Fréttablaðið - 30.04.2004, Blaðsíða 28

Birta af kertum lífgar alltaf upp á heimilið – og þó
dagurinn sé orðinn langur þá er enn notalegt að
kveikja á kertum seint á kvöldin og fá sér heitt kakó.
Guðlaug Halldórsdóttir textílhönnuður rekur textílverk-
stæði og verslunina Má Mí Mó við Tryggvagötu. Hún út-
skrifaðist úr Myndlista- og handíðaskólanum árið 1998.
„Ég fór í textíldeildina því ég hafði mikinn áhuga á inn-
anhússhönnun. Ég vildi strax stofna minn eigin rekstur
eftir að ég útskrifaðist, svo ég færi ekki að gera neitt
annað, og opnaði því Má Mí Mó. Ég hanna munstur og
þrykki á efni til heimilisins, púða og fleira. Ég leik mér
líka svolítið með að setja saman ólík efni. Ég hef líka
verið að fara meira út í fylgihluti eins og töskur, arm-
bönd og buddur. Eftirspurnin kallaði á það.“
Guðlaug er ekki síst þekkt fyrir að hanna falleg og
óvenjuleg gluggatjöld. „Einhvern tímann þegar ég var í
fjallgöngu fékk ég þá hugmynd að gera létt og gagnsæ
gluggatjöld og nota í þau íslensk fjallablóm. Taka náttúr-
una inn á heimili fólks. Svo hefur þetta þróast í ýmsar átt-
ir. Nú er ég með ný munstur sem eru svolítið í nýbarokk
stíl. Það er byggt á gamla barokkgrunninum, sem er þung-
ur og með miklu útflúri, en ég er búin að færa hann nær
nútímanum. Þá þrykki ég á efni með nokkurskonar
„púffaðferð“, þannig að munstrið lyftist aðeins frá efninu.
Þessi munstur hef ég sýnt í Stokkhólmi, mun sýna í Frakk-
landi í apríl og í Kaupmannahöfn í maí.“
Guðlaug segir það vissulega vera draum hvers hönnuð-
ar að selja eitthvað erlendis. „Þá stækkar náttúrlega
markaðurinn. En mér finnast Íslendingar hafa mikinn
áhuga á list og hönnun. Þeir leggja mikinn metnað í heim-
ili sín og eru stoltir af sínum hönnuðum og listafólki.“
audur@frettabladid.is
Ljósin í bænum:
Rósbleik birta
Guðlaug Halldórsdóttir hannar munstur og þrykkir á efni til heimilisins.
Textílhönnun í Má Mí Mó:
Fjallablóm í gluggatjöldum
Ljósin loga í sitthvorri stofunni og gefa frá sér lifandi rósableika birtu með appel-
sínugulum keim. Rómantískt og passar vel við íbúðina sem er í hjarta Reykjavíkur,
innan um bari og búðir bæjarins. Ljósakrónurnar tvær sem eru frá sjöunda ára-
tugnum eru samsettar úr hringlaga plötum úr harðplasti og mynstrið er í anda
hippatímans. Eigendur ljósanna telja sig lukkunar pamfíla því báðar ljósakrónurn-
ar voru skildar eftir í geymslu í eldra húsnæði þeirra hjóna og fyrri eigendur sýndu
„þessu drasli“ engan áhuga. Innan um gamalt og ónýtt dót í geymslunni var plast-
poki fullur af sýrulituðum plastdiskum sem enginn áttaði sig á hvað var í byrjun.
Við nánari athugun komu þessar skemmtilegu krónur í ljós og hafa síðan veitt
hjónakornunum í miðbæjarkotinu birtu og yl.