Fréttablaðið - 18.11.2005, Blaðsíða 46

8 ■■■ { Austurland } ■■■■■■■■■■■■■■■■■■■■■■■■■■■■■■■■■■■■■■■■■■■■■
„Ég held það sé afar mikilvægt fyr-
ir eldri borgara að hafa aðgang að
góðu tómstundastarfi. Þegar fólk
eldist og er kannski orðið eitt í hús-
inu eða í mesta lagi með maka sín-
um, þá skiptir það miklu að komast
út og hitta fólk,“ segir Brynjólfur
Bergsteinsson, formaður Félags
eldri borgara á Fljótsdalshéraði.
Í Miðvangi, húsi eldri borgara, hafa
eldri borgarar hist nú í tæpan ald-
arfjórðung og dansað, spilað, farið
í handavinnu og sinnt hinum ýmsu
áhugamálum. En aðstaðan er að
verða þröng fyrir sívaxandi hóp
eldri borgara á svæðinu, og hafa
þeir nýverið fengið aðstöðu í
Kompunni, listahúsi Fljótsdalshér-
aðs, þar sem þeir geta sinnt áhuga-
málum svo sem bókbandi og tré-
skurði, og sótt ýmiskonar listanám-
skeið sem eru í boði.
Jafnframt eru góðar vonir bundnar
við nýja byggingu eldri borgara sem
fyrirhugað er að byggja við Strikið,
nýja aðalgötu Egilsstaða. Þar verða
24 þjónustuíbúðir sem bætast við
þær 20 sem fyrir eru í Miðvangi.
Að auki er blandaður kór eldri
borgara starfandi á Egilsstöðum, og
stendur félagið fyrir reglubundnum
ferðalögum um land allt.
Sjálfur segist Brynjólfur ekki hafa
mikinn tíma aflögu til félagsstarfa.
Hann býr enn á bæ sínum fyrir utan
Egilsstaði, og sinnir formannsstarf-
inu af krafti. „Þetta bara tekur sinn
tíma,“ segir hann og brosir.
Minjasafn Austurlands, Héraðs-
skjalasafn Austfirðinga og Bóka-
safn Héraðsbúa er öll að finna í
Safnahúsinu á Egilsstöðum, og
kennir þar ýmissa grasa.
Minjasafn Austurlands sýnir muni
sem tengjast menningu, atvinnu-
háttum og daglegu lífi á Austur-
landi frá upphafi landnáms til okk-
ar daga. Á fastri sýningu má meðal
annars sjá aldagamla baðstofu frá
Brekku í Hróarstungu sem og Þór-
isárkumlið, eitt ríkasta kuml sem
fundist hefur á Íslandi. Sérsýningar
safnsins gera rannsóknum þess skil,
auk þess sem boðið er upp á þjóð-
háttardaga á fimmtudögum á sumr-
in, þar sem þjóðlegu handverki og
verkhefðum er gert hátt undir
höfði, og geta gestir spreytt sig á
ýsubeinaútskurði, eldsmíði, útsaum
og mörgu fleiru. Minjasafnið hefur
einnig umsjón með Kjarvals-
hvammi í Hjaltastaðaþinghá, þar
sem Kjarval bjó og málaði, og
Geirsstöðum í Hróarstungu, þar
sem getur að líta endurgerða kirkju
frá upphafi kristni á Íslandi.
Héraðsskjalasafn Austfirðinga
verður þrítugt á næsta ári. Safnið
varðveitir skjöl og bækur sveitarfé-
laga, stofnana og félaga sem tengj-
ast þeim. Á safninu eru lesvélar fyr-
ir örfilmur, en á filmum eru til
kirkjubækur úr Múla-, Skaftafells-
og Þingeyjarsýslum. Fleiri gögn
sem tengjast austfirskri sögu eru
einnig til á filmum, svo sem bréfa-
söfn margra þeirra sem setið hafa á
Alþingi fyrir Austurland. Auk þess
eru margar bækur til á safninu.
Bókasafn Héraðsbúa varð til við
samruna nokkurra lestrarfélaga á
Héraði í vetrarbyrjun árið 1956, og
hefur það verið til húsa á efstu hæð
Safnahússins síðan 1995. Safnið
hefur um 14.000 bækur til umráða,
en auk þess er á safninu ofurlítill
vísir að myndbandasafni og hljóð-
bókasafni. Safnið er tölvuvætt og
tengt landskerfi bókasafna, Gegni.
Gestir safnsins hafa aðgang að
tölvu sem mikið er notuð, ekki síst
af ferðamönnum.
Mikið og fjölbreytt
félagslíf eldri borgara
Eldri borgarar á Fljótsdalshéraði eru um 150 og þeim fer
fjölgandi. Félagsstarf þeirra er afar fjölbreytt.
Brynjólfur Bergsteinsson er formaður Félags eldri borgara á Fljótsdalshéraði, en félagið er
kraftmikið og býður upp á afar fjölbreytt félagslíf.
Safnahúsið á Egilsstöðum
er miðstöð menningar
Þrjú söfn eru samankomin undir einu þaki í Safnahúsinu á Egilsstöðum og þar
blómstrar menningarlíf Austlendinga.
Safnahúsið á Egilsstöðum er glæsilegt hús.
Skemmtilegar sýningar er að finna innan-
dyra í Safnahúsinu.
08-09 lesið 17.11.2005 15:31 Page 2