Fréttablaðið - 11.12.2004, Blaðsíða 12

11. desember 2004 LAUGARDAGUR
Nýr skóli í Norðlingaholti tekur til starfa næsta haust:
Farnar verða nýjar
leiðir í skólastarfi
SKÓLAMÁL Nýr 350 nemenda grunn-
skóli í Norðlingaholti verður tek-
inn í notkun næsta haust. Skólinn
mun fyrst um sinn vera með
kennslu í færanlegu húsnæði.
Stefán Jón Hafstein, formaður
fræðsluráðs, segir ekki ákveðið
hvenær framkvæmdir við sjálfa
skólabygginguna hefjist.
Í tengslum við uppbyggingu
skólans hyggst fræðsluráð leita
eftir umsóknum frá hópi skóla-
fólks eða einstaklingum sem eru
tilbúnir að fara nýjar leiðir í skóla-
starfi. Stefán Jón segir að þetta sé
nýmæli. Verið sé að leita eftir
stjórnendum og kennurum sem
séu með hugmyndir um nýbreytni
í skólastarfinu og fastmótaða
framtíðarsýn. Lögð verði áhersla
á einstaklingsmiðað nám og náið
samstarf við foreldrasamfélagið.
Samkvæmt skipulagi er gert
ráð fyrir 929 íbúðum í Norðlinga-
holti. 291 íbúð verður í sérbýli en
638 í fjölbýli. Að jafnaði eru 0,3 til
0,4 börn á skólaaldri í hverri íbúð.
Því er gert ráð fyrir að um 350
nemendur verði í skólanum.
- th
Þjálfa rökhugsun
Elín Helga Þráinsdóttir grunnskólakennari segir að í stærðfræðikennslunni í
Finnlandi sé lögð áhersla á að þjálfa rökhugsun og leysa vandamál. Finnska sé
hljóðrétt og því auðvelt að læra lestur. Góður agi sé á börnunum.
PISA Mikil áhersla er á stærð-
fræðimenntun í finnskum grunn-
skólum og ýmis hjálpartæki notuð
við að þjálfa rökhugsun og reikn-
ing. Elín Helga Þráinsdóttir,
grunnskólakennari í Finnlandi,
segir að ekki sé bara setið og
reiknað í bókinni heldur til dæmis
notuð spil og þrívídd. Finnskir
unglingar voru í fyrsta og öðru
sæti í Pisa-könnuninni um daginn.
„Finnar komust að því fyrir
nokkrum árum að börnin stóðu
ekki nógu vel að vígi og þá var
kennsluaðferðum breytt. Bæk-
urnar ganga mikið út á að þjálfa
rökhugsun og leysa vandamálin,
skilja af hverju tveir plús tveir
eru fjórir. Það hefur skilað sér
mjög vel,“ segir hún.
Finnsk börn standa mjög vel í
lestri, sérstaklega þau finnsku-
mælandi. „Það er náttúrulega m.a.
vegna þess að finnska er hljóðrétt
mál. Stafirnir eru bornir fram ná-
kvæmlega eins og þeir eiga að
vera og orðin eru skrifuð ná-
kvæmlega eins og þau eru sögð.
Börnum er kennt að lesa í atkvæð-
um. Þegar þau velta fyrir sér
hvernig orð er skrifað segja þau
það upphátt. Átta ára sonur minn
klappar sig í gegnum orðið til að
finna út hvernig það skiptist í at-
kvæði. Áhersla er lögð á bók-
menntir og lestur. Með nýrri
námskrá er svo farið að kenna 11
og 12 ára börnum eðlis- og efna-
fræði,“ segir Elín Helga.
Finnskir grunnskólakennarar
hafa fimm ára háskólanám að
baki og eru þá með réttindi til að
kenna 7-12 ára börnum. Kennarar
í efsta stigi grunnskólans hafa
sömu menntun og menntaskóla-
kennarar, með háskólamenntun
og uppeldis- og kennslufræði.
Próf úr Kennaraháskóla Íslands
gildir ekki í Finnlandi án þess að
Elín Helga taki aukaeiningar í há-
skóla. Þó að hún geri það fær hún
aðeins að kenna á neðsta stigi
grunnskólans. Í vetur kennir hún
samsettum bekk 9 og 10 ára barna
í sænskumælandi skóla í Helsinki.
Góður agi sé á börnum í Finn-
landi. „Þetta er enginn heragi en
börnin koma upp til hópa vel fram
og gera það sem þau eiga að
gera,“ segir hún.
ghs@frettabladid.is
DAGBLAÐIÐ VÍSIR 275. TBL. – 94. ÁRG. – [LAUGARDAGUR 11. DESEMBER 2004 ] VERÐ KR. 295
Fékk sextíu milljónir fyrir að bera brjóstin Bls. 8
ARNAR JÓNSSON
Dóttir Eddu BjörgvinsLeikarabarnið sem vildi ekki í fótspor foreldranna Bls. 28-29
Júlíus HafsteinVerður loksins sendiherra Bls. 71
Jói Fel og Unnur
Fráskilin og
fundu ástina
Jóhannes Felixson og kona hans UnnurHelga Gunnarsdóttir voru á tímamótumþegar Unnur gekk inn í nýopnað bakaríiðhans. Nokkrum vikum síðar voru þauorðin par. Ást við fyrstu sýn. Nú hafa þau opnað kaffihús og konditori íSmáranum, eiga samtals fjögur börn og njóta þess að lifa.
Bls. 14-15
Tónlistar-
maðurinn og
ritstjórinn
tjáir sig í
fyrsta
skipti um
árásir og
ásakanir
femínista
á hendur
blaðinu
þess efnis
að hann sé
að hlutgera
kvenlíkamann.
„Það er ekkert
klám í þessu
blaði,” segir Björn
Jörundur.
Femínistar
í stríð við
Björn
Jörund
Kennarar meðpókerdellu Bls. 16
Jói Fel og Unnur
ÁST VIÐ
FYRSTU
SÝN
ELÍN HELGA ÞRÁINSDÓTTIR
„Bækurnar ganga mikið út á að þjálfa rökhugsun og leysa vandamálin,“ segir Elín Helga
Þráinsdóttir sem kennir 9 og 10 ára börnum í sænskum skóla í Helsinki í Finnlandi.
UPPBYGGING Í NORÐLINGAHOLTI
Framkvæmdir við nýtt hverfi í Norðlinga-
holti hófust á síðasta ári. Byggingarsvæðið
afmarkast af Breiðholtsbraut, Suðurlands-
vegi, Bugðu og Elliðavatni.
Lýðheilsustöð:
Reykingafólki fækkar
HEILBRIGÐISMÁL Reykingafólki hér
á landi hefur fækkað allverulega,
samkvæmt könnun Lýðheilsu-
stöðvar.
Stöðin hefur látið taka saman
niðurstöður þriggja kannana á tó-
baksnotkun landsmanna á þessu
ári. Niðurstaðan er sú að innan við
20 prósent á aldrinum 15-89 ára
reykir daglega. Jafnframt velja æ
fleiri reykleysi. Til samanburðar
reyktu um 30 prósent landsmanna
fyrir 12 árum.
Flesta reykingamenn er að
finna meðal ungra karla á aldrin-
um 20-29 ára. Í þeim hópi reykir
fjórði hver maður daglega. Aftur
á móti reykja helmingi færri í í
hópi fólks milli þrítugs og fertugs
heldur en tíðkaðist fyrir tólf
árum.
- jss
FÆKKUN
Þeim fer sífellt fækkandi sem velja að reykja.
12-13 10.12.2004 20.27 Page 2