Fréttablaðið - 30.04.2004, Blaðsíða 16

16 30. apríl 2004 FÖSTUDAGUR
■ Lögreglufréttir
GENGIÐ YFIR SJÓ OG LAND
Stórum dúk með teikningu af stækkuðu
Evrópusambandi hefur verið komið fyrir á
túni í Zittau í Þýskalandi. Hér stígur kona
yfir Botníuflóa frá Svíþjóð til Finnlands.
Lögreglan á Blönduósi gerir húsleit:
Kannabisræktun
á sveitabæ
FÍKNIEFNI Lögreglan á Blönduósi
lagði hald á um fimmtíu kannabis-
plöntur og talsvert magn af
kannabisefnum þegar gerð var
húsleit á tveimur stöðum í lög-
gæsluumdæminu á miðvikudag.
Í annarri húsleitinni, sem fram
fór í íbúðarhúsi í þéttbýliskjarna
á svæðinu, var lagt hald á lítilræði
af unnu kannabisefni sem og
áhöld til neyslu þess. Á sveitabæ í
nágrenni Blönduóss fundust um
fimmtíu kannabisplöntur, ljósa-
búnaður til ræktunar og talsvert
magn kannabisefna í vinnslu.
Þrír aðilar á þrítugs og fertugs-
aldri voru handteknir í kjölfar
húsleitar og hafa þeir allir viður-
kennt aðild sína að málinu. Þre-
menningarnir, sem hafa komið
lítillega við sögu lögreglu áður,
voru látnir lausir að loknum yfir-
heyrslum og telst málið upplýst.
Í janúar á síðasta ári lagði lög-
reglan Blönduósi hald á 330
kannabisplöntur og tíu skotvopn
eftir húsleit á tveimur stöðum á
löggæslusvæðinu. Að sögn lög-
reglu er ekkert sem bendir til
þess að þessi tvö mál tengist enda
um aðra aðila að ræða. ■
Norræna innrásin
Fyrirtæki frá Norðurlöndunum eru stærstu erlendu fjárfestarnir í
Eystrasaltslöndunum þremur. Allt að þrír fjórðu hlutar erlendrar
fjárfestingar í löndunum kemur frá norrænum fyrirtækjum.
EISTLAND, AP Meðal þeirra sem
unnu sæti á þingi Eistlands í
fyrstu lýðræðislegu kosningunum
eftir fall Sovétríkjanna var flokk-
ur konungssinna sem hélt því
fram á léttu nótunum að besta
leiðin til að tryggja viðgang lands-
ins væri að segja Svíum stríð á
hendur, gefast fljótlega upp og
þiggja sænskan konung.
Þó flokkurinn hafi unnið nokk-
ur sæti á þingi varð ekkert úr um-
ræðu um að Eistar gengju í ríkja-
samband við Svíþjóð. Samskipti
ríkjanna hafa þó orðið veruleg,
rétt eins og samskipti Norður-
landanna allra og Eystrasaltsríkj-
anna þriggja. Norðurlöndin
standa að baki 75 prósenta er-
lendrar fjárfestingar í Eistlandi,
45 prósenta í Litháen og um það
bil 40 prósenta í
Lettlandi. Meðal
þeirra íslensku
fyrirtækja sem
hafa fjárfest í
Eystrasaltsríkj-
unum má nefna
Byko og Húsa-
smiðjuna.
Norræn fyr-
irtæki hafa látið
mikið fyrir sér
fara og meðal
annars tekið yfir rekstur banka,
kauphalla, símafyrirtækja og fjöl-
miðla. Kauphallirnar í Eistlandi
og Lettlandi eru í eigu sænsks
fyrirtækis sem vill kaupa meiri-
hluta í litháísku kauphöllinni.
Sænsk samsteypa á viðskiptablöð
í öllum Eystrasaltsríkjunum og að
auki útbreiddasta dagblað Lett-
lands. Útgefandi helsta dagsblaðs
og stærstu tímarita Eistlands er í
eigu Norðmanna. Annað norskt
fyrirtæki á stórar sjónvarps-
stöðvar í öllum Eystrasalts-
löndunum.
Norðurlöndin og Eystrasalts-
ríkin hafa tekið upp margvíslegt
samband, eru að verða eitt mark-
aðssvæði og stjórnmálamenn í
Eystrasaltsríkjunum láta vel af
því að mynda blokk ríkjanna
þriggja og Norðurlanda innan
Evrópusambandsins til að auka
áhrif landanna.
„Þetta er staðurinn sem við
viljum vera á en vorum útilokuð
frá í hálfa öld,“ sagði Artis Bertu-
lis, sendiherra Lettlands í Svíþjóð.
„Við viljum stunda viðskipti á
sama skynsamlega mátann og
Norðurlöndin gera. Við erum vel
skipulagðir og stöndum við skuld-
bindingar okkar. Stundum gott
betur en það.“
Aðild Eystrasaltsríkjanna að
Evrópusambandinu frá og með
laugardegi hefur síður en svo orðið
til að draga úr áhuga norrænna
manna á fjárfestingum. „Eistland
verður sífellt áhugaverðari fjár-
festingarkostur, sérstaklega nú
þegar þeir ganga í Evrópusamband-
ið,“ sagði Petra Martinsson, tals-
maður sænska útflutningsráðsins í
Tallinn í Eistlandi. ■
Lögreglan berst við villikött:
Beit bæjarbúa
í höndina
LÖGREGLUMÁL Bröndóttur villiköttur
hefur gert íbúum á Höfn í Horna-
firði lífið leitt undanfarna daga.
Lögreglan hefur ítrekað reynt að
hafa hendur í hári kattarins en án
árangurs. Fresskötturinn hefur ver-
ið á vappi í kringum bílskúr í kaup-
staðnum. Reynt hefur verið að
veiða hann í búr enda er hann
bæjarbúum til mikils ama. Að sögn
lögreglu er kötturinn ekki í húsum
hæfur og varla þorandi að nálgast
hann. Einn íbúi í kaupstaðnum
reyndi að tjónka við dýrið en var
bitinn í höndina. Kettinum verður
að líkindum lógað ef enginn eigandi
gefur sig fram. ■
DREGUR ÚR FRELSI
Tök ítalska forsætisráðherrans á ríkis-
fjölmiðlum og einkareknum fjölmiðlum
urðu til þess að Ítalía féll úr hópi þjóða
þar sem fjölmiðlar eru frjálsir.
Fjölmiðlafrelsi:
Hvergi meira
FJÖLMIÐLAR Frelsi fjölmiðla er
hvergi meira en á Íslandi og í
Danmörku og Svíþjóð. Sjónarmun
á eftir koma hin Norðurlöndin,
Finnland og Noregur, auk Belgíu
og Sviss. Þetta kemur fram í nið-
urstöðum könnunar samtakanna
Freedom House á frelsi fjölmiðla
í 193 löndum.
Fjölmiðlar búa við minnst
frelsi í Norður-Kóreu sem hefur
vinninginn yfir Kúbu, Búrma og
Túrkmenistan.
Athygli vekur að Ítalía fellur úr
hópi ríkja þar sem fjölmiðlar eru
frjálsir. Samtökin segja ástæðuna
áhrif Silvio Berlusconi forsætisráð-
herra á ríkisfjölmiðla til viðbótar
við fjölmiðlaveldi hans sjálfs. ■
„Þetta er
staðurinn
sem við
viljum vera á
en vorum
útilokuð frá
í hálfa öld.
NÝKJÖRINN FORSETI
Branko Crvenkovski hefur heitið því að
berjast fyrir inngöngu Makedóníu
í Evrópusambandið.
Forsetakjör í Makedóníu:
Forsætisráð-
herrann kjör-
inn forseti
MAKEDÓNÍA Forsætisráðherra
Makedóníu, Branko Crvenkovski,
hefur verið kjörinn forseti landsins.
Crvenkovski, fékk um 63% atkvæða
í annarri umferð forsetakosning-
anna.
Sasko Kedev, mótframbjóðandi
Crvenkovskis, hefur sakað and-
stæðinga sína um kosningasvindl og
krafist þess að kosningarnar verði
dæmdar ógildar. Kedev hefur leitað
til Evrópuþingsins og bandaríska
þingsins vegna málsins. Óháðir
eftirlitsmenn sem fylgdust með
kosningunum segja að það sé of
snemmt sé að skera úr um hvort
reglur hafi verið brotnar.
Boðað var til kosninga eftir að
forseti Makedóníu, Boris Traj-
kovski, lést í flugslysi í febrúar. ■
53 TEKNIR Á OF MIKLUM HRAÐA
Lögreglan í Reykjavík stöðvaði
óvenju marga ökumenn í gær
fyrir að gerast sekir um að aka of
hratt. 53 voru stöðvaðir frá átta í
gærmorgun fram á tíunda tímann
í gærkvöldi. Talið er að hluti
skýringarinnar sé nýr og full-
komnari radar sem nær fleiri
bílum en eldri búnaður.
KANNABISPLÖNTUR
Lögreglan lagði hald á tugi kannabis-
plantna á sveitabæ skammt frá Blönduósi.
Í GAMLA BÆNUM Í TALLINN
Norrænar fjárfestingar verður óvíða meira vart en í Eistlandi, þrír fjórðu hlutar erlendrar
fjárfestingar í landinu koma frá Norðurlöndunum.
40 þúsund króna sekt:
Flutti inn
klámmyndir
DÓMSMÁL Maður á fertugsaldri var
dæmdur til að greiða 40 þúsund
króna sekt fyrir kynferðisbrot í
Héraðsdómi Reykjavíkur á mið-
vikudag. Maðurinn flutti inn 120
diska af klámefni frá Taílandi.
Maðurinn var sagður hafa ætlað
myndirnar til sölu og dreifingar hér
á landi. Verði sektin ekki greidd inn-
an fjögurra vikna frá uppkvaðningu
dómsins þarf maðurinn að sitja í
fangelsi í tíu daga. ■