Fréttablaðið - 20.07.2005, Page 40

Kortið er sett í þar til gerðan
lesara. Ekki verður lengur not-
ast við undirskrift til að stað-
festa kaup heldur fá notendur
úthlutað sérstöku pin-númeri.
Þegar kortinu hefur verið rennt
í gegnum lesarann biður hann
notanda um pin-númerið. Um
leið og númerið hefur verið sleg-
ið inn eru kaupin staðfest.
Þannig má segja að snjallkort
athugi í tvígang hvort alls sé
með felldu. Örgjörvinn er vörn
gegn kortafölsun og pin-númer-
ið tryggir að óprúttnir aðilar
geti ekki misnotað kort sem hafa
tapast. *Upplýsingar af heimasíðu Fjöl-
greiðslumiðlunar www.fgm.is
MIÐVIKUDAGUR 20. JÚLÍ 2005 MARKAÐURINN18
F Y R S T O G S Í Ð A S T
Greiðslukort framtíðarinnar kallast
snjallkort og eiga að auka öryggi
korthafa til muna. Hugbúnaðarfyrir-
tækið Hugur vinnur að þróun bún-
aðar fyrir snjallkortahraðbanka.
Sigrún Eva Ármannsdóttir hjá Hug
fræddi Jón Skaftason um nýju kort-
in og sagði íslenskan hugbúnað í
fremstu röð.
Fyrirhuguð er mikil breyting á greiðslukortum
landsmanna; leggja á gömlu kortunum með segul-
röndinni og taka upp nýja tegund korta, svokölluð
snjallkort.
Snjallkortin verða með sérstakan örgjörva sem
er í rauninni lítil tölva, með minni og innra skrá-
kerfi. Örgjörvinn er þeim kostum gæddur að nánast
ómögulegt er að afrita hann.
Snjallkortin eru því mun öruggari en þau gömlu
en fullauðvelt þykir að komast yfir
persónuupplýsingar á segulrandar-
kortunum. Lítið hefur reyndar verið
um slíkt svindl hér á landi en erlendis
er hægt að nálgast fölsunarbúnað fyr-
ir lágar fjárhæðir.
ÍSLENSKIR BANKAR FRAMARLEGA
Sigrún Eva Ármannsdóttir er forstöðumaður
fjármálasviðs hjá Hugi sem meðal annars sér um
að þróa hugbúnað fyrir alla hraðbanka á Íslandi.
Sigrún segir einstaklega gaman að starfa með
íslensku bönkunum enda séu þeir metnaðarfull
fyrirtæki: „Íslensku bankarnir hafa mikinn
metnað til að hafa allt sem best og nýtískuleg-
ast. Þeim er mjög umhugað um að fé viðskipta-
vinanna sé í sem öruggustum höndum. Nýju snjall-
kortin verða snar þáttur í því.“
Hugur vinnur nú um stundir að þróun hugbúnað-
ar í nýja gerð hraðbanka sem sérhannaðir eru fyrir
hin nýju snjallkort: „Við höfum skrifað nýja lausn
vegna snjallkortana. Nú þegar eru fjórir slíkir
bankar í umferð, en með tíð og tíma verður þetta
komið í alla 250 hraðbanka á landinu,“ segir Sigrún
og bætir við að ekki sé langt í að snjallkort verði
komin í veski flestra landsmanna: „Öll ný kredit-
kort sem fara í umferð eru með þessa tækni og
debetkortin fylgja í kjölfarið. Einnig veit ég til þess
að verið er að skipta gömlu posunum út fyrir snjall-
kortaposa“.
Fólk þarf þó ekki að skammast sín hafi það ekki
tekið eftir nýju hraðbönkunum enda erfitt fyrir
leikmann að greina þá frá þeim gömlu.
MUN ÖRUGGARA
Sigrún segir að öryggi korthafa aukist til muna
þegar snjallkortin verði komin í umferð: „Þetta
felst aðallega í öruggum samskiptum milli korts og
kortafyrirtækis. Kortið sendir frá sér boð til korta-
fyrirtækis og þannig er hægt að sannreyna hvort
kortið sé ósvikið. Síðan slær korthafi inn pin-númer
sem sýnir fram á að réttur einstaklingur haldi á
kortinu.“
Snjallkortin eru alþjóðlegt samvinnuverkefni
kortarisanna Mastercard International og Visa
International. Sérstakt fyrirtæki EMVco sér um að
samræma staðla um öryggi í kortaviðskiptum.
Höfuðáhersla þessa eftirlitsfyrirtækis er að sporna
gegn kortasvindli.
VINNA MEÐ STÓRFYRIRTÆKI
Hugur er rótgróið fyrirtæki og hefur unnið að fjöl-
breyttum verkefnum fyrir íslensku bankana frá
1983. Hjá fyrirtækinu vinna um 70 manns og skipt-
ist starfsemin í tvö svið; viðskiptalausna- og fjár-
málalausnasvið.
Árið 1993 hóf Hugur að þróa hugbúnað fyrir
hraðbanka og nýtur við þróun snjall-
kortahraðbankanna aðstoðar banda-
ríska hraðbankaframleiðandans Die-
bold. „Diebold er stórfyrirtæki, með 54
prósent markaðshlutdeild á hrað-
bankamarkaði í Bandaríkjunum auk þess sem þeir
hafa sótt inn á Evrópumarkað,“ segir Sigrún.
Hugur notar tölvuforrit Diebold, svokallað þró-
unarumhverfi, til þróunar á eigin hraðbankahug-
búnaði: „Þetta snýst raunar um að stýra hinum
ýmsu hlutum hraðbankans og fá þá til að vinna sam-
an, auk þess að framkvæma flókin og örugg sam-
skipti milli fjármálastofnana. Þarna fara náttúrlega
um verðmætar persónuupplýsingar, svo eins gott
að allt gangi vel fyrir sig“.
OPNAR DYR ERLENDIS
Einn af kostum hugbúnaðaðarins frá Hugi er að
hann virkar með öllum tegundum vélbúnaðar, en
hér á landi er mest notast við hugbúnað frá NCR.
Sigrún segir Diebold-menn hafa verið hissa á hve
framarlega Íslendingar eru á þessu sviði og að nú
sé mikil vinna í gangi við að kynna hugbúnað fyrir-
tækisins erlendis: „Það hafa komið hingað menn frá
Diebold í heimsókn og við erum að byrja að vinna í
okkar málum erlendis. Svona mál taka þó auðvitað
alltaf sinn tíma.“
Næsta skref hjá Hugi er að klára prófanir á nýj-
um hugbúnaði og koma honum út í hraðbanka
landsins auk þess sem stefnt er að því að styrkja
samstarfið við Diebold enn frekar: „Við væntum
þess að í náinni framtíð opnist leiðir fyrir íslenskar
hugbúnaðarlausnir erlendis,“ segir Sigrún.
M Á L I Ð E R
Snjallkort
Hvað er Fjölgreiðslumiðlun?
Fjölgreiðslumiðlun er hlutafé-
lag í eigu banka, sparisjóða,
greiðslukortafélaga og Seðla-
banka Íslands sem sinnir ýms-
um verkefnum á sviði greiðslu-
miðlunar.
Af hverju er verið
að gera þessar
breytingar á kort-
um landsmanna?
Ætlunin er að
fylgja eftir
tæknibreytingu
sem alþjóðlegu
greiðslukortafé-
lögin standa
sameiginlega að.
Fyrirséð er að í
öll greiðslukort í
veröldinni verð-
ur greyptur ör-
gjörvi sem bæði
hýsir þau gögn
sem nú eru
geymd á segul-
rönd kortanna
auk ýmissa við-
bótarlausna.
Eru snjallkortin
mun öruggari en
eldri gerðir
greiðslukorta? Í
hverju felst þetta
aukna öryggi?
Afritun segul-
randa í sviksamlegum tilgangi
er orðið gríðarlega mikið
vandamál og sífellt vaxandi.
Nýrri tækni sem byggir á notk-
un örgjörva er ætlað að sporna
við þessari þróun og hefur hún
þegar náð að sanna sig í þeim
löndum sem lengra eru komin í
innleiðingunni en við. Segja má
að ógerlegt sé að brjóta upp
það öryggi sem örgjörvinn bíð-
ur upp á og því ættu bæði kort-
hafar og móttakendur greiðslu-
korta sem greiðsluformi að
fagna breytingunni.
Hvert er hlutverk tölvukubbsins
sem greyptur er í snjallkortin?
Eins og áður sagði geymir hann
þau gögn sem segulröndin
geymir í dag. Þó er rétt að taka
fram að segulröndin verður
áfram á kortunum samhliða ör-
gjörvanum fyrst um sinn eða á
meðan lokið er við uppfærslu
móttökubúnaðar kortanna. Til
viðbótar verður hægt að geyma
ýmiss önnur gögn
svo sem punkta-
stöður í tengslum
við ýmiss konar
tryggðarkerfi, raf-
ræn skilríki til
auðkenningar og
svo mætti áfram
telja.
Komu einhverjar
aðrar lausnir en
snjallkortið til
greina?
Raunar ekki – eins
og áður sagði
erum við hér að
fylgja eftir alþjóð-
legri tæknibreyt-
ingu sem unnin er
undir forystu al-
þjóðlegu greiðslu-
kortafélaganna og
ekki miklu við það
að bæta.
Taka korthafar
eftir miklum
breytingum er
nýju kortin verða
tekin í notkun? Í hverju felast
þær breytingar?
Já og þá aðallega vegna þess að
samhliða tæknibreytingunni
verður tekin upp notkun leyni-
númera (PIN) í stað undirritun-
ar í öllum hefðbundnum við-
skiptum með greiðslukort. Nýtt
verklag felur í sér að korthaf-
inn lætur greiðslukortið aldrei
af hendi. Hann sér sjálfur um
að stinga því í lestækið við búð-
arborðið og slá inn sitt leyni-
númer. Tímafrekar undirritanir
verða því brátt úr sögunni sem
vonandi leiðir til þess að það
næst að flýta frágangi greiðslu
frá því sem nú þekkist.
Tímafrekar undir-
ritanir úr sögunni
T Ö L V U P Ó S T U R I N N
Til Loga
Ragnarssonar
framkvæmdastjóra
Fjölgreiðslumiðlunar
SNJALLKORT FRÁ MASTERCARD
Á myndinni má greinilega sjá örgjörvann sem græddur er í kortið
og kemur í veg fyrir að það megi afrita.
Stóraukið öryggi korthafa
SIGRÚN EVA ÁRMANNSDÓTTIR FORSTÖÐUMAÐUR FJÁRMÁLALAUSNASVIÐS HJÁ HUG Hugur þróar hugbúnað í alla 250 hrað-
banka landsins. Búnaðurinn er hannaður í þróunarumhverfi bandaríska hraðbankarisans Diebold og segir Sigrún forsvarsmenn Diebold
furðu lostna yfir því hversu framarlega Íslendingar séu í þróun hugbúnaðarlausna.
Fr
ét
ta
bl
að
ið
/H
ei
ða
„Íslensku bankarnir hafa mikinn metnað til að hafa allt sem best og nýtískuleg-
ast. Þeim er mjög umhugað um að fé viðskiptavinanna sé í sem öruggustum
höndum. Nýju snjallkortin verða snar þáttur í því.“
Að greiða
með snjallkorti
18-19 Markadur lesið 19.7.2005 16:35 Page 2