Fréttablaðið - 18.11.2005, Blaðsíða 24

18. nóvember 2005 FÖSTUDAGUR24
fólkið í landinu
Íslenskt JÁ TAKK
SMS LEIKUR
TONLIST.ISD3
SONY W800 + allar flessar geislaplötur
+3.mána›ar áskrift á Tónlist.is
A›alvinningur
1. Jónsi
2. Írafár
3. Nylon
4. Hei›a
5. Heitar Lummur
6. Jólaskraut
Sendu SMS skeyti› BTC STB
á númeri› 1900
Svara›u einni spurningu og flú gætir unni›.
Fullt af aukavinningum:
Jónsi
Írafár
Nylon-Gó›ir hlutir
Hei›a-Hluti af mér
Heitar Lummur
Jólaskraut
3.mána›ar áskrift á Tónlist.is
Tónfrelsi frá Tónlist.is
Mána›aráskrift á tónlist.is
Kippur af Coca Cola
Vinningar ver›a afhendir hjá BT Smáralind. Kópavogi. Me› flví a› taka flátt ertu kominn í SMS klúbb. 149 kr/skeyti›. A›alvinningur er dregin úr öllum innsendum SMS skeytum
9. hver vinnur.
STAÐURINN
TÖLUR OG STAÐREYNDIR
Íbúafjöldi 1. desember 2004: 173
Íbúafjöldi 1. desember 2000: 208
Íbúafjöldi 1. desember 1988: 288
Sveitarfélag: Skagafjörður
Sveitarstjóri: Ársæll Guðmundsson
Helstu atvinnufyrirtæki:
Vesturfarasetrið
Málmiðjan Stuðlaberg
Bifreiðaverkstæðið Pardus
Íslenska fánasaumastofan
Sjóskip ehf.
KB banki
Kaupfélag Skagfirðinga
Skólar: Grunnskólinn Hofsósi
Leikskólinn Barnaborg
Vegalengd frá Reykjavík:
345 kílómetrar ef farið er um
Hvalfjarðargöng
Hofsós
Bifreiðaverkstæðið Pardus er einn af föstum punktum tilverunnar á Hofs-
ósi. Þar ræður Páll Magnússon ríkjum eða Palli í Pardus eins og hann er
kallaður. Hann er fæddur og uppalinn á bænum Brekkukoti skammt frá
Hofsósi en byrjaði bílaviðgerðir í litlum bílskúr á Hofsósi 1974.
Nafnið komið frá Skóda Fyrir utan verkstæðishúsið og innandyra
sömuleiðis lúra bílar og traktorar á ýmsum stigum tilverunnar. Það er fátt
sem minnir á rándýrið fráa pardusinn.
Páll brosir breitt spurður um nafngiftina.
„Hún er þannig til komin að þegar ég var
að byrja voru bílar af gerðinni Skoda Pardus
nokkuð algengir hérna og þaðan er nafnið
komið.“ Hann skenkir bleksterkt kaffi og
skellir upp úr þegar spurt er hvort Skódaverk-
smiðjurnar hafi nokkuð gert athugasemdir
við nafnið.
Verkstæðið til sölu Verkstæðisrekstur á
Hofsósi er hálfgerður barningur núorðið að
sögn Páls. Þar valda mestu breyttir búskaparhættir, fækkun bújarða og
ekki síður breyttir tímar í bílaviðgerðum. „Þetta er allt orðið svo sérhæft og
tölvuvætt að það er varla hægt að gera við bíla lengur upp á gamla mát-
ann“, segir hann alvarlegur í bragði. Hann prófaði að auglýsa verkstæðið
til sölu í fyrra, svona til að kanna landslagið. „Það kom ekki eitt einasta
tilboð,“ segir hann skellihlæjandi. Þannig fór það.
Fiskur og ferðamenn En Páll er með fleiri járn í eld-
inum og á sumrin gerir hann út á fisk og ferðamenn;
á svolítinn kvóta og fer meðfram með ferðamenn út í
Málmey en hann er umsjónarmaður eyjarinnar. „Ætli
útgerðin sé ekki aðaltekjulindin,“ segir hann hugsi og
dreypir á kaffinu.
Stúlkur að striplast Eins og á flestum betri bílaverk-
stæðum eru veggir kaffistofunnar skreyttir dagatölum
sem skarta stúlkum að striplast innan um bíla og vara-
hluti. „Við fáum af og til einhverjar athugasemdir út
af þessu ... aðallega frá konunum,“ segir Páll og hlær
prakkaralega.
ATVINNUREKANDINN: PÁLL MAGNÚSSON Í PARDUS
Skódaverksmiðjurnar sögðu ekki orð
Skín við sólu Skagafjörður,
sagði skáldið. Þessu er að
vísu ekki alveg að heilsa
þegar Sigurður Þór Salvars-
son og Gunnar V. Andrés-
son aka niður Vatnsskarðið
í frosthægu veðri í byrjun
vikunnar og Skagafjörður-
inn blasir við.
Hann er hrímgrár yfir að líta,
dumbungur í lofti; úti á firðinum
þar sem grillir í Drangey og Þórð-
arhöfða gengur á með éljum. Við
hafsbrún lyftir þó örlítið undir
skýjahuluna og glittir í heið-
an himinn. Birtan er allt að því
draugaleg. Ferðinni er heitið á
Hofsós á Höfðaströnd.
Veitingahúsið Sigtún
Þorpið birtist á vinstri hönd út úr
móskunni; lætur lítið yfir sér þar
sem það kúrir á bökkum Hofsár
við ósinn sem bærinn dregur nafn
sitt af. Það dimmir yfir í þann
mund sem við beygjum niður
afleggjarann og himinn og jörð
renna saman í eitt um stund.
Við ökum norður Suðurbraut,
framhjá bílaverkstæðinu Pardusi
og málmiðjunni Stuðlabergi þar
sem framleiddir eru hljóðkútar
af ýmsum stærðum og gerðum;
iðnaður sem Fjólmundur heitinn
Karlsson setti á fót á sinni tíð.
Þarna eru líka KB banki og kaup-
félagið að ógleymdri íslensku
fánasaumastofunni. Og tvílyft
timburhús sem ber hið volduga
nafn Veitingahúsið Sigtún.
Saltkjöt og baunir
Innandyra er matarlykt og veit-
ingakonan Dagmar Þorvaldsdóttir
tekur á móti okkur. Hún býður upp
á saltkjöt og baunir.
Við langborð sem snýr út að
götunni sitja vörpulegir menn,
þeirra á meðal Valgeir Þorvalds-
son, forstöðumaður Vesturfaraset-
ursins sem er stóriðja Hofsóss nú
um stundir. Við spyrjum einsog
fávísir kaupstaðarbúar: Og hvað
segja bændur? Fáum þau svör að
þeir viti það ekki þar sem þeir hafi
ekki hitt neina það sem af er degi.
Það var og.
Hækkandi meðalaldur
Valgeir segir kankvís að menn
á Hofsósi uni sæmilega við sitt.
Vissulega fækkar fólki jafnt og þétt
og meðalaldurinn hækkar að sama
skapi. Unga fólkið vill mennta sig;
kemur ekki aftur, enda lítið við að
vera. Útgerðin hefur líka dregist
saman.
Góðu fréttirnar eru þær að heitt
vatn hefur fundist í nágrenni bæj-
arins og það gefur góðar vonir um
betri hag. „Þá fáum við sundlaug
og hitaveitu ... svo ekki sé minnst á
heita potta,“ segir hann kímileitur.
Náttúruaukandi heilsukaffi
Dagmar veitingakona býður okkur
heilsukaffi á eftir saltkjötinu og
baununum. „Þetta er sérstakt kaffi
sem ég flyt inn frá Malasíu,“ segir
hún ögn sposk á svip. „Ginsengkaffi
sem sagt er vera sérlega heilsubæt-
andi og auk þess náttúruaukandi,“
bætir hún við og brosir leyndar-
dómsfullu brosi. Við látum slíkar
trakteringar ekki framhjá okkur
fara.
Í anddyri Sigtúns rekur Dagmar
litla vídeóleigu. Eflaust minnstu
vídeóleigu landsins, tuttugu spól-
ur eða svo. Og það er lítið að gera.
„Þetta er mest fullorðið fólk sem
býr hér, og það horfir bara á sitt
sjónvarp,“ segir hún.
Ýmislegt í pípunum
Við göngum út með Valgeiri. Það
marrar notalega í snjónum og
hópur grátittlinga þýtur hjá. Börn
á leikskólanum Barnaborg handan
götunnar fylgist með ferðum komu-
manna. Af kambinum ofan við
höfnina blasa hús Vesturfaraset-
ursins við; gömul hús að sjá en vel-
flest byggð á undanförnum árum í
stíl við gamla pakkhúsið frá dögum
einokunarverslunar Dana.
Komum ferðamanna í safnið
fækkaði eilítið í sumar frá fyrri
árum. „Tíðin var ekki nógu góð og
þá fækkar Íslendingunum,“ segir
Valgeir og strýkur skeggið hugsi.
En hann er fjarri því svartsýnn
á framhaldið. „Það er ýmislegt í
pípunum,“ segir hann íbygginn og
gerir sig kláran fyrir myndatöku. ■
Náttúruaukandi ginsengkaffi
HOFSÓS Það var óneitanlega jólaleg stemmning á Hofsósi þegar Fréttablaðsmenn voru þar
á ferð í byrjun vikunnar.
LEIKSKÓLINN BARNABORG Börnin horfðu
forvitnilegum augum á komumenn.
VALGEIR ÞORVALDSSON Hefur lyft grettistaki í uppbyggingu Vesturfarasetursins á Hofsósi,
sem sést í baksýn.
DAGMAR ÞORVALDSDÓTTIR Kaffið góða frá
Malasíu sem sagt er að hressi bæti og kæti
á alla lund.