Fréttablaðið - 17.02.2006, Blaðsíða 42

8
Þegar kemur að jeppabreytingum
eru Íslendingar í algjörum sér-
flokki. Vinsældir hálendisferða
gera það að verkum að reynsla
og þekking á því hvað virkar er
mjög mikil. Segja má að íslensk-
ar jeppabreytingar séu sérsniðnar
að íslenskum aðstæðum. Í Banda-
ríkjunum til dæmis eru breyt-
ingar töluvert frábrugðnar enda
sjaldgæft að breyttir bílar þar séu
notaðir til snjóaksturs.
Breyting er samt ekki það sama
og breyting. Tegund breytingar fer
til dæmis eftir því hvort nota eigi
bílinn fyrst og fremst á malbiki
eða á fjöllum. Við fengum Reyni
Jónsson hjá Fjallasporti til að sýna
okkur breyttan bíl og fara yfir það
sem búið er að gera til að bíllinn
geti talist „fullbreyttur“.
Fyrir valinu varð Toyota
LandCruiser 120 á 38“ dekkjum.
„Það leikur enginn vafi á því að
LandCruiser 120 er vinsælasti
jeppinn á Íslandi í dag,“ segir
Reynir. „LandCruiser hefur líka í
áranna rás verið gríðarlega vinsæll
til breytinga og hálendisferða og
því oftar en ekki verið settur á 38“
dekk til slíkrar notkunar.
Frá 1996, þegar LandCruiser
90 kom fyrst á markað, og þar til
seint á síðasta ári hefur bíllinn,
sem í dag heitir Landcruiser 120,
verið hækkaður á yfirbyggingu til
að hægt sé að koma 38“ dekkjum
undir bílinn. Þetta hefur þýtt það
að grind bílsins hækkar ekkert og
því hefur snjór átt auðveldara með
að safnast undir bílinn og valdið
vandræðum í þungu færi.“
Vegna þessa hafa þau hjá Fjalla-
sporti hannað nýja 38“ breytingu
á bílinn sem felst í því að hækka
undirvagn jeppans um 10 cm í stað
þess að lyfta honum á yfirbygg-
ingu. Að framan eru allir klafar og
stýrismaskina síkkuð. Spindilarmar
eru síkkaðir og styrktir. Að aftan er
hásing færð aftar um 10 cm en um
leið færð neðar um 10 cm.
„Þessi útfærsla leiðir til þess
að LandCruiserinn heldur sínum
frábæru akstureiginleikum. Um
leið hækkar neðsti punktur grind-
ar um 10 cm, sem gerir jeppann
mun skemmtilegri og drifbetri
í snjó og við erfiðar aðstæður,
til dæmis fram af árbökkum og
í djúpum skörum,“ segir Reynir.
„Að öðru leyti eru breytingar á
þessum LandCruiser nokkuð hefð-
bundnar: Drif eru lækkuð niður í
4,88:1, klippt er úr brettum og á
þau settir brettakantar. Í framdrif-
ið er sett ný driflæsing frá ARB en
hún hefur ekki verið til í þennan
bíl áður.“
Í bílnum er loftdæla frá Quick
Air 3. Hún dælir 103 lítrum á mín-
útu og er um 2 mínútur að fylla
38“ dekk. 70 lítra aukaeldsneyt-
istankur var settur í bílinn ásamt
nýju tvöföldu pústkerfi sem setur
skemmtilegan svip á afturenda
hans. Spilbitar ásamt tjakkfesting-
um eru að framan og að aftan, Að
aftan hefur verið útbúið geymslu-
hólf úr varadekkshlífinni. Að fram-
an er komin grillgrind ásamt köst-
urum. Húdd- og ljósahlífar verja
bílinn fyrir grjótkasti. Í bílnum
sem hér er sýndur voru einnig sett
ljós í stuðarann, en þau eru ekki
staðalbúnaður í LX-útfærslunni.
„Nýju 38“ ATZ-dekkin frá Mick-
ey Thompson á 15x12,5 Prime álf-
elgum tryggja svo að jeppinn kom-
ist áfram í snjónum. Þessi dekk eru
ótrúlega hringlótt og hljóðlítil,“
segir Reynir að lokum.
Nú þegar hefur Fjallasport
breytt þremur LandCruiserum 120
með þessari nýju aðferð, sem þykir
hafa komið einstaklega vel út.
Ekki bara stór dekk
Fyrir leikmanninn kann svo að virðast að jeppabreyting
felist í því einu að setja stærri dekk undir bílinn. Það er
þó ekki alveg svo einfalt.
LandCruiser 120 á 38“ dekkjum. Þó að dekkin séu það fyrsta sem gefur til kynna að bíllinn sé breyttur býr margt fleira að baki.
Brettakantarnir falla að útliti bílsins. Afturhásingin er færð aftur og niður um 10 cm, vara-
dekkshlífinni hefur verið breytt í geymsluhólf og drifbúnaðurinn hefur undirgengist miklar
breytingar. Þetta er aðeins brot af vinnunni við að breyta bíl fyrir fjallaferðir.
Óneitanlega vígalegur. Kastaragrindin gefur bílnum sterkan svip.
■■■■ { á fjöllum } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■