Fréttablaðið - 20.07.2005, Page 38

MIÐVIKUDAGUR 20. JÚLÍ 2005 MARKAÐURINN16
F Y R I R T Æ K I
F Ó L K Á F E R L I
Hafdís Jónsdóttir, eigandi World Class lík-
amsræktarstöðvana, segir mikilvægast af
öllu að standa við orð sín: „Heiðarleiki er
mikilvægur, ekki síst í viðskiptum. Það verða
allir að ganga sáttir frá borði.“
Ráðið er upphaflega komið frá föður Haf-
dísar sem sjálfur stundaði viðskipti: „Pabbi
rak matvöruverslun í mörg ár og sagði mér
einhverju sinni að heiðarleiki væri mikil-
vægastur af öllu í samskiptum fólks.“
Hafdís og maður hennar Björn Leifs-
son,hafa rekið World Class frá árinu 1985.
Fyrirtækið hefur síðan vaxið og dafnað og er
nú með þrjár líkamsræktarstöðvar á sínum
snærum, meðal annars þá stærstu á landinu,
Laugar við Sundlaugaveg.
Hafdís segir ráð föður síns hafa nýst sér
vel: „Ég held að áherslan á heiðarleika hafi
verið gott veganesti út í lífið.“ -jsk
B E S T A R Á Ð I Ð
Sjóklæðagerðin, eða 66˚ Norður, er stofnuð
árið 1926 og framleiddi upphaflega
hlífðarfatnað fyrir sjómenn
og fiskvinnslufólk. 66˚
Norður er í dag stærsti
framleiðandi lands-
ins er kemur að
vinnu- og sjófatnaði
en líklega er fyrir-
tækið enn þekktara
fyrir útivistarvörur sínar.
Hjá 66˚ Norður starfa 280
manns; hundrað á Íslandi, 170 í verk-
smiðjum fyrirtækisins í Lettlandi auk þess
sem tíu manns starfa við markaðssetningu og
sölustörf erlendis. Á Íslandi eru sjö 66˚
Norður búðir auk þess sem tvær eru starf-
ræktar í Lettlandi. Við þetta bætast þrjár
búðir Rammagerðarinnar, sem 66˚ Norður
festi nýlega kaup á.
Sigurjón Sighvatsson á um tvo þriðju
hlutafjár í 66˚ Norður, en auk hans á trygg-
ingafélagið Sjóvá stóran hlut. Þá á Marínó
Guðmundsson forstjóri einnig í fyrirtækinu.
TÍSKA OG ÚTIVIST
Marínó Guðmundsson segir starfsemi 66˚
Norður skiptast í tvennt, annars vegar heild-
sölu með vinnu og sjófatnað og hins vegar úti-
vistarhluta. Hann telur Rammagerðina góða
viðbót við reksturinn: „Rammagerðin fellur
vel að okkar starfsemi og samlegðaráhrifin
eru talsverð. Við getum samnýtt alla yfir-
stjórn og bókhald ásamt því að ná hagræði í
sameiginlegum innkaupum.“ Hann segir á
dagskránni að fara í gegnum reksturinn: „Það
verða einhverjar nýjungar í Rammagerðinni
með haustinu. Við þurfum að sjá hverju við
getum breytt og bætt.“
Fatnaður 66 ˚ Norður hefur
breyst talsvert með árunum.
Í stað gömlu pollagallana
býður fyrirtækið nú upp
á tísku og útivistarfatn-
að í bland: „Við leggjum
áherslu á framúrskar-
andi hönnun og að vinna
úr bestu fáanlegu hráefnum.
Við erum til að mynda með einka-
leyfi á Polartec á Íslandi sem er stærsti og
að flestra mati besti framleiðandi flísefnis í
heiminum.“
HANNAÐ Í SAMVINNU VIÐ FAGFÓLK
Við hönnun á fatnaði 66˚ Norður er leitast við
að sameina notagildi og útlit. Undanfarið
hefur meira verið framleitt af tískufatnaði en
áður og má vænta fleiri nýjunga frá fyrir-
tækinu.
Nú í sumar var farið af stað með golflínu,
þá er verið að vinna að hönnun keppnisbún-
inga fyrir skíðalandsliðið sem notaðir verða á
Vetrarólympíuleikunum 2006 í Tórínó auk
þess sem sífellt er verið að þróa útivi-
starfatnað 66˚ Norður.
Marínó segir fatnaðinn hannaðan í sam-
vinnu við það fólk sem setji fram mestar
kröfur. Skíðafatnaðurinn sé hannaður í sam-
vinnu við Skíðasambandið og útivistarfatnað-
urinn með hjálp þrautreyndra fjallgöngu-
garpa og björgunarsveitarmanna: „Golflínan
okkar var gerð með íslenskum atvinnumönn-
um, Birgi Leifi Hafþórssyni, Ólafi Má Sigurð-
arsyni og Ólöfu Maríu Jónsdóttur. Þetta verk-
efni hefur farið vel af stað og við stefnum að
því að gera enn betur næsta sumar.“
EITT SKREF Í EINU
Fatnaður frá 66˚ Norður er seldur í sport-
vöru- og útivistarverslanir í Bandaríkjunum
og Skandinavíu: „Það hefur gengið ágætlega
að selja erlendis. Við vinnum nú að samning-
um við fleiri fyrirtæki og erum með augun
opin fyrir þeim tækifærum sem gefast. Við-
brögðin hafa verið mjög jákvæð og við höfum
fengið fjölda fyrirspurna,“ segir Marínó.
Hann segir ekkert vinnast með því að fara
sér of hratt. Heillavænlegast sé að taka eitt
skref í einu og gæta verði þess að innviðir fyr-
irtækisins þoli álagið: „Þetta er langt og
strangt ferli. Það verða til að mynda að vera
tilbúin sýnishorn af haustlínunni 2006 í októ-
ber árið 2005.“ Marínó bætir við að verslanir
sýni enga miskunn sé ekki staðið við afhend-
ingar á pöntunum: „Menn mega teljast heppn-
ir fái þeir einn sjens. Þess vegna leggjum við
mikla áherslu á að við ráðum við það sem við
erum að gera“.
Nýju eigendurnir tóku við rekstrinum í jan-
úar á þessu ári. Veltan í ár er áætluð um einn
og hálfur milljarður króna sem er umtalsverð
aukning frá fyrra ári.
Marínó segir stefnt að því að halda áfram
að vera í fararbroddi hönnunar á útivistar- og
tískufatnaði. Hann segir ekki á stefnuskránni
að fjölga búðum á Íslandi en þó séu stjórn-
endur fyrirtækisins alltaf með augun opin
fyrir nýjum tækifærum: „Stefnan er sett á
stöðugan vöxt, engin heljarstökk. Það gildir
sama lögmál í þessu og fótboltanum; maður
tekur einn leik fyrir í einu.“
66 Norður
Forstjóri: Marínó Guðmundsson
Búðir: Sjö 66 Norður á Íslandi, tvær í Lettlandi.
Þrjár búðir Rammagerðarinnar.
Starfsmenn: 280, þar af 170 í Lettlandi
Áætluð ársvelta: Einn og hálfur milljarður króna
Tökum einn leik fyrir í einu
Marínó Guðmundsson er forstjóri 66˚ Norður. Hann tjáði Jóni Skaftasyni að
þrátt fyrir að vel gengi yrði að sníða sér stakk eftir vexti. Rekstur fyrirtækis sé
eins og knattspyrna; taka eigi einn leik fyrir í einu.
JÓNAS FR. JÓNSSON hefur verið ráðinn
forstjóri Fjármálaeftirlitsins. Jónas er
fæddur árið 1966.
Hann hefur embætt-
ispróf í lögfræði frá
Háskóla Íslands,
LLM próf frá háskól-
anum í Cambridge í
Englandi og MBA-
próf frá Vlerick Leu-
ven Gent Management School í Belgíu.
Þá hefur hann lokið verðbréfamiðlara-
prófi. Jónas hefur mikla reynslu af al-
þjóðlegu samstarfi og fimm ára reynslu
sem framkvæmdastjóri innra markaðs-
sviðs Eftirlitsstofnunar EFTA í Brüssel. Í
því starfi öðlaðist hann víðtæka stjórn-
unarreynslu auk yfirgripsmikillar þekk-
ingar meðal annars á Evrópulöggjöf um
fjármagnsmarkaði.
Nýja stjórn Sjóvá skipa BJARNI ÁR-
MANNSSON, BENEDIKT JÓHANNESSON,
KARL WERNERSSON, GUÐMUNDUR ÓLA-
SON og JÓN SCHEVING THORSTEINSSON.
Þar sem Sjóvá er ekki lengur dótturfé-
lag Íslandsbanka heldur hlutdeildarfé-
lag situr forstjóri Sjóvá Þorgils Óttar
Mathiesen ekki lengur í framkvæmda-
stjórn Íslandsbanka.
MARÍNÓ GUÐMUNDSSON FORSTJÓRI 66 NORÐUR Fatnaður 66 Norður er hannaður í samvinnu við fagfólk. Útivistarlínan með þrautreyndum fjallgöngugörpum og björg-
unarsveitarmönnum og nýja golflínan með þremur íslenskum atvinnumönnum í íþróttinni, Birgi Leifi Hafþórssyni, Ólöfu Maríu Jónsdóttur og Ólafi Má Sigurðarsyni.
HAFDÍS JÓNSDÓTTIR Í WORLD
CLASS Hafdís segir mikilvægt að
standa við orð sín. Hvort sem er í
viðskiptum eða öðru.
Heiðarleiki
FRIENDS
VIRKA DAGA KL. 20:30
FYLGSTU MEÐ!
Fr
ét
ta
bl
að
ið
/E
.Ó
l.
SJÓNVARPSDAGSKRÁ
VIKUNNAR »
16-17 Markadur lesið 19.7.2005 16:45 Page 2