Fréttablaðið - 09.11.2005, Qupperneq 81

36 9. nóvember 2005 MIÐVIKUDAGUR
sport@frettabladid.is
Kennarinn, þjálfarinn, tónlistarmaðurinn
og athafnamaðurinn Hlynur Áskelsson,
sem einhverjir kunna að þekkja sem
Ceres 4 en aðrir sem Köttara númer tvö,
hefur tekið að sér þrek- og úthaldsþjálf-
un Þróttar og mun þar af leiðandi bera
ábyrgð á því að leikmenn liðsins geti
hlaupið heilan fótboltaleik næsta sumar.
Starfið er þó engin nýjung fyrir Hlyn,
en hann er menntaður íþróttakennari,
og stefnir hann að því að ná toppár-
angri leikmenn liðsins - þá sömu og
hann gagnrýndi nokkuð harkalega í
pistli á heimasíðu Þróttar sem birtist
í lok sumars. Þar segir Hlynur meðal
annars að meistaraflokki félagsins skorti
grunnþjálfun í styrk, úthaldi og andlegu
atgervi. Á þessu ætlar Hlynur nú að
vinna bót á.
„Ég stend við allt það sem
ég sagði í þessum pistli en nú
er það mitt að koma hlutunum
í rétt form. Mitt skýlausa mark-
mið er að ná árangri - annað yrði
óviðundandi,“ sagði Hlynur
ákveðinn við Fréttablaðið
í gær en þessa dagana
stendur hann vaktina
yfir leikmönnum Þrótt-
ar í Laugum þar sem
þeir hlaupa og lyfta.
Á undirbúningstíma-
bilinu mun hann
vinna náið með Atla
Eðvaldssyni, aðal-
þjálfara Þróttar, þar
sem líkamlegi þátt-
urinn er á ábyrgð
Hlyns. Sjálfur er Hlynur Þróttari mikill og
hefur á síðustu árum verið ein af drif-
fjöðrunum í hópi Köttarana, hins ötula
stuðningsmannahóps Þróttar. „Ég hef
verið Þróttari frá blautu barnsbeini og ef
félagið hefur óskað eftir mínum kröfum
þá hef ég hreinlega ekki geta sagt
nei. Á því var engin breyting nú
þegar ég var fenginn til að taka að
mér þetta verkefni,“ segir Hlynur,
sem sjálfur er í hörkuformi. „Það
skemmtilegasta sem ég geri er
að æfa,“ segir Hlynur sem stefn-
ir að sjálfsögðu að því að láta
leikmenn Þróttar vera í betra
formi á næsta ári en þeir voru í
sumar. „Ég ætla rétt að vona að
þeir verði það - annars verð ég
rekinn,“ sagði Hlynur og hló.
HLYNUR ÁSKELSSON: HEFUR TEKIÐ VIÐ STARFI ÞREKÞJÁLFARA ÞRÓTTAR
Það skemmtilegasta sem ég geri er að æfa
FÓTBOLTI „Þegar hann stígur
fram til að taka aukaspyrnur þá
býst ég eiginlega við því að hann
skori,“ segir Claudio Cacapa,
varnarmaður Lyon í Frakklandi,
um brasilíska samherja sinn Jun-
inho Pernambucano sem í dag er
óumdeilanega besti aukaspyrnu-
sérfræðingur heims og er af
flestum talinn hafa farið fram úr
David Beckham í þeim hæfileika
á núverandi leiktíð.
Juninho hefur hreinlega farið á
kostum í haust og er samanlagður
fjöldi marka hans beint úr auka-
spyrnum í öllum á þessu tímabili
komið á annan tug, Á sínum fjór-
um árum með Lyon hefur Junin-
ho skorað alls 55 mörk, þar af 21
beint úr aukaspyrnum. „Skotin
eru að detta inn núna og auðvitað
vonast ég til að skora fleiri mörk.
En mitt hlutverk er fyrst og fre-
mst að stjórna miðjuspilinu. Það
er hlutverk framherjana að skora
mörkin,“ segir hann sjálfur.
Juninho hefur verið að þróa
aukaspyrnustíl sinn allan sinn
feril og vill ekkert segja til um
hvert leyndarmálið á bakvið góða
aukaspyrnu er. Sem strákur fylgd-
ist hann grannt með brasilísku
goðsögninni Zico og spyrnutækni
hans - afganginn segir hann til-
komin vegna þolinmæði, mikilla
æfinga og smávegis af heppni.
Sérfræðingar eru á því að það
sem gerir Juninho að þeim allra
besta í bransanum sé fjölbreytni
hans í spyrnum. Sem dæmi má
nefna að í leik gegn Real Madrid
í Meistaradeildinni á dögunum
skoraði Juninho eitt mark með
því að skjóta í gegnum varnar-
vegginn og lagði upp annað með
því að hreinlega bomba á John
Carew, sóknarmann Lyon, þaðan
sem hann breytti um stefnu og fór
í markið. Í næsta leik á eftir gegn
Olympiakos skoraði hann síðan
með föstu bogaskoti yfir varnar-
vegginn og í samskeytin - eitthvað
sem er aðeins á færi snillinga.
Markvörður Lyon, Grégory
Coupet, sem þarf daglega að klj-
ást við spyrnur Juninho á æfing-
um, segist vorkenna öðrum mark-
mönnum. „Enn þann dag í dag get
ég ekki lesið spyrnur Juninho.
Það veit enginn hvernig hann fer
að þessu. Ég er guðs lifandi feginn
að vera með honum í liði en ekki á
móti honum,“ segir Coupet. Tiago,
annar liðsfélagi hans, tekur í
sama streng. „Hann setur boltann
þangað sem hann vill að hann fari.
Hann er það góður,“ segir hann.
vignir@frettabladid.is
Miklu betri en Beckham
Brasilímaðurinn Juninho Pernambucano hefur að mati sérfræðinga tekið krún-
una af sjálfum David Beckham sem helsti aukaspyrnusérfræðingur heims.
JUNINHO Getur skotið yfir vegginn, í gegnum hann eða framhjá honum. Enginn getur lesið
spyrnur hans, segir markvörður Lyon.
KRAFTLYFTINGAR Heimsmet Bene-
dikts „Tarfs“ Magnússonar í rétt-
stöðulyftu fæst ekki staðfest af
alþjóða kraftlyftingasambandinu,
IPF. Mótið sem Benedikt setti
metið í var haldið af WPO sem
er klofningssamband frá alþjóða-
sambandinu en helsti munurinn
á þessum tveim samböndum er
sá að WPO lætur keppendur ekki
gangast undir lyfjapróf að móti
loknu.
Slíkt samræmist ekki reglum
alþjóða sambandsins og því fæst
metið ekki staðfest. Benedikt lyfti
440 kg í réttstöðulyftu en gamla
heimsmetið var 426 kg.
Kraftlyftingasamband Íslands
er aðili að IPF og því fæst lyftan
tæplega staðfest hér á landi og
því ekki um að ræða Íslandsmet.
Kraftlyftingasamband Íslands er
ekki aðili að ÍSÍ og þar af leiðandi
er hæpið að ÍSÍ beiti sér í málinu.
Ekki náðist í Benedikt við vinnslu
fréttarinnar.
Heimsmet Benedikts Magnússonar:
Fæst ekki staðfest
BENEDIKT MAGNÚSSON Fær heimsmetið
sitt ekki staðfest.
FÓTBOLTI Alex Ferguson, stjó-
ri Man. Utd, staðfesti við enska
fjölmiðla í gær að hann hyggðist
styrkja leikmannahóp sinn veru-
lega þegar leikmannaglugginn
opnast á ný í janúar. Ferguson og
lærisveinar hans höfðu ekki verið
upp á sitt besta áður en þeir bundu
enda á sigurgöngu Chelsea um
síðustu helgi og vilja stuðnings-
menn liðsins meina að þunnum
leikmannahópi sé um að kenna.
Og nú virðist sem að Ferguson sé
sammála.
„Það er mikil geta til staðar í
hópnum en við höfum verið að tre-
ysta of mikið á ungu leikmennina í
fjarveru reynslubolta á við Keane,
Neville og Heinze. Ég ætla að sty-
rkja og auka breiddina í hópnum í
janúar,“ sagði Ferguson í gær en
bætti því við að erfitt væri að fá
góða leikmenn sem yrðu löglegir
í Meistaradeildinni. - vig
Alex Ferguson knattspyrnustjóri Man. Utd:
Ætlar að eyða í janúar
ALEX FERGUSON Segir breiddina vanta í
núverandi leikmannahóp Man. Utd.
David Beckham, fyrrverandi leik-maður Man. Utd og núverandi
leikmaður Real Madrid, segir að Roy
Keane hafi átt
fullan rétt á því að
gagnrýna samherja
sína í síðustu viku.
Beckham segir að
með fyrirliðastöð-
unni fylgi ákveðnar
skyldur, sem meðal
annars felast í því
að segja mönnum til. „Keane er mjög
sterkur persónuleiki og einn af öflugust
fyrirliðum sem ég hef nokkru sinni spil-
að með. Allir virða Keane og allir hlusta
á það sem hann segir,“ segir Beckham.
Sam Allardyce, knattspyrnustjóri Bolt-on, segir að Sven-Göran Eriksson,
þjálfari enska landsliðsins, hljóti að veita
Kevin Nolan tækifæri með enska liðinu
á næstunni eftir að hafa horft upp á
frábæran leik hans gegn Tottenham í
fyrrakvöld. „Nolan var besti leikmað-
urinn á vellinum og er að sýna mikinn
stöðugleika í sínum leik. Eriksson
hlýtur að hafa hrifist af honum, „ segir
Allardyce. „Það er fátt dýrmætara en að
hafa markaskorara á miðjunni, eins og
Chelsea getur staðfest með sinn Frank
Lampard. Án marka hans værum við
ekki í þriðja sætinu í dag,“ segir Allar-
dyce, en Nolan hefur skorað sjö mörk á
leiktíðinni.
Og meira af Eriksson; Svíinn knái segir að Rio Ferdinand sé fullkomn-
asti miðvörður sem England búi yfir og
hann sé sannarlega
í hópi bestu varnar-
manna heims. „Hann
er kannski ekki í sínu
besta formi en slíkt
gerist hjá öllum. Hann
var besti varnarmað-
urinn á síðasta Heimsmeistaramóti og
hann er ennþá ungur. Hann mun ná sér
á strik á nýjan leik, sannið þið til,“ segir
Eriksson.
Vladimir Romanov, hinn skrautlegi eigandi skoska úrvalsdeildarliðsins
Hearts, hefur sett miklar takmarkanir á
starf Graham Rix, nýráðins stjóra liðsins.
Rix mun ekkert hafa um það að segja
hvaða leikmenn eru fengnir til félagsins
- hans hlutverk er aðeins að stjórna
æfingum. „Hans hlutverk er að þjálfa
leikmenn félagsins og gera þá betri.
Það verða aðrir í því hlutverki að kaupa
leikmenn,“ segir Romanov.
ÚR SPORTINU
FÓTBOLTI Steven Gerrard, fyrirliði
Liverpool, segist hugsa um það
annars lagið að gera þjálfari hjá
Liverpool eftir að ferli hans sem
leikmaður hjá liðinu lýkur. Gerr-
ard staðfesti tryggð sína við félag-
ið með því að skrifa undir nýjan
samning við félagið í sumar í stað
þess að ganga til liðs við Chelsea
fyrir metfá.
„Rafael Benitez hafði það á
orði í sumar að ég gæti vel orðið
stjóri hjá Liverpool í framtíðinni
og ég neita því ekki að það er eitt-
hvað sem ég hef pælt í. Ég hef
verið hér síðan ég var átta ára
gamall og það yrði frábært ef ég
gæti verið hér mikið lengur. Hvað
sem verður, þá vona ég að starf
mitt eftir leikmannaferilinn teng-
ist Liverpool að einhverju leyti,“
segir Gerrard.
Steven Gerrard:
Vill þjálfa
á Anfield
STEVEN GERRARD Er núverandi fyrirliði
Liverpool og vill stjórna liðinu í framtíðinni.
NFL Philadelphia Eagles hefur
ákveðið að setja Terrel Owens í
leikbann hjá félaginu og það sem
meira er þá fær hann engin laun
meðan á banninu stendur. Ástæða
bannsins er margítrekuð agabrot
sem hafa átt sér stað á löngum
tíma.
Owens er af mörgum talinn
besti útherji NFL-deildarinnar
en hann er ólátabelgur mikill og
vart húsum hæfur. Hann getur
ekki opnað munninn án þess að
koma sér í vandræði og það er
einmitt kjafturinn á honum sem
á endanum gerði útslagið. Hann
mun væntanlega aldrei aftur leika
fyrir Eagles.
Owens var fyrst settur í aga-
bann 5. nóvember þegar hann
sagði að félagið, Eagles, vantaði
klassa en honum fannst félagið
ekki gera nógu mikið úr því að
hann hefði skorað sitt 100. snert-
imark sömu helgi. Í sama við-
tali sagði Owens að Eagles væri
betur statt með Brett Favre sem
leikstjórnanda í stað Donovans
McNabbs. Þetta var síður en svo
fyrsta skotið sem McNabb fær frá
Owens.
Útherjinn skrautlegi lenti ein-
nig í slagsmálum í sömu viku við
einn starfsmann Eagles. Hann
baðst í kjölfarið afsökunar á
ummælum sínum við félagið en
neitaði að biðja McNabb og félaga
sína í liðinu afsökunar.
Einn skrautlegasti karakterinn í amerísku íþróttalífi í vondum málum:
Fær hvorki laun né að spila
TERRELL OWENS Er álíka vinsæll í Banda-
rikjunum og körfuboltamaðurinn Ron
Artest var þegar hann lamdi áhorfendur í
Detroit. FRÉTTABLAÐIÐ/GETTY IMAGES
FÓTBOLTI Knattspyrnusamband
Íslands hefur alls verið sektað
um ríflega 700 þúsund krónur á
tímabilinu vegna áminninga sem
leikmenn íslenska landsliðsins
hafa hlotið í undankeppni HM. Í
gær bættust við 230 þúsund krón-
ur vegna fjögurra áminninga sem
að leikmenn liðsins hlutu í lokal-
eik Íslands gegn Svíum í undan-
keppninni í síðasta mánuði.
Áður hafði KSÍ fengið um 470
þúsund króna sekt vegna áminn-
inga í leikjunum gegn Króötum á
Laugardalsvellinum og Búlgörum
ytra.
Knattspyrnusamband Íslands:
Sektað um 700
þúsund á árinu
Baldur til Brussels?
Húsvíkingurinn Baldur Ingimar Aðal-
steinsson er kominn heim Belgíu þar
sem hann á reynslu hjá úrvalsdeild-
arfélaginu FC Brussels. Baldur spilaði
með varaliði félagsins og stóð sig það
vel að félagið vill fá hann aftur til sín í
vetrarhléinu. Þá ætlar félagið í æfinga-
búðir í Tyrklandi og nota á þann
tíma einnig til þess að skoða
Baldur betur en hann er án
samnings.
Áfram ÍBV
Það bendir allt til þess að ÍBV muni
senda lið til keppni í Landsbankadeild
kvenna á næstu leiktíð og er það vel.
Útlitið var dökkt um daginn en nú virðist
sem nægur mannskapur sé til staðar
svo hægt sé að halda starfinu áfram.