Fréttablaðið - 12.11.2005, Page 90

12. nóvember 2005 LAUGARDAGUR66
NBA Robert Parish er byrjaður að
starfa sem ráðgjafi hjá sínu gamla
félagi, Boston Celtics, en hann var
á sínum tíma lykilmaður í sterku
liði Celtics. Parish var að vonum
ánægður með að vera kominn til
starfa hjá Celtics.
„Ég er spenntur yfir því að
vera byrjaður að vinna hjá þessu
dásamlega félagi og vonandi get
ég lagt mitt af mörkum til þess
að þetta unga og efnilega lið geti
haldið áfram að bæta sig. Ég hef
alltaf fundið fyrir góðum stuðningi
frá stuðningsmönnum Celtics og
það verður gaman að vera í meira
návígi við þá helstu á heimaleikj-
unum,“ sagði Parish. - mh
Robert Parish orðinn ráðgjafi:
Parish til liðs
við Boston
HANDBOLTI Jan Pytlick, landsliðs-
þjálfari kvennaliðs Danmerkur í
handbolta, greindi óvænt frá því í
gær að hann ætlaði sér að hætta
sem landsliðsþjálfari eftir HM í
Rússlandi í næsta mánuði. Pytl-
ick hefur náð frábærum árangri
með lið Dana en undir hans stjórn
hefur danska liðið orðið Ólymp-
íumeistari í tvígang og Evrópu-
meistari einu sinni. Pytlick var
samningsbundinn danska hand-
knattleikssambandinu til 2008 en
en hyggst snúa sér að þjálfun hjá
félagsliði.
Anja Andersen, sem var fyrir-
liði danska landsliðsins á sínum
tíma, hefur verið orðuð við starf-
ið en hún hefur nú gefið það út að
hún muni ekki taka við liðinu af
Pytlick. - mh
Landsliðsþjálfari Dana:
Pytlick hættir
eftir HM
FÓTBOLTI Forráðamenn AC Milan
hafa hug á því að fá spænska lands-
liðsmanninn Ivan Helguera til liðs
við félagið en samningur hans við
Real Madrid mun renna út næsta
sumar. Liverpool hefur einnig
falast eftir kröftum Helguera en
ítalskir fjölmiðlar telja líklegast
að hann fari til AC Milan.
Helguera hefur lýst yfir
óánægju sinni með framgang
viðræðna við Real Madrid en
spænska félagið hefur ekki sýnt
mikinn áhuga á því að halda varn-
ar- og miðjumanninum sterka. - mh
Helguera á leið til Ítalíu:
AC Milan vill
Helguera
IVAN HELGUERA Helguera hefur verið
einn af betri leikmönnum Real Madrid
undanfarin ár en hann hyggst reyna fyrir
sér utan Spánar.
FÓTBOLTI Frank Lampard hjá Chel-
sea var valinn besti leikmaður
mánaðarins og Paul Jewell hjá
Wigan besti þjálfarinn í október
í reglulegu vali Barclays, helsta
styrktaraðila deildarinnar.
Í tilkynningu frá fyrirtækinu
segir að Lampard hafi verið í
stórkostlegu formi í mánuðinum
þar sem hann hefur meðal annars
skorað sex mörk. Paul Jewell hefur
stjórnað Wigan til þess árangurs
sem hefur komið fótboltaáhuga-
mönnum mikið á óvart, en í okt-
óber tapaði liðið ekki stigi og er
fyrir vikið í 2. sæti deildarinnar.
Þetta er annar mánuðurinn í röð
sem Jewell hrepppir heiðurinn en
Wigan kom upp úr ensku 1. deild-
inni fyrir tímabilið.
„Wigan hefur komið með fersk-
an blæ inn í keppnistímabilið og
mestan heiðurinn af því á Jewell,“
segir í tilkynningu Barclays.
Enska úrvalsdeildin í knattspyrnu:
Jewell og Lampard bestir
FRANK LAMPARD Besti leikmaðurinn.PAUL JEWELL Besti þjálfarinn.
FÓTBOLTI Forráðamenn Atletico
Madrid segja að það sé enginn
möguleiki á að þeir selji stjörnu-
framherjann sinn Fernando
Torres til Arsenal. Arsenal er
sagt vera að undirbúa risatilboð
í hinn magnaða Torres, sem þrátt
fyrir ungan aldur er þegar orðinn
goðsögn hjá stuðningsmönnum
Atletico.
„Torres er og verður áfram
okkar aðalmaður,“ segir Enrique
Cerezo, forseti félagsins. „Það
hafa mörg félög áhuga á Torres
og skilaboðin til Arsenal eru þau
sömu og við gefum öðrum – eyðið
tíma ykkar í eitthvað annað en að
reyna að fá Torres,“ bætti hann
við. - vig
Arsenal fær skilaboð:
Látið Fernando
Torres í friði
FERNANDO TORRES Fær ekki að fara til
Arsenal á næstunni.
Evrópukeppnin í handbolta:
KA-MAMULI TBILISI 45-15
Mörk KA: Bjartur Máni Sigurðsson 8, Goran Gusic 7,
Hörður Fannar Sigþórsson 7, Gústaf Kristjánsson 4,
Ólafur Sigurgeirsson 4, Jónas Guðbrandsson 3, Andri
Snær Stefánsson 3, Hafþór Einarsson 2, Jónatan
Magnússon 2, Ragnar Snær Njálsson 2, Guðmundur
Hermannsson 1, Hreiðar Guðmundsson 1.
DHL-deild karla:
FH-ÍR 44-40
Mörk FH: Hjörleifur Þórðarson 8, Linas Kalasauskas
8/3, Daníel Grétarsson 7, Valur Arnarson 6, Finnur
Hansson 5, Hjörtur Hinriksson 4, Heiðar Arnarson 3,
Sigursteinn Arndal 2. Varin skot: Elvar Guðmunds-
son 13, Magnús Sigmundsson 6.
Mörk ÍR: Tryggvi Haraldsson 12/6, Ragnar Helga-
son 7, Ísleifur Sigurðsson 7, Björgvin Hólmgeirsson
7, Hafsteinn Ingason 4, Karl Gunnarsson 1, Ólafur
Sigurjónsson 1, Andri Númason 1. Varin skot: Gísli
Guðmundsson 17, Stefán Petersen 2/1.
FYLKIR-SELFOSS 39-22
Mörk Fylkis: Heimir Örn Árnason 7, Ásbjörn Stefáns-
son 6, Eymar Kruger 6, Arnar Jón Agnarsson 5, Sigur-
geir Jónsson 3, Pétur Þorláksson 2, Guðlaugur Arnar-
son 2, Brynjar Þór Hreinsson 2, Kristján Þorsteinsson
2, Arnar Sæþórsson 2, Sigurður Valur Jakobsson 1.
Mörk Selfoss: Hörður Bjarnason 4, Vladimir Durcic
4, Einar Örn Guðmundsson 3, Gylfi Már Ágústsson
3, Atli Már Ólafsson 2, Davíð Ágústsson 2, Jón Einar
Pétursson 1, Atli Kristinsson 1, Almar Ólafsson 1, Karl
Laursen 1, Einar Jónsson 1.
STAÐA EFSTU LIÐA
FRAM 8 6 1 1 213-199 13
VALUR 8 6 0 2 245-223 12
ÍR 9 5 1 3 313-285 11
FYLKIR 10 5 1 4 264-245 11
HAUKAR 6 5 0 1 183-159 10
AFTURE. 9 4 2 3 232-230 10
LEIKIR GÆRDAGSINS
FÓTBOLTI Norski vinstri-fótar leik-
maðurinn John Arne Riise hjá
Liverpool kveðst glaður munu
skrifa undir nýjan samning við
félagið, fari svo að honum verði
boðinn hann. Riise á 18 mánuði
eftir af núverandi samningi sínum
og hefur átt fast sæti í liði Liver-
pool í ár.
“Það er algengt að félög endur-
skoði samninga þegar 18 mánuðir
eru eftir af þeim og ég á von á því
að forráðamenn félagsins ræði við
mig á næstunni. Þeir þurfa ekki
að hafa áhyggjur – ég hef mik-
inn áhuga á því að vera áfram hjá
Liverpool,” segir Riise. -vig
John Arne Riise:
Vill framlengja
við Liverpool
HANDBOLTI KA-menn bókstaf-
lega völtuðu yfir georgíska
liðið Mamulu Tbilisi í 3. umferð
Áskorendakeppni Evrópu í hand-
bolta fyrir norðan heiða í gær og
gjörsigruðu 45-15. Um algjöran
skrípaleik var að ræða þar sem
heimamenn bókstaflega léku sér
að arfaslökum gestunum, sem
voru hreinlega á við byrjendur í
íþróttinni.
„Þetta er alveg furðulegt.
Þetta lið er frá sama landi og liðið
sem Valur burstaði nýlega í Evr-
ópukeppninni en þar vantaði víst
einhverja 8-9 leikmenn sem áttu
hugsanlega að vera alvöru leik-
menn. Við vissum því ekki alveg
við hverju átti að búast en síðan
voru þetta bara feitir, gamlir
kallar sem gátu ekki neitt. Þetta
er náttúrulega bara vitleysa,“
sagði Jónatan Magnússon, fyr-
irliði KA, við Fréttablaðið eftir
leikinn í gær.
Eins og tölurnar gefa til kynna
var um algjöra einstefnu að ræða
af hálfu heimamanna og eyddu
leikmenn KA stærstu hluta síð-
ari hálfleiks í að skemmta áhorf-
endum í KA-höllinni eftir frems-
tu getu. Nokkur sirkusmörk litu
dagsins ljós og skoruðu mark-
verðirnir Hreiðar Guðmundsson
og Hafþór Einarsson meðal ann-
ars þrjú stórglæsileg mörk.
„Það er náttúrulega bara
skrípaleikur að þetta lið skuli
vera komið svona langt. Þessir
leikir eru að kosta okkur tvær
milljónir og við erum búnir að
vera að safna síðan í júní. Svo er
þetta bara eins og sirkus,“ sagði
Jónatan og bætti því við að það
tæki því varla að leika síðari
leikinn sem fram fer á Akureyri
í dag.
„Það er alveg spurning um
að leyfa kempum eins og Erlingi
Richardssyni, Jóhannesi Bjarna-
syni og fleirum að vera í hóp.
Þeir myndu rústa þessu liði.“ - vig
KA rótburstaði Mamuli Tbilisi í Evrópukeppninni í handbolta í gær:
Algjört grín á Akureyri
MARKAHÆSTUR Bjartur Máni Sigurðsson
átti greiða leið að marki Mamuli Tbilisi í
gær og skoraði 8 mörk.
Markaúrhelli í Kaplakrika
Leikmenn FH og ÍR buðu áhorfendum í Kaplakrika upp á ótrúlegan handbolta-
leik í gærkvöld þar sem leikmenn skoruðu samtals 84 mörk. Það voru heima-
menn sem fögnuðu sætum sigri á endanum.
HANDBOLTI Það var ljóst strax frá
fyrstu mínútu hvert stefndi í þess-
um frábæra leik FH og ÍR í DHL-
deildinni gærkvöld. Liðin þustu
upp og niður völlinn með ógnar-
krafti og menn voru vart komnir í
vörn þegar andstæðingarnir voru
búnir að skora.
Markmenn liðanna máttu sín
lítils gegn stórsóknum andstæð-
inga sinna og var leikurinn var
jafn og spennandi allan hálfleik-
inn. Liðin skiptust á að jafna og
komast einu marki yfir en staðan
í hálfleik var 21-21 og máttu ÍR-
ingar þakka markmanni sínum
Gísla Guðmundssyni að vera ekki
undir en hann varði 13 skot í fyrri
hálfleik.
Í síðari hálfleik kom Elvar
Guðmundsson í mark FH og það
átti eftir að skipta sköpum. Hann
byrjaði á því að loka markinu
fyrstu sjö mínútur síðari hálf-
leiks og eftir tíu mínútur var
hann búinn að verja jafn mikið og
Magnús gerði allan fyrri hálfleik-
inn, eða sjö skot. FH-ingar voru
miklu betra liðið í síðari hálfleik
og skoruðu hvert glæsimarkið
á fætur öðru eftir vel útfærðar
snilldarlega spilaðar sóknir.
Það var sama hvað ÍR reyndi,
skipta um markmann, spila 4-2
vörn og maður á mann, eftir að
FH náði góðu forskoti var aldrei
spurning hvar sigurinn myndi
enda. Valur Örn Arnarson átti
stórleik í sókninni og í síðari hálf-
leik réðu ÍR-ingar ekkert við hann
á línunni.
Júlíus Jónason, annar þjálfari
ÍR-inga, var furðu lostinn í leiks-
lok. „Við erum svo sem vanir að
skora yfir 40 mörk í leik en ekki
að fá þau á okkur. Þetta er senni-
lega versti varnarleikur sem við
höfum spilað og FH-ingar áttu
sigurinn skilið,“ sagði Júlíus og
átti ekki í erfiðleikum með að
finna hvað hefði farið úrskeiðis
hjá sínum mönnum.
„Strákarnir voru ekki að fara
eftir því sem fyrir þá var lagt og
við vorum að fara of mikið út úr
vörninni og þá opnuðust flóðgátt-
irnar.“
Það eru orð að sönnu að flóð-
gáttir hafi opnast og áhorfendur
sem urðu vitni af þessum leik
munu sennilega ekki gleyma
honum í bráð enda ekki á hverjum
degi sem handboltaleikur endar
44-40. - ghó
HINGAÐ OG EKKI LENGRA Ísleifur Sigurðsson hjá ÍR reynir hér að komast framhjá Hjörleifi
Þorvarðssyni í vörn FH með takmörkuðum árangri. Báðir áttu þeir mjög góðan leik í gær-
kvöld. FRÉTTABLAÐIÐ/STEFÁN