Fréttablaðið - 07.10.2004, Blaðsíða 2

2 7. október 2004 FIMMTUDAGUR
KENNARAVERKFALL Grafalvarleg staða
er komin upp í kjaradeilu kennara
og sveitarfélaganna, segir Eiríkur
Jónsson, formaður Kennarasam-
bands Íslands: „Deilan er í hnút og
ég er langt frá því að vera bjart-
sýnn.“
Birgir Björn Sigurjónsson, for-
maður launanefndar sveitarfélag-
anna, segir olnbogarými nefndanna
til samninga lítið. Kennarar setji
fram ófrávíkjanlegar kröfur sem
ekki nái fram að ganga nema launa-
nefndin gangi að þeim: „Umræðan
gengur því út á hvað þeir vilja fá.
Forysta kennara er ekki til umræðu
um annað.“
Eiríkur segir að allt bendi til
þess að síðasti kjarasamningur hafi
ekki skilað umsömdu fé til skól-
anna. Kennarasambandið hafi ítrek-
að kallað eftir efndum samningsins,
meðal annars með málaferlum.
Birgir Björn segir að staðið hafi
verið við kjarasamninginn að fullu
leyti. Miklar breytingar hafi verið
gerðar á skólastarfi grunnskól-
anna. Sveitarfélögin hafi ekki tap-
að dómsmálum nema í undantekn-
ingartilvikum. „Ég tel að fólk hafi
sætt sig illa við breytingarnar og
því miður stóð Kennarasambandið
ekki með kjarasamningnum í þeim
málum.“ ■
KENNARAVERKFALL Ekki er hægt að
fresta verkfalli kennara. Það er
bannað með lögum. Kennarasam-
band Íslands hefur leitað eftir því
að fá lögunum breytt en án árang-
urs, segir Hannes Þorsteinsson,
skrifstofustjóri sambandsins.
Hannes segir að hægt sé að
fresta verkfalli á almennum
vinnumarkaði sé komið samn-
ingahljóð í menn. Forysta kennara
hafi ítrekað sótt eftir því að lögum
opinberra starfsmanna verði
breytt í samræmi við það sem þar
gerist en mætt lokuðum dyrum.
Hannes segir hvata sveitarfé-
laganna til að fá grunnskólakenn-
ara aftur á launaskrá engan.
„Pressan er öll á launanefndinni
og Birgi Birni Sigurjónssyni.
Sveitarfélögin losna við 60 til 70
prósent af launaútgjöldum sínum
sem bjargar fjárhag þeirra þessar
vikurnar,“ segir Hannes: „Sveitar-
félögin hagnast hvern einasta
mánuð sem þau geta dregið að
semja. Ástæðan er að kjarasamn-
ingar eru almennt ekki afturvirk-
ir heldur frá þeim tíma sem samið
er að nýju. Það er því þeirra hag-
ur að draga lappirnar og láta ekk-
ert gerast,“ segir Hannes.
Vilhjálmur Þ. Vilhjálmsson,
formaður Sambands íslenskra
sveitarfélaga, segir launanefnd-
ina í góðu sambandi við sveita-
stjórnarmenn. Hún njóti fulls
trausts. „Hvati sveitarfélaganna
og þjóðarinnar allrar til að leysa
verkfall kennara er mikill.
Áhyggjur sveitarstjórnarmanna
af verkfallinu eru jafnmiklar og
annarra landsmanna,“ segir Vil-
hjálmur. Hann hafi ekki hitt einn
einasta sveitarstjórnarmann sem
hafi velt upp umræðum um hve
hagkvæmt verkfall kennara sé
sveitarfélögunum.
Samkvæmt fyrri fréttum blaðs-
ins er sparnaður sveitarfélaganna
um fjörutíu milljónir króna í
launagreiðslur hvern dag vegna
verkfalls rúmlega fjögur þúsund
grunnskólakennara. Launakostn-
aður sveitarfélaganna vegna kenn-
ara og skólastjóra á þessu ári var
áætlaður 16,2 milljarðar króna.
Hann lækkar eftir því sem verk-
fallið dregst á langinn.
gag@frettabladid.is
Hvammstangi:
Brak úr trillu
í veiðarfæri
LÖGREGLA Gúmmíbjörgunarbátur,
rekkverk og fleira komu upp í híf-
ingu í Hörpu HU klukkan rúmlega
fimm í gærdag. Skipstjóri Hörpu
HU frá Hvammstanga taldi hlut-
ina vera úr trillunni Jóhannesi
HU-28 sem fórst með tveimur
mönnum á Húnaflóa í nóvember
árið 1990.
Hæglætisveður en undiralda
var daginn sem trillan sökk fyrir
fjórtán árum. Strax eftir að neyð-
arkall barst um að trillan væri að
sökkva hélt fjöldi báta til leitar á
svæðinu. Þá komu þyrla, varðskip-
ið Týr og fokker Landhelgisgæsl-
unnar að leitinni auk um fimmtíu
björgunarsveitarmanna. ■
Nei, ef guð lofar ætla ég að vera í
fæðingarorlofi í Reykjavík.
Bryndís Loftsdóttir, vörustjóri hjá Pennanum, sagði
í Fréttablaðinu í gær, ótrúlegt að forsætisráherra
hefði séð ástæðu til að nefna jarðgöng til Siglu-
fjarðar í stefnuræðu sinni. Göngin snerti álíka
marga og hraðahindrun á Gullteignum.
SPURNING DAGSINS
Bryndís, ætlarðu á Síldarævintýrið á
Siglufirði næsta sumar?
SLÖSUÐ EFTIR BARDAGA
Palestínumenn hafa sagt að brotthvarf frá
Gaza sé aðeins liður í að styrkja veru Ísra-
ela á Vesturbakkanum.
Ráðgjafi Sharons:
Vill ekki
viðræður
ÍSRAEL, AP Markmið áætlunar
Ariels Sharon, forsætisráðherra
Ísraels, um brotthvarf frá Gaza er
að koma í veg fyrir að til verði
sjálfstætt Palestínuríki. Þetta
sagði Dov Weisglass, helsti ráð-
gjafi Sharons í samskiptum við
Bandaríkjastjórn, í viðtali við
ísraelska dagblaðið Haaretz.
Blaðið hefur eftir Weisglass að
með brotthvarfi frá Gaza vilji
Ísraelsstjórn forðast viðræður við
Palestínumenn sem leitt geti til
stofnunar sjálfstæðs Palestínurík-
is. Hugmyndin er sú, segir hann,
að grafa undan samstöðu Palest-
ínumanna. Palestínumenn hafa
lengi verið efins um ágæti áætl-
unarinnar um brotthvarf frá
Gaza. ■
FALSARAR HANDTEKNIR Búlg-
arska lögreglan handtók þrjá ein-
staklinga og lagði hald á falsaða
evruseðla að verðmæti 25 millj-
óna króna þegar þeir réðust gegn
peningafölsunarhóp í Sofiu, höf-
uðborg landsins. Búlgarska lög-
reglan hefur haft nóg að gera í
baráttu við falsara.
BORGARMÁL Búið var að vara
borgaryfirvöld við því að með
því að synja Egilshöll um vín-
veitingarleyfi væri verið að
brjóta gegn stjórnsýslulögum.
Málið var þverpólitískt í borgar-
stjórn og klofnaði R-listinn með-
al annars í afstöðu sinni. Sjö
voru á móti því að veita leyfið
og sex með.
Í fyrradag úrskurðaði úr-
skurðarnefnd um áfengismál að
með því að synja Sportbitanum,
sem sér um veitingasölu í Egils-
höll í Grafarvogi, um leyfi til að
veita bjór og léttvín hefðu borg-
aryfirvöld brotið gegn jafnræð-
isreglu og meðalhófsreglu
stjórnsýsluréttarins.
Alfreð Þorsteinsson, formað-
ur borgarráðs, var einn af þeim
sem vildi veita Egilshöllinni vín-
veitingaleyfið.
„Ég varaði mjög við því að
leyfinu yrði synjað og lagði
meðal annars fram bókun um
það á borgarstjórnarfundi,“ seg-
ir Alfreð. „Nú hefur úrskurðar-
nefndin komist að þeirri niður-
stöðu borgin braut gegn jafn-
ræðisreglu og meðalhófsreglu
og það er náttúrlega slæmt.“
Alfreð segir að þeir borgar-
fulltrúar sem hafi synjað leyf-
inu hafi vafalaust gert það í
góðri trú.
„Þeir töldu sig vera að verja
æsku þessa lands,“ segir Alfreð.
„Mönnum mátti samt alveg vera
það ljóst frá upphafi að vegna
ákvæða í stjórnsýslulögum um
jafnræði var borginni ekki stætt
á að hafna umsókninni og að það
stæðist ekki góða stjórnsýslu-
hætti.“ ■
■ EVRÓPA
ALFREÐ ÞORSTEINSSON
Formaður borgarráðs segir að þeir borgar-
fulltrúar sem hafi synjað leyfinu hafi vafa-
laust gert það í góðri trú.
Formaður borgarráðs varaði við því að Egilshöll
yrði synjað um vínveitingaleyfi:
Ljóst frá upphafi að
synjun stóðst ekki lög
KENNARAR Á ÞINGPÖLLUM ALÞINGIS
Hannes segir að mörgum kennurum finnist óþægilegt að vera í verkfalli. „Þá er ég ekki
bara að tala um peningaáhrifin, sem fólk getur verið nokkur ár að vinna sig út úr, heldur
einnig það að finna andúð í fjölmiðlum og samfélaginu. Það er alltaf viss hópur kennara
sem segir að verði verkfall hætti þeir að kenna.“
HANNES ÞOR-
STEINSSON
Segir sveitarfélögin
hagnast hvern ein-
asta mánuð sem
þau geti dregið að
semja.
VILHJÁLMUR Þ.
VILHJÁLMSSON
Segir ekki einn ein-
asta sveitarstjórnar-
mann ræða um hve
hagkvæmt verkfall
kennara sé.
Kjaradeila kennara og sveitarfélaga í hnút:
Eiríkur ekki bjartsýnn
á að verkfall leysist
EIRÍKUR JÓNSSON
Eiríkur segir engan árangur hafa verið af
kjaraviðræðum samninganefndanna frá því
á sunnudag. „Ég veit að kennarar eru ekki
tilbúnir að fara inn í skólana á þeim kjör-
um sem þeim er boðið. Það er langur veg-
ur þar í frá,“ segir Eiríkur.
FR
ÉT
TA
B
LA
Ð
IÐ
/S
TE
FÁ
N
Ekki hægt að fresta
verkfalli kennara
Lagaumhverfi kjaraviðræðna kennara og sveitarfélaganna er þeim síð-
arnefndu í hag. Sveitarfélögin hagnast á þv´að draga samningagerð sem
lengst. Kennarar hafa reynt að breyta lögunum en án árangurs.
Flug til Eyja:
Töf vegna
vindhviðna
SAMGÖNGUR Tafir urðu á flugi til
Vestmannaeyja í gærmorgun
vegna hvassviðris í Eyjum.
Flugi klukkan hálfátta var
frestað, en þær upplýsingar
fengust hjá flugmálastjórn í
Eyjum að þar hefði verið mis-
vindasamt og vindhraði farið
upp í 40 hnúta í hviðum, en það
eru 20,5 metrar á sekúndu.
Allir komust þó til Eyja með
flugi í gær sem vildu, þrátt fyrir
töfina, samkvæmt upplýsingum
Flugfélags Íslands.
Ein vél fór í hádeginu í gær
og svo önnur klukkan átta í
gærkvöldi. ■
Ný skýrsla um Írak:
Engin vopn
að finna
BANDARÍKIN, AP Írakar áttu engin
gereyðingarvopn áður en Banda-
ríkin réðust inn í landið í fyrra.
Þetta kemur fram í nýrri skýrslu
vopnaeftirlitsveitar Bandaríkja-
manna í Írak.
Í skýrslunni kemur hins vegar
fram að Saddam Hussein hafi ætlað
að hefja framleiðslu á gereyðingar-
vopnum um leið og hann gæti.
Charles Duelfer, yfirmaður
vopnaeftirlits Bandaríkjamanna,
bar vitni hjá öldungardeildar
bandaríska þingsins í gær. Hann
sagðist ekki búast við því úr þessu
að nein gereyðingarvopn myndu
finnast. ■
TEKINN MEÐ KÓKAÍN Maður á
tvítugsaldri var handtekinn á
Þórshöfn á Langanesi með 1,5
grömm af ætluðu kókaíni á öðr-
um tímanum í fyrrinótt. Maður-
inn játaði eign efnisins og telst
málið upplýst.
■ LÖGREGLUFRÉTTIR