Fréttablaðið - 17.02.2006, Blaðsíða 16
17. febrúar 2006 FÖSTUDAGUR16
nær og fjær
„ORÐRÉTT“
„Hér er nýbúið að halda frábært þorrablót, þar sem var metmæting,“
segir Guðný Hrund Karlsdóttir, sveitarstjóri á Raufarhöfn, sem lætur vel
af mannlífinu þar. Hún segir þorrablótsnefnd starfa í þegnskylduvinnu
hverju sinni. Kosið sé í slíka nefnd á hverju ári og síðan sé það hennar að
sjá gestunum fyrir skemmtiatriðum.
„Fólk þarf að semja tveggja tíma skemmtidagskrá, að
minnsta kosti, þar sem gert er grín að bæjarbúum á góðlát-
legan hátt. Það tókst afar vel núna,“ segir Guðný Hrund.
Hvað aðra þætti bæjarlífsins varðar segir hún að starf
íþróttafélagsins Austra sé mjög öflugt um þessar mundir.
Þá sé íþróttahúsið opið þeim sem vilja á opnunartíma
sundlaugarinnar á Raufarhöfn. Börn og unglingar not-
færi sér þá aðstöðu mjög mikið og séu nánast daglega
að leik í húsinu. Nýlega hafi verið haldið dansnámskeið
í grunnskólanum og félagsmiðstöðin á staðnum hafi
verið opnuð aftur eftir nokkurt hlé. Guðný Hrund segir að
miðstöðin sé opin fyrir alla aldursflokka, en hún hafi fengið
andlitslyftingu í kringum jólahátíðina.
Spurð um breytingar á bankamálum staðarins
segir Guðný Hrund að Sparisjóður Þórshafnar sé að taka við útibúinu á
Raufarhöfn af Landsbankanum.
„Það verður sama starfsfólk og áður og ég hef ekki væntingar um
annað en að þjónustan verði að minnska kosti sambærileg við það sem
var, og vonandi eitthvað betri,“ segir sveitarstjórinn. „Landsbankinn hafði
skorið hana nokkuð niður fyrir nokkrum árum en við vonum að því
dæmi verði snúið við.“
Guðný Hrund segir annars alla þjónustu á Raufarhöfn mjög
góða. Þar sé allt til alls. Það eigi við um verslunarþjónustu,
heilsugæslu og frábær íþróttamannvirki. Ef eitthvað vanti þá sé
það einfaldlega pantað og komi á pósthúsið.
„Það er gott mannlíf á Raufarhöfn og hér er gott að vera.
Mannfjöldi hér er enda nokkuð stöðugur, miðað við frjálsa
fallið undanfarin ár. Vitaskuld munar um hvern og einn. Mesta
áfallið var auðvitað 2003 þegar Jökull sagði upp sínu fólki. Síðan
fækkar kannski um einn eða tvo á ári. En mér heyrist vera vilji
hjá unga fólkinu hérna að koma hingað aftur að lokinni
skólagöngu ef það fær eitthvað við sitt hæfi. En það er
auðvitað okkar að skapa það.“
HVAÐ ER AÐ FRÉTTA? GUÐNÝ HRUND KARLSDÓTTIR SVEITARSTJÓRI Á RAUFARHÖFN:
Metaðsókn á frábært þorrablót
TUNGA ÚR SANDI Mikill viðbúnaður er á Copacabana-ströndinni í Ríó de Janeiro í Brasilíu
en rokkhljómsveitin Rolling Stones heldur þar hljómleika á morgun. Búist er við að
um tvær milljónir manna muni fylgjast með hljómleikunum en aðgangur er ókeypis.
Heimamenn hafa gert ýmislegt síðustu daga til að minna á hljómleikana og hljómsveitina
og hinn 33 ára gamli Ísak gerði til dæmis þennan sandskúlptúr. Sjá má hið fræga tákn
sveitarinnar, varir og tungu forsöngvarans Micks Jaggers. Skammt er stórra högga á milli í
Ríó de Janeiro því eftir viku hefst kjötkveðjuhátíðin mikla. FRÉTTABLAÐIÐ/AP
Hvað er eiginlega í
kvöldmat hjá þér?
„Bara ein ferð í Bónus, þar
sem ég kaupi það sem ég
þarf á strákinn og kvöld-
mat fyrir mig, kostar tíu til
fimmtán þúsund.“
GUÐRÚN ÁRNÝ KARLSDÓTTIR
SÖNGKONA UM KAUPHEGÐAN
SÍNA. FRÉTTABLAÐIÐ.
Sannir frumkvöðlar
„Við felldum marga múra,
ég get kvittað undir það að
dagskrárgerð í sjónvarpi
væri ekki eins og hún er í
dag ef við hefðum ekki þurft
að fara í gegnum eld og
brennistein með okkar þátt.“
SIGURÐUR HLÖÐVERSSON SEM
STÝRÐI MEÐ HAUSVERK UM HELG-
AR ÁSAMT VALGEIRI MAGNÚSSYNI.
MORGUNBLAÐIÐ.
Verðlaun Blaðamannafé-
lags Íslands verða veitt á
Pressuballi á Hótel Borg
annað kvöld.
Verðlaunin eru nú afhent í þriðja
sinn og sem fyrr eru þau veitt
í þremur flokkum: Fyrir bestu
umfjöllun ársins 2005, Rannsókn-
arblaðamennsku ársins 2005 og
Blaðamannaverðlaun Íslands
2005.
Verðlaunin verða veitt á
Pressuballi, sem er eins konar
uppskeruhátíð Blaðamannafé-
lagsins. Pressuböll þóttu á árum
áður fínustu böllin í bænum og
mættu gestir í sínu fínasta pússi.
Útlend fyrirmenni voru oftar en
ekki heiðursgestir en ef ekki voru
það íslenskir ráðherrar og skáld.
Nú er öldin önnur, engin eru fyr-
irmennin og gestir klæðast í takt
við tískuna. Það breytir því ekki
að matseðillinn er hinn álitlegasti,
fiskisúpa í forrétt, lambaframfille
í aðalrétt og tiramisu og ferskir
ávextir í eftirrétt. Ræðumaður
verður Jón Kaldal, aðstoðarrit-
stjóri Fréttablaðsins.
Á morgun hefst líka árleg
ljósmyndasýning Blaðaljósmynd-
arafélags Íslands í Gerðarsafni
í Kópavogi og verða bestu ljós-
myndir ársins 2005 verðlaunaðar.
Þá verður sérstök sýning á mynd-
um Gunnars V. Andréssonar, ljós-
myndara á Fréttablaðinu, en hann
á fjörutíu ár að baki í faginu.
Blaðamennirnir sem nefndir
eru til verðlauna í þetta sinnið
koma úr ýmsum áttum og vinna
við ólíka miðla. Blaðamenn
Morgunblaðsins eru tilefndir til
þrennra verðlauna, blaðamenn
Fréttablaðsins til tvennra og eina
tilnefningu fá blaðamenn á NFS,
Ríkisútvarpinu og Ríkisjónvarp-
inu. Þá er tilnefnt vegna bókar-
skrifa í fyrsta sinn.
Verðlaunahafar fá eitthundrað
þúsund króna peningaverðlaun.
bjorn@frettabladid.is
Blaðamannaverðlaunin
2005 afhent á morgun
VERÐLAUNAHAFAR 2004 Reynir Traustason, Brynhildur Ólafsdóttir
og Sunna og Sindri, börn Agnesar Bragadóttur. FRÉTTABLAÐIÐ/RÓBERT
VERÐLAUNAHAFAR 2005 Kristinn Hrafnsson, Bergljót Baldursdóttir,
Ragnar Axelsson og Árni Þórarinsson. FRÉTTABLAÐIÐ/STEFÁN
TILNEFNINGAR TIL VERÐLAUNANANNA
AUÐUNN
ARNÓRSSON
JÓHANN
HAUKSSON
SVANBORG
SIGMARSDÓTTIR
SIGMAR
GUÐMUNDSSON
SUNNA ÓSK
LOGADÓTTIR
DAVÍÐ LOGI
SIGURÐSSON
GERÐUR
KRISTNÝ
JÓN
BJÖRGVINSSON
BESTA UMFJÖLLUN ÁRSINS 2005
Auðunn Arnórsson, Jóhann Hauksson og Svanborg
Sigmarsdóttir, Fréttablaðinu, fyrir upplýsandi og vandaða
umfjöllun um ýmsar hliðar stjórnarskrármálsins undir
heitinu „Stjórnarskrá Íslands endurskoðuð“.
Sunna Ósk Logadóttir, Morgunblaðinu,
fyrir ítarlega og greinargóða umfjöllun
um rekstur og starfsemi Landspítala
– háskólasjúkrahúss í kjölfar samein-
ingar.
BLAÐAMANNAVERÐLAUN ÍSLANDS 2005
Sigmar Guðmundsson, Kastljósinu,
RÚV, fyrir að fylgja eftir á vandaðan hátt
uppljóstrunum um kynferðislegt ofbeldi
sem fram komu í bók um Thelmu
Ásdísardóttur.
Davíð Logi Sigurðs-
son, Morgunblaðinu,
fyrir vönduð skrif um
Afganistan, alþjóða-
samstarf og stöðu
Íslands í samfélagi
þjóðanna.
Gerður Kristný Guðjóns-
dóttir fyrir óhefðbundna
blaðamennsku og
ítarlegar rannsóknir við
skrif á sögu Thelmu
Ásdísardóttur „Myndin
af pabba“.
Jón Björgvins-
son, fréttaritari
Útvarpsins, fyrir
lifandi fréttaflutn-
ing af vettvangi
heimsviðburða á
hamfarasvæðum
vítt og breitt um
heiminn.
550 5000
AUGLÝSINGASÍMI
ANNA G.
ÓLAFSDÓTTIR
RANNSÓKNARBLAÐAMENNSKA ÁRSINS 2005
JÓHANNES KR.
KRISTJÁNSSON
SIGRÍÐUR DÖGG
AUÐUNSDÓTTIR
Jóhannes Kr. Kristjánsson, NFS, fyrir
afhjúpandi umfjöllun í fréttaþætt-
inum Kompási um sívaxandi hlut
„læknadóps“ á fíkniefnamarkaði.
Sigríður Dögg Auðunsdóttir, Frétta-
blaðinu, fyrir úttekt á einkavæðingu
ríkisbankanna og umtöluð fréttaskrif
um aðkomu áhrifamanna í aðdrag-
anda málaferla gegn forsvarsmönn-
um Baugs.
Anna G. Ólafsdóttir, Morgunblað-
inu, fyrir upplýsandi greinaflokk um
fátækt og bresti í íslensku velferðar-
samfélagi.