Fréttablaðið - 07.10.2004, Blaðsíða 36

„Ég fer í mesta lagi út að borða í
tilefni dagsins, fæ mér kannski
hamborgara,“ segir afmælisbarn
dagsins, Dr. Gunni, eða Gunnar
Lárus Hjálmarsson eins og hann
heitir réttu nafni, sem fagnar 39
ára afmæli sínu í dag.
Dr. Gunni er fjölhæfur maður
sem meðal annars hefur fengist
við tónlist, skriftir og dagskrár-
gerð, og því var ekki auðvelt að
finna titil á kappann. „Kallaðu mig
bara lífskúnster,“ segir doktorinn
og skellihlær og bætir svo við:
„Nei, það gengur ekki, höfum það
frekar tónlistar- og dagskrárgerð-
armann.“
Aðspurður segist hann ekki
vera mikið afmælisbarn. „Ég
reyni alltaf að vera að heiman á af-
mælisdaginn og til dæmis var ég
einhvers staðar í Frakklandi á tón-
leikaferðalagi með Unun þegar ég
varð þrítugur og var ekkert meira
gert úr því – ég held að þau hafi
ekki einu sinni gefið mér að éta,
félagarnir í hljómsveitinni,“ segir
Dr. Gunni, sem útilokar þó ekki að
hann haldi upp á daginn að ári
liðnu þegar hann verður fertugur.
„Þá er tilefni til að gera eitt-
hvað en ég held að það verði nú
bara aðallega eitthvað fyrir sjálf-
an mig, fer kannski til útlanda og
læt mér líða vel en ég hef ár til að
spá í það.“ Honum finnst bara
ágætt að eldast.
„Ég hef nú ekki verið mjög
upptekinn af því að pæla í aldrin-
um hingað til, ég er á því að lífið
hafi ekkert með aldur að gera, það
snýst fyrst og fremst um líðan og
stöðu manns hverju sinni,“ segir
Dr. Gunni, sem þessa dagana situr
við skriftir en vill lítið tjá sig um
þær.
„Ég er bara að skrifa,“ segir
hann leyndardómsfullur. „Eins og
er vil ég ekkert segja meira um
það. Ég er hins vegar að stússast í
ýmsu og sé til að mynda um viku-
legan þátt á útvarpsstöðinni Skon-
rokk á laugardögum og þá er ver-
ið að bíða eftir að Popppunktsspil-
ið komi til landsins úr verksmiðj-
unni í Kína. Þar er komið jólaspil-
ið í ár, engin spurning, þátturinn
sjálfur fer svo í loftið eftir jól,“
sagði afmælisbarn dagsins, Dr.
Gunni.
sms@frettabladid.is
24 7. október 2004 FIMMTUDAGUR
THOM YORKE
Söngvari Radiohead
er 36 ára í dag.
Lífið hefur ekkert með aldur að gera
DR. GUNNI: HELDUR SENNILEGA UPP Á 39 ÁRA AFMÆLIÐ MEÐ HAMBORGARA.
„En ég er ógeð, ég er furðufugl.
Hvern fjandann er ég að gera
hérna? Hér á ég ekki heima.“
- Afmælisbarn dagsins kyrjaði þetta
í tilvistarkreppu í laginu Creep.
timamot@frettabladid.is
GUNNAR HJÁLMARSSON
Reynir að vera alltaf að heiman þegar hann á afmæli en útilokar ekki veisluhöld að ári þegar hann nær fertugu.
7. október 1943
Shigematsu Sakaibara, aðmíráll og yfirmaður jap-
anska setuliðsins á Wake-eyju, fyrirskipaði á þess-
um degi árið 1943 aftöku 96 bandarískra stríðs-
fanga. Hermönnunum var gefið að sök að hafa
reynt að ná talstöðvarsambandi við bandaríska
heraflann á Kyrrahafinu og guldu fyrir það með lífi
sínu.
Wake-eyja er smáeyja í Norður-Kyrrahafi um 3.200
kílómetra vestan við Hawaii en lítill hópur banda-
rískra hermanna náði að verja eyjuna fyrir ásókn
japanska hersins þar til Japanir stórefldu herafla
sinn og báru Bandaríkjamennina ofurliði í lok des-
ember 1941. Þeir Bandaríkjamenn sem lifðu orr-
ustuna af voru fluttir af eyjunni í fangabúðir. Japan-
ir héldu þó 96 manns eftir og notuðu þá í þrælk-
unarvinnu. Bandamenn svöruðu aðgerðum Japana
með reglulegum sprengjuárásum é eyjuna en létu
frekari landhernað eiga sig
en þessi aðgerð var liður í
áætlun þeirra um að ein-
angra hersetnar eyjar á
Kyrrahafinu með það fyrir
augum að svelta her-
námsliðið beinlínis í hel.
Aftaka bandarísku her-
mannanna þykir með
grimmilegustu atburðun-
um í stríðsátökunum á
Kyrrahafinu en hermenn-
irnir voru leiddir fyrir af-
tökusveit þar sem bundið
var fyrir augu þeirra og
þeir skotnir með köldu
blóði.
BANDARÍSKUM
HERMÖNNUM
Tókst lengi vel að halda
Wake-eyju þrátt fyrir
þunga sókn Japana. Þeir
létu þó í minni pokann að
lokum og voru hnepptir í
þrælkunarvinnu.
ÞETTA GERÐIST
JAPANIR TÓKU BANDARÍSKA STRÍÐSFANGA AF LÍFI.
Grimmileg aftaka á Wake-eyju
MERKISATBURÐIR
1849 Rithöfundurinn Edgar Allan
Poe deyr 40 ára að aldri.
1963 Kennedy Bandaríkjaforseti
undirritar samning við
Breta og Sovétmenn um
bann við kjarnorkuvopna-
tilraunum.
1985 Aurskriður í Ponce í Púertó
Ríkó verða 91 að bana.
2001 Bandaríkjamenn og Bretar
hefja loftárásir á Afganistan
vegna stuðnings landsins
við Osama bin Laden og
aðra hryðjuverkamenn.
Þetta var fyrsta hernaðar-
aðgerðin sem gripið var til
eftir árásina á Bandaríkin
þann 11. september.
2003 Arnold Schwarzenegger er
kosinn ríkisstjóri í Kaliforn-
íu.
2003 Leikarinn Randy Quaid fær
stjörnu með nafni sínu á
Hollywood Walk of Fame.
Ástkær sonur okkar, bróðir, ömmubarn
og langömmubarn,
Gunnar Karl Gunnarsson
Bæjarholti 13 Laugarási, Biskupstungum
sem lést af slysförum fimmtudaginn 30. september verður
jarðsunginn frá Skálholtskirkju laugardaginn 9. október kl. 14.00.
Ragnheiður Sigurþórsdóttir, Gunnar Sigurþórsson,
Kristrún Harpa Gunnarsdóttir, Sigrún Kristín Gunnarsdóttir,
Kristrún Stefánsdóttir, Guðrún Karlsdóttir, Áslaug Bachmann.
Eiginmaður minn, faðir okkar, tengdafaðir,
afi og langafi,
Tómas Guðmundsson
rafvirkjameistari, Hrafnistu Hafnarfirði, síðast til
heimilis að Austurvegi 16 Grindavík
verður jarðsunginn frá Grindavíkurkirkju laugardaginn
9. október kl. 14.00.
Fyrir hönd aðstandenda
Ingibergur Guðmundsson.
Geirlaugur Magnússon skáld
varð sextíu ára þann 25. ágúst og
um það leyti kom út ljóðabókin
hans „dýra líf“. „Það er nú ekkert
afrek að verða sextíu ára í dag en
bókin kom nokkurn veginn út á
afmælisdaginn. Þetta er einhver
hégómagirnd,“ segir Geirlaugur.
„Þetta er sautjánda eða átjánda
ljóðabókin mín og ég reyni þarna
að fara aðrar leiðir og vinn með
rímlausar sonnettur. Þetta er
hundgamalt form og ég veit svo
sem ekki hvernig þessi tilraun
hefur tekist en með hverri nýrri
bók reynir maður að fara aðrar
leiðir en áður enda eru yrkisefn-
in í heiminum ekki svo mörg
þegar allt kemur til alls.“
Geirlaugur sendi einnig á dög-
unum frá sér þýðingu á „lág-
mynd“, ljóðabók eftir pólska
skáldið Tadeusz Rozewicz.
Rozewicz fæddist árið 1921 en
Geirlaugur telur yrkisefni kyn-
slóðar hans eiga brýnt erindi við
samtímann. „Þessi kynslóð upp-
lifði sterkt hörmungar seinni
heimsstyrjaldarinnar og þær
hörmungar sem gengu yfir Pól-
verja þá. Skáldskapurinn ber
þess svolítil merki og Rozewicz
tók þá afstöðu að það þyrfti að
skapa sér nýtt tungumál, skapa í
raun allt upp á nýtt þar sem allar
fagurfræðilegar viðmiðanir væru
úreltar. Hann er á sinn máta að
svara þeirri spurningu heimspek-
ingsins Adorno um hvernig hægt
sé að yrkja eftir Auschwitz? Þeg-
ar grimmd og mannfyrirlitning
hefur gert út af við alla fagur-
fræði.“
Geirlaugur svarar með spurn-
ingu þegar hann er inntur eftir
því hvort mannkynið hafi ef til
vill lítinn lærdóm dregið af
hörmungum heimsstyrjaldarinn-
ar og því eigi skáldskapur kyn-
slóðar Rozewics erindi við sam-
tímann. „Verðum við ekki að trúa
því að þó tíminn líði hratt verðum
við að halda einhverjum tengls-
um við það sem gerst hefur?
Rozewics minnir á þetta á
skemmtilega hvassan hátt.“ ■
AFMÆLI
Randver Þorláksson leikari, 55 ára.
Þorsteinn Már Baldvinsson, forstjóri
Samherja, 52 ára.
Magnús Geir Þórðarson leikstjóri, 31 árs.
Hildur Rúna Hauksdóttir hómópati, 58
ára.
ANDLÁT
Aðalbjörg Signý Sigurvaldadóttir, Eld-
járnsstöðum, Blöndudal, lést 27. septem-
ber.
Eggert Ólafsson, frá Brautarholti, Hofsósi,
lést 27. september. Jarðarförin hefur farið
fram í kyrrþey.
Hjördís Kjartansdóttir, Seilugranda 9,
Reykjavík, lést 4. október.
Örn Friðfinnsson, Dalalandi 1, lést 4.
október.
Örn Sigurjónsson lést 5. október.
JARÐARFARIR
11.00 Ásgeir Einarsson, Smáratúni 35,
Keflavík, verður jarðsunginn frá
Keflavíkurkirkju.
13.30 Gunnar Loftsson, Sogavegi 32,
Reykjavík, verður jarðsunginn frá
Fossvogskirkju.
Að yrkja eftir Auschwitz
GEIRLAUGUR MAGNÚSSON Gaf sér
góðan tíma til að þýða ljóðabókina „lág-
mynd“. Hann telur sig hafa glímt við hana
í 6 til 7 ár og er þegar farinn að fást við
aðra, nýrri bók höfundarins.
FR
ÉT
TA
B
LA
Ð
IÐ
/E
.Ó
L.