Fréttablaðið - 11.11.2004, Qupperneq 56

Fimmtudagur...
...tilvalið er að byrja helgina í Klink
og Bank þar sem hljómsveitin Bacon
heldur útgáfutónleika í tilefni af útgáfu
plötunnarKrieg sem er sú fyrsta í
þriggja diska seríu sem gefin verður út
með sveitinni. Hinar plöturnar tvær,
Jenny og Kamel, koma út fyrir ára-
mót. Bacon er tiltölulega ný sveit sem
samanstendur af Boga Reynissyni og
Gísla Má Sigurjónssyni. Þeir eru
báðir meðlimir rokksveitarinnar
Stjörnukisa en sú sveit er í pásu
þessa dagana. Tónlist sveitarinnar er
einhverskonar blanda af elektró psycho
boogie, sem að sögn meðlima er al-
gjörlega ný tónlistarstefna. Tónleik-
arnir hefjast klukkan 22.00.
... fyrir þá sem eru ekki mikið fyrir
frumlega tónlist er ágætt að skella sér
á frumsýningu myndarinnar After
the Sunset. Meistaraþjófurinn Max
Burdett sérhæfir sig í að stela vel
varðveittum og ómetanlegum demönt-
um. Eftir vel heppnað rán hyggst
Burdett setjast í helgan stein og kemur
sér fyrir á sólarströnd ásamt sinni
heittelskuðu. Ekki er þó allt sem sýnist
því það er ekki útilokað að eftirlauna-
áætlun Burdetts sé sjónarspil til að að
draga athyglina frá stærsta ráni á ferli
hans.
Leikstjóri Brett Ratner sem hefur
gert myndir á borð við Red Dragon,
Rush Hour 2, The Family Man og
Money Talks.
Leikarar Pierce Brosnan, Salma
Hayek, Woody Harrelson og Don
Cheadle.
Orðspor Ágætis glæpagamanmynd,
þó með fyrirséðum fléttum og oft á
tíðum dálítið klén til að byrja með.
Myndin kemur þó á óvart þegar líða
fer á með skemmtilegum snúningum.
Föstudagur...
...til að kúpla sig út úr frumleika
Baconsins frá deginum áður er ágætt
að skella sér á útgáfutónleika hjá djass-
tríóinu Wijnen, Winter & Thor á
Póstbarnum, Pósthússtræti. Tríóið er
skipað þeim Bob Wijnen á orgel,
Rene Winter á trommur og Andrési
Þór Gunnlaugssyni sem leikur á gít-
ar. Andrés Þór er Íslendingum að góðu
kunnur enda margreyndur gítarleikari
þrátt fyrir ungan aldur. Hann hefur
komið víða við á ferli sínum og lék
með mörgum poppsveitum áður en
hann hellti sér að fullu út í djassinn.
Andrés hefur verið við nám í Hollandi
en þar var tríóið stofnað. Tónleikarnir
hefjast klukkan 22.00.
...Hrollvekjan The Grudge verður
frumsýnd í dag. Myndin fjallar um
ameríska hjúkrunarkonu sem býr og
starfar í Tókýó. Hún þarf að takast á
við einhvers konar bölvun sem leggst á
fólk með skelfilegum afleiðingum áður
en bölvunin býr um sig í næsta fórnar-
lambi.
Leikstjóri Takashi Shimizu
Leikarar Sarah Michelle Gellar,
Jason Behr, Clea DuVall, William
Mapother, Bill Pullman, Ted Raimi
Orðspor Myndin þykir fantagóð
hrollvekja og fá áhorfendur varla tóm
til að anda á milli atriða. Sum atriðin
eru að vísu sögð ganga ansi langt og
eiga einhverjir áhorfendur að hafa
kastað upp á myndinni.
Laugardagur...
...Ný íslensk myndlist: Um veruleik-
ann, manninn og ímyndina nefnist
sýning sem opnuð verður í Listasafni
Íslands í kvöld. Á sýningunni eru um
fjörutíu verk eftir tuttugu listamenn,
marga af bestu myndlistarmönnum
yngri kynslóðarinnar. Með sýningunni
vill Listasafn Íslands varpa ljósi á þá
nýsköpun sem átt hefur sér stað í ís-
lenskri myndlist síðasta áratug. Hver
eru viðfangsefnin, hvernig er upplifun
þeirra á umhverfinu og hvernig endur-
speglast hún í listinni? Hvaða skilaboð
kristallast í verkum þeirra? Sýnd eru
verk sem falla að þema sýningarinnar
þar merkingarsvið sem sett hafa svip á
samtímalistina eru höfð að leiðarljósi.
Herra Ólafur Ragnar Grímsson
setur sýninguna klukkan 20.00 í kvöld.
...fyrir þá sem vilja leggja leið sína út á
land er ekki úr vegi að skella sér á út-
gáfuhátíð fjöllistamannsins Lýðs
Árnasonar í Lista- og menningarver-
stöðinni Hólmaröst á Stokkseyri.
Lýður er að senda frá sér geisladiskinn
Frá Valhöll til Himnaríkis og ætlar
að fagna útgáfu hans þar. Hátíðin
hefst klukkan 21.30....
F2 20 11. nóvember 2004 FIMMTUDAGUR
3 dagar...