Fréttablaðið - 30.04.2004, Blaðsíða 15
15FÖSTUDAGUR 30. apríl 2004
Ung frjálslynd:
Á móti lögum
um fjölmiðla
STJÓRNMÁL Stjórn ungliðahreyfing-
ar Frjálslynda flokksins hefur
sent frá sér ályktun þar sem fjöl-
miðlafrumvarp Davíðs Oddssonar
er harkalega gagnrýnt. Yfirskrift
ályktunarinnar er „fasískt fjöl-
miðlafrumvarp“.
„Með frumvarpinu felst ein
mesta aðför að frelsi í landinu frá
lýðveldisstofnun,“ segir í ályktun.
Í lok ályktunarinnar er spurt
hvort staðfesting yfirburðastöðu
Ríkisútvarpsins sé „virkilega sú
arfleið sem þrettán ára ríkis-
stjórn stjórnmálaflokks sem
kennir sig við frelsi vill skilja
eftir“. ■
FJÖLMIÐLALÖG Gunnar Páll Pálsson,
formaður Verslunarmannafélags
Reykjavíkur, skrifar á heimasíðu
félagsins, um frumvarp forsætis-
ráðherra til laga um eignarhald á
fjölmiðlum.
Í pistli Gunnars Páls segir: „Öll
viljum við sporna gegn hringa-
myndun og fákeppni á fjölmiðla-
markaði og tryggja fjölmiðlum
frelsi til að sinna því aðhaldshlut-
verki sem þeim er skylt í lýðræð-
isríki. Það hlýtur að vera ástæða
þess að lagt hefur verið fram
frumvarp til laga um breytingar á
eignarhaldi á fjölmiðlum. Ekki er
þó hægt að horfa fram hjá þeirri
staðreynd að lögin beinast einkum
að einu fyrirtæki, Norðurljósum,
sem stofnað var utan um nokkkur
smærri fyrirtæki sem á þeim
tíma áttu í miklum rekstrarerfið-
leikum. Meginmarkmið laganna
ætti að vera að tryggja rekstrar-
grundvöll fyrirtækja í fjölmiðla-
rekstri, ekki að veikja hann.“
Gunnar Páll segir að í ljósi
þessa leggi hann til að frumvarp-
inu verði breytt. Hann segir það
verða að endurspegla raunveru-
leikann á íslenskum markaði.
Hann telur að heimila eigi sama
fyrirtæki að eiga bæði ljósvaka-
miðla og dagblöð en tekur undir
að takmarka eigi möguleika
markaðsráðandi fyrirtækja til að
eiga stóran hlut í fjölmiðlum.
„Við megum aldrei missa sjón-
ar á því að frjáls skoðanaskipti og
frjálsir fjölmiðlar eru grundvall-
armannréttindi,“ segir Gunnar
Páll. ■
ÞÍÐA Í TÍSKUNNI
Þíðan í samskiptum Indlands og Pakistans
er farin að setja mark sitt á indverska tísku.
Í það minnsta er ein af flíkum indverska
hönnuðarins Kiran Uttam Ghosh, sem sýnd
var á fimmtu indversku tískuvikunni í Nýju
Delí, mjög í anda keppnisbúninga pakist-
anska krikketlandsliðsins sem Indverjar
kepptu nýlega við í fyrsta skipti í áratug.
KAFARI OG BJARGVÆTTUR
Það varð Dan Carlock að láni að Zack
Mayberry kom auga á hann í sjónum.
Áhugakafari:
Gleymdist á
hafi úti
KALIFORNÍA, AP Bandarískur áhuga-
kafari, Dan Carlock að nafni,
mátti halda sér á floti í fimm
klukkutíma í sjónum fyrir utan
Kaliforníu eftir að ferðafélagar
hans gleymdu honum og héldu á
brott meðan hann var í kafi.
Carlock var farinn að óttast að
síðustu stundir hans væru að líða
þegar fimmtán ára piltur á skáta-
skipi kom auga á hann. Í fyrstu var
Zack Mayberry ekki viss um að
hann sæi rétt svo hann rétti vini
sínum sjónaukann sem hann var
með til að skera úr um hvort það
væri ekki maður svamlandi í sjón-
um. Skömmu síðar var Carlock
bjargað um borð í skipið. ■
Á RÁÐSTEFNUNNI
55 evrópsk og norður-amerísk ríki sóttu
ráðstefnuna um gyðingahatur.
Gyðingahatur:
Er ógn við
lýðræðið
BERLÍN, AP Ástandið í Miðaustur-
löndum er engin afsökun fyrir
gyðingahatri og árásum gegn gyð-
ingum segir í yfirlýsingum 55
ríkja sem komu saman á ráð-
stefnu í Berlín á vegum Öryggis-
og samvinnustofnunar Evrópu
þar sem fjallað var um gyðinga-
hatur.
Í yfirlýsingu sem fulltrúar á
ráðstefnunni samþykktu segir að
gyðingahatur hafi tekið á sig nýj-
ar myndir og sé ógn við lýðræðið.
Ríkin sem tóku þátt í ráðstefnunni
skuldbinda sig til að kenna börn-
um sínum um hvernig berjast
megi gegn gyðingahatri og minna
um leið á helför nasista gegn
gyðingum. ■
Formaður VR um fjölmiðlafrumvarp:
Leggur til að frumvarpi verði breytt
GUNNAR
PÁLL
PÁLSSON
Formaður
Verslunar-
mannafélags
Reykjavíkur
telur að
breyta þurfi
frumvarpi
um
eignarhald
á fjölmiðla.