Fréttablaðið - 21.03.2004, Blaðsíða 54
Þeir sem fóru á tónleikaDamiens Rice á föstudags-
kvöldið urðu vonandi heillaðir af
dúettnum Lucky Four sem sá um
upphitun. Annar helmingur hans
er Oddur Már Rúnarsson en hann
hefur búið í Bretlandi til langtíma
og leikið með bresku rafsveitinni
Lamb síðustu tvö ár.
„Ég og félagi minn Joe Adams
spiluðum okkar fyrstu tónleika á
Glastonbury-hátíðinni síðasta sum-
ar,“ segir Oddur sem kom hingað
sérstaklega til þess að hita upp fyr-
ir Damien félaga sinn með nýju
sveitinni. „Fyrst spiluðum við bara
tveir með kassagítarinn, eins og við
gerum í kvöld, en svo höfum við
verið að prufa okkur áfram með
aðra tónlistarmenn. Þetta er dúett í
augnablikinu en mjög líklega ætlum
við að nota trommuleikarann og
bassaleikarann úr Lamb.“
Lögin eru öll á rólegri nótunum
og frumsamin af þeim báðum.
Söngnum deila þeir svo bróður-
lega á milli sín. „Við röddum eig-
inlega allt en skiptumst á að
syngja aðalröddina.“
Oddur lék lykilhlutverk í því að
fá Damien Rice til landsins enda
hafa þeir verið félagar í tvö ár.
„Við kynntumst á lítilli tónleika-
hátíð þar sem hann var að spila
klukkan sex um morguninn inni í
tjaldi. Þar spilaði hann í þrjá tíma
og ég var alveg gapandi.“
Þeir sem misstu af Lucky Four
á föstudagskvöldið, eða vilja ein-
faldlega fá meira, geta séð sveit-
ina á tónleikum á Grand Rokk í
kvöld. Þar ætla félagarnir, Oddur
og Joe, að leika í rúma klukku-
stund. Nóg er til af efni. „Joe sem-
ur eins og skrattinn, það vellur
upp úr honum stöðugt,“ segir
Oddur að lokum.
Lucky Four stefna að því að
hljóðrita fyrstu breiðskífu sína í
ár og segjast finna fyrir áhuga hjá
plötufyrirtækjum úti.
Um upphitun í kvöld sér
Indigo. ■
54 21. mars 2004 SUNNUDAGUR
Besti vinur minn er FelixBergsson,“ segir Kolbrún
Halldórsdóttir leikstjóri og þing-
kona en Kolbrún og Felix starfa
saman í leikhópnum Á senunni
sem um þessar mundir er að æfa
kabarettinn Paris at night.
„Við kynntumst í gegnum leik-
húsið þegar hann var ungur
áhugaleikari á meðan ég var
framkvæmdastjóri Bandalags
leikfélaga á þeim tíma þegar hann
var að vakna til vitundar um að
hann vildi verða atvinnuleikari.
Það má segja að ég hafi guðmóð-
urkærleik gagnvart honum í leik-
listinni.“
Kolbrún segir mannkærleik
einkenna Felix og hve stórt hjarta
hann hefur og það komi mest á
óvart hvað hann nær að halda
utan um að vera framkvæmda-
maður. Frá því Kolbrún var kosin
á þing hafi hann verið drifkraftur-
inn í leikhópnum þeirra Á sen-
unni. „Ég er Felix þakklát fyrir að
sýna umburðarlyndi og skilning í
þessu pólitíska brölti mínu og
hann hefur í raun og veru haldið
mér á lífi í listinni þessu pólitísku
ár mín.“
Felix segir Kolbrúnu vera mik-
inn vin vina sinna. „Hún er ósér-
hlífin og frábær í alla staði. Ég
hef aldrei kynnst manneskju sem
er eins trú vinum sínum og Kol-
brún. Svo er hún afskaplega heið-
arleg og liggur ekki á skoðunum
sínum sem mér finnst vera mikill
kostur.“ Felix segir bæði stjórn-
málin og leiklistina fara henni
ágætlega. „En ég geri mikið til að
reyna að draga hana í leikhúsið
aftur. Ég hef þá trú að hún snúi
aftur í leikhúsið, því það er henn-
ar fyrsta og síðasta ást.“ ■
Bestu vinir
KOLBRÚN HALLDÓRSDÓTTIR
■ Segir Felix hafa haldið sér á lífi í list-
inni hennar pólitísku ár.
Vinskapur á senunni
KOLBRÚN HALLDÓRSDÓTTIR
OG FELIX BERGSSON
Stofnuðu leikhópinn Á senunni fyrir
fimm árum síðan og ætluðu sér stóra
hluti á senum leikhúsanna. Skömmu
síðar var Kolbrún kosin á þing.
Semur eins og skrattinn sjálfur
Tónlist
ODDUR MÁR RÚNARSSON
■ Fékk félaga sinn Damien Rice til að
troða upp á Íslandi. Hann hitaði upp fyrir
kappann en verður aðalnúmerið með
Lucky Four í kvöld.
LUCKY FOUR
Oddur og Joe hituðu upp fyrir Damien Rice á föstudagskvöldið
en leika á Grand Rokk í kvöld.
Ég er á leiðinni upp í sumar-bústað núna með félögunum
yfir helgina,“ segir Frosti Loga-
son, óskabarn þjóðarinnar og
gítarleikari Mínus, sem verður
líklegast á leiðinni heim þegar
hann les þetta. „Ekki samt félög-
um mínum í Mínus. Ég var nátt-
úrulega að koma heim frá Berlín
með þeim og alveg tími til þess
að vera með öðrum núna.“
Nýjasta plata Mínus, Halldór
Laxness, kemur út á vegum
Sony í Þýskalandi 19. apríl næst-
komandi. Piltarnir voru því í
kynningarferð þar í landi til
þess að kynnast útgefendum
sínum og veita blaðaviðtöl.
„Ég á náttúrulega eiginlega
aldrei frí. Ef ég er ekki að gera
eitthvað fyrir X-ið þá fer dagur-
inn í það að gera eitthvað fyrir
Mínus. Ef ég fæ alveg frí til
þess að slappa af þá finnst mér
gott að kíkja upp í sumarbústað
með félögum og vinum og grilla.
Ég er mikill grillari og finnst
gott að drekka gott vín. Ef ég
grilla ekki sjálfur fer ég út að
borða á góðan stað. Ég er rosa-
lega veikur fyrir góðum mat.
Hann er eitt af mínum helstu
áhugamálum. Ég grilla þannig
við öll tækifæri, sama hvort það
er vetur eða sumar. Ég er með
gasgrill úti á palli og það er al-
veg grillað um jólin og allt.“
Frosti hefur verið á stöðug-
um ferðalögum síðustu mánuði
til útlanda og því auðvelt að
ímynda sér að hann sé orðinn
þreyttur á þeim. „Það hefur ver-
ið að læðast að mér sú hugmynd
að fara í frí á sólarströnd. Ég er
alltaf bara í evrópskum og am-
erískum borgum. Það væri mjög
gott að komast í burtu frá hljóm-
sveitinni og rokkinu og enda á
einhverri teknóströnd á Ibiza.
Ég myndi örugglega fíla til-
breytinguna í einhvern tíma,“
segir Frosti og hlær. ■
Ekke
rt
majo
nes
Ljúfengar
Fyrir þá sem
eru að hugsa
um línurnar
heilsusamlokur
FROSTI Í MÍNUS
Eyðir helginni í sumarbústað með
félögunum.
Frídagurinn
FROSTI LOGASON
■ Gítarleikari Mínus segist ekki oft fá frí
en reynir að grilla þegar það kemur,
sama hvernig viðrar.
Langar á teknóströnd á Ibiza
■ Veistu svarið?
Svör við spurningum á bls. 6
1.
2.
3.
Björgólfur Thor Björgólfsson
VG hefur 11,8%
en Framsókn 10,1%
Á Hólmsheiði.