Fréttablaðið - 10.04.2004, Blaðsíða 46

The Vines - Winning Days
„Satt að segja hreyfði þessi plata ekki við
mér fyrr en á þriðju hlustun. Bítlaáhrifin eru
sterk í lagasmíðum, sérstaklega frá Lennon,
þó svo að hér sé ekkert verið að apa eftir
þeim. Það eru bara einhver bítlablæbrigði í
hljómagöngum í lögum á borð við T.V. Pro
og titillaginu Winning Days. Þetta er ein af
þessum plötum sem vaxa við hverja hlustun,
en nær þó líklega aldrei að teljast til meist-
araverka. Ætli hún sé samt ekki örlítið betri
en sú fyrri? Sem sagt, ekkert sérstaklega
stuðandi plata, en fín engu að síður.“ BÖS
Papa M - Hole of Burning Alms
„Þessi arfaslappa plata er mikil synd og
skemmt epli í annars ferskri ávaxtakörfu
Pajo. Hann er hæfileikaríkur tónlistarmaður
en virðist hafa misst tengslin við það sem
gerir gott síðrokk að góðu síðrokki. Einlægni
og vönduð spilamennska. Svona letilegar
flippplötur eru bara sóun á plasti.“ BÖS
Cursive - The Ugly Organ
„Öll platan fjallar um þau vandræði sem
„ljóta líffærið“ (The Ugly Organ) getur komið
okkur karlmönnum í. Lögin eru því oft full af
sjálfsfyrirlitningu og reiði. Textarnir eru svo
virkilega sterkir, djúpir og frumlegir. Ef sam-
viskubit væri gert að hljóði, þá myndi það
hljóma eins og þessi plata. Tilfinningalega
sterkari gerast plötur varla. Gæsahúðirnar
voru margar. Með bestu emo-rokk plötum
sem ég hef heyrt um ævina.“ BÖS
N.E.R.D. - Fly or Die
„Þó þessi tónlist sé úr sömu belju og skilaði
okkur lögum á borð við Senorita og Like I
Love You er ekki jafn mikið um rjóma.
Mjólkin er líka þyngri í maga og ekki jafn
fersk og hún hefur verið. En samt efast ég
ekki um hæfileikana og mun halda áfram
að fylgjast með af áhuga. En þessi plata
bætir engu við snilldina og virkar á köflum
andlaus, punktur.“ BÖS
Death Cab for Cutie -
Transatlanticism
„Það er ekki oft sem hæfileikar sem slíkir
vella út úr einni og sömu skífunni. Þetta
er eins og pönnukaka með rabbabara-
sultu og rjóma. Þegar maður bítur í ann-
an endann þrýstist hluti af rjómanum út
um hinn og maður sér eftir honum þrátt
fyrir að vera með munninn fullan af góð-
gætinu. Án efa með betri plötum síðasta
árs, þó að fá okkar hefðum hugmynd um
það þá.“ BÖS
Andlát - Mors Longa
„Andlát eru asskoti þungir og grimmir,
það fer ekki á milli mála. Mæli ég með
hlustun í smærri skömmtum en vanalega
því eyrun þreytast fljótt í öllum látunum.
Þéttleiki sveitarinnar er engu að síður
gríðarlegur og ljóst að þessi undarlega
langa fjarvera hefur ekki verið til einskis
nýtt. Hvort hið dauðaskotna þungarokk
Andláts sé málið í dag veit ég ekki en
gæðin eru í það minnsta til staðar, svo
mikið er víst.“ FB
Probot - Probot
„Nú skil ég loksins hvað er svona töff við
Lemmy! Ég vissi ekki að hann hljómar
eins og áttatíu ára gamalmenni með
gyllinæð sem er samt staðráðið í því að
rokka í sundur á sér síðustu heilu liða-
mótin. Mun tala með virðingu um hann
hér eftir. Þessi plata Dave Grohl er ágætis
skóli. Gítarriffin eru mörg mjög flott og
Grohl trommar eins og hann eigi lífið að
leysa.“ BÖS
Bonnie Prince Billy - Greatest
Palace Music
„Eins og allar aðrar plötur Bonnie er hún
góð. Kannski ekki eins mögnuð og þau
verk sem Oldham hefur gefið út eftir að
hann tók sér upp listamannanafnið en
engu að síður ljúf. Samanburður við síð-
ustu plötu væri líka ósanngjarn þar sem
þessi lög eru margra ára gömul.“ BÖS
38 10. apríl 2004 LAUGARDAGUR
RAH BAND
Ooooh...since you went away, there’s
nothing goin’ right
I just can’t sleep alone at night...
I’m not ashamed to say I badly need a friend...
Or it’s the end
Now, when I look at the clouds across the moon
Here in the night I just hope and pray that soon
Oh baby, you’ll hurry home to me
- Liz, söngkona Rah Band sem var búið til af Richard
Hewson, syngur hér óð einmana eiginkonu sem saknar
mannsins síns sem er staddur á Mars einhvern tíma í
framtíðinni. Hann er hins vegar ekki á leiðinni heim
enda kominn með nýja. Lagið heitir Clouds Across the
Moon og er sígilt „með sítt að aftan lag“ frá árinu 1985.
Popptextinn
SMS
um nýjustu plöturnar
TÓNLEIKAR Breska stúlknahljóm-
sveitin Sugababes hélt tónleika í
Laugardalshöllinni að kvöldi skír-
dags. Æstir aðdáendur þeirra röð-
uðu sér upp við sviðið og var heil-
mikill handagangur í öskjunni.
Allt fór þetta samt vel fram og al-
menn ánægja var með tónleik-
anna hjá gestum, aðstandendum
og síðast en ekki síst stelpunum
sjálfum. Einhverjir foreldrar
kvörtuðu þó yfir þreytu í baki og
öxlum en yngstu gestirnir þurftu
að príla upp á forráðamenn sína
til að sjá sem best upp á sviðið.
Skytturnar frá Akureyri hituðu
upp fyrir stúlkurnar. Var gerður
góður rómur að frammistöðu
þeirra og þannig fullyrti einn tíð-
indamanna Fréttablaðsins að
Skytturnar hefðu verið betri en
aðalnúmerið.
Ísleifur Þórhallsson, sem flutti
hljómsveitina til landsins, var
hæstánægður að tónleikunum
loknum og lét það fylgja sögunni
að stelpurnar hefðu verið ánægð-
ar með heimsóknina og stemning-
una í Höllinni.
Þær kíktu í partí seinna um
kvöldið en pökkuðu svo saman og
voru komnar út á flugvöll klukkan
7.30 að morgni föstudagsins
langa. ■
Sugababes kátar
í Höllinni
ÁHORFENDUR
Meðalaldur tónleikagesta í Höllinni var öllu lægri en gengur og gerist á popptónleikum
og töluvert var um að börn sætu á herðum foreldra sinna, alveg eins og á 17. júní, til
þess að sjá sem mest af poppgyðjunum.