú á tónleikana með Deep
Purple?
Niðurstöður gærdagsins
á www.frett.is
55%
45%
Nei
Já
Kjörkassinn
Farðu inn á frett.is og segðu þína skoðun
frétt.is
Donald Rumsfeld varnarmálaráðherra Bandaríkjanna:
Vildi strax gera árás á Írak
WASHINGTON, AP Donald Rumsfeld,
varnarmálaráðherra Bandaríkj-
anna, lagði til að loftárásir yrðu
gerðar á Írak strax daginn eftir
hryðjuverkaárásirnar á New
York og Washington 11. septem-
ber 2001. Þetta segir Richard A.
Clarke, sem hafði á þessum tíma
umsjón með baráttu Bandaríkja-
stjórnar gegn hryðjuverkum.
Clarke heldur því fram í bók
sem kemur út á morgun að Rums-
feld hafi mælt með því á fundi um
viðbrögð við árásunum að réttast
væri að gera árás á Írak. „Við
sögðum allir: En, nei, al-Kaída er í
Afganistan,“ segir Clarke en því á
Rumsfeld að hafa svarað með því
að það væru engin góð skotmörk í
Afganistan en nóg af þeim í Írak.
Í samtali við fréttastofu CBS-
sjónvarpsstöðvarinnar sagði
Clarke að hann teldi að Banda-
ríkjastjórn hefði reynt að finna
tengsl milli al-Kaída og Íraks
vegna þess að ráðamenn hefðu
lengi haft hug á að koma Saddam
Hussein frá völdum.
„Mér finnst fáránlegt að for-
setinn sækist eftir endurkjöri á
grundvelli þess að hann hafi stað-
ið sig svo vel í baráttunni gegn
hryðjuverkum,“ sagði Clarke.
„Hann hunsaði hryðjuverkahætt-
una mánuðum saman meðan við
hefðum getað gert eitthvað.“ ■
Vanrækt börn í
áhættuhópi
Barnaníðingar virðast fundvísir á fórnarlömb sem skortir athygli og umhyggju að sögn
forstjóra Barnaverndarstofu. Vanrækt börn taki athygli níðinganna fagnandi og gangi
mjög langt til að halda í athyglina.
BARNANÍÐINGAR „Það hefur löngum
verði talið í fræðunum að barna-
níðingar séu mjög fundvísir á
fórnarlömb sín. Við vitum að börn
sem eru einmana og afskipt eru
almennt séð í meiri hættu. Þau
eru líklegri til að verða fórnar-
lömb barnaníðinganna. Það eru þá
börn sem ekki njóta athygli og
umhyggju,“ seg-
ir Bragi Guð-
brandsson, for-
stjóri Barna-
verndarstofu.
Hann leggur
áherslu á að
hann sé ekki sér-
staklega að tala
um fórnarlömb
þeirra tveggja
manna sem ný-
lega voru yfir-
heyrðir af lög-
reglu grunaðir
um kynferðisglæpi gagnvart
börnum. Almennt talað séu miklar
líkur á að vanræksla eigi sinn þátt
í því að börn verði veikari gagn-
vart barnaníðingum.
„En í þessu tilviki virðist um að
ræða menn sem blekkja ung-
menni á Netinu, þeir þykjast vera
yngri en þeir eru og ná þannig til
barnanna. En vanrækt börn eru
líklegri til þess að leita eftir vin-
áttu og samskiptum en þau sem
búa við umhyggju og athygli.
Þessir menn hafa líka þann hæfi-
leika að kunna að spila á tilfinn-
ingar barnanna,“ segir Bragi.
Bragi segir þó ekkert algilt í
þessum efnum, dæmi séu um að
börn sem búi við bestu aðstæður,
verði fórnarlömb barnaníðinga.
Samskiptin milli barnaníðings og
fórnarlambs geta staðið yfir í
langan tíma. Athygli barnaníð-
ingsins og samskiptin við hann
geta verið svo mikilvæg í augum
fórnarlambsins, sem áður var ein-
mana, afskipt og nær einangrað,
að fórnarlambið lætur alls kyns
áreitni og óþægindi yfir sig ganga
til að halda tengslunum og þar
með í athyglina.
„Oft gera þau sér ekki grein
fyrir stöðunni fyrr en þau eru
orðin föst í neti barnaníðingsins
og þannig hafa þau eignast
leyndarmál með gerandanum
sem þau eiga erfitt með að
greina öðrum frá. Þannig að
þetta getur orðið vítahringur
sem þau losna ekki úr. Skilaboð-
in eru líka oft tvíbent sem frá
barnaníðingnum koma og hann
nýtur þá oftar en ekki samúðar
barnsins. Það getur líka verið á
hinn veginn að hótanir barnaníð-
ingsins verði til þess að barnið
lætur að vilja hans og þegir yfir
atburðunum,“ segir Bragi.
Hann bendir á að breytingar í
fari barna geti bent til misnotkun-
ar en einkennin séu svipuð og ef
til dæmis um heimilsofbeldi eða
önnur vandræði heima fyrir sé að
ræða. Sérstaka athygli beri að
veita ef almenn vanlíðan eða kvíði
geri vart við sig, barnið sé óör-
uggt eða námsárangur þess
slakni.
Bragi segir einkum tvennt
mikilvægt þegar kemur að for-
vörnum í þessum málaflokki.
„Annars vegar er mikilvægt
að ræða opinskátt við börnin og
gera þeim grein fyrir tilvist
þessara manna, barnaníðing-
anna. Hins vegar verða foreldr-
ar að leggja sérstaka áherslu á
að börn séu ekki ein og eftirlits-
laus á Netinu.“
the@frettabladid.is
Umdeild sýning:
Bann við
helför
BERLÍN, AP Bann hefur verið lagt
við sýningu dýraverndarsamtak-
anna PETA í Þýskalandi. Sýning-
in, sem nefnist „Helför á disknum
þínum“ hefur farið fyrir brjóstið
á mörgum gyðingum sem finnst
að með henni sé gert lítið úr þján-
ingum gyðinga á tímum síðari
heimsstyrjaldar.
Þýsk samtök gyðinga fóru
fram á lögbann á sýningunni og
varð dómstóll við því. Stjórnandi
sýningarinnar, Matt Prescott, seg-
ir þá ákvörðun samtakanna að
leita eftir lögbanni á sýninguna
skammarlega en sjálfur er hann
gyðingur. ■
DROTTNINGARMÓÐUR MINNST
Hollendingar dáðu fyrrum drottningu sína
mjög og minntust hennar margir í gær.
Drottningarmóðir:
Lést á
tíræðisaldri
AMSTERDAM, AP Júlíana drottning-
armóðir lést í gær 94 ára að aldri
af völdum lungnabólgu en þar að
auki spilaði mjög bág heilsa
drottningarmóðurinnar inn í að
sögn lækna hennar.
Júlíana var dáð af Hollending-
um en hún var drottning þeirra í
32 ár, frá 1948 til ársins 1980 þeg-
ar hún afsalaði sér krúnunni í
hendur Beatrix dóttur sinnar. Hún
átti við veikindi að stríða síðasta
áratuginn og var hætt að þekkja
nánustu ættingja sína. ■
Á LEIÐ TIL FLÓRÍDA
Eftir ávarp sitt hélt Bush í fyrstu kosninga-
ferð sína til Flórída.
Innrás í Írak:
Góð fyrir
heiminn
WASHINGTON, AP „Frelsun Íraks var
góð fyrir íraskan almenning, góð
fyrir Bandaríkin og góð fyrir
heiminn,“ sagði George W. Bush í
vikulegu útvarpsávarpi sínu í
gær. Ávarpið er talið lokapunktur-
inn á því sem menn hafa tekið
sem vikulangt átak Bandaríkja-
stjórnar til að efla stuðning við
veru Bandaríkjahers og stuðn-
ingsmanna Bandaríkjanna í Írak.
Stuðningur við hersetu í Írak
hefur minnkað, Spánverjar hyggj-
ast kalla lið sitt heim og Suður-
Kóreumenn setja skilyrði fyrir
því að senda hermenn til Íraks.
„Versta ríkisstjórnin á svæð-
inu vék fyrir því sem verður fljót-
lega meðal þeirra bestu,“ sagði
Bush í ávarpi sínu. ■
LÖGREGLUMÁL Tveir menn hafa verið
yfirheyrðir af lögreglu grunaðir um
kynferðisglæpi gagnvart börnum.
Annar þeirra er prestur.
Sveinn Andri Sveinsson, lög-
maður prestsins, segir að maður-
inn hafi viðurkennt samneyti við
fimmtán ára pilt, sem hann segir
að hafi tekið þátt í athöfnunum af
fúsum og frjálsum vilja. Athæfið
sé ekki refsivert.
Hafi presturinn hins vegar beitt
blekkingum, fengið drenginn til at-
hafnanna með gjöfum eða tælt
hann, telst brotið refsivert.
Báðir mennirnir eru grunaðir
um að hafa sett sig í sambönd við
börn á netinu og með SMS-skilaboð-
um. Þeir villtu á sér heimildir og
komust þannig í kynni við börnin.
Lögreglan komst á slóðir þeirra þar
sem þeir höfðu samband við börn
sem Ágúst Magnússon hafði verið í
sambandi við. Ágúst er í gæsluvarð-
haldi þar sem hann átti ekki aðeins
mikið af barnaklámsefni, heldur tók
hann upp á myndbönd kynferðisat-
hafnir með sér og börnum. Ekkert
hefur komið fram sem bendir til að
mennirnir tveir tengist eða að þeir
tengist Ágústi og lögregla segir
ekkert hafa komið fram sem bendi
til að mennirnir hafi skipst á
barnaklámsefni. Þegar verið var að
rannsaka mál Ágústs og þau börn
sem hann hafði verið í sambandi
við, komst lögregla á slóðir mann-
anna tveggja.
Lögregla verst frétta af rann-
VILDI STRAX RÁÐAST INN Í ÍRAK
Varnarmálaráðherrann er sagður hafa hvatt
nær samstundis til þess að ráðist yrði á Írak
vegna árásanna 11. september.
ATHYGLIN BÖRNUM MIKILVÆG
Bragi Guðbrandsson, forstjóri Barnaverndarstofu, segir vanrækt börn eða þau sem fara á mis við hlýju og athygli líklegri til að lenda í
klóm barnaníðinga. Níðingarnir séu fundvísir á börn sem séu veik fyrir.
Meintir barnaníðingar:
Leituðu á sömu börn
„Þessir
menn hafa
líka þann
hæfileika að
kunna að
spila á tilfinn-
ingar barn-
anna
FR
ÉT
TA
B
LA
Ð
IÐ
/H
AR
I
Al-Kaídaliðar:
Yfir 100
handteknir
PAKISTAN, AP Pakistönsk hermála-
yfirvöld segjast hafa handsamað á
annað hundrað grunaða al-Kaídaliða
í fimm daga herferð gegn al-
Kaídaliðum og talibönum í landa-
mærahéruðum Pakistan. Harðir
bardagar hafa geysað við virki al-
Kaídaliða nærri afgönsku landa-
mærunum þar sem er talið að mjög
háttsettur foringi þeirra sé. Leiddar
hafa verið líkur að því að Ayman al-
Zawahri, næstæðsti maður samtak-
anna, sé þar á ferð. ■