Fréttablaðið - 11.11.2004, Síða 14

14 11. nóvember 2004 FIMMTUDAGUR
LÁTINNA MINNST
Blómum, kertum og myndum hefur verið
komið fyrir nærri staðnum þar sem 155
manns létust í toglestarslysi í austurrísku
Ölpunum fyrir fjórum árum. Eldur kom
upp í lestinni 11. nóvember 2000 þegar
hún fór um göng, flestir þeirra sem um
borð voru létust.
ÍRAK, AP/AFP Íraskir hermenn hafa
fundið „sláturhús gísla“, hús þar
sem hryðjuverkamenn héldu gísl-
um föngnum og myrtu þá, sagði
Abdul Qader Mohan, hershöfð-
ingi og yfirmaður írösku her-
sveitanna í Falluja. Hann sagði að
húsin væru í norðurhluta borgar-
innar þar sem búist hefði verið
við mestri mótspyrnu.
„Við höfum fundið sláturhús í
Falluja sem var notað af þessu
fólki og svartan klæðnað sem
þeir notuðu til að einkenna sig,“
sagði Mohan og bætti við að þar
hefðu einnig fundist skýrslur
með nöfnum gísla.
Háttsettir bandarískir herfor-
ingjar sögðu hermenn hafa náð
70 prósentum Falluja á sitt vald
og áttu von á að stjórna henni
allri innan tveggja daga. Einn
herforingi sagðist þó telja að
margir vígamenn hefðu flúið
borgina áður en árásin á hana
hófst. Aðrir sögðu vígamenn hafa
misst alla yfirsýn og samband sín
á milli.
Óvíst er með mannfall. Banda-
ríkjaher segir á annað tug banda-
rískra hermanna hafa fallið og
nokkur hundruð vígamenn. Ekki
er vitað um mannfall meðal
óbreyttra borgara. 22 létust í bar-
dögum í norðurhluta Íraks á sama
tíma og barist var í Falluja. ■
Botnvörpu-
banni afstýrt
Tillaga um allsherjar botnvörpubann náði ekki
fram að ganga hjá Sameinuðu þjóðunum.
Gríðarlegt hagsmunamál fyrir Íslendinga.
SJÁVARÚTVEGUR Tillaga um allsherj-
arbann við veiðum með botnvörpu
á úthafinu náði ekki fram að
ganga hjá Sameinuðu þjóðunum
en Kosta Ríka hafði lagt fram til-
lögu um slíkt. Samningaviðræð-
um um hafréttar- og fiskveiðimál
á vegum samtakanna er lokið.
Um mikið hagsmunamál er að
ræða fyrir Íslendinga þar sem
botnvarpa er mikilvægasta veið-
arfæri íslenska flotans. Í hana
voru veidd rúm fjörutíu prósent
alls aflaverðmætis sem dregið
var á land á síðasta fiskveiðiári.
Hópur sjávarlíffræðinga og um-
hverfisverndarsamtaka hafði
krafist þess að allsherjarþing
Sameinuðu þjóðanna bannaði
veiðarnar algjörlega vegna áhrifa
þeirra á vistkerfi sjávar.
Tómas H. Heiðar, þjóðréttar-
fræðingur í utanríkisráðuneytinu,
tók þátt fyrir Íslands hönd í við-
ræðum Sameinuðu þjóðanna í
New York. Hann segir að Noregur
hafi lagt fram tillögu sem hneig í
sömu átt og tillaga Kosta Ríka.
Hins vegar hafi aðeins nokkur
ríki lýst yfir stuðningi við tillög-
urnar. Ísland, ásamt mörgum öðr-
um ríkjum, lagðist hins vegar
ákveðið gegn þeim. „Það er á valdi
viðkomandi ríkja og svæðisbund-
inna fiskveiðistofnana að meta
hugsanlega þörf fyrir bann við
notkun botnvörpu á einstökum
hafsvæðum,“ segir Tómas. Tillag-
an um allsherjarbann náði þess
vegna ekki fram að ganga.
Tómas segir að á undanförnum
árum hafi orðið vart við vaxandi
viðleitni ýmissa ríkja á vettvangi
Sameinuðu þjóðanna til að koma
á hnattrænni stjórn fiskveiða.
Ísland hafi lagst eindregið gegn
öllum slíkum tilraunum og vísað í
því sambandi til hafréttarsamn-
ingsins og úthafsveiðisamnings-
ins. Ísland hafi á þessum vett-
vangi jafnframt beitt sér gegn
hvers konar alhæfingum um
stöðu fiskistofna í heiminum og
um skaðsemi einstakra tegunda
veiðarfæra.
ghg@frettabladid.is
STJÓRNMÁL Halldór Blöndal, forseti
Alþingis, heimsækir Japan 11. til
16. nóvember í boði forseta efri
deildar japanska þingsins.
Í tilkynningu Alþingis kemur
fram að með þingforseta í för
verði eiginkona hans Kristrún
Eymundsdóttir og þingmennirnir
Arnbjörg Sveinsdóttir, Guðjón A.
Kristjánsson, Jóhann Ársælsson
og Steingrímur J. Sigfússon
ásamt forstöðumanni alþjóðasviðs
skrifstofu Alþingis.
Sendinefndin heimsækir Tokyo
og Kyoto. „Rætt verður við for-
seta efri og neðri deildar japanska
þingsins, ráðherra og þingmenn.
Forseti Alþingis og eiginkona
hans munu jafnframt hitta
japönsku keisarahjónin,“ segir í
tilkynningunni.
- óká
Smábær í Kanada:
Harmi slegin
KANADA Hjón og maður fundust
látin í húsi í bænum Maniwaki í
Kanada í gær.
Fólkið lést af skotsárum og
telur lögreglan að eiginmaðurinn
hafi skotið konuna og hinn mann-
inn og síðan framið sjálfsvíg. Eig-
inkonan hafði haldið framhjá
manninum sínum með þeim sem
fannst látinn. Einungis átta þús-
und manns búa í Maniwaki og eru
bæjarbúar mjög slegnir.
Rannsóknastofnun
fiskiðnaðarins
13:00-13:20 Ávarp - Árni M. Mathiesen, sjávarútvegsráðherra.
13:20-13:35 Í þá gömlu góðu daga - Björn Dagbjartsson
(fv. alþingismaður og forstjóri Rf 1974-84).
13:35-13:50 Stefna og nýjar áherslur í starfsemi Rf
- Sjöfn Sigurgísladóttir, forstjóri Rf.
13:50-14:35 Future aspects in marketing of new seafood products
- Steve Dillingham, forstjóri bandaríska ráðgjafarfyrir-
tækisins Strategro International.
14:35-14:50 Veiðar,vinnsla, verðmæti - Sigurjón Arason,
sérfræðingur á Rf.
14:50-15:10 Umræður.
15:10-15:35 Kaffi.
15:35-16:05 Safety of seafood - Oyvind Lie - Stjórnandi Matvæla-
rannsóknastofnunarinnar í Noregi (Nasjonalt Institutt
for Ernærings og Sjömatforskning) / Prófessor við
Háskólann í Bergen.
16:05-16:20 Verðmæti og öryggi íslenskra sjávarafurða
- Helga Gunnlaugsdóttir, deildarstjóri Umhverfis- og
gæðasviðs Rf.
16:20-16:40 Umræður.
17:00-18:00 Léttar veitingar í boði Rf.
Fundarstjóri: Kristján Þórarinsson - Stofnvistfræðingur L.Í.Ú.
Aðgangur að fundinum er ókeypis og öllum heimill á meðan
húsrúm leyfir.
Nánari upplýsingar er að finna á heimasíðu Rf: www.rf.is
Sætaferðir verða frá skrifstofu Rf,
Skúlagötu 4 kl. 12:00 og frá
Grindavík kl. 18:15
www.rf.is
Haustfundur Rf 2004
Rannsóknastofnun fiskiðnaðarins heldur Haustfund sinn 2004 í
Saltfisksetrinu, Grindavík, föstudaginn 12. nóvember kl. 13-17.
Dagskrá
E
in
n
t
v
e
ir
o
g
þ
r
ír
1
56
.0
23
Forseti Alþingis:
Í heimsókn til Japan
TOGARAR VIÐ HÖFN
Rúm fjörutíu prósent alls aflaverðmætis sem dregin voru á land á síðasta fiskveiðiári voru
veidd með botnvörpu.
TÓMAS H. HEIÐAR
Fulltrúi Íslands í viðræðum Sameinuðu þjóðanna um hafréttarmál, afstýrði allsherjarbanni
við veiðum með botnvörpu.
SLÖSUÐ STÚLKA Á HERSJÚKRAHÚSI
Þessi níu ára stúlka lá á hersjúkrahúsi þar sem gert var að sárum hennar. Báðir fætur
hennar og höfuðkúpa brotnuðu.
Stærstur hluti Falluja á valdi bandarískra og íraskra
hermanna:
Segjast hafa fundið
„sláturhús gísla“
FR
ÉT
TA
B
LA
Ð
IÐ
/A
P