Fréttablaðið - 10.04.2004, Blaðsíða 8
8 10. apríl 2004 LAUGARDAGUR
Fortíðin er fegurri
„Ég hef ekki heyrt annað en
flestir stjórnmálamenn séu
fylgjandi jafnrétti, ekki bara í
orði heldur einnig á borði.
Það virðist því sem Björn lifi
í fortíðinni en ekki nútíðinni.“
Eiríkur Tómasson, forseti lagadeildar Há-
skóla Íslands, Fréttablaðið 8. apríl.
Þetta vissum við ekki
„Ég leyfi mér að efast um að
Íslendingar átti sig á því hví-
líkt afrek ritstjórar Morgun-
blaðsins, Matthías Johannes-
sen og Styrmir Gunnarsson,
unnu þegar þeir breyttu blaði
sínu úr stokkfreðnu íhalds-
málgagni og flokksbundinni
þrætubók í almennt og opið
málgagn allra Íslendinga.“
Pétur Pétursson, Morgunblaðið 8. apríl.
Orðrétt
MALASÍA, AP Þrír menn vopnaðir
eldsprengjum, sveðjum og exi
réðust inn í sendiráð Mjanmar í
Kúala Lúmpúr, höfuðborg
Malasíu, í fyrradag. Árásarmenn-
irnir særðu háttsettan embættis-
mann og kveiktu í byggingunni.
Malasíska lögreglan segist
hafa handtekið árásarmennina
þrjá og meintan vitorðsmann
þeirra. Mennirnir, sem eru mjan-
marskir múslimar, höfðu sótt um
pólitískt hæli í Malasíu en mjan-
marska sendiráðið hafði neitað að
staðfesta gögn sem fylgja áttu
umsókn þeirra.
Þremenningarnir klifruðu upp
eftir veggjum sendiráðsins og
réðust inn í bygginguna. Þeir
ógnuðu starfsfólkinu með sveðj-
um og exi og kveiktu í bygging-
unni. Yfir þrjátíu slökkviliðs-
menn voru kallaðir á vettvang og
tók það um klukkustund að ráða
niðurlögum eldsins. Þá hafði
framhliðin hrunið til grunna og
miklar skemmdir orðið á innvið-
um hússins.
Herforingjastjórnin í Mjan-
mar hefur fordæmt árásina og
heitið því að efla öryggisgæslu
við sendiráð sín um heim allan. ■
MEXÍKÓ, AP Fertug mexíkósk kona
ól heilbrigðan dreng eftir að hafa
gripið til þess að örþrifaráðs að
gera keisaraskurð á sjálfri sér
með eldhúshnífi.
Konan býr í fátæku sveita-
þorpi í Mexíkó þar sem hvorki er
rennandi vatn né rafmagn og
næsta sjúkrahús í átta klukku-
stunda fjarlægð. BBC hefur það
eftir læknum á sjúkrahúsinu í
San Pablo að konan hafi drukkið
þrjú glös af sterku víni áður en
hún hóf hnífinn á loft. Í þriðju til-
raun tókst henni að rista gat á
kviðarholið og koma drengnum
út.
Konan sendi börn sín eftir
hjúkrunarkonu, sem saumaði
saman sárið með bómullarþræði.
Móðir og barn voru síðan flutt á
sjúkrahús til aðhlynningar. ■
Leifsstöð:
Farþegum
fjölgar enn
FERÐAÞJÓNUSTA Farþegum sem
fara um Leifsstöð hefur fjölgað
um tæp tíu prósent frá síðasta
ári og þrettán prósent ef aðeins
er miðað við marsmánuð. Þeim
farþegum sem millilenda hér á
landi á leið sinni yfir Atlants-
hafið hefur fjölgað enn meir, um
34 prósent. Alls hefur því far-
þegum um stöðina fjölgað um 21
prósent það sem af er þessu ári
og eru þeir rúmlega 250 þúsund
talsins. ■
DÜSSELDORF, AP Ung kona hefur
játað að hafa hringt inn
sprengjuhótun í september í
fyrra til að komast hjá því að
fara í ferðalag með kærastanum
sínum. Flugvellinum í Düssel-
dorf var lokað í sex klukkustund-
ir eftir að hótunin barst meðan
leitað var að sprengju.
Marina Busbosnjac hefur ver-
ið ákærð og dregin fyrir rétt í
Düsseldorf. Þegar hún var kölluð
í vitnastúku viðurkenndi hún að
hafa hringt inn hótunina í von um
að fluginu yrði aflýst. Busbosnj-
ac sagðist hafa viljað halda sam-
bandinu leyndu fyrir fjölskyldu
sinni en ekki hafa þorað að ræða
það við kærastann.
Saksóknarar krefjast þess að
Busbosnjac verði dæmd í þriggja
ára fangelsi. ■
VIÐSKIPTI Almennur innflutningur
í mars hefur aukist um 30% sam-
anborið við mars í fyrra. Þetta
kemur fram í bráðabirgðatölum
um innheimtu virðisaukaskatts
sem birtar eru í vefriti fjármála-
ráðuneytisins.
Samkvæmt bráðabirgðatölum
voru fluttar inn vörur fyrir 20,5
milljarða króna í mars. Er þá inn-
flutningur skipa og flugvéla ekki
reiknaður með. Eins og áður sagði
er þetta mikill viðsnúningur frá
mars í fyrra sem og frá febrúar-
mánuði síðastliðnum þegar flutt-
ar voru inn vörur fyrir 14 millj-
arða. Samanlagður innflutningur
fyrstu þriggja mánaða þessa árs
borinn saman við sömu mánuði í
fyrra leiðir í ljós tæplega fjórð-
ungs aukningu innflutnings milli
ára að raungildi.
Samkvæmt fjármálaráðuneyt-
inu skýrist þessi aukning af meiri
innflutningi hrá- og rekstrarvöru
sem og fjárfestingavöru. Inn-
flutningur sem tengist einka-
neyslu hefur einnig aukist nokkuð
milli febrúar og mars. Innflutn-
ingur bifreiða jókst um 25% og
innflutningur annarra neysluvara
eins og til dæmis fatnaðar jókst
um 10%.
Fjármálaráðuneytið telur að
þrátt fyrir aukningu í innflutningi
gæti vöruskiptajöfnuðurinn orðið
jákvæður í mars. Skýrist það að-
allega af því að gera má ráð fyrir
því að útflutningur sjávarafurða
verði meiri í mars en í janúar og
febrúar. Toppur í saltfisksölu er í
kringum páska og þá er talið að
útflutningsverðmæti frystrar
loðnu og loðnuhrogna verði meiri
í ár en í fyrra. Þá telur ráðuneytið
einnig að álútflutningur verði
meiri í mars en fyrstu tvo mánuði
ársins.
Samkvæmt upplýsingum frá
Hagstofunni var vöruskiptajöfn-
uður jákvæður um 254 milljónir
króna fyrstu tvo mánuði ársins
miðað við rúma 2 milljarða króna
fyrstu tvo mánuði ársins 2003. ■
Ráðist inn í mjanmarska sendiráðið í Kúala Lúmpúr:
Embættismaður
höggvinn með exi
SENDIRÁÐIÐ Í LJÓSUM LOGUM
Malasískir slökkviliðsmenn reyna að ráða niðurlögum elds í sendiráði Mjanmar í Kúala
Lúmpúr.
Mexíkósk móðir:
Framkvæmdi keis-
araskurð á sjálfri sér
Kona játar sprengjuhótun:
Vildi ekki ferðast
með kærastanum
SUNDAHÖFN
Innflutningur bifreiða jókst um 25% milli febrúar og mars og innflutningur annarra
neysluvara eins og til dæmis fatnaðar jókst um 10%.
Innflutningur
jókst um 30%
Viðsnúningur hefur orðið í innflutningi til
landsins. Fjármálaráðuneyti telur að vöru-
skiptajöfnuður geti orðið jákvæður.