Fréttablaðið - 20.07.2005, Qupperneq 56

24 20. júlí 2005 MIÐVIKUDAGUR
Föstudagur 22. júlí laus sæti
Laugardagur 6. ágúst
“Hér er húmorinn hafður í hávegum og nær
allir ættu að geta haft gaman af“
Sveinn Haraldsson, Mbl
„Bítl er þrælgóð skemmtun fyrir alla
aldurshópa“
Valgeir Skagfjörð, Fréttabl.
Sigur Rós hélt tónleika í
Kaupmannahöfn.
Kristján Sigurjónsson var
á sta›num og tók púls-
inn á hljómsveitarme›-
limum og áhorfendum.
Laugardagskvöld í Kaupmanna-
höfn og 1450 manns hafa fyllt
Store Vega tónleikasalinn. Stutt í
að Sigur Rós stigi á svið og spenna
í salnum. Fyrstu tónar kvöldsins
heyrast og bak við hálf gegnsætt
tjald má sjá skugga drengjanna.
Langflestir tónleikagesta eru að
heyra upphafslagið í fyrsta skipti
og eru einbeittir á svip. Vilja með-
taka hvern einasta hljóm. Svona
var stemmningin þegar nýtt efni
var spilað. Gömlu lögin fengu mun
afslappaðri viðtökur enda lét fólk
vel í sér heyra á meðan þau voru
flutt. Stemmningin var því nokkuð
kaflaskipt eins og gera mátti ráð
fyrir en samt alltaf góð. Þegar
kom að uppklappi var enginn vafi
á öðru en að tónleikarnir hefðu
verið vel heppnaðir. Fólk stappaði
niður fótum af svo miklum krafti
að svalirnar nötruðu. Hljómsveit-
in var líka fljót á svið aftur og tók
tvö lög í viðbót og endaði tónleik-
ana eins og þeir byrjuðu, á bak við
tjald. Magnaður endir á tveggja
tíma löngum tónleikum.
„ Við ætlum að halda risatón-
leika á Íslandi á næsta ári,“ sagði
Georg Hólm eftir tónleikana. „Og
spilum líka heima í ár,“ bætir hann
við. „Ég er mjög ánægður með
tónleikana í kvöld og sérstaklega
stemmninguna í salnum. Þetta
voru sennilega bestu undirtektirn-
ar á tónleikaferðalaginu til þessa.
Það skiptir miklu máli fyrir mig
að fá viðbrögð úr salnum,“ sagði
Georg. „Stundum veit maður ekk-
ert hvernig til hefur tekist. Heldur
kannski að þetta hafi verið hræði-
legt en fær svo jákvæð viðbrögð
úr salnum og þá líður manni
betur.“ Georg viðurkennir að það
sé svolítið sérstakt að spila í Kaup-
mannahöfn. „Þetta er hálfpartinn
eins og að spila heima enda fullt af
Íslendingum sem mætir.“ Georg
segist ánægður með lagalistann
eins og hann var í kvöld en reikn-
ar með að fleiri nýjum lögum
verði bætt við þegar nær dragi út-
gáfu nýju plötunnar. Tími hafi ein-
faldlega ekki gefist til að æfa öll
nýju lögin áður en lagt var af stað
í tónleikaferðalagið. Úr því verði
bætt áður en haldið verði til
Bandaríkjanna. „Enda er nýja
platan geðveik. Ég hef hlustað á
hana og er að fíla hana,“ segir
Georg brosandi. - ks
Brad Pitt fór á sjúkrahús á dögun-
um vegna flensueinkenna en nú
hefur komið í ljós að um heila-
himnubólgu var að ræða. Leikar-
inn fór af sjúkrahúsinu á miðviku-
daginn og þá tilkynnti sjúkrahúsið
að hann hafi verið með vægt til-
felli af heilahimnubólgu. Sjúk-
dómurinn getur verið banvænn og
greinilegt er að Brad Pitt hefur
sloppið vel enda var hann ekki
lengi á sjúkrahúsinu. Talið er að
hann hafi smitast af sjúkdómnum
í Eþíópíu í síðustu viku þar sem
hann var á ferð með Angelinu
Jolie sem var að ættleiða stúlku-
barn. ■
BRAD PITT Pitt var hress á Live 8 tónleik-
unum
„Þetta er hálfgert uppistand fyrir
túrista og fjallar á gamansaman
hátt um Ísland og Íslendinga,“ segir
leikkonan Kolbrún Anna Björns-
dóttir en í dag verður frumsýnt nýtt
leikrit eftir Benóný Ægisson sem
nefnist How Do You Like Iceland?
Verkið er flutt á ensku og ekki
síður stílað inn á erlenda áhorfend-
ur. „Ég lærði leiklist í Wales og leik-
stjórinn, Darren Foreman, hringdi í
mig og bað mig um að lesa verkið
með sér til að athuga hvort ég hent-
aði í hlutverkið,“ segir Kolbrún
Anna en ásamt því að leikstýra leik-
ur Darren Foreman einnig í verk-
inu.
„Við hoppum á milli hlutverka og
tökum að okkur ýmis gervi,“ segir
Kolbrún sem fer meðal annars í
gervi Þjóðverjans Dithmar Blefkin.
„Hann kom til landsins árið 1562 og
skrifaði ferðabók. Þar auglýsir
hann Ísland á sama hátt og Flugleið-
ir,“ segir Kolbrún sposk og útskýrir.
„Hann lætur í það skína að hér séu
íslenskar stelpur í boði fyrir hvern
sem er. Það er svolítið skondið að
sjá hvernig landkynningin endur-
tekur sig í gegnum söguna.“
Kolbrún segir mikla kaldhæðni
að finna í verki Benónýs Ægissonar.
„Það er óspart gert grín að íslensku
þjóðarsálinni og þessu viðhorfi okk-
ar um að við séum best á öllum svið-
um, eigum fallegustu konurnar,
sterkustu mennina og séum bæði
hamingjusamasta og trúaðasta þjóð
í heimi.“
Í How Do You Like Iceland?, sem
er tæpur klukkutími að lengd, gefst
áhorfendum tækifæri á að ferðast
um Íslandssöguna og kynnast meðal
annars Ingólfi Arnarsyni, Björk og
Íslandsvininum John Travolta.
Leikritið verður sýnt á efri hæð
Kaffi Sólon á mánudögum og mið-
vikudögum klukkan 17.00 í sumar. ■
Gera grín a› Íslendingum
UPPISTAND Á SÓLON Leikararnir bregða upp spaugilegri mynd af Íslendingum í verki
Benónýs Ægissonar á efri hæð Kaffi Sólon í sumar.
Brad me› heilahimnubólgu
SIGUR RÓS Spennan í salnum var áþreifanleg áður en hljómsveitin steig á stokk í Kaupmannahöfn en rúmlega 1400 manns mættu til að heyra og sjá þessa angurværu drengi.
D‡r› sé drengjunum
FILIP NILENIUS
Rosalegir tónleikar.
Fannst flott hvernig
þeir notuðu tjöldin í
byrjun og undir lok-
in. Er spenntur að
heyra nýju plötuna.
Nýju lögin sem þeir
tóku í kvöld lofa
allavega góðu.
THOMAR SKOV
Þetta voru bestu
tónleikar sem ég hef
farið á lengi. Meiri
söngur í nýju lögun-
um og ég er ánægð-
ur með það. Þessi
salur passar fullkom-
lega fyrir Sigur Rósar
tónleika.
SUSAN STORM
Mér finnst ég fara
inn í annan heim
þegar ég er á Sigur
Rósar tónleikum.
Tónleikarnir í kvöld
voru frábærir og
greinilegt að fólkið í
salnum var að fíla
nýja efnið. Virkilega
góð stemmning.
FEARGHUS MCCORMAIC OG
WARREN FRENCH
Þetta eru þriðju tónleikarnir sem við
sjáum með Sigur Rós. Meiri kraftur í
þeim í kvöld en í hin skiptin. Nýja
efnið virkilega gott. Skiptir engu þó
að maður skilji ekki textana. Höfum
hvort eð er samið texta sjálfir við
lögin og sungum þá bara á tónleik-
unum. Viss um að svo sé með flesta
aðdáend-
ur Sigur
Rósar,
nema
kannski þá
íslensku
auðvitað.
HVAÐ FANNST ÞEIM UM
TÓNLEIKANA?
56-57 (24-25) Ung Folk 19.7.2005 19:05 Page 2