Fréttablaðið - 03.02.2005, Page 10

10 3. febrúar 2005 FIMMTUDAGUR
Skortur á skólahúsnæði:
Borgin vill starfrækja
Landakotsskóla
REYKJAVÍK Skólayfirvöld í Landakots-
skóla hafa óskað eftir skriflegum til-
lögum frá fræðsluyfirvöldum um að
skólinn verði hluti af almennu skóla-
kerfi en Reykjavíkurborg hafði
óskað eftir viðræðum um rekstrar-
samning við kaþólsku kirkjuna.
Hjalti Þorkelsson skólastjóri
segir að ekki hafi verið tekin afstaða
til málsins. „Þetta eru hugmyndir í
lausu lofti og við getum ekki tekið
afstöðu fyrr en við fáum eitthvað í
hendurnar,“ segir hann. Gert er ráð
fyrir að nemendum í Vesturbænum
fjölgi um 100 á næstu árum. Vestur-
bæjarskóli getur ekki tekið við öllum
þessum fjölda og þarf því að leysa
málið með öðrum hætti. Landakots-
skóli hefur í dag um 100 nemendur
og landrými til að taka við öðrum
eins fjölda.
Hjalti segir að fræðsluyfirvöld
hafi viðrað ýmsar hugmyndir um að
nýta betur það sem sé fyrir hendi
í Landakotsskóla. Fundurinn hafi ver-
ið liður í viðræðum um stöðu einka-
skólanna í Reykjavík. Tillagnanna er
vænst um miðjan febrúar og í fram-
haldi af því verður málið skoðað.
- ghs
Maraþonátök í
Framsóknarflokknum
Átökin í Framsóknarflokknum eru til tveggja ára því flokksmenn telja að þá muni Halldór Ásgrímsson hætta í
stjórnmálum. Árni Magnússon ætlar sér formannsstólinn og hefur hafið valdatafl þar sem hver leikur skiptir máli.
Altalað er meðal framsóknar-
manna, svo notuð séu orð þeirra
sjálfra, að Halldór Ásgrímsson
ætli að draga sig í hlé í íslenskum
stjórnmálum að loknu þessu kjör-
tímabili. Þau innbyrðis átök í
flokknum sem flokkurinn hefur
þurft að glíma við að undanförnu
eru sögð snúast um það hver taki
við formennsku flokksins af
Halldóri.
Slagurinn stendur milli
tveggja fylkinga. Önnur er skipuð
nánum samstarfsmönnum Hall-
dórs og hafa bræðurnir Árni og
Páll Magnússynir þar töglin og
hagldirnar. Sú fylking
hefur ýmist verið nefnd,
„þæga liðið“, „klíkan“
eða jafnvel „nýi Fram-
sóknarf lokkurinn“ .
Auk bræðranna hafa
verið orðuð við þennan
væng flokksins Val-
gerður Sverris-
dóttir iðnaðar- og
viðskiptaráðherra,
Hjálmar Árnason
þingflokksformaður,
Guðjón Ólafur Jóns-
son varaþingmaður og
Björn Ingi Hrafnsson,
varaþingmaður og aðstoð-
armaður Halldórs.
Hinir óþægu
Hin fylkingin samanstendur af
rótgrónum framsóknarmönnum
sem leggja öðru fremur áherslu á
lýðræði, samvinnu og jafnræði,
eða „gömlu góðu gildin“ eins og
þau eru nefnd. Þessi fylking hefur
verið nefnd „hinir óþægu“ og
„Kidda-klíkan“. Hana skipa meðal
annarra Kristinn H. Gunnarsson
þingmaður, Jónína Bjartmarz
þingmaður, Siv Friðleifs-
dóttir þingmaður og
Guðni Ágústsson landbún-
aðarráðherra.
Árni taki við af Hall-
dóri
Hræringarnar innan
flokksins og átökin
fyrir upphaf aðalfund-
ar Félags ungra fram-
sóknarmanna í Kópavogi í
fyrrakvöld sem og í Freyj-
unni, Félagi framsóknar-
kvenna í Kópavogi eru
sagðar snúast um það eitt
að koma Árna Magnússyni í þá
stöðu að hann verði öruggur arf-
taki Halldórs um formannssætið.
Til þess að svo megi vera verður
Árni að komast fram fyrir Siv í
flokknum. Siv var fyrsti maður á
lista Framsóknarflokksins í Suð-
vesturkjördæmi og var kjörin
fimmti þingmaður kjördæmis-
ins í síðustu alþingiskosningum.
Hún var eini framsóknarmaður-
inn í kjördæminu sem náði kjöri.
Þá hefur Siv verið ritari flokks-
ins og þar með gegnt einu helsta
trúnaðarembætti flokksins.
Ótryggt bakland í kjör-
dæmi formannsins
Árni var annar maður
á lista Framsóknar-
flokks í Reykjavík norð-
ur. Framsóknarflokkur-
inn hefur þar mjög
ótryggt bakland, fékk
rúm 11 prósent í síð-
ustu alþingiskosning-
um og alls ekki var út-
séð með að formaður-
inn sjálfur, sem skipaði
fyrsta sæti á listanum, næði kjöri.
Árni komst sjálfur inn sem upp-
bótarþingmaður.
Því stefna stuðningsmenn
Árna að því að koma honum í ör-
uggt sæti í kjördæmi sem hefur
tryggt bakland framsóknar-
manna. Tvö hafa verið nefnd,
annað er Suðurkjördæmi,
þar sem framsóknarmenn
hafa löngum haft mikil ítök.
Guðni Ágústsson var þar
fyrsti maður á lista og
hefur þar mikið persónu-
fylgi. Á hæla hans var
Hjálmar Árnason, sem
ólíklegt er að muni vera
gert að rýma sæti sitt fyrir
Árna því hann hefur í erfið-
um málum reynst formannin-
um haukur í horni sem for-
maður þingflokksins.
Ítök í stjórnum hjálpa til
Stuðningsmenn Árna horfa
því hýrum augum til kjör-
dæmis Sivjar, Suðvesturkjör-
dæmis. Aðildarfélögin innan
flokksins útnefna fulltrúa á
flokksþing og kjördæma-
þing. Á kjördæmaþingi er
raðað á framboðslista. Ítök í
stjórnum aðildarfélaganna
hjálpa því til við að komast
á framboðslista í kjördæm-
inu en það er einmitt það
sem átökin í Freyju nú á
dögunum snerust um.
Freyjan hefur verið
orðuð við „hina óþægu“ og
er fyrrverandi formaður
Freyjunnar, Una María
Óskarsdóttir, sem var að-
stoðarmaður Sivjar í um-
hverfisráðuneytinu, sögð
vera í þeim hópi.
Með því að taka yfir
stjórn Freyjunnar með
hjálp eiginkvenna sinna og vin-
kvenna þeirra, sem margar
hverjar koma úr hvítasunnusöfn-
uðinum, náðu bræðurnir ítökum í
aðildarfélagi sem áður var hlið-
hollt andstæðingum þeirra. Ber
Siv þar hæst.
Hrossakaup í Kópavogi
„Óþæga liðið“ í Kópa-
vogi undirbjó mótleik
fyrir aðalfund Félags
ungra framsóknar-
manna í Kópavogi á
þriðjudagskvöld. Í
stjórn sátu stuðnings-
menn bræðranna og
formaður var Einar
Kristján Jónsson, bróð-
ir Guðjóns Ólafs vara-
þingmanns. Andstæð-
ingar þeirra hugðust
taka yfir stjórnina og ná þannig til
baka þeim fulltrúum flokksþings
sem fylkingin hafði tapað við yfir-
töku Freyjunnar. Smalað var um
fjörutíu nýjum liðsmönnum svo
þetta mætti takast, en áður en
fundurinn hófst náðust sættir
meðal fylkinganna. „Óþæga
liðið“, sem bæjarfulltrúinn Ómar
Stefánsson var í fararbroddi fyrir,
gerði samning við Pál Magnússon
sem fundarmenn nefndu sumir
„hrossakaup“ á leið út af fund-
inum. Ómar fékk tvo fulltrúa í sjö
manna stjórn, þar á meðal bróður
sinn Jón Þorgrím Stefánsson, og
ákveðinn fjölda fulltrúa á flokks-
þing.
Spenna fyrir flokksþing
Flokksþingið er það sem báðar
fylkingarnar bíða spenntar eftir.
Þar mun koma í ljós hverjir verða
næstu leikir í valdataflinu sem
mun þó ekki ná hámarki fyrr en á
flokksþinginu að tveimur árum
liðnum, árið 2007, þegar líklegt er
að Halldór láti af formennsku.
Halldórs-fylkingin er í nokk-
urri klemmu varðandi kjör til
stjórnar. Til þess að styrkja
stöðu Árna verður að reyna að
koma annaðhvort Siv eða Guðna
frá sem ritara og varafor-
manni. Líklegir fulltrúar
á flokkþingi eru sagðir
vera jafnmargir í
hvorri fylkingunni og
því þykir allt of
áhættusamt að tefla
Árna fram, hvort sem
er gegn Siv eða Guðna,
því ef hann tapar
verða vonir hans um
formannsembættið að tveimur
árum að engu.
Gætu teflt Valgerði fram
Til þess að skáka „óþæga lið-
inu“ og veikja stöðu Guðna og
Sivjar verður „þæga liðið“ að
reyna að steypa öðru hvoru þeirra
af stalli sem varaformanni og rit-
ara. Þykir þar Valgerður Sverris-
dóttir líklegust til árangurs enda
er hún talin minna umdeild en
Árni. Hún hefur jafnframt staðið
lengi í fremstu línu í flokknum og
var meðal annars
fyrst kvenna til að
gegna embætti iðnað-
ar- og viðskiptaráð-
herra. Valgerður
gæti jafnframt
starfað áfram
sem varaformað-
ur eða ritari við
hlið Árna, takist
honum að ná
formannsstóln-
um á þarnæsta
flokksþingi,
eins og vonir
hans standa
til. ■
Su
mar
sól

19
.950 kr.
Hlí›asmára 15 • Sími 535 2100
Fyrstir koma
- fyrstir fá!
Alicante
Beint leigu-
flug me›
Icelandair
í allt sumar!
Sumarhúsa-
eigendur
og a›rir
farflegar
til Spánar!
Flugáætlun

Flug fram og til baka
með flugvallarsköttum.
Verð miðast við að bókað sé
á Netinu, ef bókað er í síma eða
á skrifstofu bætast 2.000 kr.
við hverja bókun.
Netverð frá
19. og 31. mars
11. apríl
18. maí
og síðan alla
miðvikudaga
í sumar til
5. október.
HJALTI ÞORKELSSON
Skólastjóri Landakotsskóla segir hugmyndir borgarinnar liggja í lausu lofti og ekki sé hægt
að taka afstöðu fyrr en skólayfirvöld fái eitthvað skriflegt í hendurnar.
SIGRÍÐUR D. AUÐUNSDÓTTIR
BLAÐAMAÐUR
BAKSVIÐS
ÁTÖKIN Í
FRAMSÓKNARFLOKKNUM
HALLDÓR ÁSGRÍMSSON OG SIV FRIÐLEIFSDÓTTIR
Halldór og Siv tilheyra sinni hvorri fylkingu Framsóknarflokksins. Slagurinn stendur nú
á milli „nýja Framsóknarflokksins” og „hinna óþægu”.