Fréttablaðið - 10.04.2004, Blaðsíða 16

Þetta eru gömlu áramótin semhafa verið haldin hátíðleg í
áraraðir í Taílandi,“ segir Páll Júl-
íusson, formaður Taílensk-Ís-
lenska félagsins um Songkran-há-
tíðina sem er haldin hátíðleg frá
13. til 15. apríl.
„Songkran þýðir ánægjulegar
breytingar og er því tími um-
breytinga; út með gamla tímann
og inn með hinn nýja. Hátíðin hef-
ur þróast út í það að standa í heila
viku og byrjar á því að fólk er að
skvetta smá vatni hvert á annað.
Það kemur af því að munkarnir
skvettu vatni á fólk til að blessa
það. Fólk fer svo að draga fram
vatnsbyssurnar og svo föturnar
og endar í miklu vatnsstríði á
milli húsa og fyrirtækja. Því lýk-
ur svo á Songkran og þá er betra
að fara ekki út nema í stuttbuxum
og bol og geyma allt heima sem
ekki má blotna. Þá eru vatnslitirn-
ir komnir í spilið og fólk kemur
heim mjög skrautlegt.“
Taílensk-Íslenska félagið ætlar
að halda daginn hátíðlegan með
mikilli veislu á Broadway klukkan
18.30 í dag. „Þetta verður stór-
kostleg hátíð. Við fáum til okkar
mikið af fólki frá útlöndum, taí-
lenski sendiherrann í Kaup-
mannahöfn, varasendiherrann í
Svíþjóð og íslenski sendiherrann í
Taílandi verða hjá okkur. Svo
verðum við með alls konar taí-
lensk skemmtiatriði, dans, línu-
dans og magadans og Kalli Bjarni
skemmtir. Þá kemur taílensk
hljómsveit frá Noregi og spilar
fyrir dansi.“ ■
16 10. apríl 2004 LAUGARDAGUR
■ Konan mín
Það var mikill sorgardagur fyr-ir marga aðdáendur Bítlanna
þegar Paul McCartney lýsti því
formlega yfir að hljómsveitin
væri hætt, þegar hann gaf út
fyrstu sólóplötu sína, McCartney.
Á næstu árum vann hann mikið
með hljómsveitinni Wings ásamt
konu sinni Lindu sem spilaði á
hljómborð. Áratug síðar gaf hann
út aðra sólóplötu sína, McCartn-
ey II.
Paul, John Lennon og George
Harrison höfðu spilað saman í
þrjú ár þegar þeir tóku upp nafn-
ið The Beatles árið 1960. Ári síð-
ar flökkuðu þeir á milli þýskra
kráa þar sem þeir tróðu upp og
1961 spiluðu þeir fyrst í Cavern
klúbbnum í Liverpool, þar sem
þeir áttu eftir að troða upp 300
sinnum allt til 1963. Bítlamanían
hófst svo þegar þeir komust á
breska vinsældalistann 1963 og
þann bandaríska ári síðar. Hljóm-
sveitin átti tuttugu lög í efsta
sæti Billboard-popplistans og
engin hljómsveit hefur slegið það
met.
Þegar Paul lýsti yfir endalok-
um Bítlanna höfðu þeir ekki kom-
ið saman opinberlega síðan í jan-
úar 1969 þegar þeir héldu hálf-
tíma langa tónleika, öllum að
óvörum, á þaki skrifstofubygg-
ingar Apple-fyrirtækisins í
London.
Jónas Kristjánsson handritafræðingur
er áttræður.
■ Jarðarfarir
14.00 Ásta Ketilsdóttir, Mýrargötu 18,
Neskaupstað, verður jarðsungin
frá Norðfjarðarkirkju.
14.00 Eglína Guðmundsdóttir, Garð-
vangi, Garði, verður jarðsungin frá
Útskálakirkju.
14.00 Elísabet Hallgrímsdóttir, Eyjaseli 3,
Stokkseyri, verður jarðsungin frá
Kotstrandarkirkju.
14.00 Steinunn Þorsteinsdóttir, Ennis-
braut 8, Ólafsvík, verður jarðsung-
in frá Ólafsvíkurkirkju.
ADOLF INGI ERLINGSSON
Adolf Ingi Erlingsson, íþrótta-fréttamaður. „Við erum búin
að vera saman í ein 26 ár og hún
er lítil, rauðhærð, sæt og betri en
nokkuð annað.“ ■
Frá árinu 2000 hefur veriðhaldin messa á páskadags-
morgun í Þingvallakirkju um leið
og sól rís og nýr dagur rennur
upp. Þessi siður er þó síður en
svo nýr af nálinni hjá kristnum
mönnum og hefur lengi verið
haldinn víða um heim. Það er
hópur áhugafólks um helgihald á
Þingvöllum sem stendur að guðs-
þjónustunni í samráði við sóknar-
prest og séra Bernharður Guð-
mundsson Skálholtsrektor þjónar
fyrir altari eins og undanfarin ár.
„Páskapredikunin að þessu
sinni verður lesin úr hinu forna
ræðusafni, Íslenskri hómilíubók.
Hún mun hafa verið skrifuð á 12.
öld en boðskapur hennar gildir
jafnt nú sem þá,“ segir séra
Bernharður og bætir við:
„Minnst verður atburða hins
fyrsta páskadags í kristninni, er
konurnar biðu sólaruppkomu og
nýs dags, svo að þær gætu farið
að gröf Jesú Krists og gert líki
hans til góða. Þær urðu síðan
fyrstu vitnin að upprisu Jesú, er
þær komu að hinni tómu gröf og
engillinn tjáði þeim að Kristur
væri upprisinn. Síðan hefur því
verið fagnað um allan hinn
kristna heim á hverjum páskum,
enda er upprisan grundvöllur
kristinnar trúar.“
En hvenær verður sólar-
upprás á páskamorgun? „Sam-
kvæmt upplýsingum Veðurstof-
unnar verður sólarupprás á Þing-
völlum klukkan 6.09 en hins veg-
ar þarf sólin að klífa upp fyrir
fjallahringinn í austri áður en
geislar hennar ná til þeirra er
bíða komu nýs dags. Um leið og
það gerist hefst guðsþjónustan í
Þingvallakirkju, eða um klukkan
6.30, og hingað til hefur kirkjan
verið yfirfull. Þess má geta að
eftir messuna verður sannkallað
hlaðborð þar sem dúkur verður
breiddur á hlaðinn kirkjugarðs-
vegginn og kirkjugestir safnast
saman á hlaðinu og njóta kirkju-
kaffis og eru allir að sjálfsögðu
velkomnir,“ segir séra Bernharð-
ur að lokum. ■
Páskamessa
SÉRA BERNHARÐUR
GUÐMUNDSSON
■ predikar á Þingvöllum við
sólarupprás á páskadag.
Áramót
TAÍLENSK-ÍSLENSKA FÉLAGIÐ
■ Heldur Songkran hátíðlegt á Broad-
way í dag.
OMAR SHARIF
Leikarinn og bridge-spilarinn er 72 ára.
10. apríl
■ Þetta gerðist
1849 Walter Hunt fær einkaleyfi í
Bandaríkjunum á hönnun sinni
á öryggisnælunni.
1912 RMS Titanic siglir frá South-
ampton í Englandi í jómfrúarferð
sína.
1919 Emiliano Zapata er drepinn í
Mexíkó.
1925 Gatsby hinn mikli eftir F. Scott
Fitzgerald kemur út.
1941 Króatía lýsir yfir sjálfstæði.
1942 Bataan-dauðagangan hefst.
1972 Sjötíu þjóðir skrifa undir sátt-
mála gegn notkun lífefnavopna.
1972 Charlie Chaplin er veittur heið-
ursóskar.
2000 M*A*S*H leikarinn Larry Linville
deyr í New York sextugur að
aldri.
Endalok Bítlanna
BÍTLARNIR
■ Paul McCartney tilkynnir að hann sé
hættur í hljómsveitinni.
10. apríl
1970
Messað á Þingvöllum
við sólarupprás
BERNHARÐUR
GUÐMUNDSSON
Þjónar fyrir altari á
Þingvöllum eld-
snemma að morgni
páskadags.
HALEY JOEL OSMENT
Leikarinn ungi er 16 ára í dag.
■ Afmæli
Áramót í apríl
SYSTURNAR WIMONRAT, WONPHET, WATTANA, DARARAT OG PHANWONG
SAITHAKHAM, ÁSAMT DANSHERRUM
Frá Songkran-hátíðinni í fyrra þegar danshópurinn sýndi listir sínar.