Fréttablaðið - 11.11.2004, Qupperneq 83

47FIMMTUDAGUR 11. nóvember 2004
■ TÓNLIST
BONO Bono og félagar í U2 ætla ekki að
flýta útgáfudegi nýjustu plötu sinnar.
Útgáfudegi
ekki flýtt
Hljómsveitin U2 ætlar ekki að
flýta útgáfudegi nýjustu plötu
sinnar How to Dismantle an At-
omic Bomb þrátt fyrir að henni
hafi verið lekið á netið.
Miklar öryggisráðstafanir
höfðu verið gerðar til að koma í
veg fyrir lekann en þær dugðu
ekki til. Söngvarinn Bono lýsti því
yfir fyrr á árinu að lög af plötunni
myndu fást á iTunes ef henni yrði
lekið á netið og sú gæti því orðið
raunin á næstu dögum. ■
JOSH HOMME Fer fyrir sinni sveit, Queen
Of The Stone Age, á næstu plötu.
Ný plata frá
QOTSA
Rokksveitin Queen Of The Stone
Age hefur loks gefið upplýsingar
um næstu afurð sveitarinnar.
Platan ber nafnið Lullabies To
Paralyze og verður gefið út þann
21. mars á næsta ári í Bretlandi og
degi síðar í Bandaríkjunum. En
þótt sveitin sé búinn að ákveða út-
gáfudag á hún enn eftir fínpússa
nokkrar upptökur.
Meðal þeirra sem koma við
sögu á plötunni eru Shirley Man-
son úr Garbage og Brody Dalle úr
The Distillers sem er kærasta
Josh Homme söngvara og gítar-
leikara QOTSA.
Bassaleikarinn Nick Oliveri
var rekinn úr sveitinni fyrir
nokkru og er hún nú skipuð
Homme, Troy Van Leeuwen,
trommaranum Joey Castillo,
gítarleikaranum Dave Cathing
og bassaleikaranum Alain Jo-
hannes. ■
Platan Eins og vindurinn með
söngkonunni Guðrúnu Gunnars-
dóttur kemur út í dag. Hún hefur
að geyma átta lög og texta eftir
eiginmann Guðrúnar, Valgeir
Skagfjörð, auk tveggja norskra
laga úr smiðju þeirra Lars og Kari
Bremnes við texta eftir Aðalstein
Ásberg Sigurðsson. Útsetningar
og stjórn upptöku voru í höndum
Guðmundar Péturssonar, sem
leikur að auki á gítar.
Guðrún segist vera mjög
ánægð með nýju plötuna. „Þetta
er það persónulegasta sem ég hef
sent frá mér og líka svolítið öðru-
vísi en það sem ég hef verið að
gera,“ segir hún. „Í gamla daga
var ég viðloðandi Vísnavini. Ég
bjó úti í Noregi og kynntist þá
þessari þjóðlaga- og vísnahefð.
Þessi tónlist hefur því blundað
sterkt í mér.“
Guðrún segir að lagt hafi verið
upp með einfaldleikan við upptök-
ur á plötunni og það hafi verið ansi
krefjandi. „Þetta einfalda verður
oft erfiðara heldur en það marg-
brotna, en þessi tónlist hentaði mér
vel. Platan er mjög einlæg og ég
lagði hjartað í hana,“ segir hún og
bætir við að hljóðfæraleikur og
söngur hafi verið mikið tekinn upp
á sama tíma. Þannig hafi verið lögð
áhersla á að láta tilfinninguna og
stemninguna ráða í lögunum.
Eins og vindurinn er önnur
sólóplata Guðrúnar en sú fyrri,
Óður til Ellýjar, hlaut Íslensku
tónlistarverðlaunin á síðasta ári.
Að sögn Guðrúnar eru algjör for-
réttindi að gefa út sólóplötu sem
þessa. „Viðtökurnar voru svo góð-
ar við fyrstu plötunni að ég ákvað
að nota hvatninguna og gera aðra
plötu. Svo sér maður bara hvað
framtíðin ber í skauti sér.“
Útgáfutónleikar vegna nýju
plötunnar verða haldnir í Salnum
í Kópavogi miðvikudaginn 17.
nóvember. ■
GUÐRÚN GUNNARSDÓTTIR Guðrún Gunnarsdóttir hefur gefið út plötuna Eins og
vindurinn.
■ TÓNLIST
Persónuleg plata og einlæg