Fréttablaðið - 10.04.2004, Blaðsíða 24

Ég var 11 ára þegar ég byrjaði aðfikta við tónlistina,“ segir Geir-
mundur. Hann bjó þá með fjöl-
skyldu sinni á bænum Geirmundar-
stöðum í Skagafirði og þeir bræð-
urnir fengu lánaða harmonikku hjá
grönnum sínum. Þannig hófust af-
skipti Geirmundar af tónlist og hafa
þau staðið sleitulaust síðan.
En það var ekki tilviljun ein sem
réði því að hann hneigðist til tónlist-
ar: „Það var mikil músík í foreldr-
um okkar, þau voru bæði í kórum og
svona. Svo var líka mikið hlustað á
tónlist á heimilinu, þá ekki síst
harmonikkutónlist.“
Eftir þriggja ára æfingatímabil
þeirra bræðra létu þeir til skarar
skríða og fikruðu sig út á ballmark-
aðinn. „Ég var 14 ára þegar ég spil-
aði fyrst á balli. Þá vorum við bræð-
urnir á nikkum og ég söng, og svo
var trommari úr sveitinni með okk-
ur. Skömmu síðar færði ég mig svo
yfir á gítarinn,“ segir Geirmundur,
sem er kallaður Geiri af vinum og
kunningjum og af því varð nafn
hljómsveitarinnar til. „Hún hét
Rómó og Geiri.“
Gríðarlegar vinsældir
Geirmundur hefur samið á ann-
að hundrað lög um ævina og þau
hafa öll komið út á plötum. „Ég á
aldrei neitt á lager,“ segir hann, „ég
sem bara þegar ég þarf að semja.“
Fyrstu lögin voru svo samin eft-
ir pöntun. „Einu sinni sem oftar stóð
kvenfélagið hér fyrir dægurlaga-
keppni og svo illa vildi til að aðeins
átta lög höfðu borist í keppnina. Það
þurfa að vera tíu lög í svona úrslit-
um og því var ég beðinn um að
semja tvö lög. Ég hafði aldrei gert
þetta áður en það tókst svo vel til að
lögin höfnuðu í 1. og 3. sæti.“ Þessi
lög hétu Nú er fjör á Króknum og
Ástaróður og eru löngu gleymd að
sögn Geirmundar.
Fyrstu lögin hans sem vöktu
verulegar vinsældir komu svo út
árið 1972 og eru enn mörgum í
fersku minni enda í góðri sveiflu –
skagfirskri sveiflu. Þetta voru Nú
er ég léttur og Bíddu við. „Þá voru
gefnar út tveggja laga plötur og við
bjuggumst við að þessi lög yrðu vin-
sæl. Pálmi Stefánsson í Tónabúðinni
á Akureyri rak þá Tóna-
útgáfuna og við vorum
sammála um að Nú er ég
léttur yrði vinsælla. Þess
vegna var ákveðið að
gefa Bíddu við út á und-
an og láta hitt svo koma í
kjölfarið.“
Skemmst er frá því að
segja að Bíddu við ætlaði
alla að æra, svo gott þótti
það, og til merkis um það
má nefna að það sat á
toppi vinsældalistans í
Lögum unga fólksins í
tíu vikur samfleytt. Nú
er ég léttur náði aldrei
þessum miklu vinsæld-
um og komst aðeins í 5.
sæti listans.
Sveitaböllin búin
Geirmundur er mjög
duglegur við að fara um
landið og spila á böllum
og þeir eru fáir staðirnir
sem hann hefur ekki
komið á. Líkast til hefur
hann spilað í flestum
félagsheimilum landsins
en þau voru lengi vel
helsti vettvangur
skemmtana landsmanna.
Það hefur þó breyst.
„Ballmenningin hefur
breyst mikið með árun-
um. Sveitaböllin eru svo
gott sem liðin undir lok
ef undan eru skilin rétta-
böll og þorrablót.“ Í stað-
inn hafa skemmtanirnar
færst inn á vínveitinga-
hús í þéttbýlinu og
stemningin er önnur eft-
ir því.
Geirmundur syngur
sjálfur hástöfum á böll-
um en á plötunum hefur
hann notið aðstoðar
margra stórsöngvara.
„Helga Möller hefur sungið mikið
með mér enda pössum við vel sam-
an. Ari Jónsson hefur líka sungið
mörg lög eftir mig og einnig Guð-
rún Gunnarsdóttir, Berglind Björk
Jónasdóttir, Snörurnar, Rúnar Júlí-
usson og Páll Rósinkranz svo ein-
hverjir séu nefndir.“
Og hann er ekki amalegur liðs-
aukinn sem Geirmundur fær á nýju
plötunni sem kemur út í tilefni af
sextugsafmælinu. „Þarna eru bara
skagfirskir söngvarar, Álftagerðis-
bræður, Jóhann Már og fleiri góðir,“
segir Geirmundur, sem hafði söngv-
arana sérstaklega í huga þegar
hann samdi lögin en mörg þeirra
eru sönglög þó að einnig séu
danslög innan um.
Rollurnar skemmtilegri en
hrossin
Þó að tónlistin sé ær og kýr
Geirmundar er hún ekki eina
áhugamál hans, hann á jörðina
Geirmundarstaði í Skagafirðinum
og heldur þar bæði hross og kindur.
Ógjörningur er að fá Skagfirðinga
til að gefa upp hrossafjölda sinn en
vert að prófa að spyrja. „Þú veist
það að þú spyrð ekki Skagfirðinga
um hversu mörg hross þeir eiga,“
svarar Geirmundur, en bætir svo
við: „Þau eru á milli 20 og 30. Það
er engin lygi.“
Geirmundur hefur lítinn tíma til
að ríða út en hann er með mann í
tamningum hjá sér og dundar við að
selja hest og hest.
Ærnar eru hins vegar um 50. „Ég
hef eiginlega meira gaman af roll-
unum heldur en hestunum,“ segir
Geirmundur en bætir við að hrossa-
áhuginn sé alltaf að verða meiri og
meiri.
Það er merkilegt út af fyrir sig
að Geirmundur á Geirmundarstaði.
„Foreldrar mínir áttu þessa jörð á
sínum tíma og hér var mitt æsku-
heimili. Ég keypti svo hlut bróður
míns eftir þeirra dag.“
Sæmundur hét landnámsmaður
og sonur hans var Geirmundur. Þeir
byggðu jörðina sem Geirmundur á
nú en í tíð Sæmundar hét hún Sæ-
mundarstaðir og að föður sínum
gengnum skírði Geirmundur hana í
höfuðið á sjálfum sér. Foreldrar
Geirmundar Valtýssonar skírðu svo
son sinn eftir jörðinni, já eða land-
námsmanninum og nafna hans Sæ-
mundarsyni.
Tóm vitleysa
Geirmundur hefur alla tíð unnið
meðfram spilamennskunni, lengst
af í Kaupfélagi Skagfirðinga, þar
sem hann heldur um fjármálin. Því
var eitt sinn fleygt að hann hefði lif-
að alla sína tíð á dagvinnunni og
ætti spilalaunin ósnert í banka. Er
þetta satt? Þögn og svo skellihlátur.
„Þetta er mikill misskilningur. Þeg-
ar menn eru með jörð eins og ég og
hafa ekki mikið upp úr því þá þarf
að kosta miklu til að halda þar öllu
við. Þetta er tóm vitleysa.“
Geirmundur hafði sumsé ekki
heyrt þessa sögu, sem greinilega er
lygasaga en góð engu að síður.
Opið hús á mánudag
Geirmundur verður sextugur á
þriðjudaginn, þann 13. apríl. Hann á
46 ár að baki í tónlistinni en ætlar að
halda áfram á þeirri braut enda hef-
ur hann mikla ánægju af tónlist.
„Ég veit ekki hvernig ég væri ef það
væri engin tónlist. Ég kem stundum
í heimsókn til fólks og það er að
hlusta á útvarpið. Það hlustar á tal-
aða málið en slekkur svo þegar tón-
listin byrjar. Þetta skil ég ekki.
Enda skil ég svo sem ekki allt,“ seg-
ir Geirmundur.
Í tilefni þessara tímamóta kemur
út platan Látum sönginn hljóma og
eins og áður sagði eru þar sönglög í
bland við danstónlist. Einnig er
blásið til stórveislu í Íþróttasalnum
á Króknum á mánudagskvöldið.
„Þetta verður svaka veisla, húsið
opnar klukkan átta og þegar gestir
eru sestir hefjast útgáfutónleikarn-
ir. Hljómsveit Magga Kjartans leik-
ur undir og allir sem syngja á plöt-
unni syngja sín lög.“ Geirmundur
hlakkar til þessarar stundar en öf-
ugt við það sem venja er til verður
hann ekki á sviðinu heldur úti í sal,
þar sem hann hlustar á listamenn-
ina flytja lögin sín.
„Síðan verða veitingar, línudans-
sýning og kannski einhver smá
ræðuhöld. Svo verður bara djamm
með mér, Helgu Möller, Ara Jóns og
hljómsveit Magga Kjartans,“ segir
Geirmundur Valtýsson og tekur
fram að húsið sé opið og allir vel-
komnir.
bjorn@frettabladid.is
Fjörutíu og sex
ár í bransanum
24 10. apríl 2004 LAUGARDAGUR
Opið um helgar
frá 10 -16
Dalvegi 6-8 · Kópavogi · Sími 535 3515
www.kraftvelaleigan.is
Eru framkvæmdir framundan ?
Við leigjum þér réttu tækin
ALLTAF HRESS
Geirmundur Valtýsson leggur mikið
upp úr góðu stuði á böllunum sínum.
BÍDDU VIÐ FRÁ 1972
FYRSTA TOPPLAG GEIRMUNDAR
D
Við skólahliðið ég stundum stóð
A
er stúlka lítil hljóp til mín móð
A7
Og andlit mitt var þá allt sem blóð
D A7 D
er hún kallaði, er hún kallaði á eftir mér
D A A7 D
Bíddu við, bíddu við, bíddu vinur eftir mér
D7 G - - E7
Æ lofaðu mér að labba heim méð þér
A7
Ég skal vera svo væn ef þú vilt í þetta sinn
A D
ég er svo hrifin af þér elsku Nonni minn
D
Og árin liðu, við urðum stór
A
ég út í heiminn á skipi fór
A7
Og hugur minn var þá hress og rór
D A7 D
er hún kallaði, er hún kallaði á eftir mér
D A A7
Víst ég vil, víst ég vil, og ég skal bíða eftir þér
D7 G - - E7
Og góði besti, gleymdu ekki mér
A7
Ég verð þér trygg og trú, það fór tár um hennar kinn
B/H
ég elska mun þig alltaf Nonni minn
(Hækkun í E, taka H hljóm á milli)
E
En hún beið ekki eftir mér
B
í einverunni hún gleymdi sér
B7
En minningu’ um það í barmi ég ber
E B7 E
er hún kallaði, er hún kallaði á eftir mér
E B B7 E
Bíddu við, bíddu við, bíddu vinur eftir mér
E7 A - - F#
Æ lofaðu mér að labba heim með þér
B 7
Ég skal vera svo væn ef þú vilt í þetta sinn
E
ég er svo hrifin af þér elsku Nonni minn
Texti og grip fengin af simnet.is/jommi
Geirmundur Valtýsson stendur á tímamótum. Hann
verður sextugur þriðjudaginn 13. apríl og fagnar af-
mælinu með nýrri plötu og stórveislu þar sem allir
landsmenn eru velkomnir.