Fréttablaðið - 18.11.2005, Blaðsíða 4

4 18. nóvember 2005 FÖSTUDAGUR
Alltaf hagstætt
www.ob.is
15 stöðvar!
GENGIÐ
GENGI GJALDMIÐLA 17.11.2005
Gengisvísitala krónunnar
61,73 62,03
106,06 106,58
72,26 72,69
9,659 9,715
9,191 9,245
7,485 7,529
0,5192 0,5222
87,61 88,13
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
HEIMILD: Seðlabanki Íslands
KAUP SALA
102,3065
BRETLAND Sir Ian Blair, yfirmað-
ur Lundúnalögreglunnar, segir
miklar líkur á að hryðjuverka-
menn láti til skarar skríða á
nýjan leik á Bretlandi og hver
einasta borg landsins sé mögu-
legt skotmark.
Blair sagði á blaðamannafundi
í fyrradag að Bretland væri enn
ofarlega á skotmarkalista þeirra
sem aðhyllast hugmyndafræði al-
Kaída og skoraði um leið á Breta
um leið til að sýna samstöðu.
Malasískur hryðjuverkamað-
ur tengdur al-Kaída hefur lýst
yfir að Bretland, Ítalía, Ástralía
og Bandaríkin séu næstu skot-
mörk samtakanna. ■
Yfirmaður Lundúnarlögreglu:
Allar breskar
borgir í hættu
BANDARÍKIN Gagnrýni á tildrög inn-
rásarinnar í Írak og framkvæmd
hernáms landsins hefur orðið æ
meira áberandi á Bandaríkjaþingi
að undanförnu. Áhrifamikill þing-
maður demókrata í fulltrúadeild
þingsins, sem greiddi á sínum
tíma atkvæði með innrásinni,
skoraði í gær á ríkisstjórnina að
kalla bandaríska herliðið tafar-
laust heim frá Írak.
„Það er kominn tími á stefnu-
breytingu. Her okkar þjáist, fram-
tíð lands vors er í hættu,“ sagði
þingmaðurinn, John Murtha frá
Pennsylvaníu, en hann er þekktur
fyrir að vera einn mesti „haukur-
inn“ í þingliði demókrata. Sjálf-
ur barðist hann í Víetnam. „Við
getum ekki haldið áfram á sömu
braut. Það er greinilegt að áfram-
haldandi hernaðaraðgerðir í Írak
þjóna hvorki hagsmunum Banda-
ríkjanna, írösku þjóðarinnar né
Persaflóasvæðisins í heild,“ sagði
hann. Að hans mati myndi til-
kynning um brottför bandaríska
herliðsins ýta við Íraksstjórn að
sjá til þess að verða sjálf fær um
að hafa stjórn á öryggismálum í
landinu.
Á miðvikudag blandaði vara-
forsetinn Dick Cheney sér í
umræðuna með því að saka demó-
krata um að óheiðarleika með því
að halda því fram að ríkisstjórn-
in hafi vísvitandi misfarið með
leyniþjónustuupplýsinar til að búa
til réttlætingu fyrir innrásinni.
„Sum ábyrgðarlausustu ummælin
hafa (...) komið úr munni stjórn-
málamanna sem í reynd greiddu
atkvæði með heimild fyrir því að
hervaldi yrði beitt gegn Saddam
Hussein,“ sagði Cheney í ræðu hjá
Frontiers of Freedom Institute,
stjórnmálahugveitu í Washington
sem tengist Repúblikanaflokkn-
um.
George W. Bush forseti sagðist
sammála Cheney. „Það er óábyrgt
að segja að ég hafi vísvitandi villt
um fyrir bandarísku þjóðinni,“
tjáði hann blaðamönnum á fundi í
Suður-Kóreu.
Það eru þó ekki einvörðungu
þingmenn demókrata sem hafa
áhyggjur af framvindunni í Írak.
Öldungadeildin, þar sem rep-
úblikanar eru í meirihluta, hafn-
aði að vísu tillögu demókrata um
að forsetinn skyldi krafinn um
tímasetta áætlun um lok her-
námsins. Hins vegar var annað
frumvarp einróma (98 atkv. gegn
engu) samþykkt á þriðjudag þar
sem ríkisstjórnin er hvött til að
birta áætlun um „farsæl lok verk-
efnisins“. Í samþykkt þingsins er
stjórnin krafin um að gefa þing-
inu ársfjórðungslega skýrslu um
framvinduna í Írak og kveðið á
um takmarkanir á þeim aðferðum
sem heimilt skuli að beita fanga
Bandaríkjamanna. Bush hefur
hótað að beita neitunarvaldi gegn
frumvarpinu.
audunn@frettabladid.is
Þingmenn þrýsta á
Bush vegna Íraks
Demókratar á Bandaríkjaþingi þrýsta á um að hernámi Íraks verði hætt sem
fyrst. Öldungadeildin, sem repúblikanar ráða, vill sjá áætlun um „farsæl lok“
þess. Bush forseti segir gagnrýnina á Íraksstefnu stjórnar sinnar óábyrga.
JOHN MURTHA Einn þekktasti „haukurinn“ í þingliði demókrata á blaðamannafundi í
Washington í gær. Hann vill kalla herinn tafarlaust heim frá Írak.FRÉTTABLAÐIÐ/AP
FANGAFLUG Geir H. Haarde utan-
ríkisráðherra telur víst að flug-
vél sú sem lenti á Reykjavíkur-
flugvelli í fyrradag og bendluð
er við fangaflug á vegum banda-
rísku leyniþjónustunnar hafi
ekki flutt fanga. „Ég hef innt
sérstaklega eftir því og er að
kanna það hvort eitthvað grun-
samlegt hafi komið út úr þeirri
skoðun á vélinni.“
Geir sagðist ekki hafa fullvissu
um málið því ekki væri fullnægj-
andi svör að hafa enn frá banda-
rískum stjórnvöldum. Afstaða
íslenskra stjórnvalda væri skýr
og henni hefði verið komið á fram-
færi í Washington.
Össur Skarphéðinsson, þing-
maður Samfylkingarinnar, sagði
að fullvissu þyrfti ekki enda til-
gangslaust að spyrjast fyrir um
athæfi CIA. Hann skoraði á utan-
ríkisráðherra að banna misnotk-
un á Íslandi og íslenskri lofthelgi í
umræddum tilgangi.
Björn Bjarnason dómsmála-
ráðherra ætlar ekki að verða við
bréflegri ósk Helga Hjörvar, þing-
manns Samfylkingarinnar, um
að rannsaka ásakanir um fanga-
flutningana sem refsivert brot
að íslenskum lögum. Björn telur
ásakanirnar byggjast á orðrómi
og ekki sé lagagrundvöllur til að
hefja rannsókn nema fyrir liggi
vitneskja eða grunur.
- jh
Upplýsingar eru enn ófullnægjandi um meint fangaflug um Ísland:
Skortir vissu um fangaflug
FANGAFLUGVÉL Á REYKJAVÍKURFLUGVELLI
N196D Vél sem talið er að flutt hafi fanga
til pyntinga fyrir bandarísku leyniþjónust-
una lenti á Reykjavíkurflugvelli á þriðju-
dag. FRÉTTABLAÐIÐ/E. ÓL.
Móðir látins hermanns dæmd
Cindy Sheehan, móðir bandarísks her-
manns sem féll í Írak og er orðin fræg
vestra fyrir mótmæli sín gegn Íraksstríð-
inu, var í gær dæmd ásamt 26 öðrum
til greiðslu 75 dala sektar fyrir mótmæli.
Sheehan hafði efnt til mótmæla við
Hvíta húsið sem ekki hafði verið sótt
um leyfi fyrir. Lögmaður Sheehan sagði
dómnum verða áfrýjað.
BANDARÍKIN
FINNLAND Mjög einfalt er að kaupa
eiturlyf eða ólögleg lyf á netinu og
það gera hundruð Finna. Marg-
ir þeirra vita ekki einu sinni að
kaupin eru ólögleg og þeir taka
mikla heilsufarslega áhættu. Þetta
kemur fram á fréttavef Hufvud-
stadsbladet.
Ekki er endilega um hefðbundin
fíkniefni að ræða heldur frekar lyf
sem eiga að vera „náttúruleg“ og
hafa örvandi áhrif eða eiturlyf sem
gefa miklar ofskynjanir.
Oft eru eiturlyfin heimafram-
leiðsla frá Bandaríkjunum, Hol-
landi eða Bretlandi. Þau eru seld
hverjum sem er.
Rannsókn hefur sýnt að fimmt-
ungur vefsíðnanna sem selja lyfin
hefur jákvæða afstöðu til eitur-
lyfja. Tíunda hver vefsíða sem var
rannsökuð selur ólyfjan. Á tíundu
hverju síðu eru líka leiðbeining-
ar um hvernig eigi að rækta eða
framleiða eiturlyf. - ghs
Finnar kaupa lyf á netinu:
Áhættusöm
lyfjakaup
EITURLYF Í SKEIÐ Hundruð Finna kaupa lyf
og eiturlyf á vefsíðum.
BANDARÍKIN Bandarísk stjórnvöld
hafa verið í viðræðum við ráða-
menn í Póllandi og fleiri Evrópu-
löndum um möguleikann á því að
hýsa evrópska útstöð eldflauga-
varnakerfis Bandaríkjanna.
Í Bandaríkjunum hefur lengi
verið unnið að slíku kerfi sem
ætlað er að hindra að langdrægar
sprengiflaugar nái inn á banda-
rískt landsvæði, skyldi slík árás
verða gerð.
Á fréttavef breska útvarpsins
BBC er haft eftir ónafngreind-
um embættismanni í bandaríska
varnarmálaráðuneytinu að rætt
hafi verið við stjórnvöld í fleiri
Evrópulöndum um að koma upp
slíkri útstöð austanhafs. Henni
yrði ætlað að vernda einnig
Evrópu fyrir eldflaugaárás, svo
sem frá Mið-Austurlöndum eða
Norður-Afríku. - aa
Eldflaugavarnarkerfi BNA:
Viðræður um
útstöð í Evrópu
LANGDRÆG ELDFLAUG Tilraunaflaug skotið
frá herstöð á Hawaii. NORDICPHOTOS/AFP
Ekki refsað fyrir líkamsárás
27 ára maður var dæmdur í Héraðsdómi
Vestfjarða fyrir að sparka í andlit annars
í slagsmálum við Félagsheimilið á Suður-
eyri í lok apríl. Honum var ekki gerð
refsins en hann hafði sýnt mikla iðrun
og var ekki upphafsmaður átakanna.
HÉRAÐSDÓMUR