Fréttablaðið - 06.08.2005, Síða 59

Látúnsbarkinn Bobby McFerrin
heldur tónleika hér á landi í Há-
skólabíói 9. ágúst eins og flestum
er kunnugt og að sögn tónleika-
haldara gengur miðasala vel.
„Við byrjuðum að selja miða
fyrir mánuði síðan og ekki mikið
eftir af þeim svo fólk verður að
drífa sig ætli það að fá sæti. Þessi
drengur er stórkostlegur á tón-
leikum og algjört séní í radd-
sviði,“ segir Guðbjartur Finn-
björnsson tónleikahaldari. „Hann
er meðal annars þekktur fyrir að
hafa stjórnað helstu sinfóníum
heimsins og er mjög virtur á því
sviði. Hann gerir sér einnig þann
leik að syngja hljóðfæri með
sveitinni og getur því hæglega
komið í staðinn fyrir óbó og klar-
inett,“ segir Guðbjartur og hlær.
Með McFerrin í Háskólabíói
verður kammerkór Langholts-
kirkju. „Þessi maður er listamað-
ur af guðs náð. Það er ótrúlegt að
horfa á hann á sviði og hann
framkvæmir algjöra galdra með
röddinni. Hann er einnig gríðar-
legur húmoristi og fær fólk til að
hlæja mikið á tónleikunum,“ seg-
ir Guðbjartur og bætir því við að
McFerrin sé tífaldur Grammy-
verðlaunahafi. „Það er fengur að
fá svona mann til landsins og
fólk ætti alls ekki að missa af
honum.“
Hægt er að nálgast miða á tón-
leikana á Esso-stöðvunum á Ár-
túnshöfða og Geirsgötu eða með
því að senda tölvupóst á
bobby@visindi.is. ■
Breg›ur sér í
hlutverk hljó›færis
BOBBY MCFERRIN Hann heldur tónleika hér á landi 9. ágúst. Lítið er eftir af miðum og
ættu áhugasamir því að tryggja sér miða sem fyrst.