Fréttablaðið - 30.04.2004, Blaðsíða 46

30. apríl 2004 FÖSTUDAGUR
Með því að taka upp tónleika-plötu með Sinfóníuhljómsveit
Íslands fetar Todmobile í fótspor
Sálarinnar, annarrar sveitar sem
hefur lifað vel og lengi með ís-
lensku þjóðinni. Báðar ákváðu þær
að víkka út sjóndeildarhringinn og
komast þær mjög vel frá sínu.
Ef það hentar einhverri popp-
sveit að spila með Sinfóníunni er
það Todmobile, sem hefur lengi
daðrað við klassíkina í tónlist
sinni með góðum árangri. Hefur
það gert hana frábrugðna öðrum
sveitum og um leið eina þá bestu á
landinu í gegnum tíðina.
Á Sinfóníuplötu þessari er að
finna mörg af bestu lögum
Todmobile sem öll lifa í minning-
unni og standast vel tímans tönn.
Flutningurinn á Ég heyri raddir
og Betra en nokkuð annað er til að
mynda magnaður og Brúð-
kaupslagið, Pöddulagið og Eld-
lagið standa einnig vel fyrir sínu.
Þetta er kraftmikil plata sem
þó nær einnig að tifa á léttu nót-
unum með fallegum sinfóníu-
tengingum á milli laga. Þá miklu
stemningu sem fylgir því að sjá
Todmobile á tónleikum fær maður
hér beint í æð auk þess sem
óperuskotin rödd Andreu Gylfa-
dóttur á vel við í þessu umhverfi.
Sinfónían og Todmobile smell-
passa sem sagt saman þó svo að
samstarfið komi best út í elstu og
jafnframt bestu lögum sveitarinn-
ar. Flott plata þar sem Todmobile
sannar í eitt skiptið fyrir öll að
þar fer tónleikasveit í hæsta
gæðaflokki.
Freyr Bjarnason
Umfjölluntónlist
TODMOBILE:
Sinfónía
Kraftmikið og fallegt
Hann var nánast goðsögn ílifanda lífi á meðal hópdýrk-
enda síðrokksins. Eftir að hann
fannst látinn, af því sem virðist
hafa verið heldur sársaukafullt
sjálfsmorð, á heimili sínu í fyrra
hefur goðsögnin í kringum Elliott
Smith aukist til muna.
Nú hefur pabbi hans greint frá
því á aðdáendasíðu tónlistar-
mannsins, sweetadeline.net, að
verið sé að leggja lokahönd á
breiðskífuna sem Elliott vann að á
þeim tíma sem hann dó. Sú kemur
til með að heita From a Basement
On the Hill, en það var víst vinnu-
heiti plötunnar. Platan verður
gefin út síðar á árinu.
„Margir hafa spurt hvort við
ætlum að selja hljóðverið hans
eða gefa út nýju plötuna hans,“
segir Gary Smith á síðunni. „Við
erum að hljóðblanda hana núna og
hún verður framleidd um miðjan
maí. Við erum að vonast til þess
að koma henni út í september eða
október. Við látum ykkur vita
hvaða útgáfa gefur hana út um
leið og búið er að taka ákvörðun
um það.“
Þekktustu plötur Smiths eru
Either/Or og fylgifiskur hennar
XO. Hann náði mestu velgengni
feril síns þegar hann var tilnefnd-
ur til Óskarsverðlauna fyrir lag
sitt Miss Misery árið 1997 en það
var að finna í myndinni Good Will
Hunting. ■
ELLIOTT SMITH
Framdi sjálfsmorð í fyrra. Pabbi hans er nú
að leggja lokahönd á plötuna sem hann
vann að til dauðadags.
Síðasta platan kláruð
■ TÓNLIST
María Þórðardóttir kennirdans í Jassballettskóla Báru
og hefur meðal annars stigið spor-
in í söngleiknum Grease í vetur.
Hún stefnir nú á nám í Edinborg
og hefur fengið inngöngu í leik-
listarskólann Queen Margret
University College.
„Felix Bergsson var í þessum
skóla og bar honum góða söguna,“
segir María. „Ég hafði séð nokkra
skóla á netinu sem mér leist mjög
vel á en valdi að byrja í Edinborg
fremur en London þar sem að ég
held að stærð Edinborgar og
stemningin þar henti mér betur.“
María þreytti inntökupróf í
leiklist hér heima fyrir ári síðan.
„Þá var ég ekki tilbúin til að fara í
þetta nám. Ég hugsa lífið þannig
að ég sé alltaf að læra og að öll
reynsla þroski mann. Í vetur hef
ég meðal annars unnið með litlum
krökkum á frístundaheimili ÍTR
og hef lært heilmikið um sjálfa
mig í gegnum þau. Þegar ég fór
svo í inntökuprófin í Edinborg leið
mér eins og þegar maður leitar að
íbúð og finnur það á andrúmsloft-
inu þegar maður kemur inn að
þetta er staðurinn sem maður vill
búa á.“
María íhugaði á sínum tíma að
leggja fyrir sig dansinn. „Leiklist-
in heillaði mig svo alltaf meir og
meir og nú langar mig til að verða
leikkona sem getur líka dansað.“
Sá draumur virðist ætla að
rætast von bráðar því María kem-
ur til með að leika hlutverk tón-
listarnema í söngleiknum Fame í
sumar. „Ég er að fara að leika
trommara og ætla að skella mér í
nokkra tónlistartíma af því tilefni.
Ég hlakka til og stefni að því að
leggja mig fram við trommusettið
til að verða trúverðug í hlut-
verkinu.“ ■
Í leiklistarskóla
drottningarinnar
MARÍA ÞÓRÐARDÓTTIR
María hefur dansað í Grease í vetur. Hún kemur til með að leika í Fame í sumar og heldur svo til Edinborgar í leiklistarnám.